رواية جريمة عشق الجزء الرابع الفصل الثلاثون
فِي كُلِّ مَرَّةٍ يَزورنِي القَلَق ، أَتَذْكُر أنِّي تَحْت ظلّك ؛ أَنْتَ الَّذِي لَا يُعْجِزْكَ شَيْءٌ ، تَتَولانِي بِرَحْمَتِكَ ، وتدبرّ أُمُورِي ، وَلا تَكِلْنِي لِسوَاك ، فَاسْتَحْي مِن يأسِي ، وقلّة صَبري ")!
______________________________________
بسم الله نبدأ
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
ف اسكندريه..
ميرو : غيرانه جدا . وكمان مش عارفه تنام ف وجود تيم . وبتتقلب يمين وشمال . وقامت بزهق. قعدت ع طرف السرير . وبتستغفر .
تيم : داخل مخنوق . وحدف الفون ع الكرسي . وقعد الكنبه . يفكر ف عقاب لكامليا.
ميرو : شافت تيم واضح عليه أنه مضايق . وشافت جرح ايدو . وفتحت عينيها بدهشه . وقامت بدافع الحب . وجريت عليه . تيم ايدك بتنزف ؟ انت انجرحت ازاى؟
تيم : بعدم اهتمام لجرح ايدو . مفيش حاجه متشغليش دماغك ..
ميرو : راحت بسرعه الحمام . وجابت علبة الإسعافات . وقعدت جنبه بقلق واضح . ومحستش بقرب المسافه بينهم . وفتحت العلبه . وقالت بتوتر . كدا غلط ع جرح ايدك . وخصوصاً انها مجروحه قبل كده. ومدت أيدها ليه ..
تيم : قلبه دق من قربها منه . واخد نفس عميق واتنهد . وحط ايدو ف أيدها. وعيونه عليها.
ميرو : جابت القطن. وبدأت تعقم الجرح . وعيونها لمعت بدموع . وزعلانه عشانه.
تيم : شاف دموعها . ورفع دقنها بايدو التانيه. وقال خايفه عليا؟
ميرو : بحنين ودموع هزت راسها ايوه .
تيم : ابتسم . وقرب منها وباس جبينها بحب كبير. وف لحظة ضعف نزل ع خدها وهمس ف اللاوعي بحبك .
ميرو : جسمها اتشد وقلبها هيطلع من مكانه . وقامت بسرعه .
. علبة الإسعافات وقعت ع الأرض . وجسمها رجف . وجريت ع الحمام . وقفلت ع نفسها وسندت ع الباب وبتنهح بحرج كبير ..
تيم : ضحك بصمت . وهز راسه ونفخ بحيره. وعقم جرح ايدو . وهي لسه مخرجتش ..
.وقام اخد الغطا . ونام ع الكنبه عشان مايحرجهاش
.وغمض عينيه وهو بيضحك . وقلبه بيدق ومشتاق ليها.
بعد شويه .
ميرو .جمعت شتات نفسها . وحست إن جسمها بيالمها . وخرجت من الحمام . ومثلت الجديه .
.لكن شافت إن تيم نايم. وقربت منه بشويش . وشافته نام . ونفخت باريحيه . وراحت ع السرير وحست بدوار وكحت بسيط. وحاولت تنام بالحجاب. ومخنوقه . واستغفرت كتير لحد ما نامت بعمق.
------------------بقلمي مريم نصار.
ووقت آذان الفجر ..
تيم : صحي . وحس إن ايدو بتألمه . وقام عشان يصلى .
. وشاف ميرو نايمه . وقرب ووقف قدامها . وشاف قد ايه انها فعلا ملاك . وقعد ع طرف السرير جمبها بشويش . وقعد يتأملها . وخلاص هيضعف ويقرب منها .
ميرو : حركت راسها .
تيم : انتبه وقام بسرعه . وضحك ع نفسه وقال ايه شغل المراهقين ده ؟
.وقال حرام عليكى ياميرو سنه كتير جدا. بس مش ع تيم عزيز ..
كلها فتره صغيره جدا وتكوني مراتى قولا وفعلا صدقينى . وده وعد منى ليكى . وسابها ودخل الحمام . واتوضي . وخرج . وصحاها عشان تصلى. وهو بدء يصلى .
ميرو : صحيت من النوم . وقامت بحرج كبير وحست انها دايخه وتعبانه وجسمها بيألمها.
ودخلت الحمام واتوضت . وخرجت ولبست الاسدال . وبدأت تصلى .
تيم : بعد الصلاه . نام ع الكنبه من غير ما يتكلم .
ميرو : حست انها مش عارفه تنام واتخنقت. وحاسه إن جسمها دافي .
. وقامت فتحت التراس وكان الهوا ف الوقت ده جميل ومنعش . وقعدت ع كنبه كبيره . وقالت الأذكار . وقعدت وقت طويل ف التراس .
------------------بقلمي مريم نصار.
الصبح الساعه ٨ صباحا . فيلا العدوي.
آدم مراد : بيتمرن ف الصاله الرياضيه الخاصه . ومخنوق جدا من اعتراف عامر والجارسون . وبيتمرن بالبوكس كأنه بينتقم منهم .
.ووشه وشعرو كله ميا . وبيضرب بغضب شديد . ومتغاظ جدا من الجارد ال جدو طلعهم قبل ما يقتلهم مكانهم . واقسم انه هيرجع حق أخته مهما حصل ..
فيلا الصاوي . الساعه ٩
كلهم . ع السفره بيفطرو .
ملك : انتى هتتاخرى انهرده ف الشركه ياساره؟
ساره : لأ ياماما هاجى ف ميعادي إن شاء الله . خير كنتى عايزه حاجه اجيبهالك؟
ملك : لا ياحبيبتي . بس نسيت اقولك إن زياد وماليكه . معزومين عندنا انهردا ع الغدا . انتى عارفه زياد مسافر بكره ف شغل وهيقعد اسبوع ويمكن اكتر ربنا معاه يارب .
جاسر : رفع عينيه ع آسر . وابتسم .
ساره : ابتسمت .. والله بجد . طيب حلو اوى .خلاص هحاول اجي بدرى ان شاء الله ..
جاسر : بمكر. برحتك ياساره يابنتى . كدا كدا ماليكه وحياة هيقعدو معانا كام يوم.. اجازه بقى . ولا ايه ياملك ياحبيبتى..
آسر : ابتسم بحماس . وقام بسرعه وقال أنا يدوب اروح ع الشركه عشان اجي بدرى .
جاسر : ضحك بصمت . وقال وانا ف انتظارك ياحفيدى العزيز . وغمز ل آسر ..
آسر : فهم إن جدو كاشفه وهرش ف قفاه بحرج . احم . طيب سلام انا بقى . يلا يا امى . وسلم ع ملك . وباس ع أيدها .
وراح يسلم ع جاسر .
جاسر : همس ف ودنه . اطلبهالك من دلوقتي؟
آسر : قلبه دق . وهمس ياريت بس هي لسه صغيره . وانا كمان . بس لو ينفع تحجزها اكون شاكر افضالك . ههههه ..
جاسر : ربت ع كتفه وضحك . متقلقش سيب الموضوع ده كله عليا ..
آسر : بتفائل .. باس ع أيدو .. حبيبى يا اجمل جدو ف الدنيا كلها.ربنا مايحرمنيش منك.
مالك : بيراقبهم .. اله جرا ايه؟ طيب ماتفهمونا ايه النظام؟
جاسر : مالكش دعوه انت . ده سر بينى وبين حفيدى ..
مالك : سر ؟ لأ ما انا لازم اعرف . ده حتى عيب ع مستشار زيي .
آسر : اتوتر . احم بعد اذنكم . وسلم ع ابوه. وقال يلا يا امي اتأخرنا ..
ساره : قامت بابتسامه . حاضر ياحبيبى . يلا بينا. وسلمت ع الكل . ومالك. وخرجت .
مالك : ف ايه ياحج ؟
جاسر : ههههه انا قولت مالكش دعوه بقى . اخلع يلا ع شغلك .
مالك : هي بقت كدا ؟ ماشي . بس الموضوع فيه انثي ولا انا غلطان؟
جاسر : ابتسم بحب .. قولتلك اخلع بقى . ومسيرك تعرف .
مالك : تمام ياحج زى ما تحب . . وباس ع راسه وايدو . وسلم ع امه وكارما . وخرج ..
------------------بقلمي مريم نصار
ف نفس الوقت .. ف اسكندريه ..
تيم : بدء يفوق . واتعدل ومسح وشه بايديه وبيتاوب . واتالم من ايدو .
.. وبص ع السرير وملقاش ميرو. وقام بخوف . وخبط ع الحمام . مره واتنين ومحدش رد . واتوتر . مريم ؟ مرييم انتى جوه؟ ومحدش رد .
.تيم مسح ع شعرو بخوف كبير . وبص حواليه وقال معقول تكون نزلت؟
. وشاف باب التراس مفتوح من ورا السِتاره . وبتتحرك بسرعه من شدة الهوا . وقال معقول ف التراس ع الصبح كدا ؟ واتحرك بسرعه . وخرج وفتح عينيه بدهشه.
