رواية خارج عن السيطره الفصل الرابع بقلم عمرو راشد
انا جاي ابارك ل اخويا ومراتي على فرحهم.. الف مبروك يا حبايبي و ان شاء الله افرح ب عيالكو قريب.. وهو هيكون قريب جدا يا جماعة لان اخويا نام مع مراتي وهي لسة على ذمتي.. بس الف مبروك يا اخويا يا حبيبي
" فجأه النور اتقطع.. جريت بسرعة من الفرح.. دقيقة بالظبط والنور رجع وسمعت الناس من ورايا وهي بتقول
العريس والعروسة فين.. العرسان اتخط*فو يا رجالة!!
" كنت بجري وانا مش مصدق اللي انا سمعته لحد ما بعدت وقدرت استخبا في مكان آامن.. هي مقالتش انها هتخط*فهم.. انا مكنتش عايز مشاكل تاني.. فضلت واقف افكر هي ممكن تكون راحت فين ولا عملت ايه فيهم.. هي اكيد مراحتش بعيد يعني هي قريبة من هنا بس هتكون فين بقا.. مكنش في غير مكان واحد ، البيت ، جريت بسرعة عليه لحد ما وصلت ، طلعت السلم لقيت باب شقة خالد مقفول.. سندت عليه ب ايدي لقيته اتفتح والواضح انه متقفلش كويس.. دخلت جوا وقفلت ورايا سمعت صوت جاي من اوضة جوا.. مشيت بهدوء ناحية الصوت وسمعت غادة وهي بتتكلم
انت مين وعايز مننا ايه.. خلي بالك انت مش هتعرف تهرب من الناس اللي تحت دي.. شوف انت عايز ايه و خده بس فكنا
" باب الأوضة مكنش مقفول كويس.. كنت شايف غادة وخالد وهما قاعدين مربوطين على الكرسي والفهد واقف قدامهم.. خالد ساعتها بدأ يتكلم
انت تبع أدهم؟
" الفهد قرب منه و ضر*به بالقلم
تبقا انت تعرف أدهم.. لو شوفت أدهم قوله يسامحني ، قوله اني مكنتش عايز اعمل كدا
" غادة اتكلمت في الوقت دا
بقا انت بقا تبع أدهم.. انت الدكر اللي هو باعته عشان ياخدله حقه.. طب لو هو راجل اوي كدا وعايز ياخد حقه كان جه هو بنفسه لكن انا عارفاه.. عبيط واهبل ويخاف من خياله.. عايزاك بقا تقوله اني مش هسيبه.. مش هسيبه حتى لو في اخر الدنيا
" الفهد قرب منها و رفع في وشها المسد*س.. في اللحظة دي دخلت بسرعة ونزلت ايده اللي فيها السلا*ح
بلاش
" رجع خطوتين ل ورا ووقف ساكت.. لفيت ورايا وبصيت عليهم وهما مربوطين قدامي.. خالد كان باصص في الارض اما هي كانت بتبصلي بكل شر
جايب واحد يحميك يا دكر.. طب مش عيب
= انتي اخر واحدة يا غادة تتكلمي عن العيب.. أنتي واحدة معندكيش شرف.. البلد كل دقيقة الحاجات فيها بتغلى اكتر وانتي كل شوية بترخصي أكتر واكتر.. انتي بايعة نفسك لأي حد
" ساعتها خالد رفع وشه وبص ليا
يعني تفتكر يا خالد لو هي جالها واحد معاه فلوس أكتر متخيل أنها هترفض وهتكمل معاك.. دي باعت جوزها.. يعني مليون في المية هتبيعك ، انا بس اللي صعبان عليا هو انت يا خالد ، استفادت ايه لما عملت كدا.. بالعكس دا انت خسرت ، خسرت مراتك وخسرت اخوك وقريب هتخسر الهانم اللي قاعدة جنبك ، انت مبقاش عندك حاجة كويسة في حياتك
" غادة هي اللي ردت عليا ساعتها
وانت بقا اللي عندك حاجة كويسة في حياتك
= كفاية انك مش موجودة فيها.. دي بالنسبالي أكتر حاجة كويسة
" الفهد قرب مني وهمس
يلا بينا بسرعة.. الرجالة اللي كانو في الفرح طالعين على هنا
= طب انت عندك مكان نهرب منه
هنهرب من السطح.. يلا بسرعة
" بصيت ل خالد وغادة
هنتقابل تاني
= وانا مش هسيبك يا أدهم
