رواية انتصار الحب الفصل الثاني بقلم نشوة عادل
كنت باصة للفون ومتنحة اللى هو اللى انا شيفاه ده بجد الماسدج دى بجد والاكونت ده حقيقى مش مزيف مسكت فونى وكالعادة لجأت لملجأى الخاص كارمن
دعاء: بت الحقينى اين انتى يا انثى القنفذ؟
كارمن: انا هنا اهو يا اختى فينك من الصبح محدش عارف يوصلك ليه بتتنكى ع اللى خلفونا ليه؟
دعاء: كارمن انا سيف بعتلى ماسدج
كارمن: سيف مين يا قلبى؟
دعاء: احنا نعرف كام سيف بحياتنا سيف البنا زميلنا بالكلية
كارمن: لولولولووووووووولى الكراش نطق قال بحبك ولا ايه جال احبك جالها يا بوت💃
دعاء: يا شيخة حبك بورص احول يا بعيدة يا بنتى بعتلى ماسدج عادى بيقولى محتاج اتكلم معاكى فى حاجة مهمة لما تنزلى الكلية وانا متلخبطة ومش عارفة ارد ولا لا
كارمن: لا ردى وقوليله موضوع ايه اللى محتاجنى فيه وليه وعشان ايه وامتى وازاى وفين؟
دعاء: هو انا وكيل نيابة يا زفتة انتى هفتح للواد محضر اسمعى انا هرد اقوله يقول اللى هو عاوزه فى ماسدج وخلاص
كارمن: حلو ده التقل صنعة برضه اشى ابعتيله يا اختاه وانا هقوم اتغدى س....سلام
مسكت الفون وفتحت الماسدج وانا كل دقة فى قلبى بتخرج بخوف وبعتله الماسدج وقفلت بسرعة وروحت نايمة اصل انا لما احب اهرب من اى حاجة بنام ع طول
فى مكان ما فى كافيه شيك كان فارس اخو دعاء قاعد بيشرب القهوة الفرنسى بتاعه وعمال يبص فى ساعته وعينه ع الباب بقلق لحد ما دخلت بنت شقرة بعيون عسلى ومحجبة كيوت من الباب
فارس: اتأخرتى كده ليه يا جودى قلقتينى عليكى؟
جودى: اسفة بس الطريق كان واقف كالمعتاد .... ها كنت عاوزنى فى ايه بقى؟
فارس: كده ع طول طب مش تشربى حاجة الاول؟
جودى: ممكن اشرب عصير مانجة
وفعلا طلب فارس الاوردر وشويه وقالها: جودى بصراحة كده انا معجب بيكى اوى وحابب اخد خطوة ايجابية
جودى بارتباك: انت ..... انت فاجئتنى بصراحة انا!!!!
فارس: بصى انا مش عايزك تستعجلى خدى وقتك وفكرى براحتك وصدقينى انا مش مستعجل ع قرارك وهحترم رأيك ايا ما كان
جودى اتملت عيونها بالدموع واكتفت بأنها قامت وقالت: للاسف مش هينفع يا فارس
فارس بصدمة: ايه 😳 طب ليه ممكن اعرف السبب ؟!
جودى اخدت شنطتها ومش ردت عليه وقامت سابته بسرعة وخرجت برة الكافيه وسابته فى دماغه الف سؤال والف طعنة فى قلبه اللى حبها بجد
فى البيت دخلت سناء ع دعاء ولقيتها رايحة فى سابع نومة قربت منها وفوقتها بهدوء عشان تقوم تاكل مع خالد اخوها وفعلا قامت وخرجت
خالد: الدبدوبة حجى صحيت وهناكل اخيرا
دعاء باشمئزاز: هعضك وربنا
خالد بضحك: خلاص خلاص اسف يا سيتى بالمناسبة يا دودو متقدملك عريس
دعاء بخضة: ايه ليه؟ اقصد مين يعنى ويعرفنى منين!؟
خالد: .............. ....................................
يا ترى مين العريس ده؟ وهل هتوافق دعاء؟ وايه الموضوع اللى ممكن سيف يكون محتاجها فيه؟ وليه جودى رفضت فارس؟
