رواية معجزة عين حورس الفصل الاول بقلم رانيا وسام
معجزة عين حورس
( الصراع الابدى السلطة VS الحب )
الفصل الاول
فى صباح اليوم وبالتحديد فى منزل ميرت يظهر محمد وجيهان والدى ميرت فى صالة شقتهم يرتبون حقائب سفرها فى حيرة من امرهم ثم ننتقل بعدها الى غرفة ميرت حيث تظهر ميرت وهى تعطى ظهرها لنا جالسه على كرسى مكتبها المجاور لسريرها وفجأة وبحماس تلتف بالكرسى لنا وتقول .....
ميرت : هاى انا ميرت (ثم تقف مكمله تاركة القلم طبعا مستغرب من اسمى الذى بيدها )
بس اسمى دا له حكاية طوييييلة عرييييقه
فنذهب معها بالزمن 20 سنه حيث معبد الدير البحرى والسماء صافة والشمس مشرقه ذو 45 درجة مئوية ويظهر حسد كبير من السياح ومن بينهم محمد وجيهان (حامل ) واثناء نظرتهم للمعبد وكلامهم تصرخ جيهان بسبب شعورها بالولاده لينتبه الجميع ويمسكها موسى على الفور لتجلس ارضاً
محمد : حبيبتى استحملى شويا
جيهان : ااه مش قادره
محمد : حد يتصل بالاسعاف ارجوكوا
// نرجع ل دلوقتى //
ميرت : بس كدا موسى وجيهان فى رحلة استكشافيه كعادتهم وحصل اللى حصل ..نعم صحيح عزيزى القارئ وسط الناس فى نص المعبد
نرجع بالزمن لتكون ميرت 8 سنوات بالتحديد فى الاهرامات وتكون مع والديها تشعر بالملل بينما هم يشعرون بالسعاده البالغه فتقول
ميرت : بابا انا زهقت .. بابا بابا انا زهقت عايزه اروح الملاهى زى صحابى
جيهان : ميرت عيب ازاى تقولى كدا
محمد : فى حد عاقل يزهق من تاريخه
ميرت : بس دى عاشر مره نيجى هنا الشهر دا
محمد : ميرت حبيبت بابا الشاطره التاريخ دا ...
نذهب الى غرفة ميرت ليلاً حيث كان ينيمها والدها وهو يحكى لها إحدى اساطير الفراعنه
ميرت : دى حتى حدوتة قبل النوم كانت عن ..
محمد : يسمع امون استغاثة باتا له فتنشق بحيرة عظيمه مكتظه بالتماسيح بين الاخين
// نعود للآن //
ميرت : ومن يومى وهما ملهمش سيره غير عن الآثار والحضاره والمومياوات (بإبتسامه) وعشان كدا انا دخلت آثار .. أيوا.. عشان ابقى زيهم
تأخذ حقيبتها وتحملها على كتفها مكمله بعد قليل من التفكير
ميرت : بس بجد بعد شوية تفكير هنلاقى ميرت مناسب اكتر مش بدل ماكانوا يسمونى .. حتشبسوت مثلاً ( بقلة حيلة )
ثم تفتح باب غرفتها وتخرج ليستقبلوها اهلها
محمد : اوووه ميرت حبيبتى اخيراً جه اليوم اللى اشوفك فيه طالعه أول رحلة استكشافيه فى حياتك
جيهان : ياروحى أخيراً كبرتى وهتكملى مسيرتنا
تتركهم ميرت لتاخذ حقائبها الاثنين لتخرج
جيهان : احنا حضرنالك كل حاجه صفارة ، بوصله
ميرت : بوصله !
جيهان حبوب مطهره للماء
ميرت : حبوب ابيه !
جيهان : وشنطه اسعافات ... وكيس نوم (وهى مبتسمه )
لتبتسم ميرت وهى تحاول الهروب للخارج يوقفها
محمد : ميرت استنى .. كنتى هتنسى دى (زمزمية )
ميرت : بس انا كبرت على الزمزمية
لينظر لها بإصرار لتأخذها وكأن لا شى بيدها وتنزل فيقول لها بصوت عالى
محمد : يارب تكون رحلة مليانه مفاجآت
جيهان : باى حبيبتى
يودعوها بسعاده وحماس
