رواية غيرة حب الفصل الثانى عشر بقلم احمد صابر
ركب العربية ومشي وانا دخلت انام كانت الساعة داخلة ع 3.......
تاني يوم
صحيت اخت دوش لبست ومشيت ع الدرس... وبعد ما رجعت دخلت الاوضة وكنت بذاكر.. وفجأة الفون رن
محمد: الو
انا: ااالوو
محمد: وداني يا ماما
انا: بقلك اي مش نقصاك دلوقتي
محمد بضحك: ليه في اي
انا: الدنيا جيا عليا أوي يا صاحبي
محمد بضحك: ليه يا صاحبي
انا: مزنوقة زنقة الكلاب مع محمد علي واوسرتو
محمد: هههههه
انا: اسمك عامل أزمة كبيرة مشاء الله
محمد بضحك: وانا مالي
انا: البيع ف الخارج لحساب الحكومة المصرية وشراء المنتجات ب الثمن التي تحددة الحكومة ابوشكل.... اه انت من الحكومة صحيح اصل كنت هشتم
محمد: ممكن اكلبشك عادي
انا: تكلبش مين يا عمنا
محمد: اكلبشك
انا: ياشيخ اتنيل ع عينك
محمد: يابت احترمي نفسك
انا: مانا محترمة نفسي اهو الله
محمد: واطلعي من الكتاب الي انتي فيه دا بقى
انا: لو طلعت مش هعرف ادخل سيبني واقعد ساكت
محمد بضحك: فظيعة
انا: احييه الكهرباء قطعت
محمد بضحك: انتي فين
انا: ف الاوضة
محمد: لوحدك
انا: اه اي هتقول اي
محمد: هقول اي يا هبلة انتي قصدي مش خيفة وانتي لوحدك ف الاوضة والكهرباء قطعت
انا: لا مش خيفة دا العفريت يخاف مني يا سطا انت مصدق نفسك
محمد: ايوا كدا
انا: اااااه ياما اي دا.... انت.. انت الي الي دخلك يا اوزعة انت هنا اطلع برا يالا الله يحرقك قطعت النفس
محمد: مش قادر ههههههه
انا: أخرس يالا هو الي مش باين الا وشو ف الضلمة اعمل اي
محمد بضحك: العفريت يخاف منك مش كدا برضوا
انا: موهزء وسبحان الله ع اسمك الواد دا
محمد بضحك: مين
انا: محمد ابن خالي
محمد: اممم
انا: اسكت صباعو اتعور وكان حاطت ايدو ع الكرسي جيت اقوم دوست عليها الواد يعيني مقدرش يعيط بصلي ومسك ايدو صعب عليا والله
*ملحوظة: محمد ابن خالي عندو سنتين*
محمد: صعب عليكي لا مش مصدق
انا: والله صعب عليا وبوستو من ايدو وخدو
محمد: بوستي مين من خدو
انا: محمد
محمد: محصلش
انا: هو اي
محمد: ها.. اي.. اه بوستي من خدو اه
انا: مش فهمة هو الي محصلش
محمد: متخديش ف بالك
انا: ابو شكلك
محمد: نفسي اقطعلك لسانك دا
انا: اتلم
محمد: هتلم حاضر
انا: جعت
محمد: كوليني يا ايمان كوليني
انا: مش كفاية
محمد: عارف والله
انا: دنيا مفيهاش حد ينفع نصفيلوا قلوبنا
محمد: نعم
انا: لو نصفي الضربة توجع بيمشي ويسيبنا
محمد: صفي انتي بس وملكيش دعوة
انا: اي اصفي اي
محمد: قيلة الكلمة بتسألني اصفي اي اسكتي يا ايمان اسكتي
انا: سكت
محمد: بصي شوية كدا واكلمك تمام
انا:تمام
محمد: باي
وانتهت المكالمة
والكهرباء قطعت مرتين وهو لسا مرنش
والدتي: ايمان
انا: نعم
والدتي: تعالي كلمي
انا: حاضر جايا... اكلم مين
