رواية الامان المخيف الفصل الثاني 2 بقلم رحاب القاضي

ــــــــــــــــــــــــــــــــــــــــــــــ 

عزيز بصدمه

انت بتعمل ايه هنا.. 

قبل ما يرد عليه فتحي وقف عزبز وذقه بعيد وقال ليه بحده.. 

عزيز

امشي غور من هنا بقولك.. 

ام ابراهيم بقلق

خلاص يا عزيز الناس بتتفرج علينا.. 

سما ما كانتش فاهمه حاجه وسالتهم 

هو في ايه يا جماعه، مين ده يا عمو؟.. 

فتحي بغضب

رد عليها يا عزيز باشا انا ابقي مين

اول ما سمعت صوته عرفته، اتملت عيونها دموع وقالت بصوت طلع منها بالعافيه

سما

فتحي؟.. 

قرب منها وقال بابتسامه هاديه

مبروك انك رجعتي تشوفي يا قلب فتحي.. 

سما بحده

كانت امنيتي الوحيده ان الحاجه الوحيده اللي ما اشوهاش هي انت يا فتحي.. 

عزيز 

يلا بينا يا سما.. 

فتحي بعصبيه

قريب اووي كل حاجه هتبان يا عزيز يا شناوي، نصيحه ليك تخاف علي نفسك مني.. 

عزيز قرب منه وقال بحده

انت بتهددني يا ولد، انت نسيت نفسك ده افعصك برجلي.. 

وقف فتحي قدامه وقال بتحدي

جرب كده تعملها ولو لقيت رجلك وقتها ابقي قول عليا مش راجل

عزيز بعصبيه 

لا عاش ولا كان اللي يهددني يا فتحي، وانت اللي جيبته لنفسي.. 

قرب فتحي من سما وقال 

قريب اووي هتكوني ليا وبس وبرضاكي يا سما.. 

عزيز بحده 

اياك تقرب منها يا حيوان، هي عرفت حقيقتك واللي انت بتعمله يا بلطجي.. 

فتحي زعق فيه وقال

ايه رئيك بقي اقول حقيقتك انت كمان، فكري كويس يا يما واحد زيي كان شغال مع عمك في ايه 

اتملت عيون سما دموع وقالت

بطل كدب انا عمري ما هصدقك تاني.. 

_قبل ما يكمل كلامه لقي الشرطه دخلت المطعم، وقرب منه الظابط وقال

هشام 

تعالي معانا يا فتحي.. 

بص فتحي لسما بتوتر ورد علي الظابط وقال 

خير يا باشا ان شاء الله

هشام

مطلوب القبض عليك يا حبيبي وهناك هتعرف، هاتووه.. 

_اتملت عينيه دموع وهو مش قادر يبص لسما وانها اول مره تشوفه بعد ما فتحت يبقي بالمنظر ده.. 

قربت سما من عمها وقالت 

ارجوك يا عمي يلا نمشي.. 

مسك عزيز ايدها وقال

يلا بينا يا بنتي، يلا يا ام ابراهيم.. 

_مشيت سما مع عزيز وبصت لفتحي بحزن وندم، وركبت العربيه مع عمها، وهو دموعه نزلت بالم علي اللي وصل ليه قدامها.. 

ــــــــــــــــــــــــــــــــــــــــــــــ 

_في لندن.. 

كمال 

ها يا زينه جهزتي للاجتماع.. 

زينه 

ايوه يا افندم الاجتماع جهز.. 

كمال 

طيب جهزي ليا كل الاوراق المطلوبه.. 

زينه بقلق 

حاضر ثواني وهجيبهم لحضرتك.. 

كمال بعصبيه 

الحاجات دي بتكون جاهزه قبل الاجتماع ما يبدأ، اومال بيقولو عليكي شاطره وخبره ازاي.. 

زينه بقلق

لا والله انا كده فعلا، بس هيبة حضرتك وترتني.. 

كمال 

اخلصي وتعالي ورايا.. 

_مشيت زينه بسرعه ودخلت المكتب بتاعها وقفلت الباب وطلعت موبيلها وكلمت حد وقالت ليه.. 

زينه 

انت يا زفت الحقني، انا خلاص شويه وهعترف ليه بكل حاجه.. 

عادل 

لا اجمدي كده، ماجد بيه لو عرف اللي انتي بتعمليه ده هيدمرك.. 

زينه بدموع 

انا مش فاهمه حاجه في الشغل ده، حد يلحقني والا كمال ده هيكشفني ده مش ساهل و.. 

_قبل ما تخلص كلامها الباب اتفتح وكان كمال اللي بيبص ليها بهدوء،وهي اتنقضت بخوف .. 

عادل

روحتي فين يا بنتي.. 

زينه 

انا لازم اقفل.. 

_قفلت الموبيل وقرب منها كمال وهي كانت بتتنفض من الخوف، ووقف قدامها وقال.. 

كمال 

مين ده اللي كنتي بتكلميه.. 

زينه بصوت كله خوف 

ده اخويا و.. 

