رواية رؤي الفصل الخامس بقلم شادي
وبعد ان حكي مالك لأمه ما مرت به رؤي وما فعله بها اب طفلتها وكيف خدعها بالزواج المزيف واستغل سذاجتها وبرئتها ولعب بها تأثرت امه وقالت
معقول في ناس بالظلم ده يستغل بنت يتيمه كده ويستحلها ربنا ع الظالم
مالك:بس انا مش هسيب حقها لازم اخليه يعترف ببنته ويكتبها بأسمه
الام:انا خايفه عليك يا بني متوقعش نفسك في مشاكل احنا في غني عنها انا وافقتك تساعدها وندخلها بيتنا لكن انا مليش غيرك والناس دول احنا مش قدهم
مالك:يعني يا ما ما اسيب حق واحده ملهاش حد طفلتها دي ايه ذنبها ازاي ما تكتب باسم ابوها انا مش جبان عشان اخاف منهم وبدال بدافع عن الحق ربنا هيكون معي متخفيش عليا انتي علمتيني ما اخاف غير من اللي خلقني قل لا يصيبنا الا ما كتب الله لنا
الام :ونعمه بالله ربنا يحميك يابني
ودق جرس الباب وذهب مالك ليفتح الباب ليفاجئ بأولاد خالته نغم وسليم ليقول في نفسه لا مش وقتكم خالص ايه اللي جبهم دول
نغم:ايه يا مالك واقف ساكت ليه كأنك شفت عفريت ايه يا دكتور مفيش اتفضلو
مالك:لا ابدا اهلا وسهلا انا بس اتفاجئت ماما ماقلتش انكم جايين
سليم:لا هي كمان متعرفش احنا العربيه عطلت بينا قريب منكم ودنها تتصلح وقولنا نيجي نسلم عليكم وسع كده دخلني ودخلو ليتفاجئو بأم مالك تحمل طفله
نغم: ايه ده ياخالتو مين النونو ده هو مالك اتجوز وانتم مخبيين
لتخرج رؤي من الغرفه وهي ترتدي ملابس البيت ليفاجئو بها جميعا
سليم :مين البنت الحلوه دي يامالك
يضربه مالك علي كتفه ويقول:احترم نفسك
سليم :ايه ده انت بجد اتجوزت طب امتا وازاي تخبو علينا
ام مالك:لا يابني اتجوز ايه دي رؤي بنت صديق ابو مالك جات ولدت هنا في مصر ومالك اللي ولدها واهلها عايشين بره في السعوديه عشان كده صممنا تقعد معانا لغاية ماتفوق من الولاده وتسافر وقالت بسرها استغفر الله العظيم سامحني يارب عالكدب
نغم بلئم:اومال فين زوجها هو كمان مسافر
رد مالك :زوجها توفي قبل الولاده بكام شهر
نغم بتصنع الحزن :ياحرام عشان كده شكلك حزينه الله يرحمه
كانت نغم تحب مالك ولكن هو لم يعيرها اي اهتمام وكان طول الجلسه غاضب من نظرات سليم ابن خالته لرؤي واخذ سليم وقال يلا نطلع فوق يا سليم
سليم:لا خلينا هنا شويه الجو حلو اوي انتو معندكمش غدا ولا ايه
ام مالك :لا جوز خالتك في الطريق هقوم احضر الاكل تعالي معايا يا نغم
واخذت رؤي طفلتها وقالت وانا هنيم حلم بعد اذنكم
سليم بعد ما اصبحا بمفردهما هو ومالك قال
حلوه اوي رؤي ماشفتش بنت جمالها هادي ومريح كده
مالك اشتاط غضبا وقالك :ما عيب عليك يا اخي في ايه دي ضيفه عندنا
سليم :انا بقول بيني وبينك انت شفتني عكستها
ايه عمال تبصلها احرجتها عيب عليك
ودخل لامه المطبخ وقال :ماما دخلي الاكل لرؤي الغرفه هي محتاجه راحه مينفعش تاكل معانا وكمان ممكن تتكسف
حاضر يابني
غضبت نغم من اهتمام مالك برؤي وشكت بأمرهما وبتصرفات مالك واحست بغيرته عليها
وجاء ابو مالك واتغدو وانصرف ابناء خالته
ابو مالك :طيب مش هتنادي رؤي اتعرف عليها ولا نامت
مالك ثواني اخبط عليها عشان ماما مش فاضيه بالمطبخ
خبط عليها فتحت الباب له نظر في الارض عندما شعر باحساس غريب اتجاهها وقال
بابا كان عايز يتعرف عليكي يا رؤي بس قبلها عايز اسألك سؤال
ردت اتفضل
انتي ليه مش لابسه الحجاب مش عارفه انه الحجاب فرض وانتي مطالبه به
ردت:هو انا عمري ما حد كلمني عليه بس بفكر البسه بدال فرض
معقول مكنتيش تعرفي انه فرض
=لا عندنا الستات الكبار بس اللي بيلبسه حجاب
=لا يا رؤي البنت لازم تغطي جمالها مايظهرش غير لزوجها او محارمها انا بس حبيت انصحك وانتي براحتك طبعا