كنت لبسة شروال ابيض وتيشرت اسود *ملحوظة* تيشرت خالي وكنت عملة فورمة فوضوية
طلعت ورحت غرفة الضيوف
انا: اكلم م.... اي دا
لقيتو جه ومعاه مامتو.. اول حاجة فكرت فيها ان اخش البس الطرحة
والدتي: محمد مسافر وجاي يسلم عليكي قبل مايمشي
انا: مسافر فين وليه
محمد: إيطاليا ف مهمة
انا :مهمة اي دا اشمعنى إيطاليا
محمد: مافيا تجارة الأعضاء
انا: احيييه لا متروحش
محمد بضحك: مينفعش
انا: انت هتروح امتى
محمد: دلوقتي قلت اجي اشوفك جايز معرفش اشوفك تاني
انا وبحضنو وبعيط: لا متروحش ونبي
محمد: مش ب ايدي والله
الكل قعدو يعيطو زي ميكون كانو ع تكة
انا: ونبي يا محمد متسافر حد تاني يروح ونبي
محمد: مينفعش والله
انا: طب.. طب انت ومين هتروح انت ومين
محمد: انا وعلاء ومعنا اومناء شرطة متقلقيش
انا: لاء برضو متروحش
محمد بضحك وهو بيعد ع صوابعي: اثنين تلات اربع هكون عندك
انا: خلي بالك من نفسك ونبي
محمد بضحك وهو بيمسح دموعي: حاضر.. وبعدين لبسة تيشرت خالك ليه تيشرتاتي قصرت معاكي ف حاجة
كنت بضحك وانا بمسح دموعي
مامتو كانت بتتكلم مع امي وهو طلع يدور العربية
انا: حظابط استنا هقلك حاجة
محمد ومبتسم و بينزل رجلو من العربية: قولي
وبستو من خدو
محمد وهو متنحلي: يالهوييي
انا: دا كان نفس الريأكشن وشي لما عملت كدا وقلت انو تخيلات
وسبتو وكنت داخلة
محمد: طب اسيب المهمة واقعد طب ولا اي
دخلت وانا كنت هموت من الضحك ع منظرو
سلمت ع مامتو وبعد كدا مشيو.... عدا الاربع ايام ومكنش فيه اي خبر عنو وكل ما نرن فوناتهوم مقفولة وكن كل يوم نرن ع مامتو نسألها ازا كان رن اولا وكان جوابهم كل مرة لا.. قدو الاربع ايام ف عياط وحزن وقلق عليه لحد ماجه يوم الي نروح فيه هناك.. مكنتش عيزة اروح لان هو مش هناك بس رحت عشان ميزعلوش
بعد ماجيت من الدرس رحنا
وبعد ماوصلنا
انا: جايا وراكي
والدتي: متتأخريش إياك اسمع انك عملتي مشاكل
وسابتني وطلعت وانا كنت واقفة مع ميكي وبعد نص ساعة طلعت
رنيت الجرس وكنت بصة نحية السلم واول ما الباب اتفتح بصيت و اتفاجئت
انا بفرحة: حظابط
الدموع كانت ف عيني بس تمالكت نفسي مختلتهمش ينزلو حسيت اني كنت عيزة احضنو بس حاولت اني مبينش
محمد بضحك: اه حظابط
دخلت عادي وكنت راحة لملك
محمد: اي دا
انا: اووف مش قدرة
وحضنتو وقعدت اعيط بصوت عالي لدرجة كل الي ف البيت اتلمو
انا بعياط: وحشتني
محمد: هااا... اي قلتي اي سمعتها صح مش كدا
انا وبعيط ولسا حضناه: اه سمعتها صح
محمد: المأزون يا خالتو بسرعة
انا: احترم نفسك
محمد: اموت ف الفراولة
انا: لا دانت عايز تضرب بقى
والدتي: عيال قليلة الادب وانت بتحضنها ولا أكننا وقفين مش عيب كدا معدش في حياء
محمد بضحك: خلاص يا خالتو بقى متكبريش الموضوع
والدتي: ماشي عشان بحبك بس وعشان واحشني