ميرو : نايمه ع الكنبه ف وضع الجنين وبتترجف من الساقعه .
تيم : جري عليها بسرعه . ونزل ع ركبه قدامها . وبيصحيها . مريم . مريم.
ميرو : بتترجف ..........
تيم : رفع راسها . ووشها كان احمر وخاف عليها . وحط ايدو ع خدها . واتصدم . لأن جسمها سخن جدا . واتعدل بسرعه . وشالها . ودخل بيها . ونزلها ع السرير بخوف.
ميرو : بتترجف جدا وبتمتم وبتهلوس بكلام مش مفهوم . وماسكه ف تيشرت تيم بايدها .
تيم : قعد جمبها وقلبه بيدق بخوف كبير. ومسح وشها . ومستحملش درجة حرارته . وفك أيدها من تيشرته . وشد عليها الغطا .
.وقام بسرعه كبيره وقفل الشبابيك والتراس. وجابلها كمادات . ومهتمش بجرح ايدو . وبدء يعمل كمادات ليها . وحاول يفوقها . مريم ؟ مريم سمعانى؟
وبلع ريقه بخوف . ووشها احمر جدا .ومحتار . ورفع ضهرها بحنان عليه . وبدء يفك ليها الحجاب .
ميرو : بتهلوس . تي...تيم . ضربتنى . ا.انا معملتش حاجه .. ااه ا انا بريئه . ا.انا اتظلمت . تيم .ا.انا مش اختك . إ.ا انا بحب..... .
تيم : سمع كل كلمه . وقلبه وجعه عليها . وفك ليها الحجاب . وشعرها انسدل ع كتفها وضهرها وغطا ايديه .
وتيم انبهر بجماله . لكن الل شاغل تفكيره حاليا ميرو وبس . ورجعها مكانها . وجاب شعرها ع جمب . وبدء يعملها كمادات .
ميرو : بتهلوس . وبتكح .
تيم : راح بسرعه جاب علاج من الدرج .. وعدلها . وقعد خلفها بخوف كبير . وجاب مسكن . ومضاد حيوي . وعطالها العلاج . ورجع راسها ع صدره . وكمل ليها الكمادات وهي ف حضنه ..
بعد شويه . الحراره . بدأت تقل . وتيم . نيم ميرو . واتصل ع الروم سيرفز وطلب ليها اكل معين .
ميرو : نايمه . وبتنهج بسيط من السخونيه.
تيم : قعد جمبها ومسك أيدها بين ايديه . وباسها وحطها تحت دقنه بقلق واضح . وعيونه عليها . وقال . مريم سمعانى ياحبيبتى؟
ميرو : بتأن بتعب. امم .
تيم : اتنهد بزعل حقيقي .
الباب خبط . وكان الفطار .
تيم : قام . وفتح واخد الفطار . وقفل الباب . ودخل . وحط الأكل. جمبه. وعدلها من ضهرها وقعد خلفها. وسندها . وبدء ياكلها .
ميرو : فتحت عينيها بتعب شديد . وهمست تيم .
تيم : قلبه دق بإحساس مختلف . وقال قلب تيم يامريم. كدا تخوفينى بجد عليكى .
ميرو : بتعب شديد . عايزه انام .
تيم : طيب ياروحي . كلى دي ونامي .
ميرو : بتعب هزت راسها لأ عايزه انام .
تيم : استسلم . حاضر وحط الاكل ع الترول. وعدل ميرو ع السرير .وسابها تنام وشد عليها الغطا . وحزين جدا عليها. وهينزل يجبلها علاج مفعوله اقوى من الصيدليه ..
------------------بقلمي مريم نصار.
بعد فتره كبيره .. ف تركيا.
تمارا : نايمه ف حضن آريان .
آريان : بدء يفوق . وفتح عينيه . وشاف الوقت وكانت الساعه ٥ وبص ع تمارا . وابتسم. ورجع خصله ورا ودنها وهمس بحب . تيما حبيبتى ؟
تمارا : ........
آريان : قرب منها يفوقها بطريقته .
تمارا : فتحت عينيها وضحكت بسعاده .
آريان : ايه بقى كل ده نوم ؟
تمارا : اعمل ايه طيب احنا صاحيين من الفجر . وجيت ع الضهر فصلت .
آريان : طيب يلا بقى قومي خدى شاور حلو كدا . والبسي عشان هنغدى انا وانتى ف وسط البحر .
تمارا : حضنته بفرحه. حبييييببى انت والله .
آريان : ههههه قلبى انتى ياتيما . وباس جبينها وقال ربنا يقدرنى واسعدك ديما واخليكى مبسوطه ع طول .
تمارا : حطت راسها ع صدره . سعادتى ف وجودك جمبي وبس يا آريان . ربنا يديمك ليا.
آريان : رفع دقنها وباسها برقه . وقال بحبك .
تمارا : بحرج كبير .احم وانا كمان بحبك ..
آريان : قرب منها بحب كبير واخدها لعالمه الخاص..
-----
ف باريس عند كريم وليليان ..
كريم : واخد ليليان . وبيتفسحو . وبيتمشو ف شوارع باريس . ومبسوطين جدااا .
ليليان : بدلع . كيمو انا عايزه ايس كريم.
كريم : ايس وكريم كمان ؟ طيب ما انا معاكى اهو ياروحي .
ليليان : ههههههه . كريم انت ف قلبى . أما الكريم التانى دى ف معدتى . ههههه.
كريم : امممم اقنعتينى . تعالى وشدها من ايدها وجريو ف الشارع . وجاب ليها الآيس كريم . وماشيين ياكلو ف الشارع ..
ليليان : بتاكل بنهم . امممم طعمه لذيذ جدا . وقالت ياخبر بص هناك ياكيمو ..
كريم : بص الناحيه التانيه ..
ليليان : بمرح قربت الآيس كريم ع أنفه . وضحكت ع شكله .
كريم : كشر عينيه وقال هو انتى ومصطفى حد مسلطكو عليا صح ؟ . وجري وراها .
ليليان : بتجري وبتضحك . وخايفه كريم يحصلها ..
كريم : جري بسرعه . وشالها من الخلف ولف بيها كتير .. وليليان بتضحك بفرحه كبيره جدا. والايس كريم وقع منها . وضحكت ..
كريم : نزلها ولفها ليه .
ليليان : بتضحك . وبتنهج ..
كريم : ضحك وشالها ولف بيها كتير جدا . وقال بصوت عالى بحبببببببك ..
ليليان : بحماس اكبر ودقات قلب أعلا . بحباااااااك .
------------------بقلمي مريم نصار.
ف بيت المزرعه .
منصور : البواب . شاف العربيات . جري فتح البوابه الكبيره . ورفع ايدو بتحيه ليهم . يالف نهار ابيض يألف مرحب .
العربيات داخله ورا بعض ..
عربية آدم . وعربية مراد . وعربية فهد . وعربية آدم مراد ومعاه تالين .ودخلو المزرعه . ونزلو . والشغالين طلعو استقبلوهم . وشالو الشنط ..
منصور : جري عليهم بفرحه . حمدالله ع السلامه يابهوات . والله المزرعه نورت . بيك ياسي آدم بيه. الف حمدالله ع السلامه.
كلهم الله يسلمك ..
آدم : قلع النضاره . الله يسلمك يا منصور . انت عامل ايه؟
منصور : بسعاده.هو سيادتك حرمنا من حاجه؟ نحمد الله ياباشا . ربنا يخليك لينا .
مراد : ايه يا منصور . كل حاجه جاهزه ؟
منصور : بتأكيد . طبعا ياسي مراد باشا . اتفضلو . اتفضلو . ف الجنينه . انا ظبط كل حاجه عشان الهوانم يقعدو براحتهم . . والمطرح يرد الروح . وساعة زمن والغدا يكون جاهز ..
آدم مراد : لابس بنطلون اسود وتيشرت اسود.وعيونه ع آرين وعايز يتكلم معاها . لكن فهد موجود .. ورفع النضاره ع شعرو . وسابهم وراح الاسطبل .
آرين : مسكت ايد فهد . بابي عايزه اروح الاسطبل . بليز .
تالين : انا رايحه اشوف ساهيل وريڤان . ممكن تيجي معايا. ده بعد اذنك ياخالو ؟
فهد : نفخ بحيره .
رينو : بهمس فهد ارجوك احنا جايين هنا نفك عن نفسنا شويه.
مش لازم كل حاجه لأ. سيب آرين مع تالين .
فهد : من بين أسنانه بغيره . آدم راح الاسطبل يا لارين ؟
رينو : حبيبى ليه بتفكر بالطريقه دي؟ احنا خلصنا من تيم هتقول آدم ....
آدم كان قدامك اول امبارح . وعرض عليك يوصلك ف الفرح . ومهتمش. ب آرين خالص .
فهد : بصلها . انتى مفكره إن الواد ده سهل؟ وحياتك مش بعيد يكون هو الل ورا حكاية العصير ده .
تالين : ها ياخالو فهد . موافق نروح انا وآرين؟ ارجوك انا بحب آرين تكون معايا ..
