 |
رواية عودة هيما الفصل السادس عشر 16 بقلم أسماء عبد الهاديبارت ١٦ #عودة_هيما #أسماء_عبد_الهادي بعد ساعة ولما فاقت أمل من أثر المهدىء وفضلت تعيط تاني وفي الوقت قررت انها تقوم تروح لراكان بنفسها تسأله عن ابنها فجالها اتصال فردت بلهفة ولما سمعت المتصل اتسعت ابتسامة وشها وقالت بفرحة _الحمد لله رب العالمين الحمد لله انه بخير... رغم اني مكنتش عايزة الطفل دا وعارفة انه هيسببلي مشاكل كتير بس من اول ما اتولد وربنا وجد حبه في قلبي من اول لحظة شوفته فيها ومبقتش اقدر استغني عنه ...يمكن يا مسلم يكون ليك شأن عظيم اتمنى دا من ربنا... اه هسميك مسلم لاني بإذن الله ناوية اربيك على الاخلاق والالتزام مش هتكون زي ابوك ابدا ان شاء الله ❈-❈-❈ دخل الفيلا ونادى عليها بكل غضب لدرجة انه منتظرش لما هي تنزله فطلع السلم جري وقابلها على اول السلم من فوق ووشه كله غضب استغربت هي حالته اللي هو عليها دي ولا يخفى عليكم انها خافت منه بالفعل وقالت بهدوء ظاهري _ في ايه يا ظافر مالك بتزعق ليه زيدان خرج من اوضته لأنه خاف يكون ظافر بيزعق لغفران وطلع خوفه ف محله فوقف مكانه يتابع الحوار ما بينهم ظافر مسك ايد غفران وقال بازعاج لانه خلاص جاب اخرة من عمايل شباب العيلة _ يعني اعمل ايه فيكم يا شباب عيلة المنياوي والله حرام اللي بتعملوه فيا دا تعبتوني غفران بعدم فهم _ ايه في ايه مش فاهمة حاجة طلع زيدان بسرعة وحمية شاب عربي اصيل اتجمعت جواه دا غير انها حبيبته اللي بيخاف عليها من الهوا الطاير وقال بجدية وصوته كله غضب _ظافر نزل ايدك وابعد عنها ظافر مهتمش لكلام زيدان وقال لغفران وهو على آخره _بقى كل دا يطلع منك انتي يا غفران غفران _انا عملت ايه يا ظافر فهمني وسيب ايدي دي زيدان بانزعاج_ سيب ايدها يا ظافر ظافر بانزعاج اكتر _ادي اديها اللي عاملة ليكم مشكلة.. تقدري تقوليلي بقا ليه عملتي كدا وليه اخفيتي ابن امل رفع زيدان حاجبه بدهشة _نعم انتي يا غفران ظافر وهو هيموت من الغيظ_ شايف يا عم والله انا هنجلط قريب بسبب عمايلهم دي غفران بلعت ريقها وقالت _هقولكم والله انا ليه عملت كدا زعق ظافر _انتي ايه يا شيخة حرام عليكي شايفة صاحبتك مموتة نفسها علشان ابنها وف الاخر انتي اللي اخدتيه غفران_ يا ظافر اسمعني انا مكنتش ناوية اخبي على امل انا لما شوفت راكان جه المستشفى وشايط ودخل اوضة امل وفضل يزعق لها خفت يعمل حاجة في الولد فاتسحبت وهو مش منتبه واخدته وخرجت من المستشفى اخفيه كم يوم علشان راكان ميحاولش يأذيه لكن كنت هقول والله العظيم علطول لأمل مكان ابنها اول ما راكان يمشي لكن انت لخمتني بالاغماء اللي حصل لنورين وطلبك مني اني افضل جنبها ولما اطمنت ع نورين وفاقت افتكرت اني مبلغتش امل وكلمتها بسرعة اقولها دي كل الحكاية والله العظيم بصلها ظافر بحدة فقالت_ اسفة والله مش