 |
رواية ساطرق بابك الفصل الرابع 4 بقلم سماح دسوقيالدليفرلي وصل بعد ساعة وو سهى وسمر وصلوا بعديهو اتغدينا وقعدنا نتونس وانا فتحت ليهم الموضوع طوالي . سمر:كذذذذذابة يا نشوى يعنى هسي انتو واحمد ارطبتو رسمي 😱!!!! سهى:انا زعلانة شديد ومخاصماك ..حاحة ليك و مهمة زي دي وما تقوليننا نجي نقيف جنبك🥺 !!!! نشوى:والله العظيم يا بنات كل دا جاء فجاة وانا قلت احتمال ما يتفقو الاهل فكلمتكم بعد التعارف 😔 سمر:لالا بتحصل حبيبتي..بس اذا جات لي مناسبة ومااديتك خبر ما تزعلي تمام 😏 نشوى:وووواب يا سمر لي ساعة بشرح ليك وبرضو دا كلامك بدينا نتناقر انا وسمر وسهى تضحك فينا وبعدين بدت تقح نشوى:دقيقة دقيقة اجيب موية شكلها اترقت ...سمر اضربي سهى في ضهرا مشيت مسافة في المطبخ.. وانا جاية سمعت سمر بتجيب في سيرتي وبتقطع فيني سمر:اتخييييلي انو هي حاجاتها بتقضيها بالكتمان ونحن حاجاتنا في السهلاء سهى:عادي ي سمر اصلا دا تعارف يعنى الاهل بس🙂 سمر:لا دقيقة عايزة افهم احمد من متين بيحب نشوى احمد من زمان معتبرا اختو وصحبتو بس دي شنو التغيرات دي انا جيت داخله عليهم اديت سهى الموية وسمر اتلبكت وانا عملت كانو ما سمعت شي..لكن بس اصبري لي ي سمر نشوى: يا بنات رايكم شنو نطلع نمشي الكافي الجنب النيل نشرب قهوة وندردش مع الشباب شوية😊 سهى:تمام وربي مشتاقة للطلعتنا كلنا سوا سمر:تمام تمام ارح نشوى:انا ح اتصل على احمد يجي هو ومازن هناك ...في وقت اخر بعد ساعتين في الكافي مازن: المفاجأت الحاصلة دي..ما كلموكم بيها يا سهى سهى:اي اي عرفنا يعنى معقووول يا احمد الوقت دا كلو تكون عايز نشوى ولا حتى تكلمنا ولا تعرفنا احمد: والله يا سهى كل شي جا بسرعة..احمد بيحاول يغير الموضوع احمد:رايكم شنو نشرب حاجة!!! مازن: مرات في حاجات بتجي فجاة بتصدمنا كلنا ونحن ما خاتين ليها اعتبار يعنى كلنا نكون فاكرين انو احمد ح يخطب سمر ويجي يخطب سهى!! نشوى:نعم؟؟؟؟ 😳 احمد:انت الليله برضو سكران يا مازن ولا بتجيب الكلام دا من وين سمر:احمد يخطبني انا.. ايوة احمد مابيحب زعلي وبيعمل كل شي عشان يرضيني😌 لكن ما جاااب لي سيرة موضوع بالشكل دا!! انا صدعت من الكلام وقمت طوالي مشيت على النيل ابعد عن التوتر واجمع افكاري.. اول ما وقفت بعيد منهم جا احمد وراي يتكلم معاي احمد:معقول الجميل يقيف وحيد ومكشر احمد:حبيبتي ليه خليتي الناس وواقفة براك نشوى:ماف داعي للتمثيل وتقول اني حبيبتك! انا فهمت كل شي يا احمد 🥺 احمد:فهمتي اني بحب عيونك وملامحك حلوين وانتي زعلانة ومكشرة كدا 😉 انا ابتسمت واحمد مسك يدييني وبدا يتكلم معاي احمد:بسسس انا عايز اشوف ابتسامتك دي 😍 قبل ما انطق حرف لقيت مازن في وشي مازن:من متين وانت بتحب ابتسامته؟؟، هو انت كنت قاعد تعاين في وشها اصلا احمد:مازن مالك انت مشكلتك شنو؟؟