رواية انا مش مريض نفسي الفصل الأول بقلم انين الجارحي
- انا مش مريض نفسي بطلوا بقا.
= يا ابني احنا خايفين عليك انت بقيت حاجه صعبة فوق واتعالج المرض مش عيب.
= قولت لا انا لو مريض ف دا بسببكم
/ نزلت وانا مش شايف قدامي ،مكنتش عارف اتصرف ازاي او اروح لمين ..انا فعلا بقيت احس اني مش طبيعي بس مش عارف انا فيا ايه ؛بس برضو بسببهم هما
- اتنهدت وروحت المكان اللي دايما برتاح فيه وكنت لسه هقعد لقيت بنت جايه عليا
- لو سمحت يا كابتن
= حضرتك بتكلميني انا.
- سلامة النظر ياسكر هو فيه غيرك.
= عايزه ايه..!؟
- عايزاك تحبني
= افندم.
- مش وقته صدمات حبني يا اخي.
- امسك عصير المانجا ده عشان انزل صورتنا واكتب us.
= افندم ؛ انتِ مين
- مبدهاش بقي ؛ مراتك المستقبليه ان شآء الله.
= انتِ جايه تهزري.
نفخت بضيق:
- وبعدين معاك بقي يالااا عشان هتنزلها استوري عندك كمان.
بصلي بإستغراب:
= انتِ مجنونه يا بنتي.
- ما انتَ حلوف مبتحسش.
= بت انتِ انا ساكتلك شكلك عيله صغيره.
- عيله صغيره في عينك..انا كبيره.
= انتِ تعبانه في عقلك.
اتنهدت بحزن:
- تعبانه في عقلي فعلا عشان بحبك.
بصلي بإستغراب:
= انتِ تعرفيني منين...انا اول مره اشوفك.
اتنهدت بإبتسامه حزينه:
- عشان انا محدش يعرفني اصلا.
= استني يا... انتِ راحه فين.. واي الكلام الا قولتيه ده.
اتنهدت بإبتسامه حزينه:
- لو لينا نصيب نتلاقي تاني هنتلاقي..سلام يا تميم.
- انتِ تاني ؛ خير.
بصتله بضيق:
= مالك مش طايقني...امال لو مكناش عشره عمر يا اخي.
اتكلم بسخريه:
- عشره عمر من يوم.
اتكلمت بابتسامه:
= ايوه اخص مطمرش فيك العيش والملح الا كلناه مع بعض.
- عيش وملح للدرجادي.
= الا قولي يا حليوه بتعرف ترسم.
- وانتِ مالك.
= وريني كده رسمك..
- هاتي الكشكول لو سمحتي.
= يا اخي انا مش غريبه.
اتكلم بزعيق وهو بيشده مني:
- ابعدي احسنلك.
اتكلمت بهدوء:
= كنت هشوفه بس اتعصبت ليه...فيه اسرار.
اتكلم بارتباك:
- اسرار اي لا طبعا.
= خلاص يا فنان خليني اشوف رسمك..!؟
اتنهد بضيق وهو بيجز علي سنانه:
- اتفضلي.
= ليه راسم عيله متفككه يا تميم.
اتكلم بعصبيه:
- وانتِ مالك انتِ هتحققي معايا.
اتكلمت بابتسامه وهدوء:
= انتَ متعصب لي احنا بندردش بس.
- مش متعصب ولا حاجه.
= طب لي راسم اهل متفككيين ممكن تشرحلي.
اتنهد بحزن:
- لان فيه ناس كتير...اهلها مش سوا.
= ممكن توضح اكتر وجهه نظرك.
- لما الاهل بينفصلوا...الاسره بتتفكك...كل واحد من الاسره دي بيبقي تايه...وخايف...وهمه نفسه...وانه يبين للتاني انه عادي من غيره...ولانهم مبيفكروش في عيالهم..ودايما بيجروحوهم...وبيرموهم لبعض..مع ان دي غلطتهم من الاول..بس في الاساس ان محدش بخير..
= لي من الاول الاهل دول انفصلوا..اقولك انا وجهه نظري.!!
اتكلم بهدوء وهو باصص للفراغ:
- قولي.
/ لان ببساطه يا تميم...50٪ من الاسر بيختاروا غلط ف الاول بيبقوا مبهورين بالمظاهر والمال...او الشكل...بس بينسوا ان اهم حاجه الاخلاق..وحتي لو اختاروا صح...فيه حاجه ناقصه وهيا الحب والموده...لو مفيش حب وموده بين الطرفين...العلاقه مش هتكمل...لو فيه ضرب واهانه وشتي.مه مش كل حاجه الحب فيه حاجات اهم من الحب عشان يكمل.. زي الاهتمام..والنتيجه بتبقي علي اولادهم.../
اتكلم بفضول:
- علي اولادهم ازاي.
= زي ما انتَ قولت ف الاول كده...عيالهم...اولادهم يا تميم...هما الا بيتحملوا الاذي من صغرهم...بيشتالوا الهم بدري وبيكبروا بدري...فيه كتير اطفال مش بيعيشوا طفولتهم...لانهم بيبقوا في ضرب وعنف...وبين روح لابوك مش عاوزاك والعكس...وبين احمدي ربنا انك عايشه وبتاكلي...وانهم يذلوا اولادهم...ومثلا لو مرات اب مش كويسه طبعا انتَ عارف ازاي بتأذي الاطفال...والاطفال ابرياء وبيخافوا...ومحدش بيقف في صفهم للاسف.
بصلي بحزن وكسره نفس:
- معاكي حق...وللأسف الاطفال دي لما تكبر مش هتعرف تتعافي بسببهم تاني..والمطلوب انهم يبقوا بخير.
