Ads by Google X

رواية اللقاء الأول الفصل السادس 6 بقلم بسمله أشرف






رواية اللقاء الأول الفصل السادس 6 بقلم بسمله أشرف 

كنت خايف اخسرك انا كل مره ادعي نتقابل صدفه خوفت المره دي منتقابلش خالص ف قولت اخترعلك قصة المكتبه واقول اهو اقولها القصة وف نفس الوقت نتقابل تاني علي الاقل اشوفك انا اسف اني عرضت حياتك للخطر عارف اني السبب ف كل اللي بيحصل ليكي دلوقتي وعارف اني لو مكنتش ظهرت ف حياتك مكنش كل ده حصل، وعارف كمان ان ده وقت قليل اني اتعلق بيكي، فعلا هما يومين بسو اليومين دول غيرو حاجات كتير، كنت خايف اقع ف الحب بس شكلي عملتها....عارف ان الكلام ده المفروض اقولهولك بس انا اسف مش هقدر اقوله غصب عني.... 

(ادم كان سرحان وبيكلم نفسه) 


احمد: ايه يابني انت ساكت ليه متقول حاجه  

ادم:....(صمت) 

فيولا: ها هتيجي معايا ولا لاء؟ 

 احمد: انا عن نفسي جاي

احلام: وانا اكيد مش هفضل هنا لوحدي.(بحماس)..جايه معاكي 

ادم: ليه لاء فكره حلوه اهو نكون اربعه مجانين

فيولا: جاهزين 

هما الاربعه بدأو ف العد التنازلي وهما ماسكين ايد بعض وبحماس بيفتحو بوابة المكتبه.... فجأه فيولا حاولت تتفادي الشيئ 

[طبعا ده كلو كان °فلاش باك° تذكيرا للاحداث الاخيره لبارت5 كان لازم افكركم بيه🧚‍♀️✨] 


Part6

___________________________________

////الراوي///

المكتبه ليها حارس بس تقدرو تقولو كده هو مش انسان هو كائن غريب الاطوار 

(وصف الكائن: جسمه احمر وعينه تبدو وكأنها نهر يجري بها و قرن الغزال يحيط رأسه و لديه انياب حاده طوله يبلغ 210سم و وزنه حوالي 95ك....) وهما بيفتحو الباب بصو لقو الكائن ده ف وشهم الكائن شال فيولا ورماها باره المكتبه و بصوته الغريب قال ( اطلعو باره)،، هما كانو بالنسبة للكائن ده صغيرين اوووي زي النمل بالنسبالنا.. فيولا لما وقعت ع الارض اتخبطت ف راسها واغمي عليها ادم حاول يفوقها هو واحلام واحمد جريو يجيبو حاجه يوقفو بيها النزيف.. وبما ان بيت اخت احمد كان قريب من المكتبه ف احمد قال لادم.. 


_احمد: ادم انا هروح بسرعه اجيب شاش وقطن 

ادم: بسرعه ياحمد بالله عليك 

احلام: استني انا جايه معاك 

(احمد واحلام مشيو وادم فضل يعيط ادم كان واخد فيويلا ف حضنه بين ايديه وبيحاول يفوقها) 

ادم: فيولا فوقي انا السبب مكنش ينفع اسمعلك مكنتش اعرف ان كل ده هيحصل 

فيولا بصوت واطي مشوش: انت بعيط 

ادم: ايوه عارفه ليه 

فيولا: ليه 

ادم: عشان كنا هنموت بسببك شوفتي بقا

فيولا: منتا بتعرف تكدب اهو

ادم: اتعلمت الكذب عشانك 

احمد واحلام: الشاش والقطن 

( ادم بدأ يحط بيتادين ف قطنه ويمسح الجرح و بعدين لف الشاش حوالين رأسها) 

احلام: متقومي ياستي جوليت انتي هنقول اي لعمو بشكلك ده 

احمد: لا وكمان ماما زمانها قلقانه هيا وبابا بس مش عشاني اكيد عشان حفيدتها 

ادم بيقوم فيولا: المهم اننا منحاولش نيجي المكان ده تاني ولا اي يا ام لسان طويل 


فيولا: لو مكنتش قابلتك مكنتش هفكر ادخلها ف وقت زي ده 

ادم بغيظ: اه اصل انا قابلت سعيدة الحظ مش كده 

فيولا: تقصد اي يعني علي فكره الكائن ده المفروض كان يرميك انت عشان تحرم تكلمني بالطريقة دي تاني

