رواية خارج عن السيطره الفصل التاسع 9 بقلم عمرو راشد

 


 رواية خارج عن السيطره الفصل التاسع بقلم عمرو راشد

 اخويا.. أنتي عملتي ايه ، أنتي قت*لتيه ، حرام عليكي 

= فووق يا أدهم.. اخوك هو اللي كان عايز يأذ*ينا ، هو دا الحل عشان يسيبنا في حالنا

مكنش لازم يمو*ت

" الفهد بدأ يسحبني من ايدي وانا كنت رافض لدرجة اني وقعت على الأرض و بدأت اصرخ.. الرؤية بالنسبالي بقت ضبابية ومبقتش شايف حاجة والصوت كان بعيد جدا.. لكن فتحت عيني لما حسيت ب ايد بتخبط على كتفي و صوت جنبي بيقول

مالك يا أدهم في ايه 

" فوقت لقيت نفسي في العربية.. احنا لسة واقفين تحت بيت خالد مطلعناش.. بصيت للفهد اللي قالي

انت كويس يا أدهم؟

= كويس اه.. هو كان حصل حاجة؟

كنت بتتكلم وانت نايم وبتقول.. خالد و قت*لتيه ليه وكلام غريب كدا

= لا أبدا كان كابوس بس

خالد دا كان قصدك اخوك صح

= مانا معرفش خالد غيره

هو اخوك فارق معاك يا أدهم؟

= اكيد فارق.. دا اخويا 

حتى بعد اللي هو عمله

= مهما عمل انا مش هقدر اعمل فيه حاجة وحشة.. قلبي مش هيطاوعني اعمل كدا

و افرض هو اصلا عايز يأذ*يك

= براحته.. المهم اني بحبه ومش عايز أآذ*يه

" شهيرة اتكلمت وقالت

البواب دخل اوضته يا فهد.. يلا بينا ولا ايه

" الفهد بص ليا لثواني وبعدها قال

انا مش هعمل العملية دي

" مشينا من قدام البيت.. مكنش في حد بيتكلم غير شهيرة طول الطريق ولكن مكنش حد بيرد عليها.. لحد ما وصلنا بيت الفهد.. كل واحد فينا كان داخل اوضته لكن وقفنا لما سمعت صوت شهيرة تاني بتتكلم

هو في ايه يا جماعة.. محدش بيرد عليا من ساعة ما مشينا ليه ولا يكونش محدش سامعني.. انا عايزة اعرف احنا معملناش العملية دي ليه

" الفهد بعد ما كان فتح باب اوضته عشان يدخل.. رجع وقرب من شهيرة 

عشان انا قولت كدا.. لما اقول على حاجة تتنفذ ومن غير كلام كتير ، فاهمة؟

= لا مش فاهمة وواضح انك ناسي انت بتكلم مين.. اذا كنت انت الفهد ف انا غزال.. تقدر تسأل عني لو متعرفنيش

عارفك.. عارفك كويس بس عشان انا عارفك بقولك كدا.. انا هنا اللي أقول ايه اللي يحصل وايه اللي ميحصلش اظن كلامي واضح

= لا مش واضح.. انا هنا زيي زيك ، انا مش واحدة من رجالتك يا حبيبي 

ومين قالك اني بجيب رجالة شمال.. اسمعي يابت أنتي لو عايزة تكملي معانا يبقا تقطعي لسانك دا ومتنطقيش تاني عشان انا معنديش صبر للمناقشة دي مرة تانية

" الفهد لف وشه ومشي بس وقف تاني لما سمع صوت شد أجزاء مسد*س

وانا بقا لسة مخلصتش كلامي

" الفهد رجع بصلها تاني عشان يلاقيها رافعة المسد*س في وشه

انا مش زي اي واحدة انت تعرفها.. و اظن انت شوفت بعينك ، في ثواني سر*قت منك الورقة وانت وقفت زي النسوان مش عارف تعمل حاجة ولا اكتشفت الموضوع اصلا سواء كنت انت او اللي واقف هناك دا.. يعني من الاخر كدا بلاش تلعب معايا اللعبة دي عشان هتقلب عليك في الاخر يا فهد