قصدي حاجة بس انا فعلا خفت على الولد من راكان زيدان _خلاص يا ظافر محصلش حاجة ظافر_اه محصلش حاجة عايزين تجننوني البنت اللي كانت هتروح فيها بسبب خوفها ع ابنها والتاني اللي زمان روحه طلعت تحت وهو طلع ميعرفش فعلا الولد فين ومش بيكدب زيدان بلا اهتمام_ يستاهل يشرب شوية من اللي عمله ف البنت مجراش حاجة يعني كلم عباس يسيبه غفران_ ظافر انا اسفة ظافر_ غوري من وشي السعادي غفران_ حاضر زيدان بانزعاج _كلم غفران باسلوب احسن من كدا يا ظافر ظافر بضيق _يا شيخ اتلهي انت كمان ... اه انزل بلغ عباس يسيب الزفت اللي تحت دا وان حكمت يجيبله دكتور عايزه يكون واقف ع رجليه علشان يكتب كتابه ع امل زيدان _ماشي هنزله قربت غفران لاوضتها فقال ظافر _بتقولي نورين فاقت _اه من شوية وبتعيط ومش عارفة اوقفها _طيب انا داخلها مش عايز حد يقاطعنا ماشي قالها وهو بيدخل وبيقفل الباب وراه فقالت غفران_ استنى ميصحش تقفل الباب عليكم كدا مش هينفع بصلها ظافر بحدة وقفل الباب مطت شفتها بضيق وقالت_ عنيد دخل ظافر الاوضة وقرب من السرير اللي نايمة عليه نورين وقال _ينفع اللي بتعمليه دا نورين _ارجوك احكيلي كل حاجة وهل انا بس اللي كنت مخدوعة طول عمري؟؟ _اعتقد اني قلتلك انك الوحيدة اللي تعرفي دا فدا معناه ان محدش كان يعرف ومعناه كمان اني مش عايز حد يعرف باللي قولته ليكي فاهماني _انا تعبانة تعبانة اوي يا ظافر مش قادرة اتقبل دا او اني اتحمله _انسي ومتحاوليش تفكري كتير قلتلك انا هنا معاكي ومش هسيبك _طب أنا عايزة اخويا ريان انت عملت فيه ايه _هيجيلك يمكن الليلة او بكرة متقلقيش _ااا ظافر ممكن اقولك ع حاجة عرفتها _قولي لمعت عين ظافر وقال بعدم تصديق _جبتي كلامك دا منين انتي متأكدة من صحته _اه يا ظافر والله العظيم ما بكدب عليك أبدا بس انا مش كل حاجة اعرفها _تمام يا نورين انا متشكر ع المعلومة دي _واحدة قصاد واحدة لاني مبحبش حد يكون له فضل عليا ضحك ظافر_ لا بدأتي تعجبيني بدأ يظهر جانب تاني من شخصيتك _عايزة انسى كل اللي فات وابدأ صفحة جديدة بشخصية تانية _ياريت والا اوضة العقاب هتدخليها كتير _ايه ضحك تاني_ لو بدأتي صفحة جديدة اوعدك متدخليهاش تاني _انت بجد خايف علينا؟؟ قام وقف ولف وشه علشان يمشي _مش هرد عليكي علشان مزعلكيش قالت بسرعة_ انا اسفة مقصدش يا ظافر انا بس فكرتك بتحاول تنتقم مننا علشان عشنا حياة ترف وانت لأ وكمان ع الأسلوب اللي كنا بنعاملك بيه زمان تتنهد ظافر بهم _الاسلوب دا اللي جبركم عليه هو مهران ووالدتك يا نورين انتوا ملكوش ذنب _افهم من كدا انك مش ناقم علينا _لو كنت ناقم كنت هبقى شمتان فيكي وانا شايفك متدمرة ع ايد مهران وشريكه اللي كان حبيبك دا قلتلك انا هنا لحمايتكم هتفهمي امتا _ايوة بس انت قاسي اوي ضحك ظافر بسخرية _لما كنت طيب محدش كان بيعملي حساب _بس بردو الاسلوب