احمد: هتفضلو تتخانقو كتير الوقت اتاخر الساعه بقت10

احلام مسكت ايد فيولا: يلا ياختي عشان نروح ربنا يستر

 ادم: اكيد مش هتمشو ف وقت زي ده لوحدكم

فيولا: وانت مالك بقا زي مجينا هنرجع انت عايز الناس تقول عليا اي وانا معاك ف وقت زي ده 

احمد: لا متخفيش هنمشي احنا ورا ثم اننا هنوصلكم لاول شارعكم عشان نبقي مطمنين عليكو

احلام: خلاص بقا يافيولا متعصبيش علينا الموضوع 

فيولا: ..... 

احمد: طيب السكوت علامة الرضا انا بقول نمشي بسرعه من هنا عشان الكائن لو رجع مش هيسيبنا ابدا


///////////الراوي////////

ادم واحمد فضلو ماشيين ورا وفيولا واحلام بعيد عنهم ماشيين مبيتكلموش بس فيولا كانت بتفكر هتقول اي لباباها لان الوقت اتاخر وخافت يكون عمها اتصل علي باباها وعرفو اننا مش البيت لا هنا ولا هنا اما احلام كانت بتفكر ف حاجه تخليهم يتجمعو تاني هما الاربعه وادم كان بيفكر ف جرح فيولا وانها اتأذت وخايف عليها ومش عاوز يسيبها اما احمد كان بيفكر ف المشاكل الي هتحصل لما يروح بيتهم لانو اتاخر هما مش خايفين علي غيابو هما خايفين علي حفيدتهم همس ف كان كل مره بيروح البيت كانو يتخانقو معاه علي شغله وانو فاشل وابن عمه احسن منه وجو المقارنه ده وكان بعد ميخلصو كلامهم هو بكل هدوء وبدون رد عليهم بيدخل اوضته ويقفل علي نفسه وبيقضي يومه لوحدو كعادته ولما بيصحي بيسمع التريقه عليه باره وهكذا ف كان مضايق والمره دي فاض بيه ومش قادر يسمع كلامهم ده تاني مش قادر يستحمل اكتر من كده... احمد كان بيفتكر الي بيحصله كل مره ... 


_فيولا: بس خلاص وصلنا كفايه لحد هنا

احمد بيبص لاحلام وبيبتسملها: طب منوصلكو مفيهاش حاجه وكده ميبقاش بالنا مشغول عليكو

فيولا: لا كفايه كده البيت مش بعيد معلش اتعبناكم معانا مش عارفه من غيركم كنا هنرجع ازاي 

ادم (بيبص لفيولا بقلق): المهم تكوني كويسه والجرح ميكونش خطير 

احمد ( بيخبط كتفه ف كتف ادم ويغمزله): احمممم طب هنطمن علي فيولا ازاي ممكن الجرح يكون عميق


فيولا: لا انا كويسه متقلقوش هنستأذن كفايه لحد كده 

ادم: خلي بالك من نفسك 

فيولا(تتظر له بسكون ثم ترحل) 


///////////////

احمد: ادعيلي انا مروح

ادم: قلبي معاك ياخويا ف الي بيحصلك هناك

احمد: بس تصدق المره دي انا فرحان جدا 

ادم: اشمعنا

احمد: هممم فرحانلك ياعم

ادم: فرحان ليا برضو مش كده ولا فرحان عشان البنت الي معاها

احمد: ده انا حتي معرفش اسمها اي اسكت 

ادم: وده بيسموه اي بقا

احمد: حب من اول نظره زيك انت وفيولا

ادم: فيولا! فيولا دي حاجه تانيه حاجه متزهقش منها ابداا ولا من طولة لسانها تحب تقضي معاها باقي عمرك وانت مبسوط ومطمن 

احمد: قول ياعم روميو قول 

ادم ( خبط كتف احمد): خليك ف حالك بقا وامشي وانت ساكت 

احمد: وهنا نفترق اشوف وشك بخير بقا تصبح على خير 

ادم: وانت من اهله خلي بالك من نفسك نتقابل بكره 

احمد: متسهرش ها عشان متجيش بكره وانت قرفان من نفسك لان انا الي بتخنق ف الاخر

ادم: باي ياصديقي 

____________________________

(منزل فيولا) 

 احلام بتزق فيولا : خبطي انتي الاول 

فيولا: لا انتي اخلصي

احلام: لاااا يلا 

//الباب بيتفتح علي صوتهم وهما بيتعازمو مين يخبط الاول///

الاب: احم واقفين ليه كده متدخلو

فيولا:... 