آدم العدوي : بتفهم . خدى آرين لكن متدخلوش الاستطبل ياتالين عشان خطر عليكم . وخليكو ف الجنينه افضل.
فهد : اتنهد بأريحيه . سمعتو جدك قال ايه يا آرين؟ متدخليش الاسطبل.
آرين : بتذمر اوكي اوكي .. تعالى ياتوتا نتمشي ف الجنينه مش لازم الاسطبل . اوووف . يلا .
رينو : حرام عليك هتعقد البنت .
فهد : صك ع أسنانه . والله هعقدها؟ دي اكتر واحده متدلعه .
رينو : ياستار انت هتضربنى ولا ايه هههه.
فهد : نفخ بنفاذ صبر . تعرفي انا نفسي اضرب حد . بجد يعنى .... مكسرتش حد من زمان.
رينو : هههههههههه . يانهارى عليك يافهد انت مش هتتغير .
فهد : بص ف عينيها . وقال عمر غيرتي عليكى ما تقل ابدا . انتى عشق الفهد يارينو. و آرين حته منك . يعنى هي روحك وروحي. وانتى نبضي . انتي نبض فهد يارينو .
رينو : مسكت ايد فهد وباست عليها بحب كبير . وهمست ف ودنه . وانت عمري كله. وحشتنى اوى اوى يافهد .
آدم العدوي : همس ل مريم . ايه ياروحي مبسوطه .؟
مريم : نزلت النقاب . واخدت نفس عميق . وقالت تعرف الجو والهوا هنا ليه طعم تانى . والمنظر الطبيعي ده يرد الروح . راحه نفسيه بجد .
آدم : ابتسم. عندك حق . انا حسيت براحه نفسيه اول ما قعدت جمبك . ما انتى الطبيعه الجميله بحد ذاتها ..
مريم : همست بصوت واطي . تسلم لقلبى يا امبراطور روحي وكيانى .
آدم : بمكر . ناويه ع ايه يا اميرتي .؟
مريم : شهقت بحرج . الله يهديك يا آدم ..
آدم : هههههههه آمين يقلب آدم ..
مراد : بيتمشي مع فريحه . وقال بت يافريحه ..
فريحه : نعم ياقلب فريحه ..
مراد : اسمها نعم يامرادي يابنت المستخبى انتى ..
فريحه : هههههههه نعم يا اجمل مرادى ف الدنيا .
مراد : لأ حيث كدا بقى . تعالى نشوف اوضتنا فوق جاهزه . ونشوف حوار السكر ..
فريحه : بحرج. مراد احنا لسه واصلين والغدا ع وصول .
مراد : اتحرك. وشدها من ايدها . وقال غدا ايه ياعم؟. وبعدين دول معاهم ساعتين واكتر . وغمز ولا انتى مش عايزه سكر ؟
فريحه : بصت حواليها بحرج . يامراد ياحبيبى استهدى بالله.
مراد : شدها من أيدها . يلا يابنت كوم الشكاير. تعالى انت وحشنى ياعم . وانت عمال تحلو كدا .. قمر يخربيت ابوكي .
فريحه : شهقت بدهشه . وبعدها ههههههههههه .
..
آدم مراد : دخل الإسطبل . ونده ساهيل؟
الحصان . سمع صوت آدم . وعمل صوت صهيل وخبط برجليه .
آدم مراد : ابتسم . وفتح باب الاسطبل . وقرب من ساهيل .
ساهيل : لف حوالين آدم. كأنه مشتاقله وبيسلم عليه .
آدم مراد : مسد ع ضهرو . وراسه . وابتسم . وحشتنى يصحبى .
ساهيل : عمل صهيل بصوت عالى .
آدم مراد : ضحك . وحط السرج ع ضهر الحصان .. وقاله جاهز . وركب الحصان . وقاله يلا ورينى اقصى سرعه عندك .
ساهيل : رفع رجليه لفوق بصهيل عالى .وخرج من الاسطبل وجري بسرعه كبيره جدا كأنه اخيرا خرج للحريه ..
مراد : طالع ع السلم مع فريحته. وسمعو صوت الحصان . وبصه عليه. وشافو آدم . وابتسمو بفخر كبير ..
وفريحه : دعت إن ربنا يحفظه.
فهد : سرحان ف عشق رينو . وسمع صوت الحصان . وحاوط رينو من كتفها. وبصو ع آدم ..
مريم : بصت ع آدم وخافت. وقالت حفيدك يا آدم الحصان بيجري بيه بسرعه كبيره جدا . انا خايفه عليه ..
آدم : متقلقيش ياروحي. آدم حفيدى عارف هو بيعمل ايه . انتى بس ادعيله.
مريم : عينيها عليه. وقالت استودعتك عند الله يا آدم يابن قلبى يارب ..
آركان : اخد اكل . وراح يطمن ع الكلاب بتاعته . ريكس وهاسكي .
------------------بقلمي مريم نصار.
تالين : ماشيه ف الجنينه . مالك يا آرين شكلك مش مبسوطه؟
آرين : من جواها مضايقه .هي بقت عايزه آدم وبس. وقالت لأ انا مبسوطه عادي جدا ..
تالين : هزت كتفها. مش عارفه حاسه غير كدا .
آرين : نفخت بنفاذ صبر . مش عارفه بقى. بقولك ايه تعالى نشوف ريكس وهاسكي .
تالين : بخوف . لأ لأ . انا بخاف اوى . كفايه ماكس الله يكرمك ..
آرين : بتذمر يووووه . انا عايزه اشوف الحصان وكمان الكلاب . اومال احنا جايين هنا ليه ؟
تالين : ابتسمت بحب وقالت ..بصي الشجر الاخضر يرد الروح . بصي للسما وشوفي الطيور مع شكل الميا والزرع حاجه حلوه اوى كمية راحه نفسيه كبيره .
آرين : انا عارفه كل ده . وكمان كان نفسي اوى اركب خيل ف وسط المزرعه . كنت هبقى مبسوطه اوى ..
تالين : اقولك ع حاجه ؟
آرين : ايه ؟
تالين : أبيه آدم وعدني انى اركب خيل ..
آرين : شهقت بصوت عالى بجد ؟ يعنى آدم موافق انك تركبي خيل ؟
تالين : بضحكه رقيقه . ايوه . لكن الخيل ده . بصي هناك ..
آرين : لفت وشها . وشافت مجموعة خيل صغيره مش كبيره . وقالت بنفاذ صبر . هو ده خيل ؟ ده لسه صغير يا تالين ..
تالين : لأ طبعا . لل ف سنى مناسب جدا . انتى عايزه اركب حصان زى دارلي او ساهيل وريڤان؟ دول كانو وقعونا .. اهدى يا آرين . رحم الله امرئ عرف قدر نفسه .
آرين : بزعل طفولى . خلاص مش عايزه حاجه .. تعالى بقي نتمشي شويه ..
تالين : احنا كدا بعدنا عن العيله اوى ..
آرين : بغيظ . بصي بقى عشان مش كل حاجه لأ . واحنا بنتفرج ع الزرع مافيهاش حاجه بقى ..
تالين : اوكي اوكي متزعليش . بس . احم وكملت بحرج ..ممكن اروح التواليت وارجع تاني؟
آرين : اوكي روحي وانا هستناكي هنا ..
تالين : اوكي . باي .
------------------بقلمي مريم نصار.
آرين : بتتمشي وبتكلم نفسها . و شافت فراشه جميله اوى وفيها الوان كتير. وقربت بشويش . ومسكتها . ورغم خوفها لكن ابتسمت وقالت بانبهار . واو . ماشاء الله.
.انتى شكلك جميل اوى . سبحان الله الوانك تجنن كأنك لوحه جميله جدا كلها الوان ومنوره اوى. بصي انتى من دلوقتي صحبتى اوكي . وهسميكى ؟ وفكرت بحيره . اسميكى ايه ؟ اسميكى ايه؟
صوت من وراها . (ضي). سميها ضي .
آرين : اتخضت . ولفت . لكن قلبها دق بقوه . وضحكت بفرح وهمست آدم ؟
آدم مراد : نزل من ع الحصان . ومسك اللجام . وقرب منها. وقال جميله الوان الفراشه..
آرين : قلبها بيدق . وقالت بتوتر . ا.ايوه . احم ايوه شكلها جميل اوى وعجبتنى .
آدم مراد : بص ف عينيها وقال . بتشبهك كتير . وعشان كدا انا سميتها ضي .
آرين : بتوهان . ازاى . ومين ضي دي ؟
آدم مراد : قرب من ودنها وهمس. انتي (ضي آدم).
آرين : جسمها رجف . وبلعت ريقها بصعوبه . وقلبها بيدق بسرعه .. وسابت الفراشه ومسكت فستانها بايديها بقوه..
آدم مراد : اتعدل وبيرسم ملامحها وابتسم من توترها .
.وقال انتى واقفه لوحدك ف وسط الجنينه ليه ؟
آرين : بتلم شتات نفسها. وقالت بلخبطه..
ا.الحصان. إء . قصدى تالين . والخيل .وغمضت عينيها وفتحت بتلعثم . قصدى .....؟ اه اسكت يا آدم اصل انا زعلانه خالص جدا اه والله.
