رواية رؤي الفصل الرابع بقلم شادي
رؤي تكمل حكايتها لمالك
وبعد ما اقنعني اننا نهرب ونتجوز روحت البيت لقيت زوجة عمي في انتظاري وبتقولي :
اتأخرتي ليه كده جبتي الفستان.
=اه جبته بس الدنيا كانت زحمه.
=يعني خلاص ربنا هداكي ووافقتي.
=يعني لو ما وافقتش هتسمعو لكلامي.
=يابت بطلي هبل ده راجل غني وعند عمارتين يعني هتعيشي عيشه حلوه وبكره تدعي لنا ولا عجبك عشتنا دي.
=ماشي يا مرات عمي اللي تشوفو
ودخلت غرفتي ولميت ملابسي واستنيت لما كلهم نامو واتصلت بوليد وجالي علي اول الشارع وركبت معه ومشينا
وليد:ايه اللي معاكي ده مكنتيش جبتي اي حاجه انا هشتريلك ملابس جديده وكل اللي تحتاجيه.
رؤي:بس يا وليد انت مش هتقرب مني غير لما نتجوز عند مؤذون مش عرفي.
=يعني انتي عايزاني اتجوزك رسمي!!
طبعا رسمي ولو مش هتجوزني رسمي انا هرجع بيتنا واتجوز الراجل ده حتي لو عندو ١٠٠سنه بس علي سنة الله ورسوله.
=طب خلاص خلاص بكره نجيب المأذون دلوقتي انا عندي شقه مفروشه وجاهزه نروح نرتاح وبكره ربنا يسهل.
=لاااا مينفعش تدخل معايا الشقه دخلني الشقه وبكره تعال وجيب المأذون.
=ده انتي مخك صعب اوي انتي خايفه مني ده انا حبيبك.
=ايوه بس هيا دي الأصول.
=طيب اللي تحبيه بكره هشتريلك حبة حاجات ملابس واحتياجاتك كلها اجبهالك الصبح وبليل نجيب المأذون واشوف اتنين صحابي شهود تمام ياستي كده.
=تمام
وفعلا تاني يوم جبلي حاجات كتير وخدني وداني الكوافير وجاب المأذون بليل كان شكل المأذون غريب وبيغلط في الكلام لكن ما شكيتش في لحظه بعد ما مشي الماذون واصحابه اداني شريط برشام سألته:
ايه ده قالي:
=ده عشان مايحصلش حمل احنا دلوقتي مش جاهزين ولو حصل حمل هنتلغبط بذات ان لسه جوازنا في السر اول ما نعلن جوازنا للكل انا اللي هقولك عايزك تجيبلي بنت حلوه زيك
وافقتو وعشنا سوا احلي شهرين صحيح ما كان يبات معايا علطلول عشان اهله ما يلاحظه بس كان اكتر الوقت معايا خروج وفسح وهدايا خلاني انسي حتي اسأله فين قسيمة الزواج لغاية ماجه اليوم اللي تعبت في وروحت كشفت وعرفت اني حامل
وقولتلو :انا حامل يا وليد معرفش ازاي حصل بس اظاهر نسيت اخد الدوا اللي جبته غصب عني.
=رد بعصبيه ووشه اتغير وبقا انسان تاني وقالي:نعم انتي اتجننتي ولا بتستعبطي يعني انتي فاكره كده بتربطيني بيكي مش هو ده اتفقنا الطفل ده هينزل وحالا.
=انت بتقول ايه يا وليد ومالك اتغيرت كده ليه بقولك غصب عني لا مش هنزل ابني هو انا عايشه معاك في الحرام احنا متجوزين علي سنة الله ورسوله.
=ضحك باستهزاء ههههههه انتي عبيطه يابنتي ولا هبله انا متجوزك بورقتين والاثنين معايا هقطعهم وخلصت ولا في شي يربطني فيكي.
=رديت عليه بصدمه عرفي ايه والمأذون وصحابك الشهود.
=الماذون ده واحد صحبي عامل مأذون قولت عشان اريحك مأذون ايه انتي صدقتي.
=يعني انت خدعتني وضحكت عليا ليه بتعمل معايا كده.
=بطلي الكلام ده متحسسنيش اننا في فيلم عربي قديم انا حبيتك وعشنا سوا بس مينفعش تبقي مراتي قدام الناس انتي معايا هتعيشي احلا عيشه وكل طلباتك مجابه وهفضل احبك وادلعك مش احسن من الراجل اللي عمك عايز يبيعك ليه لكن تقوليلي جواز وعيال لا محبش الخنقه ،ولما اتجوز رسمي اكيد مش هتبقا بنت اخو الجنايني ،استهدي بالله كده وبكره تروحي عند اي دكتور وتنزلي اللي في بطنك
طبعا مش هقدر اظهر معاكي عشان محدش يشوفني ،تخلصي وتتصلي بيا اجيلك وكل حاجه ترجع زي ما هيا غير كده يبقي مع نفسك انا مليش اي علاقه بيكي،
ولو شيطانك وزك تيجي القصر تفضحيني عمك بيدور عليكي وحالف يقتلك ومحدش هيصدق منك كلمه .
=رديت عليه وانا حاسه اني في كابوس اللي عملته في نفسي ده انا ازاي وثقت فيك معقول انت وليد اللي عرفته وحبيته اللي كان بيحلف انو عمره ما يتخلي عني حرام عليك كنت سابني اسمع كلام عمي واتجوز الراجل اللي عايزني اتجوزه علي الاقل كنت هحترم نفسي واعيش بالحلال .
