رواية خارج عن السيطره الفصل الثالث بقلم عمرو راشد
هو أنا مش قولتلك.. لو شوفتك تاني هقت*لك وانت مسمعتش الكلام
" لسة كنت هلف وشي عشان اتكلم معاه لكن لقيته شد أجزاء المس*دس
حركة زيادة كمان وهتلاقي الرصا*صة في نص دماغك
= طب سيبني امشي واوعدك مش هقربلك تاني
سيبتك قبل كدا بس تقريبا دي كانت غلطة ولازم تتصلح.. جهز نفسك بقا عشان هتركب وتطلع على فوق
= اهدا بس يا استاذ فهد حضرتك عايز تمو*تني ليه.. حضرتك متعرفنيش اصلا
وانت عرفت منين اني الفهد
" قرب المسد*س مني اكتر لدرجة اني بقيت حاسس بيه وهو في ضهري
انت حكومة يالاا
= خالص والله انا مش حكومة.. انا بني آدم عادي
ولما انت مش حكومة عايز مني ايه
= حضرتك يعني انا شوفتك بتسر*ق أكتر من مرة و دا بعد اذنك يعني حرام ف مينفعش اشوفك بتعمل كدا و اسكت
اهو اللي زيك دول هما اللي بيمو*تو دايما عشان بيدخلو في حاجات ملهمش علاقة بيها
= طب انت مبتخافش من ربنا وانت بتسر*ق
اسمع يالا انت مش هتعمل فيها صاحبي.. خليك في حالك ومتقربش مني تاني عشان المرة الجاية مش هتناقش معاك.. انا هخلص عليك علطول ، انت فاهم ولا لا
= صدقني والله انت هتندم في يوم من الايام على اللي بتعمله دا
" مكنش في رد منه ولما بصيت ورايا مكنش ملقتش حد وشكله هرب.. بصيت يمين وشمال مكنش في،اي اثر لييه نهائي.. رجعت المطعم تاني عشان اول ما ادخل الاقي الناس بتمسكني وبتكتفني
الواد دا تبع الحرامي.. امسكوه كويس
" حاولت اتكلم أكتر من مرة عشان يعرفو اني مليش علاقة بيه ولكن مكنش حد سامعني ومحدش اهتم اساسا.. و روحت القسم
انت متهم ب سرقة مكتب فريد حسني نورالدين
= مين دا معرفوش
انت هتستعبط يا روح ا*مك.. بلاش بقا الشغل دا عشان حافظينه كلنا ، قولي بقا ومن غير لف ودوران ، فين الواد اللي كان معاك
= يا فندم والله ما اعرف.. والله ما كان معايا حد أصلا ولا اعرف حد
عايز تدوخنا برضو يا أدهم.. عايز تخلينا نستعمل معاك الطريقة الصعبة اللي مش هتعجبك
= يا فندم صدقني انا معرفوش والله ومليش علاقة باللي سرق دا نهائي
الناس كلها شهدت ان أول ما النور رجع انت خرجت من الفندق وجريت
= ايوا جريت وراه لإني سمعت ناس بتقول في حرامي.. يعني هو دا ذنبي؟
وانت تفكر بقا اني هصدق الكلام دا.. طب انت لو مكاني هتصدق؟
= بس دا اللي حصل.. انا مبكدبش
ابقا روح قولهم كدا في النيابة
" وفعلا اتحولت على النيابة و اتحبست 15 يوم على ذمة التحقيق.. الدنيا كانت بتضيق بيا أكتر ومعنديش حد اكلمه عشان يلحقني. مبقاش ليا حد في الدنيا.. كنت بعيط بعد ما كل اللي في الزنزانة ينامو.. بعيط لإني مبقتش قادر استحمل اللي انا فيه.. كل حاجة بتحصل من حواليا بتهد فيا وأنا واقف مصدوم مش عارف اعمل حاجة لحد ما حصلت حاجة مكنتش متوقعها.. في مرة كنت هتعرض على النيابة بليل.. و خرجت من الزنزانة عشان اركب عربية الترحيلات لكن فجأه ظهر موتسيكل وسط الناس وضر*ب طل*قة في الهوا و اتفاجأت ان الشخص اللي كان مربوط معايا في الكلبش بيفكه
اهرب بسرعة
