رواية بائعة المتعه الفصل الرابع بقلم حنان حسن
بائعة المتعة
الجزء الرابع
للكاتبة..حنان حسن
بعدما الست العجوزة غرست السم في شفايفي
قالتلي..
اني دلوقتي اقدر اخلص من اي عدو ليا..مهما كان هو مين
بمجرد ما يتذوق قبلة من شفتاي
وامرتني العجوز باني اتغدي بالعقربة واخواتها
قبل ما هي توصلي وتتعشي بيا انا واخويا
وبعدما اختفت الست العجوزة
قررت اطيع اوامرها
وقولت هبدء/ بق&تل ياسر
لانة (الاخ المقرب والعزيز علي قلب العقربة)
وفعلا...
رجعت تاني بسرعة علي مكتب ياسر
وانا مقررة اني هغفل السكرتيرة
وادخل استفرد بياسر ...
واغرر بيه
لغاية ما اقتلة بقبلتي السامة
و لما وصلت للدور الي فيه المكتب
مدخلتش للمكتب
وفضلت واقفة امام باب الاسانسير
وعملت اني منتظرة ركوب المصعد
وفي الحقيقة انا كنت بتابع المكتب الي كان مفتوح وبتابع السكرتيرة من بعيد
وكتت منتظرة ان السكرتيرة تغيب عن مكتبها ولو لثواني
عشان اقدر ادخل انا لياسر
بدون ما تلمحني
ويظهر ان الحظ كان محالفني
لان السكرتيرة
قامت من علي مكتبها ودخلت للحمام بالفعل
واول ما لقيت الطريق لياسر فاضي ادامي
دخلت بسرعة
واتوجهت لمكتبة مباشرة
لكن...
اول ما دخلت علي ياسر
ملقتوش علي مكتبة
فا بحثت بعيونة علي ياسر
في المكان
واخيرا وجدتة
...
لكن...
شوفت منظر غريب اوي بالنسبالي
والمنظر كان التالي..
سجادة صلاة مفروشة
علي الارض..
وياسر/ واقف عليها وبيصلي
في خشوع
فا فضلت واقفة اتابعة وانا شاردة بذهني
وافتكرت الجرايم الي ارتكبتها اختة في حقنا
وفضلت اقولة في سري
معقولة ؟
شقيق العقربة بيصلي؟
يعني تاكلوا ميراث اليتامي في بطونكم...
وتقتلوا ....وتفسدوا في الارض
وفي الاخر تفرشوا السجادة وتصلوا عادي كده؟
وكنت واقفة ابصلة وانا دماغي بتجيب القديم والحديد
لكن فوقت
علي صوت ياسر
الي كان انتهي من الصلاة
وهو بيسال
وبيقول...
انتي رجعتي تاني يا انسة؟
فا استغربت
وسالت نفسي
وقلت...
هو بيكلم مين؟
و رجعت
قلت لنفسي..
يمكن يكون لابس سماعة وبيكلم حد علي الموبيل
لكن...
بعد ثواني
لقيتة بيكرر السؤال
وبيقول...
انتي مش كنتي هنا من شوية مشيتي لية فجاءة ؟
انتي يا انسة ؟ متردي عليا؟
انا مش بكلمك؟
في اللحظة دي
عرفت انه بيوجه كلامة ليا
فا رديت بسرعة
وقلت...
هو حضرتك بتكلمني انا؟
معلش اصلي سرحت شوية علي ما حضرتك تنتهي من الصلاة؟
فا رد ياسر
وقالي...
انا خلصت الصلاة بالفعل
اتفضلي قولي ...عايزة اية؟
فا توقفت ادام سؤالة
ومبقتش عارفة اقولة انا جاية عايزة اية؟
فا حاولت غير الموضوع
وسالتة
وقلت..معلش ممكن سؤال؟
قال..اسالي
قلت...
هو حضرتك عرفت ازاي
اني انا الي جيت ومشيت من شوية؟
فا رد ببساطة
وقالي .. العطر بتاعك نفاذ يا انسة
وبديهي اني اعرفك من العطر بتاعك
قلت...اه تمام كده انا فهمت
فا رد ياسر بضيق
وقالي...
