Ads by Google X

رواية اللقاء الأول الفصل السابع 7 بقلم بسمله أشرف






رواية اللقاء الأول الفصل السابع 7 بقلم بسمله أشرف 


ادم قام غير هدومه ونزل من غير ميعمل قلق وقفل الباب ببطء شديد عشان مامتو متخدش بالها انو خرج وتطمن انو موجود ومتقلقش عليه........ 

_احمد لما شاف ادم علي طول حضنه وفضلت عينه تدمع 

ادم: اهدي بس وقولي اي اللي حصل 

احمد بعصبيه وبكاء: انا فاااااشل ليه بيحصل معايا كده يا ادم قولي متبصليش كده متفضلش ساكت قولي 

احمد مسك كتف ادم وبص ف عينيه بحزن انا عارف اني صحبك بس قولي الحقيقة قول انت شايفني اي انا فاشل صح 

_ ادم: لا ياحبيبي انت مش فاشل اهدي بالله عليك انا عارف وحاسس بيك 

احمد منهار: لا انت مش عارف ولا حاسس انت مشوفتش كان بيبصلي ازاي (احمد ينهار ويركع علي ركبتيه ويبكي ) محدش حاسس محدش حاااااسس ليييييييه ادم ده فاكر اني طمعان ف فلوسه ناسي ان انا ابنه بيعملني زي الكلاب ضرب ابنه عشان كان خايف ع حفيدته وعمره مخاف علي ابنه... مكفهوش موت امي.. راح اتجوز بعد م امي ماتت ف ساعتها يا ادم ف ساعتها مكنش في وقت مكنش في وقت

ادم يحتضن احمد وبيحاول يهديه: اهدي كله هيبقي تمام ششششششش هدي نفسك... اهد... ي ا. هد. ي.. قوم يلا عشان انت محتاج ترتاح شويه ثق فيا 

احمد: ادم انا مليش غيرك هنا 

ادم: احنا ملناش غير بعض 

ادم خد احمد وراح البيت بس احمد مكنش قادر يهدي كان منهار من اللي بيحصله هناك..... لما كان احمد عنده15سنه بابا احمد وماما احمد كانو دايما بيتخانقو الجدال مكنش بيخلص بينهم ابدا مره عشان ام احمد اكتشفت ان جوزها بيشرب خمره والمره التانيه عشان كانت بتشوفه مع واحده.. جم ف مره كانو بيتخانقو وام ادم فضلت تجري بسرعه و جوزها يجري وراها عشان كان عايز يضربها وبدون وعي عربيه خبطتها جالها نزيف ف المخ ومش عدي ع الحادثه 3 اسابيع بالظبط وماتت بس الراجل كان جاحد اووي خلص عزا مراته ورجع البيت بواحده تانيه بديل يعني احمد ساعتها مستحملش فضل يتخانق مع ابوه لحد مالخناقه كانت بتنتهي ف انه بياخد احمد ويحبسه ف بدروم القصر وكان بيعاقبه ده غير ان مرات ابوه كانت كل يوم بتتبلي عليه ويرجع ابوه لما يصدق انه يعاقبه وادم فضل ع الحال ده يتأمر وبس حياته ملهاش معني بالنسبالهم جه يوم وابوه قرر يعلن عن خبر مفرح جدا وهما قاعدين بيتعشو والخدم حواليهم احمد كان فرحان ومستني ابوه يقول اسمه ف انه يديه الحق ف المنصب ده بس الخبر كان صاعقه بالنسبالو لما سمع ابوه وهو بينطق اسم ابن عمه مش اسمه.... ادم اتجادل مع ابوه وقتها لحد مجه يوم وكان في عقد لازم يتم بينه وبين شركه كبيرة وكان في شرط عشان الاتفاقيه تتم وهو انه يجوز ابنه لبنت صاحب الشركه دي بيزنس يعني جواز مصلحه وطبعا قضي علي حياة ابنه حرفيا بمعني الكلمه وعقدو خطوبه بين احمد و البنت دي.. اسمها(نادين) وقرر ابو احمد ده ان احمد يروح يدخل كلية الطب عشان حلمه كان كده وعايز يحقق حلمه هو اصلا ابنه كان آله بالنسبالو ولما دخل احمد اجبارا عنه الكليه دي واستغني عن حلمه لان اتهدد ابوه جاب ناس يعلموه درس وانضرب كتييير وكان بيحبسو دايما وبرضو دخل الكليه دي احمد حاول يهرب بس كان ابوه بيجيبو لانه كان واصل ابوه امره انه يشتغل عشان يصرف علي نفسه لانه بخيل ومش عايز يصرف علي ابن مراته الاول ف اعتقاده ف احمد قرر يشتغل... بس لما راح الكليه قابل ادم واتعرفو علي بعض وادم صحي الامل من تاني وكان بيشجعو ف انه يعافر وان كل حاجه هتبقي تمااااام وبعد متخرجو راحو يشتغلو كوول سنتر ومن هنا بقو اقرب صحاب لبعض.... انتو عارفين الباقي بقا👀✍️