" قربت منهم وكلمتها عشان تهدى

يا شهيرة مينفعش اللي أنتي بتعمليه دا.. أنتي هنا في بيته يعني مينفعش ترفعي عليه سلا*ح

= خليك في حالك انت يا حبيبي

" الفهد شاورلي ب ايده اني اسكت.. بعدها بصلها و ابتسم وقال

أنتي عارفة انا بعمل ايه لما حد بيرفع عليا مسد*س زيك كدا

" ردت ب استهزاء

بتعمل ايه

= بدخل انام

" وفعلا لف وشه ومشي.. شهيرة بدأت تقرب منه اكتر وقالت 

لو موقفتش هقت*لك يا فهد

" الفهد بصلها تاني

نسيت اقولك.. انا مش دايما بدخل انام.. بس اللي دايما اعمله بقا هو كدا

= كدا ايه يعني مش فاهمة

" مجرد ما خلصت جملتها كان الفهد نط من مكانه و جري بسرعة جدا للحيطة و داس على زرار.. فجأه الارض اللي كانت واقفة عليها شهيرة اتفتحت.. شهيرة صرخت ووقعت جواها.. الفهد داس على الزرار تاني والأرض رجعت زي ما كانت.. ساعتها جريت عليه بسرعة

انت عملت فيها ايه

= متقلقش.. موجودة تحت في البدرون

طب ليه عملت كدا

= بترفع عليا السلا*ح في بيتي وعايزني اسكت

مقولتش تسكت بس كان ممكن تتكلم معاها و تحلو الموضوع

= لا انا مبتكلمش

طب هتطلعها امتا

= بكرا الصبح انزل انت و طلعها.. امسك المفتاح اهو

" خدت منه المفتاح

هو انت ليه لغيت العملية

= عشانك.. انا داخل انام ، تصبح على خير

" وقف تاني بعد ما مشي وقال

اوعى تغلط وتقولي نادين قدامها.. احنا لسة مش ضامنينها وخصوصا بعد اللي هي عملته دا

" دخل اوضته و نام.. وانا فضلت قاعد مكاني ، هو ممكن فعلا يكون الفهد بدأ يتغير ، معتقدش انه يكون لغى عملية عشان خاطر حد قبل كدا.. مش قادر احدد اذا كان هو شخص كويس وممكن يتغير ولا لا وبرضو مش عارف اكمل معاه ولا امشي.. انا قاعد معاه بس عشان لسة معنديش حل تاني بس حتى لو ظهر حل تاني.. هل ممكن اسيبه و امشي بعد كل اللي عمله معايا.. غمضت عيني و بدأت أحاول انام ، تقريبا بالظبط نمت ساعة.. لما صحيت لقيت باب أوضة الفهد مفتوح.. لما بصيت ملقتوش جوا.. ساعتها نزلت البدرون بسرعة عشان اجيب شهيرة وفتحت الباب.. لما دخلت لقيت مرتبة كبيرة و نور أصفر كاشف الأوضة كلها بس الغريبة اني ملقتش حد فيها.. شهيرة مش موجودة وفي نفس اللحظة اللي لسة كنت هنادي عليها لقيتها واقفة في ضهري

جاي هنا ليه.. باعتك عشان تخلص عليا صح

= ممكن تهدي الاول

هو فاكرني سهلة صح.. فاكر انه هيعمل فيا كدا و اسكتله.. و حياه ربنا هخليه يندم على اللي هو عمله دا