ممكن بقي اعرف انتي مين وعايزة اية؟
فا ضربت لخمة تاني
ومبقتش عارفة اقولة اية
وفي الاخر ...
رديت بتلعثم
وقلت...انا كنت جاية عشان..
انا .. مندوبة من مصنع عطور..
والمصنع ارسلني لحضرتك
عشان اعرض عليك اكتر من
نوع من العطور الي بينتجها المصنع
فسالني ياسر
وقالي..
انتي اسمك اية؟
قلت..اسمي هناء
فا رد ياسر بنبرة هادئة
وسالني تاني
وقالي..
معاكي عينة من المنتج بتاعكم يا هناء ؟
فا قررت ابيع لة البرفان بتاعي
وقلت..ايوه طبعا معايا اجمد برفان حريمي يا فندم
فا قالي...
تمام ... عايز اشم عينة من البرفان الي معاكي
واخيرا ...لقيت ياسر
بدء ياخد ويدي معايا في الكلام
في اللحظة دي
قلت انتهز الفرصة
واقرب منه ...وانهي حياتة بالسم الي في شفايفي
لكن اترددت
لان ..
بالرغم من ان ياسر كان ادامي
لكن..الالية...
وطريقة التنفيذ الي
كنت هق؟تلة بيها
كانت صعبة جدا
ازاي هقرب من راجل غريب
واقبل شفايفة؟
و استغربت من نفسي...
ومن خجلي
دا المفروض اني فتاة ليل و ببيع المتعة كل ليلة
يبقي ازاي مش عارفة انفذ مهمة زي دي؟
واكتشفت اني فاشلة حتي في شغلي
وكنت بفكر امشي
لكن...لما افتكرت كلام العجوزة
فا قررت اني لازم اتجراء وانفذ مهمتي
فا رشيت بسرعة العطر علي رقبتي ...
وقربت من ياسر
وقلتلة...
الجديد في البرفان بتاعنا
انة عطر ومنعم للبشرة في نفس الوقت
قال ..تمام ..ممكن اجربة؟
فارديت بسرعة
وقلت..
علي فكرة
التجربة عندنا لازم تبقي عملية
وبما ان العطر حريمي
فا انا دلوقتي وضعت عينة من البرفان بتاع مصنعنا
علي رقبتي
وتقدر حضرتك تقرب مني عشان تشم البرفان
وتتاكد من مفعولة علي البشرة
وبدات اقترب من ياسر بالفعل
وكانت شفايفي قربت تلامس وجهة
يعني كان فاضل علي ياسر لحظات
وياسر يفارق الحياة للابد
لكن....فجاءة
لقيت ياسر
بيدفعني بعيد عنة
وهو بيردد
وبيقول...استغفر الله العظيم من كل ذنب عظيم
ابعدي يا انسة واتقي الله
مصنع ايه ده
الي بيستعمل دعاية رخيصة عشان يسوق للمنتج بتاعة ؟
في اللحظة دي
ضربت الارض برجليا
وانا هتجنن
واقول ... اية الحظ ده؟
دنا كنت خلاص قربت المس وجهة
وكنت هخلص علي اول واحد في عيلة العقربة
وعلي حظي
( شقيق العقربة)
يطلع راجل تقي ... وصعب يقرب من انثي
وطبعا مكنش ينفع احاول تاني
وكل الي عملتة
هو اني تراجعت للخلف بخجل
وقلتلة..
اسفة يا فندم
لو كنت ضايقتك
بس ده نظام شغلنا
وانا بنفذ الي اتعلمتة في قسم التسويق مش اكتر
فا رد ياسر بغضب
وقالي...
يا انسة قسم التسويق بتاعكم بيستخدم وسائل محرمة وغير اخلاقية...
للترويج للمنتج بتاعة
ازاي بنت زيك
تقبل انها تعرض نفسها مع السلعة الي بتبيعها ؟
بصراحة استغربت من غضبة وثورتة وغيرتة علي دينة
اصلي اول مرة كنت اقابل الصنف ده
والرجالة الي عرفتهم قبل كده
مكنوش كده
ولقيتني بسال نفسي بدهشة
واقول ..