ما قدرتش تكمل كلامها من ايد كمال اللي نزلت علي وشها وقعت منها النضاره ومسكها من شعرها وقال بعصبيه.. 

كمال 

كدب مش عايز والا هدفنك هنا، مين اللي باعتك يا بت انتي انطقي.. 

بصت ليه بعيون كلها دموع وقالت بحزن 

كده اخرها موت وكده اخرها موت وانا مش هقول حاجه.. 

مسكها من رقبتها جامد وقال 

الموت راحه بالنسبه للي هعمله فيكي.. 

_مسكها من ايدها جامد وخدها زطلع بىه الشركه وهي كانت هاديه جدا، وفتح باب العربيه وخلاها تطلع العربيه غصب عنها، وركب هو من الناحيه التانيه وراح بيته ونزل فتحلها باب العربيه وقال.. 

كمال

انزلي.. 

بصت ليه بخوف وقالت

وجودي عندك مش هيغيدك بحاجه، لو عندك سوية رحمه سيبني امشي.. 

كمال بحده قرب منها وقال

الرحمه اللي جوايا اخدوها وحطو مكانها حقد وكره وسواد.. 

زعق فيها وقال

انزلييي.. 

_نزلت زينه ودخل كمال البيت ورماها علي الارض وطلع مسدسه وقتد جنبيها علي الارض وهي اتنفضت بخوف، وقال بغضب.. 

كمال

سؤال هساله ليكي مره واحده، مين اللي بعتك؟.. 

نزلت دموعها وقالت ببكاء

لو اتكلمت امي واختي عنده هيأذيهم هو ما يتخايرش عنك وحش مش بني ادم.. 

كمال بجمود 

امشي.. 

زينه بدموع 

همشي بجد

كمال بخبث

امشي وانا هعرف كويس ازاي اعرف انتي مين ومين اللي وراكي.. 

_قامت زينه بسرعه وفتحت الباب ومشيت بسرعه، وهو طلع موبيله وكلم واحد من رجالته اللي مش مصريين وقال ليه باللغه الانجليزيه.. 

كمال 

البنت اللي هتطلع قدامكم دلزقتي تمشو وراها واعرف عنها كل حاجه قبل ما انام.. 

الحارس

تحت امرك يا افندم.. 

ــــــــــــــــــــــــــــــــــــــــــــــ 

_في قسم الشرطه كان فتحي واقف ومعاه المحامي بتاعه قاعد قدام الظابط اللي اسمه هسام، وقال هشام بحده.. 

هشام 

الواد فين يا فتحي اتكلم، او قول مكان جثته.. 

فتحي 

لامؤهءه يا باسا انا ما اعرفش انت بتتكلم علي مين؟.. 

هشام 

الواد اللي كان شغال معاك وطلع جاسوس لماجد السيوفي خلصت عليه ازاي؟.. 

فتحي 

يا باشا انا قلبي رهيف اووي ما بحملش اشوف اي منظر قاسي، تقوم تقولي اقتل.. 

هشام بسخريه 

يا راجل طيب خلي حد غيرك يقول كده، ده احنا كنا دفعه واحده واكتر واحد شاهد علي بلاويك من بعد موت اهلك وانت اتحولت لشيطان.. 

فتحي بحده 

هشاااام خليك في شغلك وبس وبلاش تدخل اهلي في الموضوع.. 

المحامي 

يا باشا اظن ان البلاغ اللي قدمته مرات الواد اللي اختفي ده من غير اي دليل يتني ما فيش تهمه ثابته علي موكلي واقدر اخده وامشي وانا طالع.. 

هشام 

تمام يا متر خده وامشي بس دي اخر مره هتاخده معاك وانت مااشي اصلها هانت اووي.. 

فتحي بجمود 

لو كنت مكاني يا كنت هتبقي شيطان يا كنت هتدفن نقسك بالحيا يا صاحبي.. 

هشام بسخريه 

وانت كده ما دفنتش نفسك بالحيا.. 

_طلع فتحي وهو متعصب ووراه المحامي اللي قال ليه بقلق.. 

المحامي 

اللي خلي البنت تبلغ عنك عزيز الشناوي.. 

ضحك فتحي بسخريه وقال

لعبها صح عرف يخليها تخاف مني وتبعد عني كويس... 

المحامي 

قصدك مين يا كبير.. 

زعق فيه فتحي وقال

انت بترغي معايا ليه، امسي غور روح.. 

_ركب فتحي عربيته مع علي دراعه اليمين اللي قال ليه بخبث.. 

علي 

ماجد السيوفي وصل المخازن اللي فيها البضاعه. 

فتحي 

وانتو عملتو ايه؟.. 

علي 

زي ما انت قولت يا كبير قبل ما يوصل كنا نقلنا البضاعه والحاجه للمخزن القديم.. 

فتحي طيب اطلع علي بيتي القديم.. 

علي 

صافي هناك مستنياك كانت عايزه تيطي معايا بس انا قولتلها تستناك هناك.. 

فتحي 

طيب يا علي اطلع.. 