" جريت بسرعة من القسم والعساكر بتجري ورايا.. لقيت الموتسيكل في وشي . راكب عليه نفس الشخص اللي قابلته قبل كدا.. ايوا هو ، الفهد ، زعق فيا وقال
اركب
" ركبت وراه بدون تفكير وهربنا من المكان.. كان بيجري بسرعة جدا بالموتسيكل.. مكنش بينطق ب كلمة واحدة ولابس نفس اللبس بتاعه.. حسيت اننا بنبعد عن الناس و بنمشي في طرق غريبة لحد ما دخل مكان مهجور ومشي فيه من يقرب من نص ساعة وفجأة وقف قدام بيت ونزل من على الموتسيكل ومشي لحد دخل البيت.. نزلت وراه وانا مش فاهم اي حاجة.. دخلت البيت اللي هو دخله.. لقيته واقف ومش باصصلي
انا عايز اعرف انت عملت معايا كدا ليه
" لف وشه و بص ليا بس متكلمش و رجع يبص تاني قدامه.. مشيت ومسكته من كتفه
انت يا عم الفهد انا بكلمك.. اتكلم معايا كدا ، ايه اللي جابك وعملت معايا كدا ليه
" بص ليا وفجأة مسك ايدي و حطها ورا ضهري وبدأ يخن*قني
اقسم بالله لو لمستني تاني هكسر عضم راسك.. فاهم ولا لا
#بقلم : #عمرو راشد
" بعدها سابني و فضل واقف قدامي
طب انا عايز اعرف انت جيت ليه
= عشان ملكش ذنب.. يعني انا اللي سر*قت مش انت
انا اول مرة اشوف حرامي جدع كدا
= وانا مش حرامي
امال انت ايه.. بياع سبح مثلا
= الست اللي انت شوفتني بسرق عربيتها دي صاحبة دار ايتام و بتاخد كل فلوس التبرعات وتحطهم في جيبها.. وفي اليوم دا كان معاها مبلغ كبير من التبرعات و راجعة بيه على البيت.. استغليت انا دا و سرق*تها و رجعت الفلوس مكانها طبعا بعد ما بلغت عنها
والفندق
= انا مش مجبر ابررلك كل حاجة انا بعملها.. انت تشكرني على اللي أنا عملته معاك وخلاص
انت ليه محسسني انك عملت معايا حاجة كبيرة أوي.. انت بنفسك لسة قايل انك انت السبب في اللي كنت فيه يعني انت كنت بتصلح غلطتك
= والواد اللي في بطنك نزل ولا نشوف دكتور
واد!!
= اصل كلمة تصلح غلطتك دي بتتقال لما واحدة تكون متجوزة في السر وحامل
على فكرة انا كمان ممكن اشت*مك عادي
= جرب
بس انا مش هعمل كدا عشان انا مش زيك
= وانت تعرف عني ايه عشان تقول كدا
كفاية انك متخفي ورا القناع دا
= هو القناع هو اللي فارق معاك
لو انت مبتعملش حاجة غلط مكنتش لبسته
= انا لبسته عشان أحمي نفسي
عشان انت طريقك كله غلط
= طب انا مش فايقلك دلوقتي.. اسكت و اقعد في اي حتة دلوقتي
لا انا مش هقعد.. انا همشي
= بقولك اقعد
وانا قولت همشي
" لفيت وشي عشان امشي لقيت اللي بيمسكني من رقبتي وبيتكلم ب غضب
قولتلك اقعد
" رجعت دماغي ورا وضر*بته في وشه وفكيت نفسي منه ووقفت قدامه
ابعد عني احسنلك
" سحب سكي*نة من رجله و رفعها في وشي وبدأ يقرب مني.. كنت برجع ل ورا ، الخوف بدأ يسيطر عليا وضربات قلبي بتزيد.. لمحت جنبي حديدة ، مسكتها وفجأة بدأ يها*جمني بالسكي*نة اللي في ايده بس كنت خدت بالي و تفاديت الضر*بة وبسرعة جدا ضر*بته بالحديدة في ايده لقيت السكي*نة طارت من ايده.. رميت الحديدة على جنب و روحتله وقفت قدامه وبسرعة جدا ضر*بني بالبوكس ولسة كان هيضر*ب البوكس التاني بس مسكت ايده و ضر*بته انا بالبوكس
سيبني امشي
" قرب مني
