قصة رعب حقيقية قصيرة
انا كنت بلعب مع اصحابي واحنا صغيرين استغماية لما النور يقطع كنت مستخبي فى بيت مهجور وسمعت اصوات غريبة كنت مصبر نفسي اني سامع اصوات الناس كلها بس اتفجأت بعد كده ان مفيش حد بيعمل الصوت ده و سمعت بعدها صوت صريخ وحكيت للي كانو معايا قالو محدش فينا سمع حاجه.
_____________________________________________
الكتب اللي انتو بتحذرو منهم قعدت اقري مفهمتش حاجه لكن كان فى حاجه بتقول ارسم حاجه من الحجات دي او من الطلاسم الموجوده علي ايدك فضلت ارسم فيها مفيش خمس دقايق دخلت المطبخ اتحرقت فى نفس المكان اللي فيه التعويذه.
_____________________________________________
حلمت بعمتي الله يرحمها قرصتني جامد جدا صحيت لقيت ايدي وجعاني جامد اكن فعلا في حد قرصني وقتها.
_____________________________________________
اكتر من مره احلم اني ببكي واصحي الاقي نفسي ببكي فعلا و المخده غرقانه بكى.
_____________________________________________
كنت داخل انام حسيت بطبله ودني زي ميكون في حاجه بتخبط فيها ومره واحده جالي صرع لمده نص دقيقة قمت جريت علي ماما وحكيتلها ماما راحت نامت مكان حصلها نفس الكلام راحت الصبح مشغله قرأن و حط مصحف وشغلت سورة البقرة ومحلش حاجه تاني و بعد سنه اتكر الموضوع ده تلت مرات.
_____________________________________________
عملت فيها الشجاع وكان قدامنا بيت مهجور وبنسمع عنه حكايات ومحدش بيسال عليه ولا ليه اصحاب وبقاله سنين انا عندي 23 سنه اللي حصل في يوم بعد صلاة العشا وانا معدي قولت والله هدخل نطيت فوق سور البيت وعينك ما تشوف الا النور فعلا انا متاكد ان فى ناس حوليا فى كل مكان انا مشفتش حاجه لكن كان في همس واصوات حوليا في كل مكان.
_____________________________________________
في مره دخلت الانترنت وبحثت فى اصول الجن وكيفية التحضير وانا بعمل كده مكنتش عارفة المصيبة اللي انا بعملها وان كده شبه حضرت حاجه اسمه الجن التحضير واتسببت فى اذيت اختي الكبيره.
_____________________________________________
في مره كنت فى الصعيد وشفت سيخ كان بيتحرك من اسياخ الخرسانه و البيت ده جدتي قالت ان هو اتقتل فيه اتنين بسبب الثأر.
_____________________________________________
كان فى واحد بيبص عليا من البلكونة وانا عارفه ان مفيش حد قدامنا والشقة فاضية وصاحبها مسافرين لما رجعو البيت قلتله انتو في حد بيجي يظبط الشقة قالو لا مفيش حد بيجي البيت واحنا مسافرين.
_____________________________________________
كنت نايم فى يوم ومش عارف اتنفس وقلت خلاص انا كده بموت وبدأت اقول الشهاده وبعد كده فكيت واحده واحده.
_____________________________________________
كنت باخد درس عند واحده صحبتي وكنا بنشتري حاجه من محل كده كان قديم والراجل اللي فيه بيبصلنا بصات غريبه شكله كان يخوف جدا ومره بعدها روحنا نشتري حاجه تاني بعد حوالي يومين لقينا المحل مقفول وعليه تراب وعناكب معششه علي باب المحل واحد معدي قالنا واقفين ليه المحل ده مقفول من زمان.
_____________________________________________
حلمت حلم وانا نايم كنت بستعيذ بالله من الشيطان الرجيم لقيت الشيطان خنقني وصحيت من الحلم ببكي بس مش من طبعي البكاء ولما صحيت اختي واخويا خافو عليا طبعا ودخلت اغسل وشي فى الحمام شفت حاجه موجوده في الحمام وقعت من طولي ومن ساعتها فضلت خايف وكل ما اصلي بلاقي وشي بيبتسم لوحده.
_____________________________________________
من ضمن الحجات اللي ملهاش تفسير لما ببحث عن حجات تخص الجن الكمبيوتر بيهنج.
_____________________________________________
كنت عايشه في شقة لوحدي بذاكر فيها كنت بشوف خيالات كتير بس كنت بقنع نفسي مفيش الكلام ده.
_____________________________________________
في مره كنت نايمه وصحيت علي قلم علي وشي و قمت بس مكنش فى حد فى الاوضه.
___________________________________________
تابعو قصة اول تجربة ليا من هنا
بدل ماتدور وتبحث علي الروايات خليها علي تليفونك وحمل تطبيقنا
