Ads by Google X

رواية اللقاء الأول الفصل الثالث 3 بقلم بسمله أشرف





رواية اللقاء الأول الفصل الثالث 3 بقلم بسمله أشرف 
                                      

يارب الاقيها.... بعد بحث طويل والساعه جت3:30 الفجر... 

ادم: اخيرا لاقيتها ايوه بقا.... 

( ادم بيقلب ف صفحتها شاف صورتها وحفظها عندو) 

ادم: بتحب الروايات وعلم الفلك واي تاني ياستي دي اكتر حاجه مبحبهاش هيا علم الفلك..

(فيولا كانت متصوره في المكتبه اللي بتروح تقرأ فيها دايما) 

ادم: ياتري المكتبة دي فين؟

_______________

(الراوي): 

طبعا ادم فضل طول الليل يبحث عن المعلومات الكافيه ف انه يلاقيها ادم لفتت نظره صورتها وهيا متصوره ف المكتبه مهو المكتبه دي الي فيولا بتروحها دايما عشان تقرأ الكتب الي بتحبها زي علم الفلك و القصص الاسطوريه، ادم كان ماهر جدا وبيعرف ازاي يلاقي الشخص الي هو بيدور عليه كان واخد كورسات كتييير جدا في الالكترونيات ،،،، ادم كان طموح وصادق جدا.. لا اكيد بهزر دي خرجت مني شويه اقول طموح اه بس صادق دي لا متطبقش علي الروايه وطبعا ام لسان طويل عفوا اقصد فيولا مهو انا مش هفضل احكي كتييرر تعالو بقا نرجع نشوف عم روميو ده بيعمل اي!؟؟؟.. 

_______________

ادم: ياتري المكتبة دي فين!؟ 

لاقيتها اي ده دقيقه فيولا ليه اختارت المكتبه دي بالذات انها تقرأ فيها المكتبه دي مسكونه!! (مكتبة أثينا) ليه فيولا بتروح هناك؟! 

__________

ادم: صباح الخير ياماما

الام: صباح الخير ياحبيبي مالك مش علي بعضك ليه 

ادم: لا مفيش حاجه ياحبيبتي ممكن عشان منمتش كويس

الام: افطر بس وانت هتبقي كويس بعد كده ياحبيبي نام كويس ومتسهرش انت كنت سهران ليه امبارح؟ 

ادم: اامممم كنت سهران ف شغل انتي عارفه الشغل كتيير ( ادم بتردد) 

الام: طيب ياحبيبي ربنا معاك وحاول تخلي وقت لنفسك برضو انت عارف قلة النوم بتعمل اي ده انت اللي بتقولي ارتاحي ياماما متعمليش دي ياماما كفايه ياماما هتتعبي، اومال اي ياحبيبي 

ادم: حاضر ياست الكل هعمل كده 

الام: طب يلا اقعد افطر وبطل تلكيك 

ادم: لا مش جايلي نفس دلوقتي هاخد قهوتي واشربها ف المستشفي عشان اتاخرت

الام: ولو اني يعني مش عايزة اسيبك تمشي وانت علي لحم بطنك بس اللي يريحك ياحبيبي 

ادم: يلا انا همشي هتعوزي حاجه ياست الكل

الام: عايزة سلامتك ياحبيبي وراحتك دايما 

ادم: ربنا يخليكي ليا ( بنظرة حب) 

_____________

(الراوي): 

ادم خرج وكالعاده فوت عربية الشغل الاساسي وخد عربيه تانيه ولما راح المستشفى كالعاده برضو اتهزق من المدير وكعادته هيقوله كذبه برضو عشان ميتسحبش مرتبه ويتطرد مهو ادم قال ف اول الروايه ان المدير بيحبه جدا (سامحني يارب) احم المهم بقا لما راح قابل احمد صاحبه واحمد كعادته..... 