=حاضر اديني دقايق واجي وراك واتعرف علي والدك
ذهبت رؤي لأم مالك المطبخ وطلبت منها حجاب واعطتها وفرحت بها كثيرا وعندما خرجت لمالك فرح بها
وقال في نفسه وبعدين بقا ده انتي كده بقيتي اجمل صبرني يارب
وتعرفت علي ابيه واعجبت به وبطيبة قلب هذه العائله الطيبه وتمنت ان كانت تحظي بمثل هذه العائله
وفي المساء ذهب مالك لعمله بالمشفي ورفع رأسه بطريقه لا اراديه لينظر علي شباك الغرفه الموجوده بها رؤي ليفاجئ برؤي تنظر منها تراقبه وهو ذاهب لعمله خجلت رؤي عندما شاهدها تراقب خروجه لعمله ودخلت بسرعه
اما بالجانب الاخر عند مالك دق قلبه عندما شعر بأهتمامها به وقال في نفسه اكيد صدفه متوهمش نفسك بقا
وعزم ان يذهب بعد العمل بعنوان القصر الكائن به وليد والد حلم ليجبره علي الاعتراف بها
وعندما ذهب مالك القصر وطلب ان يقابل وليد واعطي الكارت المدون به اسمه وعمله للخادم وقال قولو انا عايزه في شي مهم وضروري
دق الخادم باب وليد ودخل عندما اذن له
وليد:ايه بتصحوني بدري ليه جتكم الهم
الخادم :الشخص ده قال عايزك في شي مهم يا فندم واعطاه الكارت
عندما رأي الكارت اندهش وقال:دكتور مالك عايز مني ايه ده لما انزله
نزل وليد ليقابل مالك
وليد بتكبر :اهلا هو في سابق معرفه بيني وبينك عشان تطلب مقابلتي بدري كده
مالك :رغم اننا الضهر بس بعتزر للازعاج هو مفيش سابق معرفه بيني وبينك بس انا عندي شي يخصك
=يخصني انا شكلك غلطان بالاسم ايه اللي هيخصني عندك
مالك:بنتك
وليد بصدمه :نعم بقولك غلطان في العنوان انا معنديش بنات ولا ولاد ولا متجوز اصلا اتفضل من غير مطرود
مالك :لا عندك بنت اسمها حلم بنت رؤي اللي انت خدعتها بمأذون مزيف وغشتها وبعد كده رمتها بالشارع افتكرت ولا افكرك اكتر
=اطلع بره انت مجنون حلم ايه ورؤي ايه اه فعلا شكلك بتحلم معرفش حد بالأسم ده خليها ترمي بلاها بعيد عني احسن لها و احسن لك
=لا انت تعرفها كويس و عارف ان سهل تثبت ان البنت بنتك فمن غير اي مشاكل تعال اكتب بنتك بأسمك واعترف بيها واكتب علي رؤي علي الورق بس رسمي وطلقها عشان سمعة البنت بس لكن رؤي مش عيزاك
=انت بتحلم جابتك منين انت قولها اي دوشه هأذيها وخليها تبعد احسن
=ده عنواني هي عايشه مع امي هستناك تفكر اسبوع وتتصل عليا وتيجي ارقامي بالكارت اللي معاك لو مجتش بعدها هتصرف
=اطلع برره
غضب وليد من زيارة مالك واخذ يفكر ماذ يفعل بهذا الطبيب الذي تحتمي به رؤي هي الان اصبحت معها من يساندها ويقويها لم تعد البنت اليتمه التي لا حول لها ولا قوة من الضروري ان ينهي موضوعها بأي شكل ثم خطرت له فكره شيطانيه وذهب لعمها بحديقه القصر لينفذها
=عم صابر عامل ايه و ايه اخبار الورد الحلو بتاعك
=اهلا وسهلا يابيه الحمد لله كله تمام
=بقولك يا عم صابر في. موضوع كده عايز اقولهولك ومتردد
قول يابيه علي راسي
=سمعت ان بنت اخوك هربت وانت بدور عليها
=اه يا بيه منها لله جبتلي العار بس لو الاقيها اشرب من د م ه ا
=شفت انا خايف اقولك تتهور وتضيع نفسك عايزك تحل الموضوع بحكمه عارف انك فلاح ودمك حامي وهي البت بهدلت سمعتك الصراحه
=انت تعرفها يابيه تعرف مكانها
انا الصراحه شفتها معاك كام مره فاول ماشفتها عرفتها علطول
=شفتها فين قولي ابوس ايدك؟
=بس مكنتش تحلف مكنتش ناوي اقولك هي عايشه مع دكتور في شقته لوحدهم استغفر الله عايشه معه بالحرام وباين خلفت منه كمان انا لما شفتهم مشيت وراهم وجبتلك العنوان قلت عم صابر راجل طيب وما يستاهلش راسه تبقي في الطين كده خد العنوان اهو بس اوعدني مضيعش نفسك
ده انا هشرب من د م ه م الاتنين
ليه بس كده يا عم صابر صراحه انا لو منك هعمل اكتر من كد