بصتله بتفهم:
= لا هيتعافوا...اه متبصليش كده...بيتعافوا وبيعيشوا حياتهم..مش هينسوا بس هيتعافوا...مع ناس شبههم وتقدرهم...وبيعيشوا حياتهم الا متعاشتش زمان...وبيفرحوا مع العوض الا ربنا بيعوضهم بيه..."
اتكلم بنبره مهتزه:
- تفتكري.
= ايوه متأكده...خلينا نشوف الرسمه التانيه كده.
- انتِ بتدخلي لي وبتتكلمي معايا بصفتك مين.
= الله ما كنا حلوين...بندردش يعم.
اتكلم بغضب وهو بيهز رجله:
- مش عاوز ادردش مع حد.
= انا مش حد ؛ انا سبت نياهاها خلينا بس نشوف الرسمه التانيه...دول اي يا تميم.
- بيتنمروا علي شكله.
= بس تعرف المفروض الانسان ميسكتش ليهم.
اتكلم وهو بيفرك في ايده:
- حتي لو اهله...وصحابه.
= ايوه حتي لو اهله او صحابه...المفروض نوقفهم عند حدهم ونعرفهم اننا بنضايق وان ده مش هزار وان ده تنمر وانهم بيجرحوا...واننا ناخد حقنا ومنبقاش ناس ضعيفه وتخاف من الخساره...حتي لو كنا بنخاف نمنع الخوف ده الوقتي ونعمل شخصيه ونوقفهم عند حدهم او نعاملهم بالمثل عشان يحسوا علي دمهم ويعرفوا...
هز رأسه دليل علي فهمه.
= ممكن اسالك سؤال.
- اتفضلي ياا
= اسمي انين...انتَ ازاي راسمهم بالظبط كده
حمحم بهدوء:
- عادي المشاكل الا بتحصل عموما.
= ماشي يا تميم بس برافو رسمك هايل.
/ التنمر...التنمر بجميع اشكاله مؤذي...الناس مفكره لما بتتنمر انها كده بتهزر وبتضحك والا مفيش منها اتنين...بس هل فكرتوا بشعور الانسان حتي لو ضحك فكرتوا في مشاعره...وانه لما يروح البيت ويحط راسه علي المخده هيحس ب اي وهيفضل يفكر كتير للدرجه انه مش هيعرف ينام حتي لو بسبب كلمه بسيطه...ياريت نفكر في كلامنا الف مره قبل ما نقوله...وياريت نحط نفسنا مكانهم وان لو اتقالنا كده احنا هنضايق وهنتخنق بس المشكله ان مينفعش نعبر ليي...احنا بنهزر انتَ او انتِ الا بتتقمصي ده هزار لو ده هزار ياريت متهزروش هزاركم البايخ ده راعوا مشاعر غيركم/
= اعتقد انا فهمت الرسمه دي.
- فهمتي اي.
= ان دول شله صحاب وانتَ ملكش مكان وسطهم.
- فعلا عرفتي ازاي.
اتنهدت تنهيده حزينه:
= انا برضوا يا تميم كُنت في يوم زي الرسمه دي.
بصلي بشفقه:
- حاسس بيكي وعملتي اي ساعتها.
بصتله بحزن:
= مكنتش مشيت...فضلت لما أذيت نفسي.
- ازاي.
= كنت دايما معاهم كأني مليش لازمه...وجودي زي عدمه...بس مكنش ليا غيرهم ف كنت خايفه امشي...كانوا بيعاملوني كأني حيو.ان...كانوا بيجرحوني بالكلام.
- زي...!؟
= انتِ مبتفهميش...انتِ ملكيش لازمه...طول عمرك غبيه...كانوا بيخرجوا لوحدهم ومش بيقولولي لانهم مش عاوزني عموما...مبيحسوش بوجودي وكتير...بس ف الاخر مشيت لما جبت اخري وطاقتي خلصت...مشيت
وبعدت وسيبتهم...بس بعد ما روحي استنزفت وتعبت...ساعتها قولت ياريت كُنت مشيت من بدري.
- ومزعلتيش.
= مين قالك كده لا زعلت طبعا وخدت وقت كتير بس رجعت احسن واقوي من الاول.
/ بلاش نفرض نفسنا علي ناس بيأذونا لمجرد خوفنا من اننا ملناش غيرهم وخايفين نخسرهم...هنفضل خايفين لامته لحد ما نمو.ت بالبطئ...لا ابعدوا...من حقكم يبقي ليكم صُحبه كويسه متأذيش...هيعوضكم زي ما عوضني بالأحسن /
- ها يابنتي أستجاب معاكي ولا ايه.
= اول خطوه كانت ناجحه جدا وهي انه ارتاحلي واتكلم ودي في حد ذاتها حاجه كويسه بس للأسف اللي انتوا عملتوه فيه أذاه جدا بس هحاول بكل طاقتي معاه انه يكون كويس ويتخطي كل دا
- احنا عشمانين في ربنا وفيكي يا
دكتورة ،متتخيليش قلبي بيتقطع ازاي وانا شايفاه في اوضته لوحده وساعات بسمع صوت عياطه وانا معديه مببقاش عارفه اعمل ايه
كملت بعياط:
منه لله ابوه مش مسمحاه هو اللي خلاني قسيت علي ابني بالشكل دا كنت فاكره كدا بربيه طلعته بيعاني من مرض نفسي.
بصيت ليها بشفقة ومكنتش عارفه اعمل ايه غير اني حضنتها وطبطبت عليها وفي دماغي حاجه واحده بس!!
ياتري هيعمل ايه لما يعرف انه الشخص الوحيد اللي قرب منه وارتاحله هتطلع دكتورة امراض نفسية وبتعالجه؟!