_______________________________

احلام: سرحتي ف اي 

فيولا: ها لا ولا حاجه دايما بتفصليني من الموود متغيرتيش طب اعملي حسابك ياست هانم نمشي بدري نقعد ف المكتبه شويه 

فيولا: لا طبعا انتي هابله بعد اللي حصل ده عايزه نروح هناك؟ احلام بطلي اوهام ونامي 

احلام في سرها: اكيد مش هيحصل حاجه اوحش من اللي حصل النهارده

فيولا: يلا نامى بقا تصبحي على خير 

/////اليوم التالي/////

ادم: قوم بقا كفايه نوم ياعم 

احمد بتعب وارهاق: صباح الخير 

ادم: بقولك ايه قوم غير هدومك هنروح مكان كده 

احمد: مش قادر سيبني بالله عليك واعتذر بالنيابه عني انا مش هروح ف مكان النهارده 

ادم: مين قالك اساسا اننا رايحين الشغل انا بفكر اخد اجازة زيك وهنخرج نغير جو

احمد: اسم. ع

ادم بيقاطعه: ششششش مفيش كلام تاني يلا هنروح النادي وبعد بكره بقا هنروح نصيف اسبوع كامل 

احمد:.... 

ادم: لا اضحك كده مش ناقصه بالله عليك وبعدين عاوز اقولك حاجه انسان بائس قدامك بيروح المستشفى بيتهزق وانت تشهد ده انت بتتعامل ولا كأنك احمد زويل بروح امك

احمد: لا ياشيخ

ادم: وبعدين هقولك حاجه بقا انت مش ماشي من هنا وهتفضل معايا وهنحقق حاجات كتير انا واثق ف كده 

احمد: لا وسع كده انت شكلك مش فايق فوق ياعم شوف احنا فين والتحقيق ده فين ده للناس الكبار بس

ادم: طب محنا كبار عندنا24 سنه في اي تاني المفروض نبقي عواجيز يعني ولا اي هو العمر مش مكفيك اغيره

احمد بسخريه: هاهاها لا سخيف

ادم: لا مبهزرش فعلاً ممكن اروح اغيره ف شهادة الميلاد واقولهم اني اتولدت وانا عندي 24سنه ونغير التواريخ 

احمد: طيب وانا هبقي اجيبلك حلاوه واجيلك علي مستشفى الامراض العقليه متخفش اخوك مش هيسيبك 

ادم: طب كويس علي الاقل فيولا تيجي وتكتشفني وابقي قصه اسطوريه واسميها ابحث عن اللانهائيه

احمد بضحك: وما بعدها 

ادم: طب ع الاقل اانت ضحكت خلاص وعد ابقي اقولك كل يوم حدوته بقا

احمد: لا انا بحب اسمعها من طنط (اعتماد) 