ــــــــــــــــــــــــــــــــــــــــــــــ 

_في بيت عزيز الشناوي، من اول ما وصلت سما وهي قاعده في اوضتها بتبكي ومدايقه من فكرة انها لسه بتحبه، دخل عندها عزيز وقال.. 

عزيز

ممكن ادخل يا سما.. 

مسحت سما دموعها وقالت

اتفضل يا عمو طبعا.. 

قعد عزيز جنبيها وقال

انتي مش بنت اخويا انتي بنتي انا اللي مربيكي الناس بره بتشاور عليكي ويقولو بنت عزيز الشناوي.. 

سما 

ربنا يخليك ليا يا عمو.. 

عزيز بجمود 

هزعل منك اووي لو عرفت انك قابلتي فتحي يا سما... 

سما بدموع 

اطمن يا عمو فتحي انتهي بالنسبالي.. 

عزيز 

برافو عليكي انتي فرحتيني اووي بكلامك ده.. 

_طلع من عندها لقي ام ابراهيم لامه حاجتها وماشيه.. 

عزيز

علي فين يا ام ابراهيم

ام ابراهيم

انت ازاي قادر تبقي ممثل زي كده؟. 

عزيز

انتي بتقولي ايه؟.. 

ام ابراهيم

طلع سبب كرهك لنديم وانك بتعامله وحش عشان مش راضي يدخل معاك في شغلك الوسخ اللي زيكم.. 

عزيز

طيب اهدي وانا هفهمك كل حاجه

ام ابراهيم

تفهمني ايه انت وكمال شغالين في كل حاجه حرام والله نديم ده احسنكم وبعد عنكم وريح دماغه، وسما ربنا يعينها وجعت قلبها منك لله.. 

عزيز

ام ابراهيم انا لو ابني نفسه جه علي شغلي امحيه من علي وش الدنيا.. 

ام ابراهيم

انا ماليش دعوه بيك تاني انتو بس سيبوني في حالي، وتطلقني يا عزيز.. 

_خلصت كلامها ومشيت من قدامه، وطلعت امدت تاكسي واول ما وصلت عند. بيتها لقيت الظابط هشام واقف مستنيها.. 

ام ابراهيم

خير حضرتك

هشام

ظابط المباحث هشام الامير ممكن كلمتين وهنا مش في اي مكان.. 

ام ابراهيم

انا ما عنديش كلام اقوله بعد اذنك

هشام

تمام هرجعلك تاني يا ام ابراهيم، بس انتي ست مؤمنه وعارفه ان الساكت عن الحق شيطان اخرس.. 

_ادايقت ام ابراهيم وسابته ودخلت بيتها وقفلت الباب، وهشام مشي.. 

ــــــــــــــــــــــــــــــــــــــــــــــ 

_في بيت اهل جهاد كانت قاعده بتأكل ابنها والباب خبط قامت لبست حجابها وفتحت الباب ولقيت ماجد قدامها، سابتله الباب مفتوح ودخلت، وهو دخل وراها ورزع الباب جامد.. 

جهاد 

جاي ليه يا ماجد

ماجد

جاي لاخر مره اقولك بطلي نكد يا بنت خالتي ويلا نرجع بيتنا.. 

طلعت سعاد وقالت بحده

انت بتهنددنا ولا ايه يا ولد.. 

ماجد بخبث

ما بلاش انتي يا خالتو، صحيح نسيت اقولك زينه بتسلم عليكي وبلاش تزعليني عشان بيجي علي دماغها وسبيني اتعامل مع مراتي براحتي.. 

جهاد بدموع

انا مش هرجع معاك يا مااجد ولو اطبقت السما علي الارض.. 

مسك ماجد ابنه وقال بحده

ورحمة ابويا ما هخليكي تشوفي ابنك تاني يا جهاد

جهاد بخوف

سيب الولد يا ماجد حرام عليك

ماجد ذقها بعبد وقال

اما ما يتلوييش دراعي عايزه ابنك العربيه بالسواق واقفه تحت البيت هتجيبك لحد عندي هيفضل العند راكبك يبقي انسي ابنك

اياد ببكاء

ماما ما تسبنيش يا ماما.. 

جهاد ببكاء

حرام عليك يا ماجد الولد خايف، طيب سيبه وانا هرتاح شويه هنا وهاجي والله.. 

ماجد

مش بعيد كلامي مرتين.. 

_خلص كلامه واخد ابنه ومشي حاولت هي توقفه ما قدرتش، وقعدت علي الارض تبكي وقربت منها مامتها وقالت

سعاد

ياما حذرتك انتي واختك وفضلت اقولكم بلااش ماجد بلاش تصدقوه ما حدش سمع كلامي اخد اختك وخلاها تسافر بره وما اعرفش بيحصل فيها ايه، وانتي عاملك زي العروسه اللعبه بيحرك فيكي براحته.. 

بكت وكملت كلامها وقالت

حسبي الله ونعم الوكيل فيك يا ماجد ربنا بنتقم منك..