_______

احمد: اي يابني مالك؟ 

ادم: لا لا مفيش حاجه انا بس سهرت امبارح ف مش فايق لما اشرب قهوتي هفوق (ادم بتردد وطبطب علي احمد ومشي ) 


احمد: مالو ده مش عادته ابدا 

________________________

"" منزل فيولا""


 فيولا: صباح الخير ياعم محمد ياحلو انت

(محمد) الاب: صباح النور ياكتكوت

فيولا: اتفضل قهوتك مظبوطه تماما زي مانت بتحبها

الاب: شكرا ياستي 

فيولا: العفو يافندم اي اوامر تانيه( فيولا بهزار) 

الاب: علي فين بدري كده الساعه ٦ درسك الساعه 8:00am

فيولا: هروح اقعد ف المكتبه اقرأ شويه وبعدين هروح اخد المحاضره 

الاب: عندك اي النهارده 

فيولا: هروح المكتبه بعدين عندي جيولوجيا وبعدين فيزياء وبعدين كيمياء وبعدين هعدي تاني علي المكتبه اقعد فرق الساعه دي وبعدين اروح الصيدليه 

الاب: ماشي ياستي امتي هنخلص من الثانويه دي وافرح بمجموعك بقا 

فيولا: هانت اهيه دي سنه واحده بس 

الاب: ماشي ياحبيبتي ربنا معاكي وخلي بالك من نفسك ومتقفليش تليفونك عشان ببقي عايز اطمن عليكي بس انتي بتقفليه

فيولا: حاضر هعمله صامت بس ولما اطلع ياعم انا الي هرن عليك واطمنك اتفقنا

الاب: اتفقنا

فيولا: عايز حاجه ياعم محمد ياقمر انت

الاب: لا يا كتكوت سبني شويه ( يضحك ويقول) 

____________________

(الراوي): 

اقولكم انا بقا الحكاية عم محمد ده والد فيولا ودي بنته الوحيدة زوجته اتوفت ومتبقاش غير فيولا عم محمد ده عندو53 سنه طبعا مبيقدرش يشتغل لانه كان عامل حادثه والحادثه دي اثرت علي رجله ف ماشي علي عكاز ، هو اتجوز وعمره35 سنه فيولا عندها 18سنه في ثانويه عامه بتشتغل ف صيدليه عشان تقدر تصرف علي باباها ودروسها بجانب معاش باباها طبعا هو يادوب المبلغ ده يقضيهم ويقضي احوالهم فيولا متعوده تروح المكتبه تقرأ شويه او تذاكر هناك عشان بيبقي في فرق ساعه بين كل درس والمشوار بعيد جدا لو رجعت البيت ف دي المكتبه الي كانت قريبه للمكان الي هيا بتروحه المكتبه دي بقا اسمها (مكتبة اثينا) هيا متعرفش ان المكتبه مسكونه وخطر انها تروحها بالذات انها بتبقي لوحدها هناك لان محدش فكر يدخلها تاني بعد الي حصل طبعا هتعرفو قصة المكتبه دي في الوقت المناسب المهم دلوقتي هيا بتقرأ ايه هناك!؟؟؟؟ 

______________

//////////في المكتبه //////////

فيولا: هو ليه محدش بيجي هنا هو انا كل مره هبقي لوحدي كده يلا مش مهم كده كده انا بحب الهدوء بس ليه المكتبه فيها تراب بالشكل ده وليه محدش بيجي ينضفها... محدش هنا حد يرد يا خوانا في حد. هنا..... ياناس يا هوو... يوووووه مبدهاش بقي هقعد واقرأ كالعاده مش مهم بقا.... واخيرا هقعد اكمل الروايه.. انا وصلت للجزء الكام.... امممممم اهو لاقيته البارت السادس... 

________

(الراوي)؛: 

فيولا لما دخلت ملقتش حد كالعاده بس اكل مره بتخاف اكتر بتحس باحساس غريب بس كل همها انها تكمل الروايه وضيع وقت لحد م ميعاد الدرس بتاعها يجي.. هيا كل مره بتدخل تنادي وهيا عارفه ان محدش موجود ومحدش هيرد عليها بس هيا اتعودت انها لما تدخل اي مكان تستأذن صحابه بس طبعا بما ان مفيش حد ف المكان ف هيا كانت بتكتفي بانها تنادي وتعمل دوشه جوه المكتبه عشان لو حد موجود يعرف ان في شخص غريب ف المكتبه في يطلع ويشوفها.... فيولا بتحب الروايات التاريخيه الاسطوريه وبالذات لو الروايه بتحكي عن قصص مخيفه حصلت فعلا........ 