هما عملوا تحديث للرجالة ولا اية؟
المهم
حاولت اصلح الي انا نيلتة
ورديت بسرعة
وقلتلة...
اعمل ايه بقي منا ظروفي صعبة
و محتاجة كل قرش بيجي من الشغلانة دي
فا رد ياسر بشفقة
وقالي...
لا حول ولا قوة الا بالله
اسمعي يا انسة
الشغلانة بتاعتك دي
ممكن تتسبب في اذيتك
لان اصحاب القلوب المريضة كتير
وانتي باين عليكي بنت صغيرة
ومعندكيش تجارب
فا رديت بمسكنة
وقلت...ايوه فعلا عندك حق
انا مشكلتي
اني عديمة الخبرة
بس هعمل اية؟
هو انا لقيت شغلانة غيرها
ورفضتها؟
فا رد ياسر
وقالي..
اسمعي يا انسة
انا ممكن اوفرلك شغلانة محترمة وبراتب معقول
عندنا هنا
وهترتاحي فيها جدا
ايه رايك؟
فا رديت وانا بمسك ايده
عشان اشكرة
وقلت...بجد الف شكر
فا ابعد ايده عن ايدي تاني
وقالي...
لا ...اسمعي بقي ...
اول شرط في الشغل عندنا هنا
هو ..
ممنوع التلامس او الاقتراب من الرجال نهائي
انتي فاهمة ؟
قالها ياسر بنبرة جادة
وسالني بعدها
وقالي..
ها قولتي اية ؟
موافقة علي الشرط ده ولا اية؟
فا بصيتلة وانا مندهشة
وقلتلة بيني وبين نفسي
يظهر اني مش هقدر المسك
بسبب تدينك
يلهوي.....معني كده اني لازم اتجوزك عشان اق&تلك ؟
المهم
لما لقيتة بيسالني عن راي في الشغل
قلت...موافقة
فا هز راسة
وقالي..تمام
ومد ايده وتحسس مكتبة لغاية ما وصل لجرس فوق مكتبة
ونادي علي السكرتيرة
وبمجرد ما دخلت السكرتيرة
فضلت تبصلي بتعجب
وكانها بتسال نفسها
هي دخلت امتي وازاي دي
لكن ياسر قطع تأملها فيا
وامرها تجهزلي مكتب جنبها
وتعلمني الشغل بيمشي ازاي
فا ردت السكرتيرة وهي بتتفحصني
وقالت...
بس الانسة مش محجبة
وحضرتك عادة بترفض تشغل عندنا بنات متبرجات
في اللحظة دي
رد عليها ياسر بنبرة حاسمة
وقالها....
الي بقولة يتنفذ بدون نقاش
فا ردت السكرتيرة با استسلام
وقالت...تحت امرك يا فندم
وقد كان
وبالفعل اتعينت في المكتب
بس طبعا قبل ما استلم شغلي عند ياسر
اتصلت علي صاحب البيت المش&بوة
و مديت الاجازة
بحجة اني لسة مريضة ومحتاجة شوية وقت كمان
ووصيتة انه ياخد بالة من اخويا في الفترة دي
وبالفعل وافق صاحب الشغل علي مد الاجازة
وطمني ان المربية الخاصة ملازمة لاخويا ليل نهار
وفي الوقت ده
قدرت استلم شغلي الجديد
وقربت من ياسر اكتر
وعرفت انة انسان طيب
وفهمت من السكرتيرة
ان ياسر عامل شهرية لكذا اسرة فقيرة...
وبيعمل اعمال خيرية كتير
ولماحاولت استدرج السكرتيرة واسألها عن العقربة
اختة ومدي تأثيرها علية
ردت السكرتيرة
وقالتلي...
