قصة رعب كاملة
وانا بجهز شقت الجواز كنت بشوف واحده شكلها وحش اوي فى الحلم لابسه حاجه سودا وفوقيها حاجه من الخيش وشعرها منكوش وبتبص ليا نظرات كلها غضب و كنت بشوفها تحديدا كل اما اروح اظبط حاجه فى الشقة.
انا مبركزش مع الحجات دي انا بمجرد ما اصحي من النوم هو مجرد حلم خلاص تخريف يعني.
لحد ما خطيبتي اتصلت بيا وقالتلي انا عايزه احكيلك حاجه ومتضحكش عليا قالتلي من ساعت لما بدأنا نظبط فى الشقة بشوف ست لابسه حاجه سودا ولابسه فوقيها خيش و بتيجي عندي البيت وبتقولي ابعدي عنه.
قلتلها اوصفهالي بالظبط نفس الأوصاف قالتلهالي الموضوع تطور بعد كده انه بقي فى ضرب مش ضرب ليا عشان مبقاش بكدب.
اتطور بعد كتب الكتاب تحديد اللي حصل ان حماتي كلمتني قالتلي جوازكم فى حاجه مش مظبوطه من يوم كتب الكتاب وبنتي بتصحي مضروبه الموضوع انتهي ان قعدنا مع الشيخ قال الموضوع سهل جدا ان يا ابني عليك جنيه عاشقة وهي مانعه تماما حد يقرب منك واللي بيحصل دي حاجه زي درتها.
انت متخيل انها تفوت الموضوع سهل تخيل ان واحد متجوز ومراته عرفت انه اتجوز عليها دي لو بني ادمه فما بالك انها مش بني ادمه.
الموضوع خلص بجلسات علاج كتير مع الشيخ جلسات كتيره بجد الجلسات كانت متعبه مش ليها المشكله عندي انا، انا فاكر كويس الجلسه الأخيره.
انا حسيت ببرد و فاكر كتفي الشمال بدراعي الشمال اتشل و دراعي بدأ يترعش كتير جدا وبقول للشيخ دراعي وجعني جدا وهما مكمل مكمل وبدأ يصرخ ويقولها اخرجي اخرجي وسبيه لما فوقت امي قالت ان كان فى صوت ست بيطلع منك وكانت بتقول سبوني طيب وانا مش هعمله حاجه سبوني ومش هأذيه وهعيش معاه وهعيش معاها يمكن دي المره الاولي فى حياتي اصدق فى الجن العاشق.
