رواية بتقرب ليه ياشيخ خالد كامله جميع الفصول بقلم هنا سلامه
بتقرب ليه يا شيخ خالد ؟
_ لا ما هو أنا خلوق مع الكُل، بس مع مراتي بقى أنا باد بوي !
.......
_ الشيخ خالِد عاوز يمسك إيدي !
- إحنا كتبنا كِتابنا و ده مِش حرام.
إتعصبت عليه و إحنا في نُص الشارِع و قولت بصوت عالي
_ كُل شويه هتقولي حلال و حرام ؟؟ ليه محسسني إنك ماشي مع كافره ؟؟ ما أنا بفهم في الدين زيي زيك.
سكِت فجأه ، لقيت الناس بتبص علينا ، إزاي أنا غبيه و مُتسرعه كِده !! أنا و خالد جواز صالونات بحت ، بس هو مُتدين و إمام جامِع ، رفض نِعمل خطوبه و رفض يلبسني الدِبله و خلى مامته إلي تلبسهاني ، حتى مقليش أي كلمه حِلوه تبِل ريقي من قبل كتب الكِتاب ! لسه كاتبين كتب الكِتاب من كام ساعه و طلب من ماما إنُه يخرج معايا و هيرجعني قبل الساعه 10 ، ليه عندي مدرسه ؟
المُهم إن عصبيتي دلوقتي قلة آدب ، و أنا مِستنيه القلم ، ما هو أنا زعقت فيه وسط ناس كتير في الشارِع !
همست بخوف من نظراته إلي كانت غضبانه
- آسفه.
مسك إيدي و مشي وسط الناس و هو بيطبطب على راسي !
أول ما بعدنا عن الناس ساب إيدي ، فتح باب العربيه ليا فركِبت ، كان ماشي بهدوء تام ، و أنا مش بحب الهدوء ، جيت أشغل الكاسيت إيدي لمست إيده فسحب إيده و هو بياخد نفس عميق ، فتحت الكاسيت على أغاني ، كنت لسه هرقص لقيته طفاها إبن ال.. هو إبن حلوه الحقيقه لإن ملامحه جمدان.
- إفردي العربيه إتقلبت بينا يا هَنا ؟ تموتي و أنت كنت بتعملي معصيه ؟
بعصبيه _ معصيه ! الأغاني معصيه !! انت إيه ؟؟ لا بجد أنت طبيعي ؟؟ انت عاوز تدخلني النار و خلااااص ؟؟
أنا شخصيه بتكره الإنتقاد ، بتكره إن حد يقولها ده صح و ده غلط ، حتى لو كلام خالد صح ، بس هو بينتقدني !
قلع الدِبله من إيده و قال
- خدي يا بنت الناس.
قال كده و غمض عينُه و هو بيحط الدِبله على الطبلوه ، حطيت شعري ورا وِداني و حسيت إني هعيط ، غبيه و مُتسرعه و .. و فشله ، ضيعت خالِد من إيدي !!
_ آس..
جيت أقول آسفه حسيت الكِلمه مِتعلقه في حلقي ، كِبريائي مسمحش ليا أتأسف عشان أكمل ، خبيت وشي بعيد عنُه و دموعي نِزلت فقال بهدوء
- أنا آسف ، يمكن مكونش شخص مُناسِب ليكي ، دخلت عليكي زي الدخيل ، بس كنت حابب أكون شريك صالِح ليكي و أحِبك في الحلال ، أتمنى ليكي التوفيق في حياتك.
أخد نفس عميق و مع النفس ده شهقت من العياط ، هو إستحمل كتير ، رفضتُه مره و المره التانيه لما وفِقت كنت بعاند معاه و أزعقله قُدام أهلنا يمكن يمِل و يمشي .. أهو هيمشي فِعلًا ، طب أنا بعيط ليه ؟ حد بيتوجع من وجع جبُه لنفسُه !
- هبعتلك ورقه طلاقِك في أقرب وقت يا هنا ، أتمنى تبقي إرتحتي.
أرتاح ! أرتاح إزاي !! أنا .. أنا عاوزه أنهار في حُضن ماما دلوقتي.
وفجاة ....
تم واستلم .....
....