ان ياسر له ذمة مالية مستقلة عن اختة
وشخصيتة قوية وصعب حد يأثر علية
وبصراحة انا اتاكدت من قوة شخصيتة بنفسي
و بالرغم من ثراء ياسر ونفوذة
و شخصيتة القوية
لكن الكل كان بيحبة وبيحترمة
لانة كان متواضع و بسيط جدا
والي عرفتة عنة ده
خلاني اتفتن بية وبشخصيتة
وكتير كنت بقف اتاملة وهو بيصلي فرض ربنا
وبيقراء القران
بصراحة عجبني اوي قربة من ربنا
وبدات اعمل زية
ولاول مرة من سنين
كنت ادخل اتوضي واصلي
والي كان يشوفني كان يقول ..
اني نسيت كلام العجوزة ونسيت الانتقام
وبقيت شخص تاني
المهم...
عشان مكنش ينفع اصلي بشعري
استلفت طرحة وعباية من زميلتي في العمل
ولقيت نفسي اجمل كتير وانا ساترة جسمي
وتاني يوم
لقيت السكرتيرة بتقولي
ان ياسر بية اعطي كل واحدة مننا اجازة
وطلبت مني اني اخرج معاها عشان
نشتري شوية حاجات
ولما خرجت معاها
اشترت السكرتيرة عبايات وطرح كتير واحذية شيك
لكن...
الغريبة انها كانت بتجيب كل الحاجات دي علي مقاسي انا
ولما سالتها عن السبب؟
قالتلي...ان ياسر بيه
لما عرف اني بستلف منها العباية والطرحة
عشان اصلي
اعطاها فلوس وامرها تشتري ليا الحاجات دي
فا اخدت منها الحاجة ورجعت علي المكتب
عشان اشوف انا هدفع ثمنهم لياسر ازاي
وبالفعل اتوجهت لمكتبة
لكن ..
لما دخلت علي ياسر
لقيت معاه شخص في مكتبة
فااترددت وكنت هرجع
وقلت...
اسفة مكنتش اعرف ان في حد عند حضرتك
فا سمعت الشخص الي كان قاعد مع ياسر
بينادي عليا
وبيقولي..اتفضلي يا قمر انا مش غريب
وبص الراجل لياسر
وقالة..مش تعرفني بضيفتك القمر دي
فا رد ياسر
وقالي..تعالي ادخلي يا هناء
وعرفني ياسر علي الراجل الي معاه
وقالي ...
اعرفك بجلال اخويا
ودي هناء السكرتيرة الجديدة
وفهمت ساعتها
ان ده يبقي جلال الاخ الاكبر لياسر
ومكنش كبير اوي يعني
كان حاجة كده
في اوائل الاربعينات
المهم..
بمجرد ما عرفت ان جلال يبقي شقيق العقربة
فضلت مركزة معاه
وعنيا منزلتش من علية
والغريبة انه هو كمان عنية منزلتش من عليا
ويظهر ان جلال ترجم
نظرات عنيا
الي كانت متسلطة علية طول القعدة غلط
وتقريبا افتكرني معجبة بيه
لانة طلع الكارت بتاعة
الي علية ارقامة
وقرب مني بجراءة ووضعة في جيبي
وهو متعمد انه يعمل كده في سرية
بدون ما ياسر ياخد بالة
فا فهمت في اللحظة دي
ان جلال بيختلف تماما عن ياسر
وجلال فعلا الي لايق علية انه يكون اخ للعقربة
وبمجرد ما شوفت جلال رجعت افتكر كلام العجوز
والثأر الي بيني وبينهم
المهم...
بعدما جلال اعطاني الكارت بتاعة
شاورلي بايدة
بمعني ...ابقي كلميني
وشوية و استاذن جلال من ياسر ومشي
وبعد ما بقيت انا وياسر لوحدنا
لقيتة بيسالني
وبيقولي...
سمعت انك بداتي تواظبي علي الصلاة
فا ابتسمت
وقلتلة
انا مش بس... بدات اصلي
دنا كمان قررت اني اتحجب
وانت الي ساعدتني علي كده
(بجد شكرا)
فا ابتسم ياسر
ورد عليا رد مفاجئي
وقالي...