_________________________

فيولا: ياخبر الساعة بقيت7:45 يادوب الحق المحاضره 

_______________

//////في السنتر/////////

المدرس:: انتي يا استاذه 

فيولا: انا

المدرس: ايوه انتي، اي الي انتي عاملاه ده ده منظر واجب

فيولا: انا متأسفه جدا بس هو في حاجه ف الواجب!؟ 

المدرس: ايوه متكتبيش بأقلام تظليل تاني انتي فاهمه مش كل مره هفضل اقول واعيد الكلام 

فيولا: انا متأسفه جدا بس حضرتك ده مش اسلوب تتكلم بيه مع طالبه انا معملتش حاجه غلط ده قلم تظليل وان كان علي القلم مش هظلل بيه تاني بس كان ممكن حضرتك تقول بأسلوب كويس انا معملتش جريمه 

المدرس: اتفضلي اطلعي باره ده مش اسلوب تتكلمي بيه مع المدرس بتاعك باااااااااره.......(المدرس بغضب) 

________________

فيولا::(في نفسها)) 

انا معملتش حاجه غلط كان ممكن يتكلم بطريقة كويسه بدل ماتحرج قدام صحابي... فيولا اهدي متعيطيش بتعيطي ليه اهدي يلا عدي من 1لـ10 خدي نفس عميق اهدي هششششششششش

_________

(الراوي):::  

فيولا خرجت بتعيط.. لانها حساسه جدا مبتحبش حد يقول كلمه ف حقها وهي مش غلطانه هيا لما بتتعصب ممكن تبوظ علاقتها مع اي حد قدامها وهيا متقصدش.. طول الطريق تعيط وتقول كلام لنفسها عشان تهدي لحد موصلت علي رصيف انتظار وكان في كراسي انتظار هناك وقعدت هناك تستني الدرس التاني عشان تروح مهو الموود بتاعها باظ ومش عايزة ترجع للمكتبه تاني قالت تقعد بقا هناك................. 

_____________________

//////المستشفي////////

احمد: مابدري ياعم 

ادم: ورايا مشوار لما ارجع هحكيلك 

احمد: انت مش هتروح الشركه؟ 

ادم: لا مش وقته نهائي

احمد: يابني استني بس ادم.... يوووووه مشي برضو

_________

////(الراوي): 

ادم راح المكتبه عشان يشوف فيولا ويقولها متروحش المكتبه تاني عشان الي يعرفه عن المكتبه ان الي بيدخلها مبيرجعش خاف عليها وجري وراح المكتبه بس..... مش لاقها هناك.... 

_______

/////المكتبه////

ادم: (بينادي بصوت عالي) فيولا!!! فيوووولااااا

يارب تكوني بخير... ربنا يستر... فيولا! 

______(ادم فضل يجري ويدور عليها ف كل المكتبه لحد مخرج من المكتبه) 

ادم: ارن عليها ولا اعمل اي طيب لو رنيت هتبقي مشكله ولو سيبتها هتبقي مشكله برضو طب يمكن هيا مجتش النهارده يمكن هيا ف مكان تاني المهم تكوني بخير.........

(ادم كن خوفه عليها فضل يجري حتي بقا بيدور عليها ف الشوارع...) 

                         (//بعد معاناه طبعا ///)

____ادم: فيولا! 

فيولا: هو انت بتراقبني ولا اي هو ده وقتك انت كمان 

ادم: انتي كويسه (بنظرة قلق) 

فيولا: ايوه.... هو في اي

ادم: اسمعي بقا قبل كل حاجه انتي بتروحي مكتبة أثينا ليه؟؟؟ 

فيولا: وانت مالك انت هتحقق معايا ولا اي وبعدين اثينا ايه وبتاع ايه

ادم: اسمعي بقا انا ولا براقبك ولا بعاكس حتي اطمني 

فيولا: امممم بقولك اي في صيدليه هناك اهيه روح وقولهم مالك وهما هيعرفو عندك اي

ادم: استني بقا من مش هفضل ماشي وراكي بالطريقة دي انا هقولك كلمه و وعد همشي  










فيولا: هو انت بتتكلم بجد بتوقف بنت وبتطلب منها تسمعلك دقيقه وتقف معاك انت عبيط هو انا اعرفك انا اصلا بدأ اشك فيك لو مش مشيت من هنا هصرخ والم عليك الناس انت سامع