احلام:.....  










الاب: فيولا انتي مدياني ظهرك ليه متبصيلي يابنتي

فيولا: عامل ايه 

الاب بقلق: اي ده في اي الي حصلك الجرح ده خطير

فيولا: لالاا انا كويسه ده خدش صغير 

الاب: اي الي حصلك 

فيولا: الي حصل.. ه. و.. 

احلام: في اي يافيولا انتي خايفه تقولي لعمو الحقيقه 

الاب: احلام اي الي حصل 

احلام: واحنا رايحين عيال الشارع كانو بيلعبو بالطوب في طوبه جت بالغلط ف راسها هيا خافت تقولك يعني 

الاب: خوفتي ليه؟ 

فيولا: عشا. ن.. عشان متزعقش للولد الي حدف الطوبه دي وانا مش عايزة اعمل مشكله لحد مكنش قصدو

الاب: الحمدلله انها جت علي قد كده 

احلام: هو بابا مرنش عليك ياعمو

الاب: لا يرن ليه؟ 

احلام تهمس لفيولا: الحمدلله متكشفناش 

الاب: بتقولو اي لبعض في اي

احلام: اصل فيولا كانت خايفه تيجي عشان متزعلش منها لانها اتاخرت يعني والساعه10:30 

الاب: ايوه انا فعلاً قلقت عليكو ورنيت علي ابوكي بس هو مردش قولت ممكن مش واخد بالو من التليفون 

احلام تهمس لفيولا: الحمدلله انو مردش

الاب: علي العموم الحمدلله انكم بخير 

فيولا: احلام هتبات معايا النهارده عشان انا قولتلها نكمل سهرتنا هنا 

الاب: ماشي ياحبايبي قولتي لابوكي يااحلام ولا اكلمو انا

احلام: لالالا انا قولتلو 

الاب: طيب تصبحو علي خير 

احلام وفيولا: وانت من اهله 

فيولا مسكت ايد احلام ودخلت اوضتها: احلام اخلصي رني علي عمو 

احلام: هتقوليلو اي 

فيولا: هقوله انك هتباتي معايا وهو ميعرفش غير انك جيتي تقعدي معايا قوليلو ان انا تعبانه وهتقعدي معايا النهارده 

احلام: تمام استني..............(احلام تمسك تليفونها وبترن علي باباها) 

_الو

الاب: مجتيش ليه 

_ بابا انا هبات عند فيولا النهارده عشان لاقيتها تعبانه وعايزة اطمن عليها

الاب: طب هيا كويسه؟ اجيب امك تشوفها

_ لالا هيا كويسه 

الاب: طيب تصبحي على خير 

_وانت من اهله


فيولا: الحمدلله اليوم عدا علي خير 

احلام: الحمدلله 

_________________________

//////منزل ادم//////

اادم: عامله اي ياحبيبتي انتي اي الي مصحيكي لحد دلوقتي 

الام: مجاليش نوم غير لما اطمن عليك اتاخرت ليه في حاجه 

ادم: كان في شغل اضافي انا اسف

الام: بعد كده لو في شغل اضافي او اي حاجه هتاخرك رن عليا وطمني ياحبيبي متسبنيش قاعده كده قلقانه عليك 

ادم: حاضر والله انا اسف

الام: كلت

ادم: انتي اتعشيتي؟ 

الام: الحمدلله وخدت العلاج

ادم: الف مليون سلامه عليكي ياروح قلب ادم

الام: ربنا يخليك ليا ياحبيبي يارب

ادم: يلا عشان تنامي

الام: تصبح على خير 

ادم: وانتي من اهل الخير 

____________________

/////منزل احمد/////

الاب: اهو البيه شرف اهلا كنت فين 

احمد: كن. ت(الاب يقاطعه ويصفعه قلم) 

احمد: انت بتضرب ابنك ليه  











الاب: عشان ابني فاشل ف حياتو لا شغل كويس ولا عندو حتي شخصيه ولا عايز يشوف حياته ويتجوز وقاعد صايع ليه متكونش زي ابن عمك