" جرينا بسرعة وطلعنا على السطح
هنعمل ايه دلوقتي
= معندناش حل غير اننا ننط على السطح اللي قدامنا
انت اتجننت.. انت شايف المسافة قد ايه
" رجعنا بصينا تاني على السلم لقينا في ناس طالعة على السطح.. ساعتها الفهد قالي
وانت شايف الناس دي قد ايه.. لو اتمسكت هترجع السجن تاني ولا نسيت انك هربان
" لقيته جري بسرعة جدا و نط على السطح اللي قدامنا. و زعق فيا
يلااا
" بلعت ريقي بصعوبة و بصيت على المسافة اللي هنطها مرة وعلى الناس اللي قدامها ثواني معدودة وتمسكني.. جمدت قلبي وجريت بسرعة وغمضت عيني ونطيت ، الفهد ساعدني عشان اقف
قوم بسرعة يلا
#بقلم : #عمرو راشد
" جرينا من السطح اللي كنا عليه ونزلنا من على السلم لحد ما وصلنا للشارع.. الفهد جري بسرعة عشان يجيب الموتسيكل وفعلا جابه و ركبت وراه وهربنا من المكان.. رجعنا البيت عنده.. لقيته قلع القناع والجاكيت اللي كان لابسه
انا مبقتش فاهم حاجة.. انت كويس ولا مش كويس
= انت شايف قدامك ايه
شايف حد بيساعد الناس بس في نفس الوقت حرامي والبوليس ممكن يكون بيدور عليه
= ممكن اكون حرامي بس عندي مبادئ.. اولهم اني بساعد الغلبان وعمري ما افتريت على حد اضعف مني
عشان كدا بتساعدني
= عشان انت طيب يا أدهم.. وطيبتك دي هي اللي خلت اخوك ومراتك يعملو فيك كدا
بس اكيد الناس مش كلها وحشة.. اكيد في ناس طيبة
= مفيش حد طيب غيرك.. الناس كلها وحشة واللي مش وحش هيضطر يكون وحش عشان محدش يفتري عليه.. الدنيا اتغيرت أوي يا أدهم.. محدش عايز يرحم حد حتى اهلك.. اهلك اللي من دمك مش هيرحموك برضو.. انت بالنسبالهم فريسة سهلة أوي
انا عايز اعرف انت ايه حكايتك
= بنت زي اي بنت.. كان نفسها تتعلم كويس وتشتغل وتحقق حلمها وبعد كدا تتجوز وتكون ام.. وتبقا في أسرة سعيدة لكن كنت بصحا من الحلم دا على قلم من مرات عمي وأنا نايمة او مرة تدلق عليا مية عشان اصحا و اشتغل.. كنت بخدم في البيوت من وانا عندي 9 سنين.. ابويا و امي ماتو من زمان في حادثة.. و اتربيت مع عمي ومراته.. عارف يعني ايه طفلة تبقا مسؤولة عن بيت كامل ..هي اللي بتنضف وتغسل وتعمل اكل.. و تروح مع اولاد الناس توصلهم المدرسة.. كان بيكون نفسي اتعلم زيهم.. نفسي العب بس مكنش ينفع عشان كان عندي شغل.. اللبس القديم بتاعهم كان هو دايما لبسي.. بلبس اي حاجة هما مش عايزينها او هيرموها.. عمري ما اتبسطت ولا الفرحة عرفت ليا مكان.. و رغم كل دا انا كنت راضية حتى وانا بعمل كل دا من غير فلوس.. اصل انا نسيت اقولك ان مرات عمي كانت بتاخد المرتب بتاعي كله وتقولي
• انتي بتاكلي وتشربي وتلبسي عندهم.. عايزة ايه تاني؟
" كل تعبي كان بيروح على الأرض.. وياريته كان تعبي بس ، عمري كمان كان بيروح مني وانا واقفة ساكتة مش عارفة انطق بس زي ما الست ام كلثوم قالتلك " إنما للصبر حدود " ، وفي مرة وانا بتخانق مع مرات عمي عشان برضو كانت بتاخد مني الفلوس بتاعتي.. زعقت فيها بس طبعا هي مقبلتش ب كدا و بدأت تضربني لدرجة اني كنت همو*ت.. مكنش عندي حل غير اني اضر*بها بالفازة اللي كانت على الترابيزة جنبي وفعلا ضر*بتها بيها.. وقعت على الأرض قدامي و د*مها نازل منها.. في اللحظة دي عمي رجع من برا.. جري على مراته