آدم مراد : عيونه ع حركات شفايفها . وغمض عينيه ونفخ بنفاذ صبر . وبص بعيد . ليه زعلانه ؟ ومين الل زعل ضي آدم ؟
آرين : ابتسمت بحب وفرحه كبيره من لقبها الجديد .
. وبعدها كشرت بطفوليه وقالت بابي مش راضي انى اركب خيل .
.تعرف يا آدم بجد بجد نفسي اركب خيل اووووى بجد . بس مش الصغير ده . تؤ انا عايزه ساهيل. بس بابي بقى رفض .
آدم مراد : رفع حاجبه . وقال نعم تركبي خيل؟ وكمان ساهيل ؟
آرين : خبطت برجليها ع الأرض مكانها وعيطت بطفوليه . عاااااااا . والله بجد حرام كدا . يعنى كل حاجه تقوله لأ . عاااااااا انتو مش بتحبوني . عاااااااا .
آدم مراد : ابتسم . بس يا آرين .
آرين : عاااااااااا لاااااااء انا ليه كل حاجه بحبها بتقوله لأ .
آدم مراد : ضحك بصمت ع شكلها وبراتها الل بيعشقه .. وقال خلاص أنا موافق ..
آرين : عاااااااا باااابي مااااامي ..
آدم مراد : هههههههههههه.
آرين : سكتت مره واحده وفتحت عينيها ببلاها وقالت آدم انت قولت ايه؟
آدم مراد : قلبه دق بحب وقال .. قولت موافق ياضي آدم مراد ..
آرين : اتكسفت ونزلت وشها ف الارض بحرج كبير.
آدم مراد : قرب منها الحصان . وقال ارفعى ايدك ع راس ساهيل بشويش.
آرين : قلبها دق بخوف . وقالت بس انا خايفه .
آدم مراد : بثقه . طول ما انتى معايه . مش عايز اسمع كلمة خايفه . تمام يا آري؟
آرين : بلعت ريقها بتوتر . وجواها خايفه . ورفعت أيدها برجفه . ونزلتها تانى بسرعه .
آدم مراد : قرب منها الحصان وقال متخفيش. وقال ساهيل اعرفك . ع ( آرين العدوي) .
آرين : ببلاها . بس انا آرين السيوفي يا آدم.
آدم مراد : بشبح ابتسامه .. وبصلها وقال بتملك وثقه كبيره .. انتى آرين آدم مراد العدوي .. ويلا بقى ارفعي ايدك ل ساهيل ..
آرين : قلبها بيدق بسرعه واتوترت . وبلعت ريقها بتوتر ورفعت أيدها برجفه . وحطتها ع راس ساهيل ..
سهيل : حرك راسه تحت أيدها . وقرب منها وعمل صهيل خفيف ..
آرين : ضحكت بمرح .. وااااو . ده جميل اوى.
آدم مراد : بغيره . من بين أسنانه . أولا ف قاموس آدم ممنوع اى وصف شكل لأى مخلوق حتى لو كان حيوان فاهمه .
آرين : صكت ع أسنانها بغيظ مكبت. وقالت بتذمر يووووه ده ايه ده بقى .؟
وربعت ايديها ببرود وقالت وبعدين ما انا قولت ع ضي الفراشه جميله اوى . وانت متضايقتش ليه؟
آدم مراد : كشر عينيه ف نظره خوفها . وقال . انتى جاوبتى ع نفسك .
.فراشه يعنى انثي مش ذكر تمام.؟ وخلى بالك من تصرفاتك بعد كده .. انتى كبرتى ورايحه كليه يعنى مش صغيره ..
آرين : ببراه وفتحت عينيها وقفلتها بطفوليه وقالت بعفويه ودلع . انا بحب كتير اوى اكون طفله عندك مانع .
آدم مراد : قلبه دق . ومسح وشه بايديه ونفخ بنفاذ صبر ..
.وقال اركبي الحصان عشان ١٠ دقايق وهترجعى ع البيت .
آرين : بتذمر ١٠ دقايق بس . خليها نص ساعه.
آدم مراد : بمكر . خلاص نتصل ع خالو فهد وناخد رائيه؟
آرين : بلهفه لأ لأ لأ .حلو اوى ال ١٠ دقايق . ده حتى بيعملو فيها بسكويت.
آدم مراد : بعدم فهم ايه؟
آرين : رفعت حاجبها وقالت ايه ماسمعتش عن بسكوت ال١٠ دقايق ..
آدم مراد : هز راسه واتنهد. لل تعبت قلبه بطفوليتها. وقال اركبي يا آرين ..
آرين : قربت من الحصان بخوف . وقالت بس السرج عالى اوى عليا .
.وبصت حواليها مفيش كرسي هنا او اى حاجه؟ وكشرت بزعل طفولى..
آدم مراد : شاف زعلها . وابتسم . ونزل ع ركبه ونص قدامها . وشاور ليها تطلع ع ركبته وتوصل للسرج ..
آرين : حطت ايديها الاتنين ع بوقها . وقلبها بيدق بسعاده كبيره جدا من الموقف ده ..
آدم مراد : ابتسم وقال بمكر . ما هو ماينفعش اشيلك دلوقتي . وغمز .
آرين : فتحت عينيها بدهشه . واتكسفت ومتكلمتش .. ورفعت رجلها برجفه . ووصلت للسرج . وركبت الحصان بخوف كبير ..
آدم مراد : قام ونضف هدومه . وشايف الفرحه والخوف ف عينيها..
آرين : برجفه . آدم انا خايفه اقع ..
آدم مراد : بابتسامه . انسي انك . تقعى ف وجودي . امسكى اللجام ده كويس .
آرين : مسكت اللجام . وقالت ساهيل هيجري؟
آدم مراد : رفع عينيه ليها وقال لأ . هيمشي معايا . لانه لو جري وقتها انا مش ضامن بقى . ولو اذاكي . وقتها مش هيكون ف ساهيل ولا حاجه اسمها مزرعه ..
آرين : ابتسمت برقه . واتنهدت بحب كبير .
------------------بقلمي مريم نصار.
الساعه ١١ مساءا ..
تيم : رايح جاي ف الاوضه بتوتر . الحراره بتروح وتيجي لميرو. واخدت دور برد شديد جدا . مع التوتر النفسي وقلة الاكل تعبت اكتر . وما اكلتش حاجه. وده هيجنن تيم.
تيم : قرب منها وشاف درجة الحرارة وكانت عاليه.
.وركب ليها كانيولا . وعلق ليها محلول مغذي تعويضا عن قلة الاكل. وقعد جنبها يعملها كمادات .
.وسرح ف جمالها. ومسد ع شعرها بحنان . واتنهد وباس جبينها . واتعدل . والمحلول خلص وقفل الكانيولا
ميرو : حركت راسها . وفتحت عينيها وقفلتها تانى . وهمست بابا آدم.
تيم : شاف الوقت . وده ميعاد جرعة مضاد الحيوي ..و خبط ع خدها بشويش .مريم انتى كويسه؟
ميرو : بتأن. اممم .
تيم : فتح كبسولة مضاد حيوي . وعدل ميرو . وسندها. خدي يامريم العلاج ده وهتبقى كويسه..
ميرو : ف اللاوعي . تيم انت فين ؟
تيم : عيونه لمعت . ونفخ بتوتر. انا جمبك ياحبيبتي . افتحي بوقك يلا خدى العلاج ده .
ميرو : بتعب شديد فتحت بوقها حاجه بسيطه .
تيم : عطالها الكبسوله . وشربها ميا. بالعافيه وساعدها . احسن دلوقتي يامريم ؟
ميرو : بتهلوس . تيم انت فين . متسبنيش .
تيم : بخنقه كبيره عشانها. حبيبتي انا جمبك .
ميرو : فتحت عينيها بتعب .
تيم : بصلها وابتسم . حبيبتى انتى كويسه . مريم انتى سمعانى؟
ميرو : بهلوسه عايزه انام. .
تيم : هز راسه ليها. ماشي ياروحي . نامي. ورجع ضهرها ع السرير.
ميرو : مش ف وعيها . وهمست خليك جمبي .
تيم : بحيره . ومش عارف يعمل ايه ؟
ميرو : بتترجف. متسبنيش انا سقعانه اوي. مامي انتى فين ؟
تيم : خاف عليها . ونام جمبها . وشد عليها الغطا . واخدها ف حضنه . وضمها لقلبه بحب كبير . ونامت ف حضنه . وقلبه بيدق بسرعه كبيره . وبيتألمها ..
ميرو : بتترجف . وبدأت تستكين تماما . وغمضت عينيها ونامت وهي بتهمس بإسم تيم ..
تيم : رجع خصلة شعر ورا ودنها وهمس . عيون تيم يامريم . وباس جبينها . وزاد من حضنها وضمها لقلبه بشعور مختلف وبيزيد عشق اكتر من قبل . ونام لأول مره وملاكه ف حضنه .. الحلقه 30 ج 2
#رواية_جريمة_عشق4
(ميراث العشق)
فِي كُلِّ مَرَّةٍ يَزورنِي القَلَق ، أَتَذْكُر أنِّي تَحْت ظلّك ؛ أَنْتَ الَّذِي لَا يُعْجِزْكَ شَيْءٌ ، تَتَولانِي بِرَحْمَتِكَ ، وتدبرّ أُمُورِي ، وَلا تَكِلْنِي لِسوَاك ، فَاسْتَحْي مِن يأسِي ، وقلّة صَبري ")!
