رواية شايفه نفسك فين بعد خمس سنين الفصل الثالث بقلم غادة عادل
_بتعملي إيه؟
=بسأسأ بسكوت في الشاي
_انتِ ماكلمكيش غير يا بتاكلي يا نايمة!
=راحة بال و روقان ايش فهمك أنت
_طب متزعليش بقا لما اخونك
=إيه!
_إيه!
=لو بتعرف تتبطخ و تقوم بشغل البيت موافقه إنك تتجوزها و تعيش معانا
_إيه!!
=أو لو أجمل و احسن مني مفيش مشكلة
_أنتِ بتقولي إيه!
=بعمل بمقولة اطلق صراح الطائر فإن عاد لك فهو لك و أنت كدا كدا هتلف تلف و هاترجعلي
_أنا طائر!
=مش كنيتك عندي كتكوتي!
_انتِ إيه يابنتي دا! انا زهقت!
=أنت عايز إيه دلوقتي!
_تحبيني، تهتمي بيا، ابقا زي بقيت اصحابي يا باردة!
=أول مرة شوفتني فيها كنت لابسة إيه؟
_إيه!
=بتبقا اون لاين من ٧:٨صباحا مابتبعتليش المورنينج ماسدج ليه!
=أنا...
_مابتظهرش سين أول ماابعت الرسالة دا معناه إنك بتخرج من الشات، بتكلم مين و سايبني يا ماكر!
=استهدي بالله!
_شوفت انك كدا احسن
=شوفت
_مشكلتك مش عارف فوايد الزوجة الكسولة
=نعم يختي!
_هاكسل حتى ارد عليك في خناقة و هاسيبك و انام و تاني يوم عادي خالص تفكيري هتبقي هاكل إيه
=لا والله!
_طب تقدر تقولي من ساعة ماخطبتني اتخانقنا خالص
=هي مرة واحدة بس عشان صحوكي من النوم يوم زيارتي ليكِ
_النوم مقدس بالنسبة لي معلش
=ايوة بس خطيبك بتشوفيه مرة واحدة في الاسبوع و جي عشانك!
_هي قاعدة ماشية عليها، لا يستحق أي شيء استيقاظي من النوم سوى يوم القيامة
=اممممم
_طب تعرف اهمية اني امرأة لا تفكر سوى في تدليل كرشها إيه!
=اتحفيني
_بعد الجواز هاظبطك أكل، يعني يرضيك ترجع من الشغل هالكان و قرفان تلاقي أكلة حلوة تبسطك و إلا تلاقي اندومي سوريا بيبي!
=صدقي عندك حق برده
_طب تقدر تقولي اصحابك التافهين دول مش كل يوم خناق و يجو يشكولك و أنت براحتك!
=آه
_اهو دي ميزة إني مش مركزة معاك و اطلقت صراحك عايش ملك، و لّا يعني اكلمك كتير و اركز اكتر فتقوم انت مضايقني ف انكد و اخرب بيتك و في الآخر تقول عني نكدية مع إن النكد أصله ذكر!
=صدقي اقتنعت!
_شوفت
=ايوة بس برده أنا عايز اللي تهتم بيا و كدا يعني..
_منا بكلمك ساعتين متواصلين كل خميس و بتشوفني كل جمعة في الزيارة
=آه بس برده...
_تقدر تقولي الزمن دا اهم حاجة في ايه!
=إني اشتغل و اجيب فلوس عشان الزمن غدار
_اهو دا مربط الفرس تقدر تقولي هايفيد ب إيه المحن و الجيب خالي و لا هانلاقي ناكل منين، يعني احسناكلنا يبقي فيه بروتينات ولا هانقضيها فول و طعمية و في الآخربرده تقولي عايز اتقوّت!
=صدقي صح!
_طب تقدر تقولي اصحابك مش بيستلفوا منك عشان الهدايا لزوم المحن!
=حصل و في الاخر بيتخانقوا
_شوفت اديني مريحاك من كل دا و عايشين رايقين بلا نكد
=صدقي اقتنعت
_حصل خير يلا بقا روح كُل و نام و سيبني أكمل سأسأة
=في رعاية الله يا نصراني..
#غادة_عادل
