رواية ساظل ملكة قلبك (كامله جميع الفصول) بقلم سحر سمير لطفي نصار

هتعمل ايه لو الحياه ادتك فرصه تعيش تجربه جديده و مغامره في نفس الوقت ؟؟

هتعمل ايه ؟؟

انا اكيد طبعا هوافق 

لان الحياه تجارب و لازم اتعلم من كل تجربه تمر عليا و الا مبقاش استاهل اعيش فيها 

في البدايه انا اسمي سحر عندي ٢٧ سنه عايشه لوحدي اخواتي متجوزين و اهلي مسافرين كنت بشتغل سكرتاريه في شركه دا طبعا قبل ما الشركه تصفي عمالها و تقفل قبل يومين 

الحمد لله مش زعلانه كدا كدا خير اصلا 

انا مش جميله اووي انا متوسطه الجمال و قصيره و متوسط يعني و لا تخينه و لا رفيعه و محجبه 

عايشه لوحدي ومش مختلطه بحد و معنديش صحاب 

و مش مرتبطة

و اوعوا حد يفكر اني بقا مكتئبه و حزينه بقا و الكلام دا لااا يا حبايبي نونونو تب تعرفوا أنا لسه كنت في دريم بارك من يومين و عايشه حياتي و براحتي 

بحب المغامرات و بحب اعيشها 

و طول ما الحمد لله مراعيه ربنا و راضيه ضميري يبقا اسكوزمي محدش له حاجه عندي

ناس كتير هتسالني ليه مش مرتبطة و انتي مش صغيره يعني ٢٧ سنه يعني ٣ سنين و تكوني في الثلاثينات 

اقول و بكل فخر انا استرونج ومن

 و يوم ما اتجوز اتجوز اللي يحبني و اللي يحترمني في نفس الوقت و اللي يستحملني في كل حالتي و اللي احس 

معاه بالأمان بس طبعا كل اللي اتقدموا لي بتوع مامااااا

فاكرنهم بتوع طنط فكيها دول 🤣🤣

الزمن دا بقا ما يعلم بيه الا ربنا تشوف الراجل من دول بيطرقع في اللبانه و لا اجدعها صافينار 🧐🧐

و لا تشوف الراجل بدقن تقول محترم و متدين عارف ربنا و يطلع من وراكي ليه فديوهات علي الفيس بيرقص فيها زي صافينار و اكتر 😳😳

اقول ايه بس 🤯🤯

يلا استاذنكوا انا بقا و اروح احضر الغدا اصل اختي و جوزها جايين لي النهارده

اختي اسمها جميله و جوزها اسمه حازم متجوزين جديد و دي تعتبر أول خروجه ليهم جايين يتغدوا معايا 

عاوزين الحق و لا ابن عمه 

كلام في سركم كدا و لا انا بطيق جوز اختي و لا هو بيطقيني 

اصل انا كنت معارضه الجوازه دي من الاول 

هتقولولي ليه اقولكم اختي تستاهل احسن منه بكتير

هو حقيقي ميستاهلش ضفرها 

وحقيقي حقيقي حقيقي انسان مستفز بطريقه تخليك و انت قاعد قدامه عاوز تصقف له علي قفاه 

هي اللي اختارت 

يالا بارك الله لهما و بارك عليهما 

الحق احضر الاكل

بعد مرور ساعتين

جرز الباب بيرن 

الحمد لله لحقت احضر الاكل و البس لبس شيك استقبلهم 

فتحت الباب و رحبت بيهم 

دخلوا و كان معاهم وجه جديد

اللي هو مين البرص الجعان اللي وراكم دا 

سامحوني يا جماعه انا عارفه أن لساني فالت بس انتوا مش غراب بس هو مش في كل زياره يجيب لي واحد من صحابه انيل منه علي أساس أنه يجوزني و خلاص 

الا هو انا قاعده فوق دماغكم كدا الموضوع ذاد عن حده 

قاطعوا افكاري بكلام حازم : دي يا سيدي العروسه اللي قولت لك عليها ...تعالي يا سحور تعالي يا عروسه متتكسفيش دا حمدي صاحبي 

قولت من بعيد : اهلا اتفضلوا 

دخلتهم و دخلت احضر انا و اختي الاكل و سامعه حازم بيحكي للبرص ..قصدي حمدي قصه حياتي 

اللي هو انا حاليا هموت و اطلع اديله بالجزمه هو وصاحبه 

بس لا يا سحوره اهدي و خليكي عاقله دا بردوا جوز اختك الهبله...قصدي الهاديه و اي حاجه هتحصل هتاثر عليها في حياتها 

مبقاش انانيه بقا وهي شكلها واقعه في دباديبه

قاطعني لقيت اللي بتهز فيا : سحر سحر سحر

الله في ايه يا بنتي 

- ايه قاعده اكلمك بقالي ساعه و انتي مش معايا ااه هو حمدي اكل عقلك من اولها 

و المصحف بالجزمه هو انا ناقصاكي انتي كمان تب ارد اقولها ايه بس 

قاطعني أنها خرجت 

احسن بردوا اصل ممكن شويه و كنت أخرج عن شعوري و اطلع اديهم بالجزمه و اطردهم كلهم برا 

و ببص شوفت......

يتبع

روايه : سأظل ملكه قلبك

( اسطوره الحب )

للكاتبه : سحر سمير لطفي نصار ‏ #مدونه_دار_الرواية_المصرية

فكره جديده بجانب رواية : عريس علي ما تفرج