اللي بتتبعه مش اسلوب يا ظافر ظافر بصرامة_ دا اللي عندي .. اسمعي عايزك تقربي من غفران ومن سما وهدى وتسمعي كلامهم ولو سمعت غير كدا يا ويلك مني نورين بخوف _انت رجعت ليه ما كنت كويس ظافر_ انا ماشي ولو احتجتي حاجة متتردديش ف انك تبلغيني _حاضر فتح ظافر الباب فلقا غفران ف وشه _كل دا يا ظافر اتجاهل ظافر كلامها وقال _تالين فين _في اوضتها ومش عايزة تخرج منها ولا حتى تكلمني او تعطيلي وش _اطلبي من نورين تدخلها هي بترتاح معاها _نورين صحتها اتحسنت؟ _بقت كويسة سما و هدى لسه نايمين _مدخلتش ليهم والله مفضتش _انا قلتلك خليكي معاهم ولا لا _حاضر يا ظافر بعمل دا بس انت عارف انشغلت ف أمل _اه صح وديتي الولد فين غفران _وديته في .... ابتسم ظافر وقال _روحي خديه ورجعيه لأمه _حاضر جت تنزل السلم فقال _استعدي بكرة علشان خطوبتنا وقفت مكانها وقالت وهي مبرقة _ايه!! _اللي سمعتيه يا غفران _لا يا ظافر مش هينفع _مش عايز اسمع اي اعتراض يا غفران واللي بعمله ممنوع تعلقي عليه _لا يا ظافر ارجوك زيدان م.... قاطعها وقال _قلت مش عايز اعتراض سمعتي انا قلت ايه مطت شفتها وقالت بحزن_ اللي تشوفه يا ظافر دخلت غفران اوضتها عند نورين ودخل ظافر اوضته علشان يرتاح ورما ثقل جسمه كله على السرير ومن كتر تعبه والحمل اللي بقا شايله ع كتافه نام محسش بالدنيا اما غفران اول ما دخلت وقعدت جنب نورين جالها اتصال من زيدان فبلعت ريقها وردت _نعم يا زيدان _غفران انتي كويسة _اه بتسأل ليه _ظافر عندك _لا ايه اللي هيجيب ظافر اوضتي _عملك حاجة تاني _لا يا زيدان انا ف اوضتي واظن ظافر كمان ف اوضته اتنهد زيدان براحة _طمنتيني _تمام ممكن اقفل بقا _وحشتيني انتظر زيدان الرد لكنه مسمعش اي حاجة فبص ف الموبايل وقال وهو مش مصدق اللي عملته _يخربيت كدا دي قفلت ف وشي ❈-❈-❈ تاني يوم الصبح اخيرا خرج ريان وكمان سلسبيل من اسرهم ريان كان شايل هم كبير اوي بسبب تغير شخصية هيما اما سلسبيل فكانت متحمسة ومتعشمة ان ظافر هيسامحها استقبلهم ظافر اللي كان مستعد للقاءهم دا فقال _اهلا اهلا بالخونة منورين فيلا المنياوي زعق ريان _بطل بقا الكلمة دي انت امتا هتفهم الحقيقة ظافر_ ما قلتلك عارفها ايه هغنيها سلسبيل_ لا يا هيما انت متعرفش حاجة والله العظيم كل اللي قاله ليك مهران كدب وافترا علينا ظافر _ممم اصرارك ع اننا نتمشى ف اليوم المشؤم كان تلفيق بردو من مهران ولا انتي كنتي عارفة باللي مخطط ليه مع مهران!!!! سلسبيل _دا دا كان ااا قاطعها ظافر وبص لريان _وانت لما تكون عارف فين مراتي وشايفني مموت نفسي علشانها وبردو متقليش دا كان تخطيط من مهران؟.... ريان_ اه والله دا كان تخطيط مهران وانا كنت مجبر انفذه _ولما انت خايف منه مجتش قولتلي انه هو الجوكر ليه ها ريان _هقولك كنت هتعمل ايه وانت ف حالتك دي _ليه فاكرني جبان