______________________________________
بسم الله نبدأ
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
تاني يوم الصبح ف شركة الصاوى .
همس : خبطت ع ساره ودخلت . بضحكه صافيه ..صباح الخير يا مدام ساره .
ساره : ابتسمت اهلا صباح الخير يا همس ياحبيبتى .اتفضلى اقعدى . وقفلت الملف .
همس : قعدت . انا مش عارفه بصراحه اشكر حضرتك ازاى ع معاملتك الجميله دى.؟
ساره : ههههه برضو جملة كل يوم ؟
.بصي يا همس بصرف النظر عن انك بنت رجل الأعمال المعروف رياض المنشاوى . لكن انا بجد حبيتك زى آسر ابنى بالظبط . وحابه جدا الطموح والشغف ال عندك . فكرتينى بنفسي زمان . مع اختلاف الظروف طبعا. وكمان ال اكتشف فيا الطموح ده عمو آدم . وكان ونعم السند بجد . ف انا بحبك لشخصيتك الجميله والمرحه . ياريت بقى مش كل يوم اسمع منك الموشح ده وشكرا ومعرفش ايه؟ انتى زى آسر اوكي ..
همس : ابتسمت بحب. ميرسي جدا لحضرتك بجد . وده شرف ليا انك تعتبرينى زي الاستاذ آسر . اتفضلى حضرتك ده ملف لفكرة المشروع الجديد ال ف دماغي وقولت لحضرتك هجبلك الفكره بتاعتى .
ساره : هاتى يستى . لما نشوف ولو انى متاكده من عبقريتك . واخدت الملف وفتحته .
همس : ميرسي جدا بجد .
ساره : بصت ع الأوراق .ف نظره سريعه . اممم برافو .مشروع كمبوند متكامل الخدمات. وف مكان راقي . اممم . بس ده ياهمس مش تخصصات مجموعتى هنا . ده تخصص الشركه الأم للامبراطور . او شركة المهندس زياد جمال .
همس : بحرج . بصراحه . بابي عرض عليا يمول المشروع ده لحسابي . لكن انا عايزه ابدء من الصفر . والمشروع ده حلم حياتى وعايزه احققه بمجهودى.
ساره : بتفكير اممم . ال هيساعدك ف المشروع الجديد ده .هو عمو آدم . بصي انا عايزه نسخه متصوره من الملف ده وخلى الاصل معاكي . وانا هتواصل مع عمو آدم . بميل الشركه التجاريه. لانه مسافر حالياً وكمان الباشمهندش زين وزياد هيسافرو انهردا . ولو مردش انا هتصل عليه بنفسي واتناقش معاه وياخد فكره عن الموضوع .
همس : بحماس . يعنى ممكن يوافق ؟
ساره : ابتسمت . اكيد طبعا . طيب تسمعى عن رجل الأعمال الجديد ف مجال الالكترونيات هاشم الشرقاوي؟
همس : فتحت عينيها بدهشه ايوه فعلا . ده بيقوله مشروعه عمل ضجه ف اسكوتلندا . رغم أنه سنه صغير ..
ساره : ههههه ايوه هو ده . تعرفي بقى إن عمو آدم هو اال مموله المشروع ده . وهو ال وقف جمبه لحد ما وقف ع رجليه .
همس : بانبهار . واااووو .
------------------بقلمي مريم نصار.
ف اسكندريه .
تيم : نايم . وبدأ يفوق . وفتح عينيه . وشاف ميرو نايمه ف حضنه وشعرها مغطى وشها . وكان قلقان عليها ورفع ايدو بسرعه يشوف درجة الحراره . وكانت كويسه. واتنهد بأريحيه . وقال الحمدلله .
ميرو : نايمه ف آمان وعمق كبير . كأنها مانمتش من شهور . وحركت راسها ورفعت أيدها ع صدر تيم ..
تيم : ابتسم بحب . ورفع ايدها وحطها ع خدو . وباس كف أيدها . وهمس صباح الورد.
ميرو : كحت بسيط .
تيم : فتح عينيه بدهشه . وقال لو فاقت وشافتني بالمنظر دا؟ . ممكن تزود فترة العقوبه . ونتخطب سنه واربع شهور .
. ورفع راسها من ع صدرو بشويش . ونزلها ع المخده . وعدل أيدها . واتعدل ببطء شديد لانها بتفوق .
ميرو : كحت تاني . وفتحت عينيها بتعب وغمضت تانى . وبتتألم .
تيم : قال جواه ربنا يستر . بشعرها ال جنني ده . احم . وقعد ع طرف السرير .. صباح الخير
ميرو : سمعت صوت تيم . وبتتألم من البرد . ورجعت شعرها بتعب . وهمست صباح الخير .
تيم : ابتسم بحب . كدا ياميرو توقعى قلبى عليكي بالطريقه دي ؟.
ميرو : بتفكر بتعب وعايزه تفتكر ايه الل حصل وايه الل بيقوله ده . ومش قادره تتكلم . حاولت تتعدل ..
تيم : بسرعه حط مخده ورا ضهرها. ع مهلك ياحبيبتي .
ميرو : سحبت أيدها بسرعه منه . واتعدلت . وماسكه راسها من الصداع .
تيم : شاف وشها الجميل مع شعرها ال جننه. واكتمل جمالها مع لعنة العشق وقلبه دق . واتنهد ومسح ع شعره . وقال عامله ايه دلوقتى؟
ميرو : بتعب هو ايه الل حصل . انا مش فاكره حاجه . وايه الل جابنى هنا ؟
تيم : انتى امبارح الفجر نمتى ف التراس . والهوا ع البحر كان شديد عليكى . واخدتى برد . وحرارتك كان معديه ال٣٧ . كان حتة يوم شوفت فيه النجوم ف عز الضهر . لكن الحمدلله اهم حاجه انك كويسه .
ميرو : بصت ع أيدها وشافت الكانيولا. وبصت ع الكمود شافت العلاج . وقالت بحرج ميرسي جدا .تعبتك معايا ..
تيم : بمكر ياريت كل التعب تبقى نهايته حلوه كدا .
ميرو : كشرت عينيها بعدم فهم . ورفعت أيدها ع الحجاب . وفتحت عينيها بصدمه كبيره . وهمست شعري؟
تيم : كتم الضحكه. وسكت .
ميرو : اضايقت جدا . وشافت الحجاب ع التربيزه . وقامت بسرعه. وداخت جدا وكانت هتقع . وقعدت ع السرير تانى .
تيم : شافها . وقام بسرعه لف ليها . ونزل ع ركبه قدامها وقال بقلق مريم انتى كويسه؟ حاسه بايه قوليلى ؟
ميرو : بزعل حقيقي . سكتت وبصت بعيد .وعيونها لمعت بدموع ..
تيم : فهم . واتخنق . وقام جاب ليها الحجاب . وقال اتفضلى . انا ماشيلتش الحجاب بمزاجي .
.انتى كنتى تعبانه جدا . ودرجة حرارتك عاليه .وده سبب انى فكيت الحجاب . آسف . كمان افتكري انى جوزك يعنى ما اجرمتش.
. وياريت تقومى تاخدي شاور عشان تفوقي . لانى هطلب فطار ونفطر ع البحر . وسابها بخنقه .ودخل الحمام .
ميرو : مسحت وشها بتعب . وشمت ريحة برفان تيم خارج من فستانها . وقلبها دق . وشافت الكمادات والعلاج . وكلمة جوزك ال بتعشقها. وابتسمت بحب كبير . ع خوفه عليها واهتمامه ..
بعد شويه ..
. تيم خرج من الحمام . وشافها قاعده ع السرير زى ما هي . وحطت الحجاب ع شعرها . وقال اتفضلى عشان البس وهننزل .
ميرو : قامت بتعب . واخدت هدومها ودخلت الحمام واخدت شاور ..
تيم : صلى الضحى . وغير هدومه . ولبس بنطلون وتيشرت ..وواقف قدام المرايا . ورش برفان . وسرح ف شكل ميرو وهي نايمه ف حضنه . وافتكر وقت الفجر . لما صحى يصلى . وهي ضمته اكتر وقالت متسبنيش مبعرفش انام من غيرك . واتنهد بابتسامه ..
.وقال أنا مش قادر ابعد عنك اكتر من كده كلها كام يوم ... ولو مرجعتيش عن الشرط ده . انا هتصرف معاكى بطريقتي . وابتسم بمكر . وقال ايوه مفيش غير الطريقه دي .. وسرح شعرو . وبيصفر بمرح ..
ميرو : خرجت من الحمام . ولابسه إسدال . وصلت الصبح . والضحى . ودخلت أوضة اللبس . ولبست فستان رقيق سماوى ف ورد الوان هاديه . وجميل جدا عليها .