ام ادم(اعتماد) تدخل فجأه: ايوه اضحك عليا بكلمتين كده 

احمد: صباح الخير يا اعتماد ياقلب احمد

ادم: ولا انت هتعاكس امي قدامي 

الام: هو انت اللي ضايقك انو قالي ياقلبي مخدتش بالك من اعتماد حاف جتك وكسه 

ادم: انت عارف اكتر حاجه بحبها ف اعتماد اي

الام بعصبيه: اعتماد تاني

احمد: ايه؟ 

ادم: عصبيتها ...(احمد وادم بيحاولو يغمزوها عشان تضحك). اوعا.... اي الحلاوة دي


الام بضحك هستيري: بس ياولد 

_________________________________

///////منزل فيول/////////

احلام: انتي يابنتي قومي بقا هنتاخر كده 

فيولا (بتعب): ايوه شويه وهقوم

احلام: يابنتي بقالي ساعه بحاول اصحيكي فيولا قومي. انتي عارفه الساعه كام 

فيولا: كام 

احلام: 6:30

فيولا بتفاجأ بتقوم بسرعه وبتزق احلام وبتجري: هارسود مش تقوليلي وسيباني كل ده 

احلام: علي فكره بقا بقالي ساعه اصحيكي وانتي كنتي بتكلمي نفسك كنتي بتحلمي وبتخرفي

فيولا: احلام ياحبيبتي انا قولت اي هاا ايا كان الي سمعتيه ده بينا مش كده ولا اي

احلام: كنتي بتحلمي ب ادم والي حصل امبارح عماله تقولي انت بعيط انت بتعي.. ط (فيولا بتحط ايديها علي بوق احلام عشان تسكت) 

فيولا: شششششش والله هجبلك شيكولاته خلاص بقا هااا احنا بيست فريند صح

احلام: اي صفات البيست فريند؟ لو جاوبتي غلط هعمل اعلان رهيب هيجيب فولورز كتييييير اوووي

فيولا: انها مبتخبيش اي حاجه عنها.. ارتحتي؟ 

احلام: لا لسه لما اعرف كل اللي انا عايزاه

فيولا بعصبيه: انتي استغلاليه علي فكره 

احلام بتكبر: عارفه 

فيولا: اوعدك هقولك بس مش وقته ماشي 

احلام: طب اخلصي بقا انتي بقالك كتير بتظبطي ف شعرك 

فيولا: خلصت 

__________

فيولا تقبل والدها من جبينه: صباح الخير يابابا

احلام: صباح الخير ياعمو

الاب: صباح الخير ياحبايبي يلا خدو بالكم وانتو ماشيين ومتتلككوش عشان اتاخرتو

احلام: حاضر

فيولا: حاضر خد دواك ف معاده هاااا 

الاب: حاضر 

_______________________________

//////منزل ادم/////

احمد: انت بتاخد وقت ف لبسك ليه يابني هو احنا رايحين علي فين وليه البرفان دي كلو انت رايح تقابل ولا اي

ادم: امممممممممم لا رايحين مكان لازم نكون چنتل فيه كده 

احمد: ليه في بنات هناك

ادم: انت دماغك راحت فين 

احمد: انا بترول علي فكره.. 

الام مسكتهم من قفاهم : قفشتكم رايحين علي فين ياحلوين

احمد: اسمع ياسيدي مش لوحدي اسالي الاستاذ عشان مش عايز يقولي حاجه 

ادم: مفجأه بلاش يعني 

احمد: اه منا عارف حياتي معاك كلها مفجأت اساسا

الام: طب خلو بالكم من نفسكم هاااا وارجعو بدري عشان مش هتغدي لوحدي

ادم: امممم مين جاي ها

الام: مفيش 

احمد: طب عيني ف عينك كده 

الام: خلاص متبصليش البصه دي استسلمت... خالتكم ياحلوين 










احمد: امممم لا كده مش راجعين

الام: تنظر بحزن

احمد: لا اكيد جايين (يهمس اليها) متخفيش هجبهولك ف الميعاد بغمزه

ادم: انتو هتعملو حفله عليا ولا اي

الام: لا خالص 

احمد: اومال

ادم: طب يلا خلي بالك علي نفسك هتعوزي حاجه اجبهالك

الام: عايزة سلامتكم ف رعاية الله ياحبايبي

ادم: هتعوزي حاجه اجبهالك وانا جاي

الام:سلامتكم ياحبايبي

___________

/////مكان اخر//////

احمد: ايه المكان ده 

ادم: بص هناك

احمد: ياخربيت عقلك 

ادم: انا مش سهل صح... متبصش هياخدو بالهم يغبي! 

احمد: عرفت منين ان هما بياخدو درس ف المكان ده 

ادم: منا كنت بقابلها عشان الروايه وكنت بلمحها وهيا دايما جايه من الشارع ده ف مره مشيت وراها وعرفت المكان بس كنت عايز اطمن انها وصلت بأمان ساعتها لانها كانت متعصبه

احمد: هنفضل واقفين كتير 

ادم: ايوه هيطلعو الساعه٨ ودلوقتي ٧ 

احمد: ساعه!