زيك ريان_ انا مش جبان يا هيما انا عملت دا علشانك مش علشان نفسي _انت عملته علشان جبان مش اكتر فمتحاولش تنكر ريان_ انت امتا هتفهم بقا وتصدق الحقيقة ليه عايز تفهم اللي ع مزاجك بس هنا جت قدريا _اللي طلبته اتنفذ يا ظافر بيه ظافر_ تمام اوي يا قدريا روحي شوفي شغلك وانتوا يا بهوات اتفضلوا من غير مطرود مفيش مكان ليكم هنا بينا سلسبيل بصدمة _ايه هيما اسمعني ظافر _ولا اقولكم هكون كريم معاكم وممكن اسمحلكم تفضلوا لبليل علشان تحضروا حفلة خطوبتي انا وغفران بنت عمتي فتح كل من ريان وسلسبيل عنيهم ع وسعهم وكذلك زيدان اللي لسه جاي من برا هنا سلسبيل قالت ببكا هيما انت هتسمعني يعني هتسمعي اقسملك بالله انا مخنتكشي خليني احكيلك حكايتي من الأول ظافر بملل سامعك قولي اللي عندك خلينا نخلص سلسبيل هيما اللي انت متعرفوش ان هارون اخويا بيشتغل قواد وكان بيجبرني اشتغل معاه هنا الكل اتصدم من الحقيقة دي غفران اللي كانت واقفة مع سما وهدى بتابع الحوار من فوق الا ريان لانه عارف حكاية سلسبيل كلها لانها حكتها ليه كملت سلسبيل بدموع مكنتش حابة الشغل دا ابدا وكنت علطول بنضرب علشان اعمل دا لحد ما فيوم لقيت هارون باعني لمهران وقبض فلوسي اترجيت مهران يسيبني وانا مش من النوع اللي هو يقصده وان كان مصر يتجوزني ع سنة الله ورسوله لكنه ابدا مرضيش فقاومت لأقصى نفس عندي فلقيته ف يوم قالي _لو عايزة حريتك من تاني تسمعي اللي اقوله مكانش عندي اي إختيار غير اني اسمع كلامه علشان انال حريتي تاني ويبعد عني فوافقت ع طلبه وطلبه كان اني اقابلك يا هيما واخليك تقع ف حبي وتتعلق بيا وبالفعل جيت عندكم وحاولت اعلقكم كلكم بيا بس اللي حصل العكس والله العظيم انا اللي حبيتكم اوي من كل قلبي وكان اسعد يوم ف حياتي اليوم اللي كتب كتابك فيه عليا يا هيما قلت اخيرا الدنيا هتصحكلي وهترحم من الهم والقرف اللي انا عايشة بس والله العظيم مجاليش الجرأة اني اقولك حكايتي خفت تقرف مني وتسيبني ففضلت ساكتى ومستمتعة بقربك وبس يا هيما لحد ما لقيت مهران بيطلب مني اني اخليك ماشي ف الطريق وقالي انه هيجيب بلطجية ويطلعوا علينا ويخطفوني منك علشان تفضل حزين على اختفائي وكدا انا وافقت لاني عارفة اني مصيري كدا كدا هبعد عنك وعلشان يمكن بالليل يعمله دا يسيبك بقا ف حالك ويخرجك من دماغه لكن مكنتش اعرف ابدا انها كانت البداية وانه مشبس هيبعت البلطجية يخطفةني لا دول كنان ضربوك حد الموت واذو جدتك وكانوا السبب ف موتها اقسملك بالله ماكنتش اعرف دا كنت مفكرة اني لما اعمل دا هقدر اعيش في امان وفي حالي بعيد عنهم ويمكن بعدها احاول ارجعلك تاني يا هيما لكني لقيت مهران دعاني تاني لفيلته وريان لما عرف بدا قرر يوهمه انه خانك يا هيما وبقا ف صفه علشان يشوف هو بيخطط لايه ضدك ويحميك فاتفاجئنا انه بيطلب مننا نتجوز والا لو