رواية شقه للايجار كامله جميع الفصول بقلم اسماعيل موسى
شقه للايجار
كنت جايب مجموع قليل فى ثانويه عامه والتنسيق كان مرحله تالته وكنت مخنوق جدا من نفسى وانا مستنى التنسيق لحد ما قبلتنى كلية خدمة اجتماعيه فى اسوان، مكان بعيد جدا عنى ومليش صحاب فى نفس المحافظه، نزلت اسوان وقعدت ادور على سكن لحد ما رجليه اتبرت مفيش فايده، اسبوع وانا بلف فى كل مكان كل الشقق اتأجرت اتعرفت على زميل من اسوان وعرض عليه اقعد فى بيتهم لحد ما الاقى سكن، لكن انا رفضت، اتحرجت اقعد فى بيت غريب
وقررت ابحث بعيد عن الجامعه، لما تعبت من البحث قعدت على قهوه اشرب شاى
وانا قاعد شفت غفير عماره لكن بعيد شويه قاعد فى الشارع قلت اسأله؟
وصلت عند حارس العماره، عماره كبيره وباين عليها جديده
انا قلت مستحيل الاقى شقه فيها وبا حتى غرفه
رميت السلام على الحارس مردش عليه
لكن كان بيبصلى بتركيز، قلت فى نفسى يمكن مسيحى
قلتله انا بدور على شقه فاضيه
ابتسم الحارس، طلبك عندى يا استاذ وبسعر قليل
قلتله كام يعنى السعر؟
قالى 150 جنيه
الكلام ا كان سنة1998 وكان سعر ممتاز لشقه كبيره وجديده متشطبه من كله
قلتله موافق، امتى هتكون فاضيه؟
دخل الحارس غرفته وجاب مفتاح حطه فى ايدى
الشقه فى الدور الرابع يا استاذ
قلتله انت مش هتطلع معايا؟
الحارس بصلى بنظره مريبه وسمعته بيقول لا مش طالع
اطلع لوحدك
جبت شنطتى من القهوه بسرعه وطلعت على الشقه، اسبوع وانا بلف فى الشوارع لما ضهرى اتكسر
اخيرا هناك على سرير واشبع نوم
فتحت الشقه إلى كانت نضيفه بتبرق، رميت شنطتى على الأرض وسمعت صوت آنه، صرخه ضعيفه مكتومه تكاد تكون مش مسموعه
وقفت فى مكانى لحظه مصدوم، انا رميت الشنطه بغباء على الكنبه ودا عمل الصوت ده
رفعت الحقيبه كان تحتها دميه صغيره
قعدت اضحك وسبت الشنطه وجريت على الحمام اخد دوش يفوقنى
فتحت الحنفيه مفيش نقطة ميه طلعت، قلت ايه الحظ العاثر دا يا ربى؟
الميه قاطعه؟
لفيت فوطه على جسمى ويدوبك هخرج من الحمام الميه نزلت بغزاره
استحميت وخرجت اختار غرفه انام فيها، اخترت غرفه بعيده عن الشارع عشان الازعاج ونمت
مش عارف الساعه كانت كام لما فتحت عنيه على صوت موسيقى قادم من الصاله
القصه بقلم اسماعيل موسى
انا مش معايا كاست ولا شغلت موسيقى
ولعت النور وخرجت من الغرفه الصاله كانت فاضيه
لكن الدميه مكنتش على الكنبه كانت على طاوله جنب الجدار عليها جهاز جرامافون قديم بيعزف موسيقى
وقفت مرعوب الجهاز ده ازاى اشتغل لوحده؟
وكان موجود لما وصلت ولا لا؟
قفلت الجهاز ودخلت اكمل نوم يدوبك عنيه غفلت وحصلت حاجه مرعبه