احمد بعصبيه : مش مشكلتي انك شايف ابنك فاشل ومش شايف هو بيتعب قد اي ولا حتي شايف شخصيتو لانك مش مهتم بيه اساسا سمعت كلامك ودخلت الكليه الي انت عايزها مش الي انا عايزاها خليتني احققلك حلمك مسبتنيش ليه اعيش حياتي بطريقتي ليه كل مره تقارني بـ ابن اخوووك ليه مش شايف ابنك انا لما كنت بتاخر مكنتش بلاقي اهتمام لغيابي ابدا مهو اللي قدامكم فاشل ميولع هو وجوده عاملنا اي يعني.. انت عندك شرك كبيره وقصر وثروه عايز مني اي المنصب الي كان اولي تديه لأبنك روحت اديته لابن اخوك طردتني باره القصر وقولتلي لو متجوزتش البنت دي مش هتقعد هنا ملكش مكان بينا ليه بتعاملني كده سمعت كلامك انت وامي وخطبتها ومش ب ارادتي مش دي البنت الي انا عايزاها قولت مش مهم حاولت افكر اشوف مستقبلي بقيت تتجاهل انا بعمل اي ولا كأني غريب ياخي انت بتعامل الغريب احسن من ابنك وسهرك ف الوقت ده مش عشاني عشان "سهر" حفيدتك مش اكتر انا ماشي ومش راجع اوعدك انك مش هتشوف وشي تاني سلام.... 

__________________

////منزل فيولا/////

احلام: بقا كل ده حصل ومتقوليليش 

فيولا: كنت هقولك اي كنت فاكره اننا بعدنا وعلاقتنا بقيت سطحيه 

احلام: بس انا عمري منسيتك ودايما معتبراكي البيست فريند بتاعتي 

فيولا: ومدام انا البيست فريند ليه اتخانقنا مع بعض بالطريقة دي هاا any way المهم اننا رجعنا

احلام: مين ادم ده بقا احكيلي

فيولا: منا قولتلك 

احلام: ياسلام عايزة تفهميني انكم مع بعض عشان روايه 

فيولا: دي الحقيقه 

احلام: واهتمامو ولما عيط وخاف عليكي انتي مشوفتيهوش شالك ازاي وحاول يفوقك ولما مفوقتيش بدأت الدموع تنزل من عينيه وفرح لما شاقك فوقتي 

فيولا: متاخديش الموضوع بالطريقة دي عادي شخص كان هيموت هو خاف يشيل ذنب الشخص ده عادي يعني ضميره الي خلاه يعمل كده 

احلام: ضميره مش كده لا ده انتي مش فاهمه اي حاجه نهائي

فيولا: بالظبط ومش عايزة افهم تصبحي علي خير بقا











احلام: قطتي قومي عايزة اسالك سؤال 

فيولا: قومت ياستي اهو قولي 

احلام: انا شكلي بحب 

فيولا : بتحبي 

احلام(حطيت ايديها ع بوق فيولا): شششششش وطي صوتك هتفضحيني 

فيولا: مين قولي يلا احكي 

احلام: الي يشوفك وانتي هتموتي وتسمعي القصه ميشوفكيش من شويه كنتي عامله ازاي 

فيولا: انا بحب اسمع القصص ايوة بس مبحبش تكون قصتي

احلام: ليه بقا ان شاء الله عايزاه راكب حصان

فيولا: هتقولي ولا انام

احلام: لا ناامي احسن

فيولا: بقولك قولي اخلصي عندي فضووووول عايزة اسمع 

احلام: صاحب ادم الي كان معاه النهارده شكلي كده معجبه بيه

فيولا: امممم وده اسمه اي ده بقا ان شاء الله انتو حتي متكلمتوش مع بعض 

احلام: اسمه حب من اول نظره 

فيولا بدأت تفتكر المواقف الي كانت بتحصل مع ادم ومعاها بالذات لما كان خايف عليها وبيعيط وبيحاول يفوقها ولما قالها انا مكنتش عايز اخسرك وانو كان بيعمل كده عشان يتقابلو تاني ولما كان بيبصلها وبيقولها خلي بالك من نفسك وبيبتسم....... 

احلام: سرحتي ف اي 

فيولا: لا ولا حاجه 

احلام: علي فكره بقا ادم ده بيحبك وبيحبك اوي كمان 

فيولا: نامي وبطلي كلام يلا تصبحي على خير عشان ورانا دروس بكره ياهانم

احلام: دايما بتفصليني من الموود متغيرتيش

___________________


_احمد بحزن : الو ادم ينفع ابات عندك النهارده 

                  الفصل السابع من هنا 

لمتابعة باقي الرواية زوروا قناتنا على التليجرام من هنا 


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-