رد وقال:والله لو كنت اعرف انك معقده كده كنت سبتك اسمعي الكلام يارؤي وانا ارجع وليد اللي حبتيه خلي بالك الشقه دي ايجار مفروش انا دافع ايجار خمس شهور يعني تلت شهور وصاحب الشقه هيمشيكي وأدي فلوس اهي تروحي تخلصي نفسك وتكلميني غير كده مش هتشوفيني تاني.
باااااي
ومشي وسابني طبعا مرحتش انزل الولد مقدرتش حتي لو نزلته انا مش هينفع اعيش معاه كده من غير جواز رسمي قولت هيعرف غلطته ويرجعلي واخليه يكتب عليا المره دي بجد لغاية ما عدي التلت شهور وصاحب الشقه فعلا طالبني ان اخرج من الشقه اتصلت بيه لقيت تلفونه مقفول باستمرار مشيت من الشقه وخدت غرفه صغيره ايجار وفضلت ابيع في الهدايا اللي جبهالي والملابس عشان اعيش لغاية مبقاش معايا اي شي وصاحبة الغرفه هددتني بالطرد لغاية ما جالي وجع الولاده وقابلتك .
ايه رئيك في حكايتي هتقبل تساعد واحده فرطت في نفسها بالسهوله والسذاجه دي
رد مالك:يارؤي انت ضحية ناس ما كانوش اد المسئوليه والامانه حتي ما كلفو نفسهم يعلموكي الصح من الغلط ولا فهموكي يعني ايه جواز الجواز الرسمي اللي علي سنة الله ورسوله ليه شروط مش مأذون وبس ولا شهود اول شروطه الاشهار سيدنا محمد عليه افضل الصلاة والسلام شاور عالدف في عرس احد الصحابه وقال" هذا الفرق بين ال*نكاح وال*سفاح"
وكمان الولي رسولنا قال صلي الله عليه وسلم " لا تزوج المرأه نفسها "
وفي حديث اخر قال" لا زواج بغير ولي "
يعني حتي لو المأذون كان صحيح الزواج بالشكل ده باطل
بس انتي مكنتيش تعرفي استغفري ربنا وربنا غفور رحيم
وكمان كنتي ضحية الناس الاغنيه اللي فاكرين بفلوسهم يشترو ويبيعو في الناس الغلابه،
بس انا لازم اجبلك حقك واخلي وليد يعترف ببنته
رؤي:لا عمي لو عرف هيقتلني
مالك:مفيش الكلام ده متخفيش انا هعرف اتصرف بنتك دي لازم يبقا لها اب بدال ابوها عايش .
دلوقتي حضري نفسك لما اخلص شغل هاخدك ونروح عند بابا وماما وهقف جمبك متخفيش انا معاكي
رؤي:ممكن اسألك سؤال
اتفضلي!
انت بتعمل معايا كده ليه وبتساعدني ومتقوليش عشان انا انسان مفيش حد كده
مالك وهو مبتسم:والله مش عارف بعمل كده ليه بس ممكن تقولي ربنا حنن قلبي عليكي وخلاني عايز اساعدك وحاسس بمسؤليه اتجاهك يمكن عشان انتي غلبانه ومظلومه ربنا بيوقفلك اللي يساعدك
وبعد ما انتهت ساعات عمل مالك اخد رؤي وذهب الي بيته وكانت امه في استقبالهم
الام سلمت علي رؤي واخذتها بحضناها:اهلا وسهلا نورتي
مالك ينظر لأمه باستغراب ويقول في نفسه هي دي اللي كانت رافضه اجيب رؤي ورافضه اساعدها مالها خدتها بالحضن كأنها تعرفها ربنا يستر!!
رؤي اول مره تحس بحضن حقيقي من كتر الامان اللي حسيتو في حضن ام مالك ما كانتش عايزه تسيب حضنها وبكت في حضنها
اشفقت عليها ام مالك وبكت هي الاخري
مالك:في ايه ياجماعه ايه حصل انتو تعرفو بعض من ورايا
ام مالك:والله حاسه كأني اعرفها من زمان ليك حق يا مالك رؤي تدخل القلب بسرعه
مسحت رؤي دموعها وقالت :انتو والله ناس طيبين اوي
ام مالك اخدت من مالك الطفله وقالت بسم الله ماشاء الله بنتك عسوله زيك ادخلي بقا انا محضرالك غرفه وحبه من ملابسي مؤقتا يارب تعجبك عارفه موضه قديمه بقا
لا والله كتر خيرك انك فكرتي فيا انا مش عارفه اشكرك ازاي
طب يلا ادخلي ريحي وغيري وسيبي النونو معايا هي اسمها ايه
حلم
الله حلو حلم يلا لغايه ما ابو مالك يجي ونتغدي سوا
دخلت حلم الغرفه وهي لا تصدق ان في نوعيه من البشر في طيبة ام مالك وابنها
ام مالك:غلبانه اوي يا مالك ومسكينه البنت دي معرفش ليه قلبي رق لها
مالك مش قولتلك يا ماما تعالي احكيلك حكايتها وانتي هتعرفي اد ايه مظلومه
و و. الفصل الخامس من هنا