انت مش هينفع تمشي يا أدهم.. انت لو خرجت من هنا البوليس هيقبض عليك
= وانا لو كملت معاك برضو هيتقبض عليا
صدقني هتكون في امان
= وانا هبقا مطمن ازاي وأنا بكلم حد مش شايفه
هو دا اللي هيطمنك يعني.. ماشي
" بدأ يقل*ع الزونط اللي كان لابسه وشال القناع من على وشه عشان اتصدم من اللي أنا شوفته.. وقفت مكنتش عارف انطق.. الفهد طلع بنت مش راجل
هو انتي بنت
= هيفرق معاك بنت ولا لا
ازاي بنت و ازاي فهد وازاي بنت تعمل كل دا
= انت واخد فكرة وحشة اوي عن البنات خلي بالك
طب وانتي ليه تعملي كل دا
= بعدين يا أدهم
بس اكيد بقا الفهد دا مش اسمك.. اسمك ايه بقا؟
= نادين.. وكفاية بلاش الفضول الزيادة دا
بقولك ايه يا خالد.. متعرفش مكان الواد أدهم.. مش ملاحظ انه مختفي بقاله كام يوم
= واحنا مالنا يا غادة.. خلينا في حالنا
حالنا ازاي يعني.. هو دا حالنا
= طب لو سمحتي متجبيش سيرته
خلاص متزعلش اوي كدا.. بقولك ايه ما تيجي ورايا على الاوضة عايزة اقولك كلمة سر
= احنا فرحنا كمان يومين يا غادة يعني ورانا حاجات كتير أوي نعملها غير اللي أنتي عايزاه دا
دا اهم حاجة يا حبيبي.. وبعدين دي بروفة ، يلا بقا متضيعش وقت
" ومن ساعتها فضلت قاعد مع نادين او الفهد في بيتها بس من غير كلام ، كلامها قليل جدا ويمكن متتكلمش اصلا.. كان جوايا مليون سؤال في الوقت دا بس مكنش فيه اجابة.. ليه واحدة زي دي تعمل معايا كدا ولا ليه هي تعمل في نفسها كدا.. حاجات كتير كان نفسي الاقي ليها اجابة بس للاسف مفيش.. عدا يومين وجه اليوم اللي أنا منتظره ، يوم الخميس فرح غادة وخالد.. طول اليوم مكنتش كويس وقاعد قلقان لحد ما الليل جه وقومت أستعد و أجهز نفسي عشان اخرج وطبعا استغليت اني ملقتهاش في البيت ساعتها لكن فجأه ظهرت وقالتلي
رايح فين
= هخرج اشم هوا
بلاش كدب.. رايح فين يا أدهم
" سكت ومعرفتش ارد بس هي اتكملت
انا عارفة انت رايح فين.. فرح غادة صح
" بصيتلها وانا مصدوم
عرفتي منين؟
= انا عرفت كل حاجة عنك من بدري بس عندي سؤال.. انت رايح تعمل ايه
مش عارف
= طب انا هاجي معاك
تيجي فين؟
" مستنتش اكمل الجملة و دخلت جوا جابت لبس شكله غريب زي اللي هي بتلبسه كدا
البس دا
" لبست بسرعة و خرجنا ركبت وراها الموتيسكل ومشينا.. وصلنا عند البيت عندي لقينا فرح كبير جدا.. وقفنا ونزلنا من على الموتسيكل وقالتلي
طبعا انت عارف هتعمل ايه
" هزيت راسي بالموافقة.. ومشيت روحت الفرح.. الكل كان مستغرب لما شافوني.. كلهم كانو مصدومين حتى خالد اما غادة كانت قاعدة جنبه ومبتسمة وكأنها بتغيظني.. كنت بحاول اتمالك أعصابي ووقفت قدامهم ومسكت المايك
انا جاي ابارك ل اخويا ومراتي على فرحهم.. الف مبروك يا حبايبي و ان شاء الله افرح ب عيالكو قريب.. وهو هيكون قريب جدا يا جماعة لان اخويا نام مع مراتي وهي لسة على ذمتي.. بس الف مبروك يا اخويا يا حبيبي
" فجأه النور اتقطع.. جريت بسرعة من الفرح.. دقيقة بالظبط والنور رجع وسمعت الناس من ورايا وهي بتقول
العريس والعروسة فين.. العرسان اتخط*فو يا رجالة!!
#عمرو_راشد
#خارج_عن_السيطرة 3
#يتبع
