رواية ساظل ملكة قلبك الفصل الثانى بقلم سحر سمير لطفي نصار
قاطعني أنها خرجت
احسن بردوا اصل ممكن شويه و كنت أخرج عن شعوري و اطلع اديهم بالجزمه و اطردهم كلهم برا
و ببص شوفتهم ماسكين تليفوني و بيقلبوا فيه
لا بقا كدا كتيرررر اووي
اينعم تليفوني مفهوش حاجه غير ارقام صحابي و ورق تخرجي و شويه صور ليا بس لا دي خصوصيه بردوا
طلعت و انا حاسه اني عاوزه اقتلهم ازي يسمحوا لنفسهم يتدخلوا في حياتي بالشكل دا
جريت و شديت التليفون منهم انتوا ايه معندوكوش دم
حسوا شويه انا مش عاوزه اتجوز نقول كمان انا مش عاوزه اتجوز كفايه تدخل في حياتي بقا
حرام عليكم بجد تعبت كفايه بقا
بس فوقت من احلامي و افكاري علي صوت حازم
حازم : نسيب العرسان بقا لوحدهم
لا هو فيها عرسان كمان
و في ثانيه الا ثانيه كنت انا وحمدي لوحدنا
طب اطفشه ازاي
ااه خطه ٩٠٩ هي اللي هتجيب من الاخر
كان بيتكلم علي نفسه كتير و لما ملقنيش برد
قالي اني اتكلم عن نفسي
بصيت له : بص يا ابن الناس انا بحب واحد في السر من ورا اهلي
قاطعني و قالي : ااه اااه عارف و انك متقدريش تستغني عنه ااه بس اديني فرصه يمكن انسيهولك
يا غبي يا ابن الغبيه كدا الخطه ٩٠٩ باظت
تب ندخل علي خطه رقم ١٢٠٠ و امري لله اينعم مبستعملهاش الا للضرورة بس يالا حكم القوي علي الضعيف
بصيت له وهو بيبص لي باهتمام : تب انا كدا مضطره احكي لك بس اوعدني أن محدش هيعرف حاجه
رد بكل حب : اوعدك
بصيت له و شويه دموع تماسيح : اصل انا متجوزه في السر عرفي و حامل
ضحكته اختفت و ظهر عليه الغضب
ضحكت في سري و انا مبسوطه أن الخطه ١٢٠٠ بتنجح
اكيد هيقوم و يمشي
قاطعني بكلامه : خلاص يا قلبي متعيطيش انا مستعد اتجوزك و اكتب الطفل اللي يجي باسمنا انا و انتي و نعيش في نبات و تبات و تبقي ماما و ابقي ابو البيبهات
اللي هو 😳😳
من الصدمه انفجرت في وشه
: اعمل ايه علشان تفهم اني مش عاوزه اتجوزك و مش موافقه اجيب خطط منين تب الخطه ٩٠٩ منفعتش و الخطه ١٢٠٠ بردوا اعمل ايه علشان تفهم و تمشي أنا مش عاوزه اتجوز انا مرتاحه بوحدتي أنا مرتاحه اطلع برا براااا
قام وقف و خد بعضه و فتح الباب و مشي
شربت العصير اللي اختي كانت حطاه و لسه جايه اقعد
طلع حازم و جميله من المطبخ و هما اصلا كانوا بيتنصتوا علينا
حازم بحده : انتي ايه اللي انتي عملتيه دا
رديت : ايه عملت ايه
حازم بعصبيه : عجبك اللي اختك بتعمله ده دا رابع واحد من صحابي اجيبه و تطرده ايه مش كفايه أن انا اللي بدور لها علي عرسان بدل ما هي معنسه و بايره
قومت وقفت : لااا لحد كدا و تخرس خالص انا مطلبتش منك تجيب لي عرسان و لا عاوزه اتجوز من الأساس
وانت عارف كويس أن اللي بيتقدموا لي كتير و آخرهم كان من اسبوعين معتز صاحبي في الشغل بس انا اللي رفضت لاني مستحيل ادخل حد في حياتي
رد بعصبيه : ليه فيكي ايه عملتي ايه غلطتي
قاطعته بالكف اللي علي وشه : اطلع برا
جميله : يا سحر هو ميقصدش
رديت بحده : اطلعوا برررا و مشوفش حد منكم تاني انا مليش حد بررررا يالا برررررا
زقتهم ل الباب و طلعتهم و قفلت
انتوا ازاي كدا بجد ازي تشكوا فيا بالطريقه دي انا مش محتاجه ل حد و انا اقدر اعيش لوحدي و بالطريقه اللي تعجبني انا عارفه ربنا و عارفه حدودي كويس اووي و لبسي واسع و محجبه و و الله براعي ربنا في كل حاجه بعملها في حياتي
بس كون أن حد يتهمني بشرفي يبقي و لا روابط الدنيا اللي تخليني اسكت علي حاجه زي دي
قومت من مكاني و مسحت دموعي مفيش حاجه في الدنيا تستاهل اني انزل دمعه بس من عيوني
مسكت التليفون و لقيت ماما باعته تسالني ايه راي في العريس
حتي انتي كمان يا ماما للدرجه دي يا جماعه محدش طايقني و لا مستحملني
يالا معاش اللي يزعلني
طلعت دستت الجتوه اللي جوه و خدت خرطه مع ازازه ببسي و طلبت كنتاكي وجبه خفيفه كدا و فتحت التليفزيون علي الفيلم اللي بعشقه عشق ( لص بغداد )
تحسوا كدا يا جماعه أن المغامره فيه بتاخدكم لعالم تاني بجد و انا بعشق المغامرات
بتاع الدليفري وصل وخدت الطلب منه و حاسبته
طبعا بتسالوني جبتي فلوس منين
ارد واقول انا لما كنت بشتغل في الشركه كان مرتبي عالي و كمني عايشه لوحدي كنت بصرف نصه و الباقي فتحت بيهم وديعه و كنت كل شهر ازودهم و طول ٥ سنين اللي كنت فيهم في الشركه كنت ماشيه علي نفس النظام لحد ما الحمد لله بقا بيجي لي مرتب شهري من الوديعه و الحمد لله مكفيني وزياده
يعني محدش له جميل عليا في اي حاجه في حياتي لا بياكلني و لا بيشربني و البيت اللي انا قاعده فيه ده دا ملكي اهلي قبل ما يسافروا كتبوه باسمي و متسجل في الشهر العقاري و اخواتي كلهم عارفين الموضوع ده و اهلي معوضينهم في كل حاجه
المهم انا اكلت و شربت و حليت و وانا قاعده و مندمجه بقا النور طفي
و الله احنا هنستهبل من اولها دا وقت يطفئ فيه دا الساعه ١ بليل
شغلت كشاف التليفون و لسه همشي قاطعني فجاه .....
يتبع
روايه : سأظل ملكه قلبك
( اسطوره الحب )
للكاتبه : سحر سمير لطفي نصار