.وسرحت بتفكر . وقالت أنا ليه حاسه إن تيم كان قريب اوى منى ؟
.وليه حاسه اني نمت كويس جدا . ونفخت بحيره . طيب واخرتها . يومين وحساهم سنه . وابتسمت بحب . وقالت تيم قال أنا جوزك . اممم الكلمه دى بتنعش قلبى بجد .
.بس ف حجات كتير جدا عايزه اعرفها . زى كامليا ؟ وكمان انتى اختى ازاى؟ وهو بيقولى بحبك من زمان؟ وازاى عرف اني بحبه؟ تؤ انا لازم اعرف كل حاجه .
. وكمان عايزه اديله درس ع وجع قلبى ال عشته . ٨ سنين عذاب . وكمان هو ف يوم وليله كدا عايزنى ابقى مراته . طيب ازاى؟
.وانا اصلا مش مستوعبه ال حصل لحد دلوقتي؟ فجاءه كل حاجه حصلت بسرعه والإنسان ال تعبت ف حبه الاقيه هو كمان بيحبنى؟ وحست بدوار ومسكت راسها وغمضت عينيها .. وقالت الدوخه دى مزعجه جدا .. ولبست الحجاب . وخرجت .
تيم : واقف ف نص الأوضه . بيلبس الساعه . ورفع عينيه شاف ميرو خارجه من الاوضه . وبص ليها ف نظرة عشق ..
ميرو : وقفت مكانها . وبصت ليه ف نفس النظره . والقلب لو كان بيتكلم . كان اعترف بميراث العشق ال بينهم . ولكن اكتفي بسرعة دقاته ليهم .
وبعد شويه قطع سحر اللحظه . كامليا ال اتصلت ع تيم ..
ميرو : انتبهت . وبصت ع الفون ال ع التربيزه قدامها . واتخنقت جدا . وصكت ع اسنانها بغيره مكبوته .
تيم : انتبه . وقرب منها يشوف مين الل بيتصل . ولكن تعابير وشه قلبت ١٨٠ درجه . وقبض ع ايديه ..
ميرو : بتكابر دموعها . وقالت بجديه انا نازله بعد اذنك . وسابته ونزلت بسرعه . وبتنهج من الغيره . وعايزه تضرب كامليا..
تيم : مسح وشه بايديه ونفخ بضيق حقيقي .. ورد عليها بجمود . الووو.
كامليا : بمكر . الو تيم حبيبى . ليه ديما بتقلقنى عليك ؟
تيم : عيونه بتطلع شرار . وقال من بين أسنانه .عايزه ايه ياكامليا ؟
كامليا : كشرت عينيها بعدم فهم . عايزه ايه ؟
تيم : انتبه . وبعد الفون عن ودنه . واخد نفس عميق . وقال اهدا ياتيم . لسه منتقمتش منها . وابتسم بتمثيل . وحط الفون ع ودنه وقال . معلش يا كامي انا لسه صاحي ومش مركز ..
كامليا : ابتسمت ولا يهمك يابيبى . انا بس كنت عايزه اطمن . وكملت بخبث كبير ياترى الفرح كان عامل ايه؟ وميرو اتجوزت خلاص ؟
تيم : ابتسم ع غبائها .وفهم انها شمتانه . وقال طبعا اتجوزت . وجوزها مكنش مصدق إن ميرو من نصيبه . اصل انتى مش هتصدقى انه كمان شايف إن ميرو كتير جدا عليه ..
كامليا : صكت ع أسنانها بغيظ كبير وغيره . وقالت والله؟ وانت ايه الل عرفك بقى ؟
تيم : ابتسم بمكر . اصله غنى ليها قدام الكل . وكمان نزل ع ركبه قدامها وقدم عشقه ليها. واعترف بحبه الكبير ليها .. طيب تعرفي انه لقبها انها ملاكه . ومش هتصدقى بقى أنه رقص وهي ف حضنه وشالها ولف بيها كتير . وقالها انتى أساس حكايتى . بصي الفرح كان خيال بجد . وميرو كانت مبسوطه جدا جدا جدا .
كامليا : بتتنفس غيره وقالت بصوت جهوري خلاااص مش عايزه اسمع حاجه ..
تيم : مثل الحيره وقال ليه ياكامي ؟ ليه مش عايزه تسمعى . مش انتى ال عايزه تطمنى ع ميرو والفرح ؟ انا اهو بحكيهولك كأنه حصرى .
كامليا : بتتنفس غيظ . وقالت ايوه خلاص المهم انها اتجوزت وف حالها دلوقتي ..
تيم : بمكر . مين قالك انها ف حالها . دي اتجوزت ف نفس العماره بتاعتي وشقتى جمب شقتها بالظبط . يعنى ميرو هتكون معانا ليل ونهار .
كامليا : بتنهج بغيره وغل كبيره . وقالت تيم انا لازم اقفل دلوقتي ..
تيم : ابتسم بمكر . استنى بس طمنيني ع صحة والدك ؟
كامليا : بنرفزه . كويس . كويس وكلها كام شهر ونرجع ع مصر .
تيم : قبض ع ايدو وبص قدامه وقال بشر كبير . وانا مستنى اليوم ده بفارغ الصبر ..
كامليا : مركزتش . وقفلت . وحدفت الفون بغل كبير في المرايا وكسرتها وصرخت بغيظ . وقالت لااااااااء لااااااااء مريم هتبعد عنك ومش هتعيش جمبك . مفيش حد من عيلتك هيقرب منك . انت ملكي انا وبس . انت بتاعي انا وبس . ومحدش ليه حق فيك غيرى انا وبس فااااااااهم يا تييييييم ؟
تيم : قفل الفون . وصك ع اسنانه بغضب . وقال اقسم بالله العظيم لادفعك كل كلمه قولتليها ع مريم ياكامليا . بس الصبرررر ..
------------------بقلمي مريم نصار.
ع البحر ..
ميرو : بعد ما نزلت كانت مخنوقه جدا . وخرجت من الفندق . وراحت عند البحر . وقعدت ع تربيزه .
. وقالت بغيظ . طيب ازاى بقى بيحبنى؟ وكامليا كل يوم تتصل عليه؟
.لأ وكمان دلوقتي اكيد رد عليها وبيكلمها بما أنه منزلش لحد دلوقتي؟ اممم ماشي ياتيم اوووكي .. وبتهز رجليها بتوتر واضح .. وبصت ع البحر تتأمل فيه .
جت بنت شافت ميرو . وشهقت بفرحه . وقالت مريم العدوي ؟ مش معقول .
ميرو : رفعت عينيها وشافت هبه صحبتها وضحكت بفرحه كبيره مش معقول هبه محمود؟ وقامت وسلمو ع بعض .
هبه : حضنتها بفرحه كبيره . مريم وحشتينى اوى اوى يامريومه . وطلعو من حضن بعض .
ميرو : بضحكه . هبه انتى وحشانى جدا والله . عامله ايه ياحبيبتى ؟ وايه المفجاه الجميله دى؟
هبه : بعتاب . كدا برضو يامريومه . انا لو وحشاكي بجد هتتصلى وتطمنى عليا. بس انتى بقى من فتره كبيره قطعتى عنى اخبارك .
ميرو : غصب عني ياحبيبتي انا بجد أسفه لكن اكيد ظروفى كانت أكبر منى . متزعليش . لكن قوليلى ايه ال جابك اسكندريه ..
هبه : ابتسمت بحرج . انا اتخطبت يامريومه . ههههه .
ميرو : بفرحه . واو بجد الف مبروك ياحبيبتى .
هبه : الله يبارك فيكي ياقلبى . وجيت هنا اسكندريه لأن عيلة العريس عايشين هنا. وعزمونا نقضي يومين هنا. وخطيبى جاي هناك اهو . واسمه فادي . وانتى بقى جايه هنا بتقضي الاجازه؟
ميرو : بحرج احم . لأ انا اتجوزت وا.....
هبه : صرخت بفرحه كبيره . بجد بجد يامريومه اتجوزتي . الف مبروك ياروحي. وكملت بزعل حقيقي يعنى اتجوزتي كمان ومقولتيش ؟ لا انا زعلانه بجد .
ميرو : سورى بجد يا هبه كل حاجه حصلت بسرعه كبيره جدا ..
فادي : جه عليهم وشاف هبه. وقال ايه ياهبه بتعملى ايه؟ وشاف ميرو وبصلها بإعجاب هاي .
ميرو : اتحرجت واكتفت وهزت راسها ليه .
هبه : فادي حبيبى احب اعرفك بصديقة الجامعه . دكتوره مريم . وده فادي خطيبى يامريم.
فادي : مد ايدو ليها يسلم عليها .. اهلا وسهلا اتشرفت بحضرتك يادكتوره ..
ميرو : اتكسفت لانها مبتسلمش ع رجاله..
تيم : قرب من ميرو . وحط ايدو ف ايد فادي بغضب واضح .
.وقال .. مراتي مبتسلمش ع حد غريب . وضغط ع ايدو بتحذير . وبص ل ميرو ف نظرة غيره واضحه .