انا: اي ياختي المحن دا
والدتي: انتي اخر وحدا تتكلمي يابتعت الحضن انتي
انا: ماخلاص بقى كان حضن زفت ع دماغو ياريتني ماجيت
محمد: اي البت دي
انا: اي
محمد: لا دا احنا نقول ع الي حصل يوم الأحد بقى
انا وحطيت ايدي ع بوقو: وحيات امك لوريك
محمد: ارشيني وانا مش هتكلم
انا: جاتك نيلة هو انا حيلتي جنيه
محمد: تؤ مش فلوس
انا: امال اي
محمد: بوسة وأنا هنسى الموضوع اصلا
انا بعصبية: واقسم بالله لو قلت كدا تاني مايبقى بيني وبينك كلام خالص
والدتي: اي قال اي
محمد: لا دي هلوسة متخديش ف بالك
ملك: لا قالت حاجة يا خالتو والله
محمد: ماتسكتي يابت انتي لسا صغيرة ع الحجات دي خشي جوا
انا: حجات اي يا زفت انت
محمد: انتي هتمثلي انتي كمان
انا: امثل!! لا دانت عايز تضرب بجد وربنا ماهسيبك عرفة يا مني انتي مربتيهوش وانا الي هربيه المهزء دا
مني: عندك حق الواد دا محتاج يتربة من اول وجديد خلاص سلمتك الموضوع دا
انا: لا ياختي انا مليش دعوه هيحبسني ربيه انتي
مني: ممكن يحبسني انا كمان والله دا واد ميتأمنلوش
انا: احيييه
محمد: جرا اي يا حجة متخليكي محضر خير دا احنا لسا ف اول الطريق عيزين ناخد خطوه بقى متبقيش قطاعة أرزاق كدا الله
انا: مش فهمة
محمد: لا دي انا ابقى افهمهالك لما نبقى لوحدنا
والدتي: يا واد عيب كدا هطردك برا البيت انت حر
انا: لا وحيات ابوكو حد يفهمني دانا الوحيدة الي مفهمتش متحسسونيش اني مبفهمش
محمد: نحسسك!! انتي فعلاً كدا دانا لساني دلدل ياشيخة بقالي سنتين افهم فيكي البعيدة جاموسة مبتفهميش
انا: انا جاموسة يا موهزء يا حيوان يا قليل الادب انت متربطش لامو اخزا يا ميمي
مني: لامو اخزتك معاكي ياحبيبتي علميه الأدب اصلو متعلمهوش معلش جاتلك الي تربيك يابن بطني
انا: جرا اي يامنى اي جاتلك دي انتي هتعملي زيهم ولا اي والله اسيب البيت وامشي
والدتي: احنا مش فاضيين للكلام دا اتصافوا مع بعض بصو موتو بعض... يلا
ودخلو ع المطبخ
انا: نموت بعض... خدي يا حجة
محمد: راحة فين خدي عيزك
انا: امشي يالا ملكش دعوة بيا مش بكلمك
محمد: انتي هتيجي ولا نسيح بقى
انا: خلااااص امشي قدامي ابو شكلك.... عايز اي
محمد: انتي كنتي بتقولي اي برا
انا: قلت اي برا
محمد: لا متستعبطيش مش وقتك قوليها وانجزي الله يخليكي
انا بضحك: اقول اي
محمد: ابدام ضحكتي يبقى فهمتي قولى بقى
انا: يخربيت عيل اقول اي
محمد: لا كدا كتير استنى هنا
دخل جاب كلبشات وجه
انا: اي دا يالا هتعمل اي
محمد: مش هعمل حاجة
انا: سيب ايدي يالااااا
حط الكلبشات ف ايدي الاثنين وقفل ب المفتاح ورماه من البلكونة
انا: ينهار ابوك طين
محمد بضحك: ايه
انا: عملت اي المفتاح
محمد: مانتي الي مش راضية تقولي بزوق الله قووولي
انا وبعيط: فكني انت رابطني زي الحمارة كدا ليه ونبي بقى