معملش دا يتجوزني مهران هو رغم انه عارف اني لسه ع ذمتك يا هيما فاضطر ريان انه يوافق ع كلام مهران علشان يحمي مرات صاحبه ومحدش يلمسها ولا يمسها بسوء وفضل ريان حافظني ليك يا هيما لكننا كنا تحت سطوة مهران مش عارفين نتحرك ومتكتفين ومش عارفين نعمل ايه شايفينك انت كمان عاجز مش عارف تتحرك فكنا عاملين زي المشلولين مسلوبين الارادة بننفذ اللي بيطلبه مهران يمكن يكون للي بيعمله دا نهاية ماهو لكل ظالم نهاية... هي دي كل الحكاية يا هيما ومخبتش عليك ف حاجة ولا كدبت عليك ف حرف واحد والله... غمض ظافر عينه واتنهد بضيق فقالت سلسبيل_ عارفة اني غلطانة واني كان لازم اصارحك بالحقيقة يوم ما وثقت فيا ودخلتني بيتك بس خفت خفت عليك انت واخواتك وخفت تكرهني وتنفر مني انا اجبن واضعف ما يكون يا هيما حط نفسك مكاني اقسملك بالله انا كنت لوحدي بحاربهم كلهم ومكانش عندي الشجاعة الكافية اني اواجههم مش بقول كدا علشان ابرر لنفسي انا عارفة اني غلطانة وانك صعب تسامحني بس متأكدة انه هيجي اليوم وتسامحني يا هيما علشان خاطر حبنا انا حبيتك بجد وكنت بعتبرك طول النجاة لروحي وقلبي متسبنيش يا هيما ارجوك قالت كلامها وانتظر ريان من هيما انه يحن بعد ما خلاص عرف الحقيقة لكنه سمعه بيقول بكل برود _اظن خلصتي كل كلامك انا لسه عند رأيي هتحضروا حفل خطوبتي ومش عايز اشوف وشكم هنا شهقت سلسبيل بصدمة _ايه لا يا هيما بالله عليك انا عندي اعيش خدامة عندك هنا بس متسبنيش انا من غيرك هضيع ارجوك ظافر_ خلص الكلام قعدت سلسبيل ف الارض تعيط وكذلك هدى وسما عيطوا لما عرفوا بالحقيقة وان سلسبيل كانت ضحية مش اكتر ريان قرب من ظافر وضربه ع وشه _فوق بقا يا هيما من غضبك اللي عاميك دا .. ما انت خلاص عرفت الحقيقة كلها ايه قلبك دا وديته فين وليه اتغيرت كدا مردش عليه ظافر وانما بصله بحدة وقال _هحاسبك ع تجرؤك دا بعدين هنا زيدان بقا اللي انفجر ف ظافر _ظافر انت اتخطيت كل الحدود واللي بتعمله دا اكبر غلط ظافر_ محدش له دعوة باللي بعمله انتوا فاهمين زيدان بعصبية مفرطة _اسمع بقا يا ظافر انا لا هخاف منك ولا من عشرة زيك اما غفران محدش هيتجوزها غيري انت فاهم ظافر_ اسمع انت بقا قلتلك بنفذ وصية جدك زيدان_ في داهية الوصية وفي داهية الفلوس انا مش فاهم ازاي تقبل تتجوز واحدة عارف انها بتحبني ولنا كمان بحبها ازاي قابلها ع نفسك _انت لازم تعرف اني مش هضحي بالفلوس بعد ما صدقت لقيتها الفلوس اللي خرجتني من عجزي وبسببها قدرت اعمل العملية قدرت اسافر برا واتعرض ع افضل الدكاترة وفي خلال شهرين بس بفضل الله قدرت اقف ع رجلي من تاني الفلوس اللي مكنتش طايلها ومكنتش عارف هعيش منين ولا هجوز اخواتي البنات ازاي وانا معدوم ومش حيلتي حاجة عايز بعد كل دا وعلشان وصية زي دي اسيب كل حاجة انتوا بتفكروا ازاي عمركوا ما هتحسوا باللي حسيت