ادم: ايوه

احمد: طب انا هموت من الجوع تعالي نجيب اكل ونقعد ف اي مكان هنا

ادم: لا طبعا انت عايزهم يعرفو اننا بنلاحقهم احنا هنروح كافيه ناكل هناك وقبل٨ نرجع وكأن مقابلتنا صدفه 

احمد: هو انت شايف ان ده وقته بقولك اي قابلها انت.. انا مش قادر.. بقولك جعان يا اخي

ادم: انا شايف ان ده الوقت المناسب وتبدأ حياتك من جديد وتنسي البنت الي ابوك اجبرك عليها عشان العقد يتوقع بطل تكون زي الآله بيمشيها ب ريموت كنترول

احمد: يعني عشان اخرج من الي انا فيه اروح اخليها تسليه مجرد تضيع وقت؟ انت بتهزر وبعدين بقولك جعان اغنيهالك

ادم: اسمع انا عارف وفاهم انك حبيتها وبلسانك قولتها كمان متخليهاش تضيع من ايديك مش دي كانت كلمتك ومتعملش حاجه تندم انك عملتها متخدش قرار غلط 

احمد: اخلص عشان جعان 

ادم: كنت عارف انك جدع يا ميمو ياحلو انت

احمد: الواد ده اهبل ولاايه وبعدين احنا ف الشارع متقوليش يا ميمو

ادم حط ايدو علي كتف احمد: طب يلا يصحبي........... 

________________________

///// المطعم ////////After15Minutes

احمد: تصدق الاكل هنا تحفه المكان ده حلو اوي شكلي هفطر هنا كل يوم 

ادم: لا ياعم انا مبحبش اكل اللحوم في حد يفطر لحمه مشويه؟ انت مش طبيعي

احمد: انت نباتي اصلا كل وانت ساكت......... 

After 30 Minutes..... 

ادم: طب قوم الساعه بقيت7:46 يادوب نلحقهم 

احمد بدأ يعدل ف هدومه: شكلي كويس؟ 

ادم: اه عريس 

احمد: ليها حق فيولا مش تقدر تستحملك انا مستحملك بالعافية اصلا

_________________________

/////// امام السنتر///////

فيولا: امتي هنخلص من الثانويه دي انا تعبت

احلام: انا عن نفسي حبيتها من يوم 

فيولا: ثانوية عامة؟!!! 

فيولا: اي ده بصي

_ انت ياعم انت

ادم يدير ظهره: فيولا! ايه الفرصه السعيده دي

فيولا: لا ياشيخ

أحلام: فيولا اهدي

فيولا: دي فرصه مهببه انت مش هتبطل تلاحقني انا وانت عارفين ان دي مش صدفه 

ادم: انتي فهمتي غلط علي فكره خليكي كده تظلمي الي قدامك

احمد: احنا كنا رايحين لاختي وصدفه لاقيناكو ف طريقنا يعني صدفه

احلام: ايوه يافيولا انتي ناسيه جيبنالك الشاش والقطن منين 

فيولا: اختك دي عند المكتبه بشارعين لاكن انتو هنا ف طريق يخالف طريقكم اي كنتو بتشمو هوا هنا


ادم: يلا يابني نمشي احنا اسفين بس انتي الي جيتي مش احنا الي جينالك وقولنالك اهلا دي صدفه سعيده 


احلام: استنو بس احنا منقصدش فيولا عصبيه انت عارف يا ادم 

احمد: متيجو نعزمكم علي عصير ده بيعملوه هنا جنان

احلام: انا موافقه اهو نتكلم ف موضوع المكتبه بالمره

فيولا: مفيش مكتبه بقولك ايه يا احلام عاوزه تفضلي براحتك انا ماشيه... 

ادم مسك ايد فيولا: علي فكره انتي معقده 

فيولا بعصبيه: انت مجنون سيب ايدي انا مش معقده....وبعدين شيل ايدك لتوحشك 

ادم: مش هسيبها انا حر

فيولا بدأت تتلفت حواليها عشان الناس بيتفرجو عليها: سيب ايدي الناس بتتفرج علينا

ادم: سيبتها..... 

فيولا بصت لادم بعصبيه: احلام انا ماشيه هتمشي ولالا

ادم: لا انتي روحي واحنا الثلاثه هنقعد عشان نحل لغز المكتبه اما انتي مضيعش وقتك

فيولا: احلام هتروحي معايا ولا اروح واقول لعمو.. 