= يا شهيرة اهدي.. و نزلي المسد*س دا

مش هنزله غير لما تقول انت جاي هنا عايز ايه

= جاي اطلعك من هنا

بجد.. لا والله بجد جاي تطلعني من هنا ، حقيقي شكرا مش عارفة من غيرك كنت هعمل ايه

= نزلي سلا*حك طيب وهنتكلم

" المسد*س اتشال من على ضهري.. وساعتها لفيت وشي وكلمتها

تعالي نطلع فوق ونتكلم

" خرجنا احنا الاتنين من البدرون وطلعنا.. لقيتها ماشية بحذر وبتتلفت حواليها

مش هنا متقلقيش

= امال راح فين

معرفش.. صحيت ملقتوش

= وانت بقا استغليت انه مش موجود وجاي تطلعني

على فكرة هو اللي قالي اطلعك

= بجد

اه بجد.. مستغربة ليه ، أنتي تحمدي ربنا انه سامحك بعد اللي أنتي عملتيه دا

= وهو انا لسة عملت حاجة.. دا انا لسة هعمل كتير أوي بس هو يصبر عليا

بلاش يا شهيرة أنتي مش قد الفهد.. صدقيني اللي بيلعب معاه بيخسر

= انا مش فاهمة انت أصلا بتعمل ايه معاه.. ايه اللي جايبك في السكة دي

نصيبي

= وانت بقا مأمنله اوي كدا

جدا

= ماهو انت اصلك متعرفش الفهد.. الفهد دا يا حبيبي زي ابو رجل مسلو*خة اللي بنخوف بيه الأطفال.. لما حد يعوز يخوف حد يقوله هجبلك الفهد.. قت*ل ناس كتير وسرقهم ونصب عليهم.. كان بيساند رجالة بتتاجر في المخد*رات وهو اللي بيأمن طريقهم وكان معاه واحد تاني اسمه النمر تقريبا.. الفهد اللي انت ماشي وراه دا غدار وملوش امان و في ثانية ممكن يقلب عليك ويقت*لك عادي

لو هو وحش أوي كدا زي ما بتقولي كان قت*لك امبارح

= هو مستحيل يعمل كدا قدامك عشان تفضل مصدقه وماشي وراه وفاكر انه كويس.. اوعا تصدق قصة انه بقا بطل و بيساعد الناس الغلابة.. تمثيلية هو عاملها عشان يداري على نفسه

وهو ليه يعمل كدا

= عشان حس انه بقا في خطر بعد مو*ت صاحبه النمر.. قال يبطل لعب شوية لحد ما يشوف سكة جديدة يفتحها أو يلاقي صاحب جديد يسنده و الظاهر انه لقاه خلاص

بس هو فعلا ممكن يكون عايز يبقا كويس

= مفيش حد كويس بيسر*ق يا أدهم

وأنتي ليه عايزة تكوني معانا طالما أنتي بتكرهيه أوي كدا

= عشان ابقا مراقباه.. طول ما هو بعيد عني هفضل عاملة حسابه لكن لما ابقا قريبة منه هبقا عارفة هو بيفكر ف ايه 

طب نصيحة مني.. امشي من هنا عشان هو لو سمع كلامك دا هيقت*لك

= ومين اللي هيقوله.. انت مثلا يا أدهم

ليه لا

" لقيتها قربت مني

انا عايزاك يا أدهم.. انا موافقة امشي من هنا بس وانت معايا.. تعالى نمشي ونبعد عن كل دا

= على اساس انك شغالة في البورصة يا شهيرة

وعد اسيب كل حاجة و اكون معاك و ملكك.. ملكك انت بس.. انت متعرفش انا بحبك قد ايه يا ادهم

" شفايفنا اتقابلت و بدأت ادوب فيهم.. لكن الحلو ميكملش لاني سمعت صوت الموتسيكل بتاع الفهد برا و دا معناه انه رجع.. بعدنا عن بعض بسرعة ، الفهد دخل من البوابة.. اول ما شافها ضحك وقال

انتي طلعتي

" كانت لسة هتقوم من مكانها لكن مسكت ايدها عشان تقعد تاني.. الفهد قعد على كرسي قدامنا وقال

عندنا عملية مهمة النهاردة

#بقلم : #عمرو راشد

" العملية كانت شنطة دولارات موجودة في بيت واحد يقال انه عايز يهربهم برا مصر.. والفلوس دي كانت تمن اثار هو لقاها و باعها.. الليلة كانت اخر ليلة في مصر وبعدها هيسافر.. والفلوس هتتحوله في حسابه لما يخرج برا مصر.. اتحركنا بعد نص الليل ووصلنا بيته.. كانت الخطة هي ان الفهد و غزال هيدخلو جوا وانا هقعد جوا العربية مستنيهم و اول ما يخرجو هجري بيهم علطول.. وبالفعل الفهد دخل البيت هو و غزال

