قصة عن الجن بقلم الماورائي
طول عمري بقرأ عن الجن واشتريت كتب من علي الأرصفة كتير عن الجن والتحضير والسحر.
عندي احساس ان الجن بيخاف مننا زي ما بنخاف منه حاسس كده، ان احنا مدينه هاله اكتر من حجمه بس هو في الحقيقة بيخاف.
انا عايش في قرية ريفية من قري مصر حياة بسيطه جدا، وشباك اوضتي بيطل علي جسر خشب قديم، كنت ساعتا برجع متأخر بحكم الدروس و كنت بعدي علي الجسر ده، قريب من الجسر كان في حاجه زي العشة جنب الجسر كانت عشه لواحد اسمه فلان المخاوي.
كان بيقولو عليه كده العشه و الكوخ ده، شفت مره وانا معدي نور، لا نار اكنها مولعه جوا وسمعت صرخات عيال صغيره جوا، جريت علي والدي اقوله، قالي مش عيب وكبرنا علي اننا نخاف من الضلمة.
مره تانيه كنت معدي لقيته جنب العشه بتاعته وكان معاه عيدان ناشفة، وبيربطها بخيط كان لافت نظري ومهتم بيه اوي قربت منه، وقلتله السلام عليكم بصلي وقالي عايز حاجه، قلت انا عايز اعمل عمل لواحد معايا فى المدرسه بكرهه، مش انت بتعرف في الحجات دي وهجيبلك الفلوس اللي انت عايزها.
قالي هات قطره منديل او فانله او اي حاجه بيلبسها، طبعا انا لا كنت عايز اعمل عمل ولا حاجه تاني يوم اخد منديل بتاع واحد صاحبي من غير ما يعرف وروحت واديتهوله.
قالي تعالي معايا مشيت معاه لغايه الترب، التربه عندنا متقسمه لطرق وشوارع بالمناسبه، ووصلنا عند تربه مفتوحه ولقيته بيطلع من كيس اسود قطة سودا ميته وبعدين طلع المنديل وربطه تلت عقد، وبعد كده ربطه علي القطه وبصلي وهو مبتسم كده هو اتعمله تلت اعمال، لو عرف يفك يواحده مش هيعرف يفك التانيه، ولو فك التانيه انسي انه يعرف يفك التالته.
قال خد القطة وادفنها جوا، قلت انا لا مش هدفن قلتله ادفن انت، قالي لو مدخلتش ودفنتها انت العمل هيترد ليك، قلت انا مش عايز ادخل جوا، ممكن انت تدخل قالي قولتلك ادخل، دخلت التربه حفرت طول ما انا بعرف سامع صوت ناس بتتنفس حواليا، وناس بتهمس دفنتها وطلعت اجري.
تاني يوم صاحبي اللي عملتله العمل مجاش وفضل اسبوع غايب، وكل ما اتصل عليه ما بيردش خدت بعضي وروحت ازوره، والده قالي عيان حاولت استدرجه في الكلام قالي حصله حجات غريبه، احنا فضلنا تلت ايام نطلعه نايم من الحمام وندخله اوضته، اول مره والدته لقته نايم فى الحمام، تاني مره انا اللي لقيته، تالت مره انا نمت جنبه فى السرير صحيت لقيته مش جنبي، و لقيته فى الحمام جبناله يا ابني شيوخ لكن معرفوش يعملو حاجه.
مشيت وانا مصدوم انا السبب انا اللي عملت فيه المصيبه السودا دي، رجعت للمخاوي قلتله خلاص هو اتأدب فك بقي الحجات، قال افك ايه قلت خلاص انا مش دفعتلك فلوس في الاول، هدفعلك تاني قال مبيتفكش قلت مفيش حاجه اسمها مبيتفكش، لازم في حل قال عندك القبر روح طلعه، بس خليك عارف العمل هيتنقلك.
مشيت وبعد كام يوم مات مش صاحبي، المخاوي مات معرفش مات ازاي ولا ايه اللي حصله و مات فى العشه بتاعته، وبمجرد ما مات صاحبي بدأ يتحسن، انت عارفين ان الجثه بتاعته محدش رضي يدفنها فى البلد، ولا التربه بتاعتنا.
لحد ما وصلت الشرطه لكن اهل البلد وقفو ليهم في الترب، ومنعو الشرطه انهم يدفنو اخدو الجثه ومنعرفش حصل ايه، انا محكتش لصاحبي لحد دلوقتي اللي انا عملته فيه، الحمد لله انو مات .
بدل ماتدور وتبحث علي الروايات خليها علي تليفونك وحمل تطبيقنا