محمد: بتعيطي ليه دلوقتي بقي يخربيت النكد
انا: فكني
محمد: مانا رميت المفتاح قدامك اهو
انا: انزل هاتو
محمد: يابنتي مش هشوفو صغير
انا: يعني اي هفضل كدا.... يامنيييييي تعالي شوفي ابنك
مني: اي في أي ياولاه
انا وبعيط: بصي بصي ابنك عمل اي ورمى المفتاح وهفضل كدا اتصرفو بقى ف المصيبة دي
محمد:هههه
مني: بتضحك ع اي فكها بسرعة
محمد :المفتاح وقع
انا: موقعش هوا الي رماه عن قصد.. وحياة ابوكو حد يفكني
والدتي: اي دا طب تصدق حلوه الفكرة دي ابقى اديني الكلبشات دي وانا مشيا يا محمد عيزة اربطها ف رجل السرير
محمد بضحك: حاضر
انا وبدبدب ب رجلي: حاااضر ايييي فكوووونيييي... وبعدين تربطي مين ف رجل السرير هو انا معزا انتي كمان
والدتي: اه
انا وبجري وراه عشان اضربو ب رجلي:طب فكني بقى عشان متبقاش ليله طين وافرج عليكو الناس هصوت والله هصوت اهو انا فاضحة
والدتي: فكوها هبلة وتعملها انا عرفها
محمد: لو سمحتو يا جماعة محدش يدخل انا حر يلا
طلعو وقفل الباب
انا: اي انتو رايحين فين يامني ياناس خودوني معاكو ونبي........ اي في أي
محمد: هتقولي ولا احدفك من البلكونة
انا بعياط: مانت لو تقول عيزني اقول ايه هقول هوانا عيزة اتربط زي الحمارة كدا يعني
محمد: بطلي عياااط
انا: ح. ح. حاضر
محمد: مش هتقوليها يعني
انا: اقووووول ايييييي... انت محسسني اني سرقة حاجة من عندك يا عمنا
محمد: سرقتي قلبي
انا: نعم
محمد: زي مسمعتي كدا
انا: لا مسمعتش حاجة وفكني ولو مش هتفكني سبني اطلع برا لو سمحت اوعي كدا
محمد: ليه
انا: محمد انا مش عيزاك تفكني سبني اخرج بالله عليك
محمد: سيبيني اكمل
انا: مش عيزاك تكمل يا محمد سبني اخرج يامنيييييي يا ملككك
محمد: اديني فرصة اقول الي جويا بالله عليكي
انا بعياط: مش عيزة اسمع حاجة يا محمد عشان عرفة انت هتقول اي وانا مش قد الكلام دا لاني مش جاهزة اسمعو دلوقتي سيبني اطلع يامحمد مش قدرة اخد نفسي
محمد: طب استنى هفكك معيا نسخة تانيه
دخل جاب المفتاح وطلعت جري من الاوضة للاوضة التانية وقعدت اعيط بدون صوت ومكنتش عرفة انا قلت كدا ليه
قعدت اكتر من نص ساعة عياط وقعدت ف البلكونة وكنت سرحانة وبقول هو انا ممكن اكون حبيتو بس لا لو بحبو كنت خليتو يتكلم أفكار توديني وتجيبني وعندي صداع من كتر التفكير
ببص ب الصدفة لقيتو ف البلكونة التانيه بس مكنش شايفني تقريباً كان سرحان ولفت ب وشو شافني بس متكلمش ودخل جوا استغربت بصراحة بس محتطش ف بالي
قعدت شوية وبعد كدا طلعت قعدت قدام التلفزيون مع ملك
انا: هو مطلعش
ملك: لا... هو انتي معيطة
انا: لا معيطة اي معيطش
ملك: طب هو حصل اي
انا: محصلش حاجه
ملك: يابنتي عينيكي حمرا اوي باين انك معيطة
انا:اووف بقى انا داخلة
دخلت الاوضة كتبت شوية ف الرواية.. بس زهقت ورحتلوا
