 |
رواية عودة هيما الفصل الخامس عشر 15 بقلم أسماء عبد الهاديبارت15 #عودة_هيما #أسماء_عبد_الهادي نزل تحت للزنازين اللي هو عاملها وفتحله الحارس بابها فدخل ظافر وشاورله انه يقفلها وراه تاني مشي بخطوات ثابتة وقلب من حجر ناحيتها وكل لما يقرب لها كأنه يبقرب لهيب جحيمه ناحيتها لكنها محستش بده اول ما شافته عينها لمعت بفرحة وكأنها كانت مشتاقة ليه وكان كل خطوة يخطوها ناحيتها كأنه النسيم العليل الشافي لقلبها كانت قاعدة بهم كسى الضعف كل جسمها لانها مكانتش بتاكل ولا بتشرب زعلانة على زعل هيما منها .. لكنها اول ما شافته دب الفرح في جسمها فعطاها طاقة غريبة خلاها بسرعة تقوم تقف بلهفة مهتمتش بالشرار اللي بيخرج من عنيه ولا نظراته الناقمة ليها وانما فضلت تملي قلبها وعنيها منه ولسان حالها بيقوله_ وحشتنى وحشتني اوي يا هيما فضل يبصلها شوية ولسان حاله هو كمان كأنه بيقولها _مبقتش اكره حد في الدنيا قدك فضلوا واقفين ع حالهم دا لحظة كانت فيها سلسبيل في أشد حالتها فرحا بأن حبيبها قدامها فنطقت بدون وعي _بحبك الا ان ظافر قطع لحظتها الحالمة دي وقال_ قدرياااا دب الرعب في قلب سلسبيل لانها فعلا مبقتش متحملة الضرب اللي بتتعرض ليه الا انها اتحلت بالشجاعة وقالت _مآنش الأوان انك ترضى عني يا هيما قرب منها ومسك فكها بحدة _مش قلت مسمعش الاسم دا على لسانك تاني قالت وهي مش مهتمة بمسكته ولا بألم قبضة ايده عليها وانما مستمتعة بقرب جوزها ليها_ دا اسم أغلى وأعز انسان ع قلبي ازاي عايزين تحرموني منه ضربها بالقلم ع وشها فمن وهنها وضعفها داخت وقعت ع الأرض وهنا جت قدريا اللي لأول مرة متحضرش ف ثانية زي عادتها _امرك يا ظافر بيه ظافر بقلب خلا من الرحمة تجاه سلسبيل _اسمعي عايزها تسترد صحتها بأي حال من الأحوال خلال يومين علشان عايزها ف الفيلا مفهوم قدريا _امرك يا ظافر بيه ظافر _لو حكمت تجبيلها دكتورة تعالجها المهم ترجع بكامل صحتها فرحت سلسبيل انه مهتم بأمر رجوع صحتها اذا دا معناه انه فيه امل يعفوا عنها وقالت ف نفسها_ اخيرا يا هيما انا اتحملت علشان اللحظة دي هاكل وهخف بسرعة علشانك يا حبيبي علشان ارجعلك تاني يا كل عمري لكنها مكانتش تعرف باللي بيخطط ليه وان اللي هيعمله هيكسر قلبها ودا ان مكانش اشد قسوة من اللي بتتعرض ليه دلوقتي سابها ظافر ومشي وراح ع زنزانة ريان اللي كان قاعد وهم الدنيا كلها فوق دماغه وكأنه كبر عشرين سنة قدام ضحك ظافر _قوم قوم يا ابن المنياوي خلاص هتخرج من هنا قام ريان وقف وقال بفرحة _ظافر اخيرا هتسمعني ضحك ظافر اكتر _هههه متتعشمش أوي كدا دا عفو مؤقت يا حلو لحد ما تسترد صحتك وساعتها هتشوف هعمل فيك ايه ريان بحزن_ ظافر اسمعنى هحكيلك الحقيقة كلها ظافر _الحقيقة مش عند حد غيري فوفرها لنفسك ريان_ انت متعرفش كل حاجة يا ظافر انت مدخلتش جوة نيتي وعرفت فيها ايه ظافر_ الجواب ظاهر من عنوانه فبلاش تمثل دور الغلبان والمظلوم عبااس جه عباس بسرعة _امرك يا ظافر بيه ظافر_عايز صحته تتحسن علشان عايزه ف الفيلا عباس_ امرك يا بيه ريان بوجع وهو شايف اعز صديق ليه بيكرهه الكره دا _اسمعني يا ظافر ارجوك ظافر سابه ومشي ومردش عليه ❈-❈-❈ طلع ظافر من البادروم وقرر