😠 مازن:مشكلتي انك بتخدع فيها..ودي زي اختي.. مازن: احمددد يا نشوى كان عايز يخطب سمر وقال عايز يستعين بيك عشان تمهدي ليها الموضوع مازن:وبعدين قرر من راسو انو يخطبك انتي لانو انتي فهمتي كلامو غلط من قبل ما يفهمك احمد:انت ممكن تقفل خشمك دا..ولازاهو من كتفو ..مازن بدا يضرب احمد في وشو واحمد دافع عن نفسو وبقى يضرب فيهو انا اعصابي باظت وقعدت اكورك لزول يجي يحجز معاي 😭 وجو سمر وسهى جاريين وفي اولاد جو مسكو احمد وبعدو من يدين مازن وبقو يتكلمو معهو مازن جا وقف في وشي وقال لي مازن:عاجبك كدا كلو بسبب انك ورطي نفسك مع واحد تافه زي دا وكمان واقفة لسة بتسمعي وتسمحي انو يمسكك انا دميييي اتحرق ومديت يدي عليهو وضربتو كف نشوى: مافي زول تافه غيرك يا ماااااازن مازن عاين لي بنظرة حاااده وكلها غضب ومشا ساق عربيتو بسرعة ومشا مننا احمد كان بنزف من خشمو مشيت عليهو واديتو موية يخفف بيها الدم ويمضمض بيها احمد:قال ليك شنو الحيوان دا سمر قالت سمر:(بنرفزة) قال انها السبب في كل شي . السبب في انكم تختلفو وانتو اكتر من اخوان والسبب في كل المشاكل دي نشوى:انا؟؟ انا اول مرة اعرف انك شايفني بطريقة دي سمر:حبيبتي بقيت ما شايفك اصلا شلبتي مني احمد لمن جا قال ليك عايز سمر وطلعتي مازن سكران وفتنتي مع صحبو!! نشوى:انتي واحدة حيوانة انا ما ح ارد على واحدة زيك سمر: انا حيوانة ي وسسسسخه تعالي هنا..مسكتني من شعري وجرتني وعايزة تضربني على وشي 😠 سهى جرت سمرر واحمد جا بعدني منها احمد: انتي غلطانة ي سمر واسمعيها مني.. انا ما عندي ليك اي حاجة احمد:انا ونشوي عايزين بعض واي كلام تاني منك انتي ومازن كلام فااااضي وبس سمر بدت تهيج فيهو سمر: والله تتهنو الطيور على اشكالها تقع اصلا انتو شبه بعض قرررف وهم بيتكلموا سهى اغمى عليها 😭😭😭 وكلنا وقفنا في راس سهى وكبينا في وشها موية احمد شالها وجيرنا على أقرب مستشفى وطول الطريق وانا خايفة عليها وندمانه على المشاكل دي ..في المستشفى الدكتور ادا سهى دريب وقال لينا انها اتعرضت لي انهيار عصبي سهى صحصحت ولقتنا في وشها نشوى:سهى انتي كويسه؟؟؟🥺 سمر:عايزة حاجة يا سهى احمد:خلوها ما قادرة تتكلم سهى: انا عايزة امشي بيتنا🥺 احمد:طيب انا ماشي اشوف الدكتور اذا بخليك تطلعي الدكتور سمح ليها تطلع ..واحمد وقف ليها تكسي ووصاهو يوصلها لحدي البيت ووصف ليهو ودفع عنها وسمر اخدت بعضهها ومشت(هوتنا) احمد: ممكن نتكلم شوية ي نشوى قبل ما اوصلك بيتكم نشوى:صدقني ما قادره اتكلم هسي..بعد اصل البيت بتصل اتكلم معاك..!! احمد:تمام.. .