انا: في اي
محمد ببرود: مفيش حاجة
انا: طب انت قاعد كدا ليه
محمد:اقعد ازاي يعني
انا: اطلع اقعد معانا برا
محمد: لا انا عايز اقعد هنا
انا: خلاص هقعد معاك
محمد: اعملي الي انتي عيزاه
قعدت اكتر 10 دقايق وهو مش عايز يتكلم ولا حتى بيبصلي لا بيمسك الفون لا بيبص من البلكونة
انا:اه وبعدين
محمد: مش فاهم
انا: اي إلى انت بتعملوا دا
محمد: بعمل اي
انا: ب تتجاهلني
محمد: لا هتجاهلك ليه
انا: انت شايف ان احنا كنا كدا
محمد: كدا احسن ليا وليكي
انا: دا الي هو ازاي
محمد: مش لازم تعرفي
انا: يعني انت شايف ان اسلوبك دا حلو... محمد فوق انا إيمان مش منة
محمد: عارف
انا: طب بتكلمني كدا ليه
محمد: ختي اني بعاملك معاملة خاصة صح
انا: غلط... اتكلم معيا عادي
محمد: ماهو دا العادي اهو
انا: لا ياشيخ
بدون رد
سبتو وطلعت قعدت برا
مني: ضاربة بوز ليه كدا بس
انا: اسألي ابنك
مني: عمل اي المنيل دا
انا وبعيط: مش بيكلمني
مني: ازاي
انا: بيتجاهلني يا منى
مني: طب معلش هتلاقيه ضغط شغل بس
انا: ماهو طول عمرو عندو ضغط شغل عمرو ماكلمني كدا
مني: محمممد
طلع من الغرفة
محمد: نعم
مني: في اي
محمد: المفروض انا الي اسأل في اي
مني: مزعلها ليه
محمد: زعلتها امتى
مني: ماهي بتعيط اهي
محمد: ماتسأليها بتعيط ليه انا مالي
مني: قالت انك انت السبب و بتتجاهلها ومش بتكلمها
محمد: متجهلتهاش انا بتعامل عادي
مني: اه انت رجعت بقى ل نو كلام نو ابتسامة نو ضحك
محمد: دا انا ومينفعش اغيرو
ودخل وقفل الباب
انا وبصوت عالي: عيزة اقلك ان كرهتك خلاص
والدتي: تعالي هو اي إلى حصل
انا وبعيط: مش عيزة اتكلم عندي صداع بجد
نيمتني ع رجليها وقعدت تطبطب عليا وتمسح ع راسي افتكرتو لما كان بيعمل كدا وعيطت اكتر
انا بصوت عالي: عيل باااارد
والدتي بضحك:طب معلش نامي
مني: هو كان كدا الأول ولا بيتكلم ولا بيضحك ولا بيبتسم على طول ف اوضتو مكناش بنشوفو الا لما بيكون رايح مشوار اصلا
نمت وصحيت ع الظهر
اتوضيت ودخلت اناديه يصلي
انا: يلا عشان نصلي
محمد: صليت هنا
انا: اووف براحتك
وطلعت وصلينا انا وملك وامي وخالتي
وخلصت ونزلت انا وملك من غير ماقولو وكنت قصداها
شميت ريحة البرفان بتاعو عرفت انو نازل
لقيتو نازل وشافني وركب العربية ومشي ولا اكني موجودة
انا وبعض ايد ملك: اه يا مستفزززز
ملك:اااااه يالهوي ايديي
سبتها وطلعت فوق
انا: طب اعمل اي ف البارد دا دا حتى مقليش رايح فين... وانا مالي اي إلى انا فيه دا اووف
ملك: منك لله ايدي ازرقت
انا بعصبية: اخوكي دااا
ملك بخوف: وربنا الي انتي عيزاه.. لو عيزاني اتبرا منو معنديش مشاكل
انا: بقى مش طبيعي مكنش كدا الأول
لقيت الباب بيفتح وهو دخل *و.....
✨
بدل ماتدور وتبحث علي الروايات خليها علي تليفونك وحمل تطبيقنا
