رواية قلبي وجعني الفصل الثاني بقلم مجهول
ليلى : احمد انا عملت ايه
ندى: وانا يا احمد
احمد : ليلى انت جيبتى جيبتى
ليلى: قول يا احمد انا على اعصابي بالله عليك مش حمل اى صدمه تانيه
احمد: لولو انت جبتى اامتياااااز
ليلى :احمد انت بتقول امتياز ؟!
احمد :ايوه يا لولتى امتياز الف مبروك يا روحى
ليلى بدأت تبكى بكاء مش طبيعى
احمد: لولو حبيتى انت بتبكى ليه دلوقتى ؟
ليلى :ماما كانت دائما تقولى حققى امنيتى يالولو وهاتى امتياز طيب هى قال كده يا احمد هى فين بقا ليه يا ماما كده انت قولتى انك هتفضل معايا ومشيتى وقولت انك بتتمنى أن انا اجيب امتياز طيب انا جبت امتياز أنت فين بقا وفضلت تبكى
احمد: يا ليلى يا قلبى انت بتتعبينى معاكى كده وبتتعبى ماما وهى فى مكانها كفايه كده بقا يا ليلى خلينا نفرح بنتيجتك يا قلب اخوكى
ليلى: خلاص يا احمد انا مش هبكى تانى خلاص يا حبيبى متزعلش منى انا مقدرش على زعلك انت كل حياتى
ندى بتكلم نفسها بصوت عالى: واحده واقفه زى اللهو هنا وعندنا برود لا ارادى كده وانتوا قلبتوها نكد والله حرام عليكوا انا واحده المفروض نتيجتها طلعت وواقفه ولا اكنى بتفرج على مسلسل حزين والله حرام عليكوا
احمد وليلى فضلوا يضحكوا على ندى
احمد: معلش يا ندوش والله ليلى درجتها اخدتنى ونسيت خالص اقولك على نتيجتك
ندى: نتيجتها اخدتك على فين
احمد: تصدقى أنت بنت بارده لسه معرفتيش نتيجتك وقاعده تتباردى
ندى :يا عم فكك وقول يلا انا جبت ايه
احمد: انت جيبتى جيد جدا
ندى :الله الله عليكى يا بنت يا ندى ايه الشطاره دى دى مخ ايه ده والله انا مبهوره بنفسى
احمد وهو بيضحك اتعلمى يا ليلى من البرود ده
ندى: انا برود وضربته على كتفه يا غلس
احمد: انت قولتى ايه غلس سمعينى تانى كده
ندى بتخاف من احمد جدا
احمد شخصيته قويه جدا
ندى: غلس مين قال غلس
احمد :انت ال قولتى
ندى: انا يابنى انا متكلمتش اصلا
احمد: اللهم طولك يا روح
ندى: على هذا اللوح
احمد: اللوح دا على أساس انى هعدهالك كل شويه
ندى طيب يا جماعه سلاموز وجريت عند الباب
احمد: ماشى يا ندى براحتك ليكى زنقه
ندى: سلام يا ابو حميد
ليلى بتضحك على أسلوب ندى الطفولى
احمد: الف مبروك يا لولتى فرحتينى وفرحتى ماما فى قبرها
ليلى: الحمد لله انى كنت عند حسن ظن ماما انا فرحانه جدا انى حققت لماما حلمها انهارده
احمد :طيب ايه رأيك نطلع انهارده بالليل نحتفل
ليلى ماشى هرن على ندى اعرفها
احمد: تمام وانا هرن على إيهاب
ايهاب ده صاحب احمد من الابتدائي بعد الثانوى ايهاب دخل طب واحمد دخل علوم
ليلى وعيناها بتلمع هو ايهاب هيطلع معانا
احمد وهو بيقلد ليلى: ايوه ايهاب هيطلع معانا مالك يا ختى قلبتى على فرخه كده ليه
ليلى :بكسوف بس يا احمد ويلا انا رايحه اكلم ندى
احمد: ماشى يا .......ليلى
احمد :ايهاب بقولك ايه احنا هنطلع انهارده بالليل نحتفل بليلى
ايهاب: ايه ليلى عملت ايه فى النتيجه
احمد: جابت امتياز
ايهاب: الله الله تسلمى يا لوليتا
احمد: لوليتا ايوه دى الحكايه دخلت فى الواقع اوى
وانا اقول ليلى اتحسنت بسرعه ليه
ايهاب: اقفل يا احمد وبطل برود
احمد :طيب هقفل يا حبيب
فى غرفة ليلى
ليلى: الو يا ندوش احنا هنخرج انهارده بالليل نحتفل ايه رأيك تيجى معانا
ندى: وماله يا ختى بس بقولك ايه انا خايفه من احمد انا شكلى زوتها معاه قوى وانا عندكوا
ليلى: يا بنتى ده زمانه نسى
ندى: والله مابينسى يا قلبى انا خايفه بجد
ليلى :متخفيش هيكون معانا ايهاب مش هيقدر يعملك حاجه قدامه
ندى :طب كويس هرن عليكى على معادنا
