 |
رواية عمار الجحيم الفصل الاول 1 بقلم محمود الامينكنت متابع بتركيز ملامح الراجل اللي قتل عيلته بدم بارد قال وهو بيدمع _أنا كنت عايش في حالي انا ومراتي وعيالي هما اللي اذوني مش أنا.. أنا كنت بدور علي الأمان والهدوء ولما جبت السيد قلي اني لازم اقري طلسم الطرد.. مسكت الكتاب وبدأت اقري منه.. صرخات ضربت المكان زلزال مدوي جسم سيد بيترفع من علي الارض وبيتخنق.. _اهدي يا اشرف اهدي انا مش فاهم حاجه _ شاكوش غرقان دم.. مراتي وعيالي ماتوا _ اشرف اهدي ... جسم اشرف بدأ يتنفض وايديه بدأت تتشنج وعينيه نزل منهم خطين دم.. ومات ... #عمارالجحيم (أخطاء مميتة) #الجزءالاول الشغل مرهق جداً وبالذات لما تكون شغال طبيب نفسي في مستشفى وبتشوف الحالات المدرجة تحت اسم المرضي النفسيين وتسمع كل حد منهم ومش الكل بيكونوا مرضي يا جماعة.. في ناس بتكون كويسة جداً لكن اللي عمله ملهوش تفسير غير أنه مريض نفسي من غير ما أطول عليكم أنا دكتور مصطفى سني 30 سنة بشتغل في المستشفى هنا من 3 سنين مرت عليا حالات كتير وحالات غريبة.. لكن في النهاية مش كل الحكايات صدق ولا كلها كدب .. النهاردة يوم مش عادي النهاردة هيخرج من المستشفى أشرف.. أشرف هو اغرب حالة عدت عليا كطبيب نفسي بجد هو حاول ينتحر بعد ما قتل مراته وعياله بدم بارد.. طريقة القتل كانت وحشية بشكل كبير.. اشرف هشم دماغ مراته وعياله بالشاكوش.. طبعاً حاجة صعبة مهما وصفتها والنهاردة عرفت اني انا المسؤول عن حالة اشرف.. وكان لازم قبل وصول الحالة اعرف كل حاجه عنها ... نزلت الارشيف الخاص بالمرضي والملفات هنا بالاقام.. ملف اشرف رقمة 208.. اخدت الملف وطلعت مكتبي قعدت علي المكتب لبست النضارة وابتديت اقرأ « اشرف عبد السلام.. مهندس في احدي شركات القطاع الخاص متزوج وعنده ولد وبنت.. من عائلة متوسطة الحال عايش في شقة في منطقة شعبية لكن ده سابقا مصطفى ورث من جده مبلغ كبير عشان يبدأ بيه حياته اشتري بيت كبير في حي راقي وبعيد عن دوشة المدينة من بعدها ساءت الحالة النفسية لمصطفي بشهادة زملاء العمل والاقارب.. وشهادة الجيران أكدت ان اشرف كان بيجيب ناس شكلها غريب شبه الدجالين لبيته.. لحد ما ارتكب الجريمة دي بعد انتقاله هو واسرته للبيت ب3 شهور بس.. حاول الانتحار وفشل وكل كلامه ان الجن هما اللي قتلوا عيلته» ... لازم الاول اقعد معاه عشان افهم اي الحكاية.. عرفت انه وصل المستشفى وانا بقرأ الملف سبت كل حاجه في ايدي واتحركت علي اوضة اشرف.. دخلت الاوضه شاب في سني في ال30 من عمره قاعد علي السرير وماسك راسه بايديه الاتنين بدأت انا بالكلام وقولتله _ ازيك يا اشرف حمد الله على السلامة _ الله يسلمك. _ اي مالك؟.. أنت لسه تعبان؟ _ انتوا ليه انقذتوني من الموت ليه؟ _ ده أجل وعمر.. وربنا مش رايد انك تموت دلوقتي _ ايوة رايد اني اعيش عشان أفضل اتعذب طول عمري واحس بالذنب _طيب ما تحكيلي يا اشرف كده يمكن في حل غير الموت _ هتصدقني؟ _ هصدقك بس أحكي ... أنا اسمي أشرف عبد السلام مهندس علي قد حالي في شركة مقاولات كنت عايش حياتي زيي زي اي حد عادي متزوج من مروة.. وعندي سيف وسلمي.. الحياة مستقرة وماشية الحمدلله عايش في بيت صغير في منطقة شعبية وكافي خيري شري لحد ما في يوم جالي تليفون من عمي فوزي.. رديت _ الو ايوة يا عمي.. خير؟ _ جدك عبد الجواد أتوفي يبني لازم تاجي عشان ندفنه .. بصراحة العلاقه معاه مكنتش حلوة اوي ولا أحسن حاجه ولكن في النهاية دي حالة وفاة ولازم اروح.. روحت فعلاً وزي المتوقع دايما ناس كتير واصوات الصراخ والعويل في كل مكان ومن غير الدخول في تفاصيل مملة دفناه.. واتعمله عزا كبير في البلد كنت ناوي ارجع واقول لعمي فوزي اني معايا شغل لكنه فاجئني وقال _ تمشي؟!.. تمشي تروح فين؟ والمحامي اللي جاي بليل عشان نفتح الوصية _ وصية؟.. هو جدي معاه حاجه غير البيت؟ _ الله أعلم جدك كان كتوم جداً ومش بيحب يتكلم كتير.. وبليل مش بعيد وهنعرف .. أنا كنت عايز أمشي لكن موضوع الوصية خلاني قعدت رغم اني عارف انه مش هيكتبلي حاجة طول عمره جلده وبخيل لكن لما المحامي جيه بليل وفتح الوصية اتفاجئت ان جدي كتبلي 15 مليون جنيه بأسمي.. أنا مكنتش مصدق نفسي ولا حتي سألت هو جاب الفلوس دي منين.. وأسأل ليه أنا مالي؟ ربنا يرحمك يا جدي يارب .. رجعت البيت بعد ما صرفت مبلغ من البنك عشان نعزل بقا من البيت ده.. كلمت مراتي وقولتلها تجهز وتجهز العيال والشنط علي ماجي من بره.. رجعت اخدت مراتي وعيالي وكنت مكلم سمسار اعرفه أسمه عوض وكلمني وقالي اروحله علي عنوان بيت عشان اشوفه لما وصلت وشوفنا البيت.. عجب مراتي والعيال جداً لكن انا كنت حاسس بقبضة غريبة في قلبي مش عارف ليه؟ كان بيت كبير ليه جنينة واسعة.. واتكلم عوض وقال _ البيت ده أهله مسافرين ومتفقين معايا ابيعه.. وسعره كويس بالنسبة للجمال ده _ كام يعني يا عوض؟ _ 4 مليون جنيه.. شوف دلوقتي تلاقي بيت بالجمال ده وبالسعر ده _ بصراحه لأ _ خلاص نقول مبروك ونمضي العقد ... رغم ان سعر البيت رخيص بالنسبة للتحفة الفنية دي ورغم قلقي لكن فرحة مراتي والعيال مسكتاني وخلتني وافقت مضيت العقد واخد عوض الفلوس ودخلنا البيت.. بيت كبير محتاج تنضيف جبار وبصراحة مش هنقدر عليه انا ومروة.. كلمت عوض واتصرفلي في واحدة تنضف البيت وبعد ما خلصت اخدت حقها ومشيت.. في اللحظة دي لمحت قط اسود كبير واقف في الصالة بيبصلنا بتركيز.. قربت منه سلمي عشان تحط ايدها عليها صرخ وخربشها في ايديها جريت انا وبعزم ما فيا ضربت القط وشلت بنتي من قدامه.. مكنتش مطمن رغم انه موقف عادي يعني وممكن يحصل فضلت صاحي افكر واقول اني واهم نفسي علي الفاضي.. رجعت اوضتي مراتي نايمة، دخلت السرير ونمت انا كمان وياريتني ما نمت معرفش اي اللي شوفته ده بالظبط حلم ولا واقع شوفت نفسي واقف في صالة البيت وعلي يميني وشمالي ناس شكلهم غريب مش بشر نهائي منهم الطويل ومنهم القصير عندهم قرون في راسهم وفي النص واقف واحد مش ظاهرة ملامحه.. وفي نفس واحد صرخوا كلهم.. واتكلم الراجل اللي في النص وقال بصوت اجش _ أنت عارف أنت عملت اي؟... عااارف عملت ايييييييه؟ ... صحيت من النوم علي صرخة سلمي.. قومت انا وامها نشوف مالها... كانت بتشاور علي حاجه عند باب الاوضه بصيت مشوفتش حاجه.. لا شوفت القطة واقفة قولتلها متخفيش دي قطة مش هتعورك تاني.. لكن بنتي قلتلي في واحدة ست كانت واقفة عند الباب شكلها يخوف يا بابا قولتلها _ متخفيش يا حببيتي مفيش حاجه ان شاء الله .... الموضوع يقلق فعلاً ومراتي بدأت تخاف.. قولتلها _ بقولك اي الصبح هكلم عوض يشوفلنا بيت تاني.. انا مش هقعد هنا _ اللي تشوفه فضلنا صاحيين للصبح.. وأتصلت بعوض فتح الخط وقولتله _ بقولك ايه تعالي بسرعه عشان.. لسه مكملتش كلامي وسمعت اغرب كلام سمعته في حياتي.. سمعت.. يتبع الجزء الثاني ... انتظروني في الجزء الثاني من هنا ... #محمودالأمين |
تعليقات