" دخلنا الشقة.. كانت ضلمة ، شغلنا الكشاف وبدأنا نمشي بهدوء.. كان في قدامنا 3 أوض.. فتحنا اول واحدة كانت أوضة عادية بس مفيهاش حد ، اما التانية كانت دي اللي هو نايم فيها.. التالتة كانت أوضة المكتب ، دخلنا جوا و بدأنا ندور في كل مكان لحد ما شوفت الخزنة تحت ترابيزة المكتب.. غزال حاولت تفتحها وفعلا اتفتحت بس مكنش فيها غير شوية اوراق وفلوس بالمصري.. غزال خدت كل اللي في الخزنة.. خرجنا من الأوضة ووصلنا للصالة ندور فيها ولكن برضو مفيش حاجة.. غزال اتكلمت بصوت واطي

هنعمل ايه؟

= مش عارف.. تفتكري نلاقيها فين 

هي اكيد مش في الأوضة الفاضية.. هي في الأوضة بتاعته 

= يعني هندخل وهو في الأوضة

عندك حل تاني؟

" فعلا مكنش في حل.. مشيت وفتحت الأوضة بهدوء و بدأت ادور بس وانا بدور المفتاح بتاعه وقع من غير قصد.. بصيت ورايا بسرعة لقيته لسة نايم.. كملت وبدأت ادور اسرع لكن المشكلة اني سمعت صوت ورايا وهو بيقول

انت مين؟

" بصيت ورايا ولقيته هو.. الراجل اللي كان نايم.. ساعتها سحبت السكي*نة اللي في رجلي و عملت جر*ح في بطنه.. بعدها غزال دخلت و ضر*بته ب حديدة على دماغه.. وقع على الأرض و احنا الاتنين كملنا عشان نلاقي الشنطة لحد ما بالصدفة ببص تحت السرير لقيتها.. خدتها بسرعة و اطمنت على اللي جواها و هربنا.. طلعنا برا العمارة و ركبنا العربية وجرينا من المكان كله.. وصلنا البيت و دخلنا عشان الاقي غزال جاية تقولي

هو الراجل ما*ت

= الجر*ح اللي عملته مش هيمو*ته لكن انتي اللي ايدك كانت تقيلة شوية وانتي بتضر*بيه بالحديدة

يعني كدا هيمو*ت

= لا متقلقيش.. عموما انا هاخد الشنطة و هروح اسلمها عشان ااخد حقي و ارجع ونقسم وكل واحد ياخد حقه

لا معلش.. احنا مش عايزين منك حاجة

= مين اللي مش عايزين

انا وأدهم

" بصيت ل أدهم اللي كان واقف و باصص في الارض

في ايه يا أدهم

" غزال هي اللي ردت عليا 

مفيش حاجة بس دي اخر عملية بينا.. انا وأدهم خلاص مش هنكمل

= يعني ايه مش هتكملو

يعني زي ما سمعت كدا.. خلاص كل واحد من طريق يا فهد

" رجعت اكلم أدهم تاني

صحيح الكلام دا يا أدهم

" مكنش بيرد عليا.. 

رد عليا.. ساكت ليه

" غزال اتكلمت

ريح نفسك يا فهد.. أدهم موافق وجاي معايا 

" مسكت ايده و مشيو قدامي.. الغضب بدأ يملا قلبي.. ندهت عليه

أدهم

" لف وشه و بص ليا

اقسم بالله لو خرجت معاها ما هيبقا في بينا غير كل عداوة

" غزال شدت ايده و كملو مشي لحد ما خرجو من البيت

يا ويلك يا ادهم.. يا ويلك من واحد كان ممكن يضحي بنفسه عشانك.. بس انت اللي اخترت تقف قصاد الفهد.. واللي جاي انا مش هرحم فيه حد يا أدهم!!!

#عمرو_راشد
#خارج_عن_السيطرة 9
#يتبع


تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1