ادم: اولا مفيش حد اصلا ف المكان ده غيرنا ثانيا بقا انا هسالك سؤال وهنصحك وكده يبقي عملت الي عليا عشان لو حصلك حاجه كده انا بريئ منك 

فيولا: اتفضل قول وخلصني

ادم: المكتبه الي انتي بتدخليها دي مسكونه!! والي بيدخلها مبيرجعش 

فيولا: اه هو انت فاكرني طفله قدامك عشان تقولي عفاريت ومسكونه

ادم: انا مبهزرش... انا عايز اعرف انتي بتعملي اي جوه

فيولا: اي الي يخليني اصدق كلامك ده 

ادم: اولا محدش بيدخلها نهائي ثانيا شكلها مهجور وباينه اهيه ثالثا الكتب الي جوه دي بتختفي الساعه 7م وبتتحول لمكان ملطخ بالدماء وفيه جثث كتير 

فيولا: كلامك مش منطقي علي فكره مفيش حاجه من دي موجوده ولو موجوده انت خرجت منها ازاي عرفت كل ده ازاي

ادم: انا هسالك سؤال هو ليه مفيش غيرنا ف المكان ده؟ عارفه ليه 

فيولا: اكيد فيه بس ممكن الناس مش عادتهم يخرجو ف الوقت ده 

ادم: لا عشان القصه بتقول ان المكتبه دي كانت مستشفي امراض عقليه كانو بيعالجوهم بحمامات الماء البارده والصدمات الكهربائية والجراحه الفصيه وكانو بيحبسو كبار السن والمراهقين المتمردين وكان فيه جنب المستشفى دي مقبرتين مسكونين قصة ان المكان مسكون جت من مريضه كانت بتتعالج ف المكان ده واختفت ولما لاقوها .. لاقوها علي الارض ملطخه بالدماء بقولك ايه انا مش هكمل عشان انتي شكلك خوفتي اصلا وكفايه اني قولتلك السطحيات بتاعت القصه انا قولتلك اللي عندي سلام

فيولا: استني بس انت رايح فين انت فاكر اني خوفت لا بقا ف علمك انا مبخفش انا كمان مش مصدقه التخاريف دي اصلا 

ادم: ياستي لو عايزة دليل كلامي انا معايا الكتاب والكتاب ده ملوش نسخ ابدا هو كتاب واحد ف العالم ومكتوب بلغه معينه انا جيت احزرك قبل متروحي فيها 


فيولا: ولو انا عايزة الكتاب ده هتدهولي اوعدك هدهولك تاني

ادم: بصراااااااحه........ مينفعش بس لو عايزة تعرفي باقي القصه معنديش مشكله ابقي اقولهالك انا

فيولا: لااا انا مش هينفع اقابلك تاني... انت اهبل انت عايزني اقابل شخص كل مره بحجة القصه انت بتهرج صح 

ادم: باقي القصه مش مهم المهم اني قولتلك الموضوع ومتدخليش المكتبه تاني اما باقي القصه اممممم عادي لو مش سمعتيها بس هضيعي نص عمرك لو فوتيها بصراحه بس علي العموم فرصه سعيده 

________

(الراوي):: 

بصو هو القصه فعلا حقيقيه بس بصراحه روميو ده طلع جامد اوووي لانه حطها قدام الامر الواقع لما كان بيبحث علي صفحتها وشافها بتحب الروايات الاسطوريه وعارف انها مش هتفوت لحظه زي دي هو كان ف بالو انو يشوفها تاني وف نفس الوقت هيا بقا تسمع باقي الرواية منا قولتلكم انه عبقري...... 

____________

فيولا: استني بس...... فكر تاني وانا هبدل معاك بحاجه مقابل الكتاب كـ رهينه يعني لحد مخلصه واجيبهولك تاني انا ممكن اديك الاسوره دي غاليه عليا جدا اخر حاجه من تيته الله يرحمها او مثلا اممم اي حاجه المهم اخد الكتاب...... 

ادم: اخد اسوره مقابل كتاب العالم كله بيدور عليه قولتي اي؟! موافقه ولا امشي؟؟؟؟ 

فيولا:..... 

            الفصل الرابع من هنا 

لمتابعة باقي الرواية زوروا قناتنا على التليجرام من هنا 


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-