انتي عملتي ايه الله يخربيتك
" محستش بنفسي غير وانا بخبطه ب طبق الفاكهة اللي كان موجود جنب الفازة.. وقع جنبها على الأرض وبدأ يتكلم بصوت مبحوح وينادي عليا بس انا كنت مشيت و روحت اجيب عصاية خشب قديمة عندها كانت دايما تضر*بني بيها.. مسكتها ووقفت قدامهم هما الاتنين.. سمعت صوت عمي وهو بيتكلم بنفس الصوت الضعيف وقالي
• لا يا نادين
" و دي كانت اخر كلمة قالها لاني بعدها ضر*بته على دماغه بالعصاية بكل قوتي سواء كان هو أو مرات عمي.. ساعتها هربت بسرعة مكنتش عارفة اروح فين وفضلت في الشارع لحد ما في مرة لقيت 3 شباب اتهج*مو عليا وانا نايمة في الشارع.. بدأت اصرخ عشان حد يلحقني لحد ما ظهر واحد من العدم وبدأ يضر*ب فيهم وبعدها ساعدني اقوم وهربنا.. روحنا على بيته.. كان باين عليه انه غني
ايه اللي يخلي بنت زيك قاعدة في الشارع لحد نص الليل
= انا مليش اهل ولا عندي بيت اروحه
زي بعض يعني
= وهو دا مش بيتك
لا بيتي بس انا برضو مليش اهل
" عرفت منه ساعتها انه مر بنفس ظروفي ويمكن اصعب.. كان اسمه عمر.. عمر النمر ، عرفت انه مجر*م وبيعمل عمليات ل ناس كبيرة اوي في البلد.. كان جرئ ومبيخافش من اي حاجة.. بدأت اتمرن معاه لحد ما اتعلمت كل حاجة وبقيت نسخة منه
طب انت بقا اسمك النمر.. انا بقا هيكون اسمي ايه
= انتي اسرع مني.. هي دي الميزة اللي مش موجودة عني.. اسرع مني بكتير كمان.. انتي هتبقي الفهد
" هو اللي سماني الفهد.. عملنا مع بعض عمليات كتير جدا وكسبنا فلوس اكتر لحد ما في عملية منهم النمر اتقت*ل وانا عرفت اهرب.. كنا متفقين انا وهو ان دي اخر عملية ومن بعدها هنبطل وهيكون كل مساعدتنا للخير وبس.. بس هو ما*ت وانا قررت اكمل لوحدي.. وانا اللي بنيت البيت اللي احنا قاعدين فيه دا.. وبقيت زي ما انت شايف كدا
= اه.. لا دي لعبة كبيرة أوي انا مليش دعوة بيها.. انا كان مالي انا بكل دا.. انا عايز اعيش من غير مشاكل.. انا مش ناقص كفاية اللي انا فيه
= هتكمل حياتك ضعيف والناس كلها هتفتري عليك
احسن ما اكون خايف طول الوقت من البوليس ولا من الناس اللي انا بأذ*يهم دول.. هبقا خايف من مليون حاجة
= وانت لما تعيش طبيعي مش هتكون خايف يا أدهم.. لو مش هتخاف دلوقتي ، هتخاف بعدين ، اسمع كلامي
بقولك ايه يا عم الفهد انت.. انا خلاص لحد كدا ، انا مش هكمل في الموضوع وشكرا أوي على اللي عملته معايا.. انا همشي
= بس وانت ماشي خلي بالك من البوليس.. انت دلوقتي واحد هربان واكيد بيدورو عليك.. ومتنساش برضو تخلي بالك من غادة ، مستحيل هتسيبك بعد اللي أنت عملته فيها دا.. وانت عندك حق انا عملت معاك الواجب و زيادة حبتين يعني لو خرجت من هنا يا أدهم انا مليش دعوة بيك تاني
" لفيت وشي و مشيت.. بمشي خطوة و اقف.. مش عارف ااخد قرار ، انا لو خرجت معنديش حد اروحله.. مفيش حد يساعدني وحتى لو حد ساعدني هيكون مستني مني مقابل.. الفهد هو الوحيد اللي وقف جنبي ومن غير ما يكون عايز مني حاجة.. وقفت مكاني وبصيت عليه
انا معاك وهكمل
= اهلا بيك.. اهلا بيك يا... يا نمر
#عمرو_راشد
#خارج_عن_السيطرة 4
#يتبع
