قصة طفل الكشافة كاملة
في الريف الهادي. في اسطورة طفل الكشافة موجوده من عشرين سنه . ملخص عن المكان اللي هنتكلم عليه .
في واحده من الروايات هي أن مجموعة من الكشافة كانو فى رحلة تخييم اتقتلو علي ايد سواق في المنطقة المعزوله دي . رواية تانيه عن القصة هي أن مجموعه الكشافة اختفت في ظروف غامضة على الطريق ده ومحدش شافهم مره تانية . القصة الثالثة هي أن مجموعة الكشافة كانت بتخيم هنا ومججموعة منهم كان معاهم مصباح من النار ووقع منهم وحرق بقيت المجموعة . وبالرغم من كده ، مفيش دليل على وجود أشخاص تايهين أو قتل جماعي أو حريق حصل . الطريق اتسمي علي اسم الكشافة لانهم كانو ناوريين يبنو معسكر في المنطقة دي ، لكن للاسف محصلش .
دلوقتي بعد ما عرفتو قصة المكان ، هبدأ احكي ليكم تجربتنا. كانت ليلة دافية في يوليو 2005. كانت صديقتي إيرين بتزور صديقتنا ميشيل وأنا في ستيفنز بوينت. كت أنا وميشيل في مخيم الكشافة (غريبة ، مش كده ؟) في الصيف كان المفروض إيرين ترجعني البيت بعربيتها في مينيسوتا لما نخلص اجازة اخر الأسبوع . حسينا بالملل ، عشان كده افترحت ميشيل اننا نروح علي طريف طفل الكشافة لين ونعمل زي تقرير او تحقيق عن المكان . روحنا لمكتب واخدنا كتاب بيتكلم عنه المكان و عرفنا معلومات عن الطريق . والموضوع شدنا ، بسرعة كنا رايحين لهناك ، و كنت قاعد في الكرسي اللي ورا و الكاميرا كانت فى ايدي وبدأت اصور .
اول لما كنا علي الطريق ، حسينا باحساس غريب . زي ما انتو عارفين ، شعور ان فى حد بيراقبك. وعشان احنا كنا شباب ، ابتدينا نقول نكت عشان نتخلص من الاحساس ده . خلصنا ورجعنا علي البيت ، ومحصلش حاجه. لما روحنا علي البيت اللي شفناه كان غريب .
قامت ميشيل بتوصيل كاميرا الفيديو علي التلفزيون وابتدت تشغل اللي سجلناه. في البداية ، مكنش في اي حاجه غريبه . لحد لما كحيت (شكلي اخدت برد ) بعد اللقطة دي ، سمعنا صوت همس بس تقيل . مكنتش أنا. بصيت أنا وميشيل وإيرين لبعصنا و رجعنا نكمل فرجه . وشفنا زي كوره او بقعه منور علي الشاشة ، وبرضو مكنتش انا .
لما رجعنا علي الطريق الأساسي وخرجنا من طريق طفل الكشافة ، كنت موجه الكاميرات لزجاج الشباك للعربية وكنت قافلة (طبيعي لاننا فى مكان بيقال انه مسكون ، وكنت خايف اني افتح الزجاج) وكنت موجه الكاميرا ناحيه الحقل اللي كان مفروض يتحول لمعسكر الكشافة . كان فى الكاميرا أشعة تحت الحمراء في حال تحرك اي شي تقدر تلاحظه وتسجله. بس مكنش في اي حاجه في الحقل ، بس شفنا حاجه غريبه جدا شوفنا وش واحد لازق في شباك الزجاج . واكيد ده مكنش وشي لانه كان من برا مش جوا . ومكنش في نور كافي عشان نعرف نحدد ملامح الوش اللي ظهر . لما شفنا الوش ده احنا التلاته ، صرخنا وكانت ام ميشيل بتصرخ هي كمان عشان صوتنا العالي . جرينا علي اوضتها وحكينا ليها الي حصل . بصت لينا بقرف ، ورفضت انها تشوف اي لقطة من التسجيل اللي كنا بنتفرج عليه .
معلومة صغيرة تانيه شفناها : في مراية الرؤية الخلفية كان في مصباحين ثابتي في دايما ورانا . المنطقة الليي فيها طفل الكشافة لين بعيدة عن حدود المدينة ومكنش في اي عربية ماشية ورانا . فضلت ورانا الأضواء دي لحتي خرجنا علي الطريق الرئيسي . مرحناش تاني هناك من الوقت ده ، فرجنا الشريط لناس عدت من الطريق ده قبل كده وقالو شوفنا نفس اللي شفناه . مش عارف هل طفل الكشافة بيطارد اي حد بيعدي من الطريق ده ؟؟ ، او في حاجه غريبة . ا
نا عايش في ستيفنز بوينت دلوقتي المدينة دي ليها تاريخ من الحوادث الغامضة. كل شي ممكن ووارد الحدوث وبيخليني أؤمن بالخوارق دايما .
ملحوظة تانية صورة المنشور صورة الطريق اللي في القصة .