فادي : بيداري الألم .. ههههه بجد عموما انا بعتذر جدا انا معرفش حاجه زي كده . بس ليه مبتسلمش فيها ايه يعنى ؟
هبه : بخنقه. فادي لو سمحت . وابتسمت دكتور تيم انا بعتذر . بس بجد مفاجاه جميله جدا . يعنى حضرتك اتجوزت مريم . بجد انا فرحت جدا علشانكم .
ميرو : رغم فرحتها بغيرته عليها . لكن موقف كامليا مضايقها .
تيم : اكتفي بابتسامه ..
ميرو . وانا كمان مبسوطه اوى عشانك ياهبه . واعملى حسابك انك هتتغدي معايا انهردا ع البحر .
تيم : قبض ع ايديه بغيره وسكت .عشان مايحرجهاش .
فادي : ههههه بجد كلك ذوق وانا موافق ولا ايه رايك ياهوبا ..
تيم : مسك أيد مريم بغضب واضح . بعد اذنك يادكتوره هبه . لاننا متأخرين . وشدها ومشيو .
هبه : بتعجب .. بصت ل فادي وقالت ع فكره مريم كانت بتتكلم معايا انا .
فادي : مط شفايفه ببرود . وفيها اي يعنى؟ كنتى هتتغدى لوحدك معاهم ؟ واضيع فرصه زي دي؟
و مش عارف ليه حاسس ان جوزها ده متخلف وراجعي . تخيلي بيقول مراته مبتسلمش ؟ قمة الجهل هي ف ناس لسه بتفكر كدا ؟
هبه : بصتله بدهشه وقالت جهل؟ يعنى انا اسلم ع اي راجل غريب عادي مفيش عندك مانع ؟
فادي : بتأكيد. نيڤر ياحبيبتي . دي شيء عادي جدا .
هبه : هزت راسها بتنهيده . وقالت ماما بتنده عليا بعد اذنك .وسابته ومشيت ..
تيم : راح عند التربيزه . ووقف قدام مريم . واتكلم بغيره كبيره من بين أسنانه بغيظ .. ممكن اعرف ايه ال انتى عملتيه ده ؟
ميرو : قلبها فرحان لغيرته . وقالت برقه عن عمد . انا عملت ايه بس ؟ دي صحبتى وجايه ضيفه ف فندق صاحب بابا آدم . وانا عزمتها ع الغدا . هو انا كدا غلطت ياتيم ؟
تيم : غمض عينيه . وقال جواه هي سنه سو.... انا مش هستحمل . احم .
. وفتح عينيه . وقال بغيظ لأ معملتيش حاجه غلط . والواد الملزق ال معاها ده. ال فارض نفسه ف كل حاجه .. وبيقلدو بغيظ .ليه مبتسلمش فيها ايه يعنى ؟ يابنتى ده مش راجل ده العيل بيفهم احسن منه . اه والله .
ميرو : غصب عنها ضحكت . هههههههه . ههههه.
تيم : قلبه دق لضحكتها . لكن قرب منها وهمس ف ودنها . اقسم بالله لو ضحكتك صوتها طلع تاني بره الجناح بتاعنا . لاتشوفى وش اتمنى بجد أنك ف حياتك متشيفهوش . ماشي يامريم هانم ؟
.واقعدي بقى عشان انتى تعبانه. وماكلتيش من امبارح .
ميرو : ضغطت ع شفايفها بحرج كبير وفرحت اوي . وحاسه انها مالكه الدنيا كلها بين ايديها . وبعدها كشرت تانى ..لانها افتكرت كامليا. وقعدت بصمت .ومتغاظه .
تيم : قعد قدامها . وبص ع فادي بغيظ . وقال عيل طري .
ميرو : هههههههه اوبس آسفه .
تيم : مسح وشه بايديه . اه شكلك كده عايزه تنتقمى صح .وابتسم بغيره وقال أنا هطلب فطار . عشان هنخرج تمام .
ميرو : هزت راسها تمام وكاتمه الضحكه .
------------------بقلمي مريم نصار.
ف المزرعه ..
ف الجنينه . تربيزه كبيره. تشبه السفره. والشغالين بيجهزو الفطار .. وكان فطار مالذ وطاب .
آدم ومريم . خارجين رايحين الجنينه .يفطرو .
مراد وفريحه وتالين . خارجين .
فهد ورينو وآركان . خارجين .
وكلهم سلمو ع بعض . وقعدو ع السفره ..
مريم : فين آرين يارينو ياحبيبتى ؟
رينو : ابتسمت نايمه يامامي . بصحيها وقالت سيبنى يامامي ارجوكي انا سهرانه طول الليل بقرا قصص . قولت انتى حره . وسبتها .
مريم : نوم الهنا إن شاء الله. بس كانت تصحي تفطر معانا .
فهد : بغيره . آدم ابنك فين يافريحه؟
فريحه : آدم بيجري ف الجنينه من بدري يافهد .
مراد : ههههههههه قوم اجري انت كمان يافهد .
فهد : وماله نجري . بس ماتنساش انهردا سباق ال احصنه انا وانت وآدم .. بعد ما نرجع من الجهاز.
آركان : حضرتك ع طول ناسينى كدا .؟
فهد : وانا اقدر انساك . انا كمان جهزتلك دارلي أرابيان ليك مخصوص .
آركان : بانبهار بجد حصان دكتور تيم؟ ده كده انا الل هكسب .
فهد : قول إن شاء الله . ياحبيب ابوك.
آركان : طبعا إن شاء الله .
آدم : طيب يلا بقى الكل يفطر .
فريحه : طيب و آدم يابابا مش هيفطر ؟ انا بعت ليه عم منصور يقوله الفطار جهز .
آدم : بص ف الساعه . وقال سيبى حفيدي هيفطر برحته . يلا الكل يبدء . بسم الله .
كلهم بيفطرو. والجو والفطار كان جميل جدا ف وسط الزرع والهوا النقي .
آدم مراد : منصور قاله ع الفطار . ورجع ع البيت . عشان ياخد شاور .
آرين : بتتقلب بغيظ اوووف بقى . عاااااااا لازم مامي تصحينى اهو من وقتها مش عارفه انام . وقامت بغيظ . ولابسه بيجامه طفوليه . وشعرها مفرود . وقالت ياتري البطل هيقتل البطله امتى؟ يوووه ايه ال انا بقوله ده . اوووف . وقامت .
آدم مراد : دخل البيت من الباب الخلفي . وطالع ع السلم . وحط الفوطه ع كتفه ..
آرين : خارجه من الاوضه . ورايحه الحمام. ومتاكده إن الكل بره ف الجنينه . وماشيه كسلانه . وفجاءه شهقت بصوت عالى . لأن آدم حط ايدو ع بوقها و شدها للاوضه. .وفتحت عينيها بصدمه كبيره .
آدم مراد : بينهج بصوت عالى . وحاطط ايدو ع بوقها .ومحاوطها من وسطها وقرببين جدا من بعض .
آرين : عينيها مفتوحه ع الاخر بصدمه . وهزت راسها ل آدم بخوف ..
آدم مراد : شاف شعرها الدهبى ف بني لاول مره . ولعنة العشق زادت الضعف .. وده جننه حرفيا . وصك ع اسنانه بغضب واضح ..
آرين : خافت من شكل آدم . وقربه منها . وعيونها لمعت بدموع ..
آدم مراد : بفحيح افعى انا هشيل ايدى . ولو صرختى . هتندمي فاهمه؟ .
آرين : دموعها نزلت ع ايدو. وهزت راسها ..فاهمه.
آدم مراد : شال ايدو بغضب .
آرين : عيطت بشهقات .
آدم مراد : نفخ بغيظ كبير. وزعق بس بتعيطى ليه دلوقتي؟
آرين : بشهقات . عشان ..عشان انت خطفتنى يا آدم . عاااااااا ..
آدم مراد : غمض عينيه واتنهد بنفاذ صبر . وقال خطفتك ؟ وزعق .. انتى ازاى خارجه من اوضتك بالشكل ده؟ وصك ع اسنانه بغضب واضح وقرب من وشها ..
آرين : خافت ورجعت لورا ..
آدم مراد : قال بغضب تعرفي إن ابن منصور . كان خارج من اوضة بابا . وهيشوف حضرتك بالشكل ده؟ انتى عايزه تعملى فيا ايه اكتر من كده؟
.اسمعى يا آرين . قسما بالله. لو شوفتك بالشكل ده تانى . انا هزعلك منى جامد انتى فاهمه ؟
آرين : اتكسفت جدا منه. وكمان بتعيط من أسلوبه. وقالت بدموع. وكلام متقطع بطفوليه . ا.انا . ا.انا والله مامي....مامي قالتلى قومي ..ما ... مفيش حد ف البيت .
..كله ف ...ف الجنينه . وعشان.....كدا ا.انا خرجت من الاوضه ..ل.لكن .لكن انا. لو كنت اعرف ..ما ...ماكنتش خرجت بالشكل ده ابدا.. وعيطت .
آدم مراد : غمض عينيه بتعب لدموعها . وقرب منها. ومسح دموعها مع دقات قلبه ال بتزيد .. خلاص بطلى عياط خلاص .
