قصة مرعبة قصيرة بقلم الماورائي

قصة مرعبة قصيرة كاملة

ممكن تكون دي من اشهر الحكايات اللي سمعناها و ممكن تكون تراث. 

ام كانت بتخاف علي ابنها جدا خوف مبالغ فيه، من اي مشوار واي حاجه وكان ابنها الوحيد، ووالده متوفي. 

مثلا عايز اروح مشوار لا، بالعافية كانت بتوديه الكليه يحضر المحاضرات بتاعته، هو كان طبيب. 

اللي حصل كان فى رحله خاصه بالكلية زي منحه مجموعه طلبه وهو من ضمنهم، امه رفضت تماما قالتله مش هتركب طياره ابدا، لدرجه ان فى يوم الرحله قفلت عليه من برا، فضل مكتئب تحطله الاكل ميرضاش يفتح الباب، وقلها انا مش هقعدلك فى البيت انا هسيب البيت وامشي، لحد ما واحد من زمايله اتصل قالها انا عايز اكلم محمد، قالت مش عايز يفتح ولا يكلم حد، تعالي اقعد معاه يا ابني قالها قوليله الطيارة وقعت بزمايله كلهم وماتو. 

الام فرحت اوي مش انهم ماتو لا لانها انقذت ابنها ساعتها حست بنوع من الانتصار شوية، ان خوفها عليه في محله فتح الباب بالمفتاح اللي معاها لقيته مات، والموت هيدخل حتي لو الاوضه مقفول بالمفتاح. 

فضلت تبكي ليل ونهار علي التربه بتاعه، اللي حصل الناس كانو بيروحلها فضلت تصرخ و تطلم لحد، ما في يوم لقوها مغمي عليها فى التربه، ولبسها عليه تراب ومتقطع و عليه ماده غريبه. 

خدوها وراحو بيها المستشفي كانت بتهلوس محدش عارف دي حقيقية ولا لا، قالت فتحلي وخدني فى حضنه وقالها انتي كده بتأذيني ارجوكي روحي، ده اللي حكته بعد كده حصل ايه الام دي ماتت مقعدتش. 

          تابعو قصة الدمية من هنا