انه يروح يطمن على اخواته البنات فلقاهم نايمين جنب بعض وكأن كل واحدة منهم بتحمي التانية فرق قلبه ليهم فقرب منهم وباسهم هما الاتنين _بحبكم يا اغلى ما عندي وسابهم ومشي ❈-❈-❈ بعد كدا جاله اتصال فراح بسرعة ع اوضة نورين كانت ف الوقت دا بتجمع هدومها وبتستعد علشان تمشي ففتح الباب وقال بتريقة _ايه خلاص بتستعدي علشان تهربي معاه مردتش عليه ظافر_ انا بكلمك ردي نورين_ اه همشي انت مش هتجبرني على اني افضل هنا ظافر _طب ليه مش هترجعي لاخوكي رايحة مع الواد دا ليه ؟ نورين بجرأة _بحبه ورايحة معاه ملكش دعوة ظافر_ ممم لا جريئة زيادة عن اللزوم ولسه بردو محرمتيش من اخر مني نورين_ اسمع انا مش خايفة منك ظافر_ ممم صحيح مش بتخافي من ربنا هتخافي مني يعني.. مبقاش حد عارف يلمك يا بنت عمي ولا حد مالي عينك نورين_ انت عايز مني ايه محدش له دعوة بيا وسع لها ظافر الطريق _امشي اتفضلي انا مش همنعك كانت نبرة صوته الهادية وكلامه قلقها هل معقولة مش هيمنعها ولا كلامها اغضبه ومش ناوي يعمل فيها حاجة !! ظافر لما لقاها واقفة مكانها _ايه اتحركي وروحي معاه تحبي اطلب من حد من الخدم يساعدوكي ف شيل الشنط خافت وبدأت تتحرك ببطىء وحذر وخلاص وصلت ع باب الاوضة فقال ظافر _ممم بس قبل ما تمشي خليني اقولك حاجة قالت بنرفزة_ لو على الفلوس مش عايزاها خدها انت وريحني ظافر ببرود_ ولا انا عايزها نورين بصتله _عايز توصل لايه _الواد اللي كنتي هتهربي معاه مهرب مخدرات نورين بصتله بحدة_ انت كداب فضل ظافر ع وضعه ومتهزش وقال _وشريك اخوكي مهران كمان نورين بعدم تصديق_ نعم ظافر عاد كلامه تاني_ مهران بيشتغل ف التهريب والواد دا بيشتغل معاه فهمتي ولا اقول تاني _لا انت كداب كداب _طب تحبي اقولك حاجة كمان قرب منها وهمس لها ..... خلى وشها يبرق وهي مش مصدقة اللي بتسمعه وبتهز ف راسها برفض تقبلها للي قاله _لا لا مش حقيقي _اسمعي انتي الوحيدة اللي تعرفي دا انا مقلتوش لحد غيرك بس علشان تعرفي ان محدش هنا عايز مصلحتك غيري واني لما طلبت منك تفضلي هنا فدا لاني عايز احميكي من اي حد عايز يأذيكي مش أكتر... لا انا قصدي اقهرك ع حاجة ولا اكون مستبد معاكي _مش حقيقي يا ظافر لا انت بتكدب _بكرة الايام تثبتلك صدق كلامي عن اذنك اتحرك وكان هيتخطاها فقالت بتردد _استنى _ايه _اثبتلي دلوقتي خرج من موبايله حاجة ووراها ليها فبرقت بعنيها بصدمة وهي بتحط ايدها ع بوءها _لا مش معقول مش معقول انا مش مصدقة لا قالتها وانهارت ف البكا _ظافر اهدى انا مش بقولك كدا علشان تنهاري بالشكل دا كلامه معملش حاجة الا انها زادت ف البكا ظافر _نورين انتي مش لوحدك انا معاكي اومال انا جايبك هنا ليه اترمت ف حضنه _احميني منهم يا ظافر ارجوك قالتها واغمى عليها فشالها ظافر وكان محتار يوديها فين فقرر انه يوديها اوضة غفران وصل للاوضة وزعق _غفران غفران فتحت غفران الباب_ في ايه يا ظافر .. ايه دا مالها نورين ظافر بانزعاج_ انتي لسه بتسألي وسعي من سكتي خليني ادخلها عندك _تدخلها عندي ؟؟... ليه مش فاهمة هو في ايه يا ظافر _ممكن تبطلي اسئلة وتحاولي تفوقيها _انت عملت ليها ايه ضربتها تاني؟؟ ظافر بضيق_ دا شكلي انا اللي هضربك ولو مبطلتيش اسئلتك السخيفة دي _عايزة اعرف مالها بس _فوقيها ولما تفوق وتهدى بلغيني علشان عايز اتكلم معاها _طب فهمني في ايه بصلها بحدة وخرج وهنا جه زيدان اللي شاف ظافر بيخرج من اوضة غفران فقال بانزعاج _انت كنت ف اوضة غفران بتعمل ايه ظافر بحدة _وانت اللي مطلعك الدور اللي فوق ايه زيدان بنفاذ صبر _رد ع سؤالي داخل اوضة غفران بتعمل ايه ظافر بحدة اكبر _انزل تحت بدل ما اندمك يا زيدان واياني اشوفك تاني فوق زيدان بعصبية _مش قبل ما افهم كنت عند غفران ليه يا ظافر ظافر كان لسه هيرد عليه ببونيه تفوقه لكن خرجت غفران وهي بتقول وعلى ملامح وشها القلق _ظافر نورين سخنة اوي وبتنهج جامد انا خايفة عليها من فضلك اطلب دكتور ظافر بص لزيدان برخامة _سمعت يا زفت اتنيل شوفلنا دكتور اخلص فضل زيدان شوية مكانه بيحاول يستوعب فزعق ظافر _سمعت انا قلت ايه ولا اسمعك بطريقتي زيدان بضيق _طيب سمعت ظافر بملل _ومستنى ايه زيدان_ ماشي يا ظافر هطلبه اهو ظافر _الدكتور اللي يجي يطلع مع الشغالة وانت تفضل تحت ولما ينزل تحاسبه وتخرجه لحد برا مفهوم بصله زيدان بغيظ ونزل ❈-❈-❈ بعد شوية جه الدكتور وفحص نورين ووصفلها العلاج ومشي ووصله زيدان زي ما قال ظافر _شكرا يا دكتور اتفضل ظافر قال لغفران _خليكي معاها لحد ما تفوق واول ما تسترد صحتها ياريت تبلغيني غفران _حاضر يا ظافر هفضل معاها خرج ظافر ودخل اوضته ولسه هيستريح جاله اتصال ولما رد قام وقف بسرعة وقال _ايه ابن الاية الحقير وربي ما هرحمه خرج بسرعة من اوضته ونزل على تحت كان زيدان قاعد بانزعاج فقال ظافر بحدة وصرامة _زيدان.. راكان فين زيدان متحركش من مكانه وقال ببرود _معرفش لاما هتلاقيه متلقح ف اوضته لاما خرج ظافر _الواد يجيلي حالا وبأي طريقة حتى لو كان تحت الارض زيدان بلا اهتمام _ابعت رجالتك تدور عليه بتقولي انا ليه مكانش ظافر في مزاج رايق انه يهتم لبرودة زيدان ف الرد ولسه هيتحرك كم خطوة لقى راكان جاي وبيتمطوح وكأنه كان سكران فجري عليه ظافر بسرعة علشان ينقض عليه ومسكه من هدومه اتفزع راكان من عملته ظافر قاله بغضب شديد _وديت الولد فين راكان ببلاهة _ولد مين _ابن امل انطق وديته فين راكان وهو مش فايق _امل مين ظافر زعق _ولا متعملش غبي عليا انطق بدل ما اخلص عليك زيدان بملل_ هو سكران فأكيد مش فايق ولا فاهم انت بتقول ايه ظافر مسك الفازة وكبها بالورد والمية اللي فيها ف وش راكان _لو مش فايق يفوقلي شهق راكان من كب المية في وشه فمسكه تاني ظافر من هدومه _انطق يالا الولد فين _فين ايه انا معرفش عنه حاجة ومشفتوش اصلا ضربه ظافر بالبونية_ ولا متصعش عليا .. انا عرفت انك روحت لامل النهاردة وهددتها كمان انها تبعد عنك وتاخد الولد وتمشي ومحدش يعرفلها طريق ومتجبش سيرتك ف اي حاجة حصل ولا محصلش راكان_ حصل روحتلها ضربه ظافر تاني_ ولما هي رفضت أخدت الولد مش كدا... وقسما بالله الولد لو جراله حاجة لدفنك وراه راكان بوجع _ اااه والله معرفش الولد فين بقولك مشفتوش انا روحت لامل وهددتها زي ما بتقول علشان تحل عني ومشيت لكني معرفش الولد فين مجتش جنبه ظافر بنفاذ صبر_ يعني مش هتقول وديته فين امل مموتة نفسها من الخوف والبكا ع ابنها وانت مصر تخبي _معرفش مشفتوش غمض ظافر عينه واتنهد بانزعاج _وبعدين بقا في العيلة اللي عايزة ابادة جماعية دي... عباااااس راكان بخوف _استنى انت بتنادي ع عباس ليه عباس_ امرك يا باشا ظافر_ خد الواد دا عايزه بتروق ترويقة حلوة محدش اتروقها قبل كدا ومش عايزك تسيبه الا لما يقول ودا الولد فين حتى لو هيموت ف ايدك سامع؟؟ عباس_ امرك يا ظافر فين قرب عباس من راكان وراكان قال بخوف _والله معرفش هو فين اقسملك مجتش جنبه انا هددت امل بس معملتش حاجة اقسملك يا ظافر انا معرفش ظافر بحدة _عباس شوف شغلك معاه راكان _لااا والله مشفتوش معرفش هو فين انا معملتش حاجة لاااااا نفخ ظافر بانزعاج وقال لزيدان _قوم معايا ع المستشفى يلا زيدان بضيق _مليش مزاج ظافر بصله بحدة وشده من هدومه _قلت قوم يا زفت اخلص ❈-❈-❈ مهران كان هيتجنن مكانه وفضل يدب ف شباك مكتبه _عرف ازاي انا هتجنن ازاي الوصية الحقيقية وصلته وهي معانا ومحدش جه جنبها ازاااي المحامي بخوف _معرفش يا مهران بيه مسكه مهران من هدومه _انت بعتني لظافر يا متر يا ويلك مني المحامي برعب _لاا لا بعتك ايه والله محصلش يا باشا انا بنفذ اوامرك بالحرف والوصية ف الحفظ والصون زي ما طلبت مهران_ عارف لو كنت بتكدب عليا هيكون مصيرك انت وعيلتك ايه ؟؟ المحامي بلع ريقه لانه عارف ايه اللي ممكن يعمله مهران فيه هو وعيلته _عارف يا باشا واقسملك اني مخنتكش والوصية زي ما هي زقه مهران فوقع ع الارض وقال مهران وكأنه هيتجنن _اومال ابن نحمده دا عرف بالوصية الحقيقية ازاي ومنين انا هيجرا لعقلي حاجة الواد دا بقا خطر عليا قام المحامي ووقف وبدأ يعدل هدومه فقال مهران _جهزلي اوراق السفر حالا انا لازم امشي من هنا واسيب مصر حالا... جهز دا ف اقرب وقت المحامي_ امرك يا باشا ❈-❈-❈ كانت امل هتجنن ع ابنها اللي اختفى ومش عارفة هو راح فين ولا مكانه فين حاول ظافر يهديها ا_هدي يا امل هنلاقيه اهدي بس امل ببكا أشبه بالجنون _ابني اخده وداه فين ... الولد ملوش ذنب ف اي حاجة دا مهما كان روح بريئة حرام يأذيه حراام ..انا عايزة ابني هاتولي ابني منه بأي طريقه دا لو اخده هيقتله بدم بارد زي ما قلتي وهرب وسابني ارجوك رجعلي ابني هاتوهولي انا مستعدة احارب العالم كله علشانه مستعدة اتحمل نظرات الناس وكلامهم وأفعالهم واللي هيقولوه عليا واللي هيعملوه فيا علشانه رجعولي ابني من تاني ارجوكم دا ملوش ذنب دا روح بريئة ربنا اراد انه يتولد ولا راد لقضاؤه هاتوه ليا وانا هبعد زي ما طلب ومش هطالبه بأي حاجة وهنفي انه ابوه بس رجعولي ابني حرام عليكم بقا .. هاتولي ابني بقاااا... يا راكااان منك لله منك لله يا راكاان حاول ظافر وزيدان انهم يهدوها ظافر_ اهدى هنلاقيه وهنرجعه ليكي بس متعمليش في نفسك كدا ولما فشلوا زعق ظافر ف الممرضات _اتصرفوا اعملوا حاجة هتنهار وهي مش حمل دا وهنا جه الدكتور وعطاها بسرعة حقنة مهدئة فنامت ظافر بحدة_ انت ليه مش شايف شغلك صح كنت فين وهي كانت هتعمل حاجة ف نفسها الدكتور بخوف _يا باشا كان ورايا مرضى تانين ظافر بحدة _المريضة دي يكون ليها اهتمام خاص فاهم لو جرالها حاجة مش هحمل حد المسؤلية غيرك انت فاهم الدكتور بخوف _ااا فاهم يا باشا الفصل السادس عشر من هنا |
تعليقات