احلام: وانا هروح اقول لعمو برضو ع كل الي حصل وانتي اللي كنتي بتيجي هنا قبلي ولوحدك

فيولا: انا مش عايزة اتعصب عليكي اسمعي مينفعش الي بتعمليه ده ارجعي لوعيك هاااا هنتكلم ف البيت يلا

احلام: انا قولت الي عندي

فيولا: علي فكره الي بتعمليه غلط انتي بترفضي بمناسبة اي تقفي مع شابين هااا

احلام: المكتبه علي رأيك كنتي بتخرجي علي اساس المكتبه مش كده انا قولت الي عندي ولو خايفه عليا ممكن تيجي معايا احنا هنقعد ف الكافتريا خمس دقايق وهنروح

اادم خد فيولا علي جنب: اسمعي انا مش قصدي احطك ف موقف زي ده بس انا نيتي صافيه وعايز نكمل ف حوار المكتبه والقصه دي ومفيش غيرك الي هيساعدنا وبعدين احنا بدأناها سوا ف ننهي الموضوع سوا ولا اي

فيولا: انا قفلت علي موضوع المكتبه ولو بتفكر ف كده يبقي بتعرضهم للخطر كفايه الي حصل منا قدامك اهو الشاش علي راسي انت مش شايف

ادم: لو فعلاً قدرنا ندخل المكتبه باليل ونتفادي الكائن ده هنكتشف حاجات هتغير من حياتنا كتير

فيولا: اه ده لو خرجنا عايشين او يمكن حد فين يتأسر جوه وكده يبقي فعلاً حققنا اكشتاف عظيم مش كده 

ادم: براحتك بس انا هدخل لوحدي ومتبقيش تلومي نفسك يمكن مرجعش فعلاً.... يلا يااحمد.. فرصه سعيده 


احلام: استني يااحمد انت رايح فين 

فيولا: وانا اي الي يخليني اثق فيك؟ 

ادم يدير ظهره ويرجع لفيولا: اكيد مفيش حد هيفكر يرمي نفسه ف النار كده 

فيولا: افرض حد فينا اتأذي 











ادم: مش هسمح بحاجه زي دي تحصل

فيولا: افرض احلام حصلها حاجه او صحبك مثلا 

ادم: هنبقي ايد واحده ومش هنسيب بعض ومش هنسمح بكده 

فيولا: افرض انا اتأذيت زي امبارح والمره دي اموت فعلاً 

ادم: هو في ايه بقا هو انتي واقفه مع قرد

فيولا: موافقه

احمد: اهو هو ده الكلام

احلام: يلا نروح مكان تاني 

______________________

/////الكافتريا ///////

احمد: تفتكر ايه نقطة ضعف الكائن ده 

احلام: هندخل ازاي

ادم: معرفش بس لازم نكتشف نقطة ضعفه

احمد:. افرض واحنا بنكتشف ضعفه حد فين اتأذي اكيد لازم نبقي اذكي من كده 

ادم: انتي رأيك ايه 

فيولا: بقول ندخل المكتبه ونشوف المخارج والمداخل مكانها فين وبكده يكون اتفادينا وجوده علي باب المكتبه 

احلام: مستحيل يكون حارس واحد اكيد في كتير جوه والمداخل والمخارج دي اكيد عليها حراس زي الكائن ده والعن كمان 

احمد: مظبوط

ادم: مفيش غير حل اننا ندخل المكتبه ف الوقت العادي ونكتشف يمكن نلاقي حاجه تفيدنا جوه 

فيولا: هنروح امتي؟ 

ادم: في مانع نروح دلوقتي؟ 

فيولا: تفتكرو هنلاقي حاجه جوه 

ادم: معرفش بس عندي احساس اننا هنلاقي حاجه هناك

احمد: انا عن نفسي معنديش مانع انا جاي

احلام: وانا كمان 

( الجميع ينظر لفيولا منتظرين الجواب) 

فيولا: بتبصولي كدا ليه اكيد مش هتوقفو مسيرتكم عليا يعني 

احلام: انتو هتفضلو تبصبصو لبعض كده.. يلا قومو 

              الفصل السابع من هنا 

لمتابعة باقي الرواية زوروا قناتنا على التليجرام من هنا 


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-