بيه لانكم طبعا مجربتهوش ولا عشتوه زيدان_ ظافر لو عملت كدا معناه انك بتعاديني ويكون ف علمك انا مش هتنازل عن غفران لو فيها موتي فخليك فاكر دا كويس ريان قال وهو بيفكر ف صاحبه ومصلحته _عمر الفلوس ما كانت سبب للسعادة يا صاحبي انت صحيح عشت معدم طول عمرك لكن كان معاك اللي كنا كلنا مفتقدينه كان عندك راحة البال والسعادة والبسمة اللي بجد والعيلة والاسرة السوية اللي تحبك وتخاف عليك... ربنا عدل بيحرم من جهه لكنه بيعطي بدالها حاجات تانية عظيمة غيرك محروم منها ظافر_ انتوا عايزين مني ايه سيبوني في حالي بقا محدش له دعوة بيا في الوقت دا الكل سمع صوت صرخات غفران _لااااااا تالين لااااا ... الحقوها بسرعة لاااا الكل جري ع فوق فلقوا تالين سايحة ف دمها وتقريبا كدا كانت بتحاول تنتحر لما سمعت ان زيدان مش هيتجوز غير غفران فضلت غفران تعيط وهدى وسما بيحاولوا يهدوها _لا تالين لو جرالها حاجة انا مش هسامح نفسي ولا هسامحك يا زيدان حاول ظافر انه يحاول يكتم الدم اللي بينزل من ايد تالين بأي طريقة وريان كلم الاسعاف اما زيدان فشالها ونزل بسرعة ع عربيته علشان يقابل الاسعاف وبالفعل وصلوا بيها للمستشفى ولحقوها الدكاترة ع اخر لحظة ونقلها زيدان دم لانه كان نفس فصيلتها اما غفران كانت مموتة نفسها علشانها فأخدها ظافر في حضنه _اهدي هتكون كويسة الحمد لله الدكاترة طمنونا اهدي بقا غفران ببكا _مكنتش هسامح نفسي ابدا لو جرالها حاجة يا ظافر _وانتي معملتيش حاجة تتلامي عليها انتي طول الوقت بتضحي علشانها وهي اللي كانت انانية عارفة انكم بتحبوا بعض لكنها مش مقدرة ومصممة انها تاخد زيدان وكأنه لعبة او قطعة شكولاته هي فرحانه بيها ومبسوطة انها هتمتلكها وبس _حتى لو كان اللي بتقوله صح انا مش هكسر قلبها يا ظافر _طب ممكن تهدي وانا هتصرف اهدي علشان خاطري وبدأ ظافر يمسح لغفران دموعها في الوقت دا كان زيدان خلص نقل دم وماشي بيتمطوح الممرضة عطتله العصير _اتفضل اشرب دا علشان تفوق لكنه اول ما شاف ظافر مقرب لغفران بالشكل دا الدم غلي ف عروقه ورمي العصير من ايده وجري علشان يتهجم ع ظافر _وقسما بالله ما سايبك علشان انت اتعديت كل الحدود ومحدش بقا قادر يسيطر عليك سابه ظافر يضربه زي ما هو عايز لحد ما بعدها وقع من طوله فسنده ظافر وريان وقعدوه زيدان زق ايد ظافر_ اوعى ايدك وبص لغفران بنظرات نارية اللي كانت واقفة ف جنب وعلامات الاسى ع وشها وزعق _مش هعديلك اللي عملتيه يا غفران مش هعديلك تهاونك معاه ابدا طول عمري معرفش عنك الخوف او الجبن طول عمري عارفك عمرك ما سمحتي لحد انه يقربلك مش هعديهالك ريان بانزعاج _انت كدا مبسوط يارب تكون مبسوط يا هيما في الوقت دا جه اتصال لظافر من قدرية _الحق يا ظافر بيه الانسة سما والانسة هدى اختفوا من الفيلا ومش لقياهم الفصل السابع عشر من هنا |
تعليقات