انا كنت عارف ان شكلك جميل
لكن مكنتش اعرف
ان جواكي فطرة نقية
وقلب اجمل
في اللحظة دي
لقيتني باقولة...
اي حد يقابل شخص زيك لازم يتغير
انت فعلا اعظم راجل قابلتة في حياتي
فا ابتسم ياسر بسعادة
وقالي...
علي فكرة
البرفان بتاعك حلو اوي
وكتير حلمت اني بستنشقة من خلالك
وبملي صدري بية
واسترسل ياسر في وصف مشاعرة
وقالي...
انا بقي حلم حياتي اني اقرب منك يا هناء
لكن ده صعب يحصل الا
في الحلال
فا اية رايك؟
قلت..تقصد اية؟
قال...اقصد اني بطلب ايدك
وعاوز اتجوزك يا هناء
ومنتظر ردك
في اللحظة دي
كنت عايزة اقولة...
اني كدبت علية
و مكنتش مندوبة لاي مصنع
واني مجرد ( فتاة ليل)
قربت منه عشان اطبع علي وجهة قبلة مسمومة
لكن مقولتش حاجة
عشان مكنش ينفع اكشف السر
الي مخبياه
وكل الي عملتة
هو.. اني التزمت الصمت
ومشيت من ادامة
وانا دموعي مالية عنيا
وبدون ما انطق بكلمة واحدة
خرجت من مكتبة
والمفروض
اني كنت هرجع لشغلي
لكن الي حصل ...
هو اني اخدت شنطتي وغادرت المكتب...
وغادرت كمان حياة ياسر كلها
بالرغم من اني كنت حبيتة فعلا
غادرت ....بعدما قررت
اني...
( هستثني ياسر)
من الانتقام
وقلت لنفسي
استحالة انتقم من شخص طيب زي ياسر
واخده بذنب العقربة
وبعد ما نزلت من المكتب
بدات افكر في كلام العجوزة تاني
وبدات اعيد افكاري من جديد
وفي اللحظة دي
قررت اني هنفذ اوامر العجوزة
وهكمل في رحلة الانتقام
لكن المرة دي
اول قبلة هتكون من نصيب (جلال ابو كارت)
شقيق العقربة
وعشان الوقت مكنش في صالحي
والايام كانت خلاص بتروح مني
قررت اخلص علي جلال في اسرع وقت
فامديت ايدي علي الكارت الي اعطاهولي جلال
ودخلت ارقامة في موبيلي
واتصلت بيه...
وبشوية نحنحة وصوت مسهوك
اقنعتة اني وقعت في غرامة من اول نظرة
وطلبت اني اقابلة
وطبعا جلال مصدق سمع طلبي
وطلب مني اني احدد مكاني
عشان يجي ياخدني لشقتة الخاصة
وفعلا...
معداش ربع ساعة من وقت ما عرفتة مكاني
الا ولقيتة امامي بالعربية بتاعتة الفارهة
وبيقولي..اركبي
فا ركبت معاه
وانا بتمني انه ميفجأنيش ويطلع محترم
هو كمان
عشان نخلص من المهم السودة دي بقي
لكن... جلال بسم الله ما شاء الله علية
كان مستعجل اوي علي نهايتة
بدليل انه بدائها بغباوة
و حاول يتحرش بيا
بمجرد ما ركبت معاه السيارة
وجرائتة دي استفزتني
وقررت اني انهي المسألة في السيارة
فاطلبت منه يوقف السيارة في مكان هادي
بحجة اني عايزة اقولة حاجة
مهمة
وفعلا وقف جلال السيارة
وبعدها...
اقترب مني
وقالي...
كلي اذان صاغية ليكي يا قمر
قولي بقي
كنتي عايزة تقولي اية؟
فا ابتسمت وقلتلة
لا.... ده سر
ولازم اقولهولك في ودانك
فا ابتسم جلال ابتسامة خبيثة
تنم عن انه فهم قصدي
وشدني ناحيتة بقوة
لدرجة ان وجهي اصبح ملاصق لوجهة
فا انتهزت الفرصة دي و.......؟
لو عايز باقي احداث الرواية صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