آرين : بصت ليه بزعل ورجعت خطوه لورا . وقالت أنا زعلانه منك . ومش هكلمك تاني . وجريت من قدامه بسرعه وهي بتعيط .
آدم مراد : حدف الفوطه ع الأرض مكانها بغضب واضح . ومبيحبش يشوفها زعلانه . لكن كمان غيرته عليها قاتله . وازاى حد يشوفها بالشكل ده..
دي مجرد بيجامه وفرده شعرها بس . جمالها عدى المدى وجننه
ودخل الحمام مخنوق . واخد شاور . وهيخرج بسرعه عشان فهد مايفكرش حاجه ..
عند آرين : قافله ع نفسها بالمفتاح .وقاعده ع السرير بتعيط بحزن حقيقي . وقالت تيم . انت فين؟ مبقتش بتسال عليا ليه؟ انت عمرك مزعلتنى . عمرك ما هددتنى زي آدم . وجابت فونها واتصلت ع تيم .
------------------بقلمي مريم نصار.
ف اسكندريه .. ع البحر .
تيم بيفطر . وعينيه ع ميرو . ومهتم بيها ع الفطار . وقال اشربي العصير ده ..
ميرو : بحرج لأ ميرسي انا شبعت .
تيم : ياريت تسمعى كلامى . اتفضلى العصير . لانك بتاخدى انتبيوتك ولسه تعبانه .
ميرو : اخدت العصير بحرج. احم ميرسي ..
تيم : طلع العلاج من جيبه . اتفضلى ياحبيبتى . بعد. العصير خدى الكبسوله دى ..
ميرو : ابتسمت لاهتمامه . ميرسي جدا .
تيم : لا ميرسي جدا ع واجب . ويارب تقللى مدة العقوبه . انا ممكن اعمل إستئناف ع فكره . واطلب منك الرحمه .
ميرو : هههههههه . وكانت ضحكه رقيقه جدا وصافيه.
تيم : بحب . تعرفي يامريم . لما بتضحكى برقه كدا . قلبى بيبقى رهن الضحكه دى ..
ميرو : وشها بقى احمر جدا . ودقات قلبها زادت عن حدها ..
تيم : شاف وشها الاحمر . وقلبه دق ليها . وقال اشربي العصير . ربنا يعدى السنه دى ع خير . اه والله .
. وفونه رن وابتسم وقال آرين بتتصل.
ميرو : ابتسمت بحرج . وقالت بعفويه امم كلهم ف بيت المزرعه .
تيم : رد عليها وهو مبتسم . وشاور لميرو بهمس خدى علاجك ياروحي .
.وقال. الو آرين الجميله عامله ايه؟
ميرو : اتكسفت . واخدت العلاج ..
آرين : بدموع اذيك ياتيم .
تيم : كشر عينيه . آرين انتى بتعيطى؟
ميرو : انتبهت وسابت الميا ..وقلقت ..
آرين : ابتسمت بتمثيل لأ انا مش بعيط . انا ....احم انا بس زعلانه عشان انت مبقتش تسال عليا .
تيم : ابتسم .انا انساكي؟
. انتى اختى الصغيره يا آرين . وبعدين انا اتصلت امبارح وسألت عليكي ورينو قالت انك مع تالين ف الجنينه .
. وكمان انا مظبط الواد آركان عشان يجبلك الشوكليت بتاعتك كالعاده لحد ما ارجع . بس انا حاسس انك مخنوقه ف حاجه حصلت بجد . قولى انا تيمو ..
آرين : بدموع. ابدا انا كويسه كتير . بس حبيت اطمن عليك . ميرو عامله ايه؟
تيم : بشك . قال ل ميرو ثوانى . وقام واتحرك خطوتين . وقال ميرو كويسه ...
لكن هو آدم مراد ضايقك ف حاجه؟
آرين : عيطت بصوت مهموس . وقالت انا مش هتكلم معاه تانى ياتيمو . انا زعلانه منه اوي . وكمان زعلانه منك .
تيم : بقلق ..آرين قولى ف ايه؟
آرين : كانت هتقوله لكن اتكسفت. وقالت مفيش حاجه . هو ...هو مش موافق انى اركب خيل و دارلي أرابيان .
تيم : اتنهد باريحيه .وابتسم . يامجنونه قلقتيني عليكى .
. بس آدم عندو حق . انتى عارفه إن قبل آدم فهد هيرفض .
.وبعدين هو اكيد خايف عليكى .ركوب الخيل صعب جدا عليكى لانك مش متدربه كويس عليه. وخصوصاً دارلي . وساهيل.وكمان ريڤان
آرين : بس آدم مبيخافش عليا. آدم بيخوفنى منه .
تيم : رفع عينيه لميرو. وقال صدقينى كل حاجه بنعملها بتبقى خوف عليكم .
آرين : طيب هسالك سؤال . لو ميرو نازله ببجامه وكانت بشعرها ف الفيلا غصب عنها ومفكره إن مفيش حد ف الفيلا . وكان مثلا آريان هيشوفها . انت كنت عملت ايه؟
تيم : فهم ان آدم شافها بشعرها . وقال انا كنت كسرت الدنيا .
. اسمعى يا آرين . الحب الحقيقي هتلاقيه عباره عن مواقف .
. مش معنى انى بخاف عليكى وعايز مصلحتك تزعلى منى لا .
.انا لو شوفت ميرو نازله بشعرها وبجد مش هزار انا ممكن ازعل ناس كتير اوي منى .
. لكن لو فكرتي ف تصرفي هتلاقيه غيره وحب . ومش عايز البنت الل بحبها حد يشوف طرف توبها . الغيره وحشه اوي يا آرين وخصوصاً عند الراجل. والراجل ال بيحب بجد . والتصرف ده يبقي خوف عليها مش قلة ثقه أو قلة تقدير . انا لو مش بحب ميرو . مش هاهتم واقول خلاص عادى موقف وعدا . لكن عشان ميرو عندى حاله خاصه ومكانتها في قلبى كبيره جدا . غيرتى عليها من عشقى ليها . آرين ال بيحب بجد لازم يحافظ ع ال بيحبه . الحب مش كلمه وخلاص . الحب افعال لا اقوال يا آرين فاهمانى؟
آرين : بتسمع تيم . وافتكرت مواقف آدم معاها. وخصوصاً امبارح كان ممكن أوى يشيلها ويركبها الحصان وكانو لوحدهم . لكن هو معلش كدا . كانت معاه ف العربيه لوحدهم . وسرح ف جمالها ومتعداش حدوده ولا لمس أيدها حتى . وافتكرت كلامها معاه دلوقتي انها مش هتكلمه تانى . وكمان كان ابن منصور هيشوف شعرها . ولو فهد كان طربق الدنيا . وضغطت ع شفايفها بحرج كبير من نفسها ع الموقف ده .
تيم : تفهم سكوتها . وقال بمكر . انتى بقيتى تعيطى بدموع اهو . انا لما بزعلك منى زى السنتر كدا وصحباتك . كنتى بتزنى وتصدعيني . عشان زعلك مني بيبقى عادي . شكل كدا آدم مراد ليه مكانه خاصه إن دموعك تنزل من زعلك منه ؟ امممم . لأ انا كدا ازعل. واجيب ناس تزعل .
آرين : مسحت دموعها وابتسمت بحرج . وقالت بمرح . نو نو نو . آدم مراد اخويا زيك بالظبط ياتيمو .
تيم : بخبث امممم اخوكي الكبير . اه طيب تمام كويس جدا انك قولتيلى .
آرين : كشرت عينيها بعدم فهم ليه بقى كويس ها؟
تيم : لأ عادي اصل الواد آدم بصراحه حاجه كدا مفيش منها اتنين. يعنى بشوفه فهد ع بابا آدم ع خالو مراد ع عمي طارق . ايكونه متنوعه . وال ذي ده اكيد البنات هتخطفه هههههههه..
آرين : صكت ع أسنانها بغيظ كبير وقالت اه بنات تخطفه اه . عاااااااا انا مش هكلمك تاني انت كمان. اقفل بقى عشان انزل .
تيم : ههههههههه تمام يا آرين وخلى بالك منه ماشي؟
آرين : بحرج احم انا ماليش دعوه ب آدم اوكي ؟
تيم : بخبث . ومين جاب سيرة آدم . انا قصدى ع دارلي أرابيان هههههههه..
آرين : ابتسمت بمرح .هيهيهي اوكي اوكي . امشي بقى وبوسلى ميرو اوكي ؟
تيم : بص للسما وقال مش لما اعملها انا .؟
آرين : بتقول ايه ياتيمو ؟
تيم : نفخ بغيظ وقال مبقولش . مبقولش يا آرين يلا انزلى . وسلميلي ع كل العيله . وخلى بالك من نفسك تمام ؟
آرين : اممم اوكي . باي .
تيم : باي .
------------------بقلمي مريم نصار..
بعد فتره .
منصور : بيجري بخوف . ل ادم مراد وقال . الحق ياسي آدم بيه. الست آرين ركبت حصان الدكتور تيم . وجري بيها وبتصرخ ------------
-------------
بدل ماتدور وتبحث علي الروايات خليها علي تليفونك وحمل تطبيقنا
