رواية شايفه نفسك فين بعد خمس سنين كامله جميع الفصول بقلم غادة عادل
_شايفه نفسك فين بعد خمس سنين؟
=استغفر الله دي حاجة في علم الغيب هنكفر!
_إيه هتكفريني و انا قاعد!
=هو لو مهم أوي السؤال، فانا دلوقتي شايفة نفسي في المطبخ بعمل كريب شاورما لقُرة عيني
_إيه دا متجوزة!
=لأ و لا مخطوبة بس بفكر
_انتِ عايزة تشتغلي ليه؟
=اشقط عريس
_أنتي جاية تهزري يا انسة!
=ببراءة: ما حضرتك بتسأل اسألة غير منطقية
_قُصره... إيه هي مميزاتك اللي تخلينا نشغلك؟
=هجبلكوا فطار معايا و انا جاية
-نعم!
=كملت: و وشي بشوش هاملالك المكان طاقة ايجابية
_يا انسة انتِ جاية تضيعي وقتي!
=ماحضرتك مش طايقني برده و مش مديني فرصة!
_أنا كلمتك!
=والله هعيط
_اوف!... قُصره ايه هي عيوبك؟
=انا مليش عيوب
_لا بجد
=ثقة في الله بقولك
_اممم انتِ قولتي مقدمة على انهي وظيفة!
=سكرتيرة
_ليه دي بالذات؟
=عشان دي بداية القصة زي المسلسلات
_مش فاهم!
=قصة الحب اللي هاتنشأ بعد صراع و خناقات بيني و بين المدير و اللي في لحظة غيرة عليا هيروح لامم كل الموظفين و يزعق بصوت عالي ويقول إني مراته
_امممم هو يوم باين من اوله
=افندم!
_طب انتِ شايفة مؤهلاتك تنفع للوظيفة؟
=لو قصدك علي الچيبة القصيرة فلا حضرتك احنا من عيله محافظة و ماما تزعقلي و قُرة عيني هيغير
_مش انتِ مش مرتبطة!
=باعتبار ما سوف يكون حضرتك
_امممم تقدري تقوليلي طيب سرعتك قد إيه في الكتابة على الكومبيوتر؟
=بجيب الأفلام في ٣ثواني اسرع من اختي
_يا انسة مش عايز اتعصب!
=بخوف: حضرتك مش طايقني ليه!
_مهو انتِ...
=بعياط: طبعاً تلاقيك هتشغل حد بدالي بالواسطة، مهي كوسة بقا و بطفشني و مش راضي تديني فرصة!
_يا انسة انتِ بتدلعي!
=هي قالتلك! تعرفها!
_هي مين!
=ماما! هي اللي بتقولي كدا!
_بقولك إيه قومي روحي عند أمك
=و أنت هاتيجي معايا!
_اجي معاكِ ليه يا انسة انتِ مجنونة!
=بعياط: طب والله أنا مفيش زيي
_واضح
=طب اقولك بعرف اعمل كيكة برتقال و عصير الجوافة بالبن
ضحك بصدمة مش مصدق الموقف ف ابتسمت وقالت:
_بتحب الجوافة بالبن؟
=بصلها و مش عارف يمشيها: بتعرفي تعمليه حلو
_آه والله و بكلف كمان و بحط زبادي بيبقي عظمة
=امممم
_هتشلغني طيب! والله بسمع الكلام و اسأل ماما
=قوليلي تاني كدا انتِ جاية تشغتلي ليه!
_مش فاكرة أنا قُلت حاجات كتير
=تشقطي عريس... الواضح إنك نجحتي...
_دي زلة لسان والله!
=انتِ مكانك مش هنا صدقيني
_فين يعني!
=المطبخ...
#غادة_عادل