في وقت اخر وصلت البيت و عايزة انسى كل الحصل معاي بالنوم او على الاقل اصلي لي ركعتين اشكي فيهم همي لربنا ❤ دخلت الصالة بتاعت بيتنا ولقيت في بت انا ما بعرفها قاعده في الصالة وكمان قاعده تقطع في خضار!!! يارب اليوم باين من اولو نشوى:س سلام 😳 البت: وعليكم السلام يا نشوى مش انتي اسمك نشوى 🙈 نشوى:ايوة حبيبتي اسمي نشوى وانتي منو ما عرفتك وقاعدة هنا ليه حوته سمع صوتي وجا حوته:نشوووووو جيتي..ممكن تخشي غرفتك تشوفي جبت ليك شنو تعالي معاي جراني من يدي دخلني اوضتي انا:حوته دي منو وجبتها البيت كمان ما تكون دي حبيبتك وهربت معاك لي هنا.. حوته: نص الكلام صاح ونص الكلام غلط نشوى: دي حبيبتك؟ حوته:لا دا الغلط نشوى:انت ح تلاعبني دي منو 😒 حوته:خلاص ما تكوركي ح تسمعك حوته:دا الموضوع البديتو معاك وما كملتو نشوى:قلت لي انو في بت عايزة سواق لترحيل خصوصي وانت ح تسوق ليها ما قلت لي انك ح تجيب بت معاك البيت !!! حوته:اسمعي البت دي انا برحلها..وهي قاعده مع امها وراجل امها..وراجل امها زول متحرش وامها ما قاعدة تصدق انو زوجها الحبيب خاين ومتحرش ومتعدي نشوى:ايوة اها تقوم هي تهرب معاك لي هنا حوته: هي ما هربت عاينت ليه بعين حادة 😒 حوته:اي هربت لكن كنتي عايزني اتصرف كيف. يعني اخليها للمتحرش دا ولا اخليها تبيت في الشارع نشوى:هسي انا المطلوب مني شنو عايزني اعمل معها شنو اتقبل الموضوع دا كدا عادي حوته:بس عليك الله اعتبريها اختك..هي ما عندها اخت ولا انتي .. حوته:وتاني شي اقنعني لي ابوي بس يخليها معانا نشوى:اول شي ي حوته البت دي ح تجي تنوم معاي هنا في غرفتي دي.وتاني شي تقول ليها تلبس طرحة م تقعد قدامك انت وابوي كدا حوته:حاضررر ي نشوووووو نشوى:لا ما كدا وبس.. هي ضيفتنا لفترة محدودة يعنى ما ح تقعد معانا طوالي خليك فاهم حوته:تمام.. بعد وقت اخدت دش وصليت المغرب وجيت لقيت البت مجهزة صفره عمري ما عملتها لي ابوي ومحمد 😂 انا:ما شاء الله..محشي وسلطة اسود وسلطة جزر..وبطاطس بالحمة..ودا شنو كمان البت:دي تومية نشوى:والله ؟؟؟ ومنو عمل كل دا البت:انا عملتو يا نشوى. بيكون حوته كلمك بالموضوع بتاعي وانا كل الفترة الح اقعدها هنا ح ساعدك كتير من غسيل لي طبيخ لي نظافة انا بقيت عاملة كدا😳😳 نشوى:لا والله العفو انتي ضيفتنا كمان 😁 اتغدينا واتعرفت على البيت لقيتها طيوبة شديد وقلبها ابيض 😍🤍 بس لازم اديها العين الحمرا لانو في الاخر حوته ما محرم ليها ولازم يمشو بنظامي في البيت دا😌 ابوي جا داخل وسمعنا صوتو في الحوش وهو بيقول ابوي:يا ولد ي حوته ي بت نشوى منو مخلي الخرطوش فاتح في الواطة كدا انا جريت عليهو واستلمتو نشوى:ابوي كيفك ابوي:تماااام..جررررري الخرطوش دا الشجره اتملت خلاص نشوى:ابوي عايزك في موضوع حكيت ليهو نفس القصة بس بتفاصيل تانية انو البت بعرفها انا مش جايبة حوته ابوي:لا حولا ولا قوة الا بالله دا كلو حاصل مع صحبتك دي ابوي:كلمي اخوك حوته ما يضايق صحبتك دي نهائي نشوى:لا من الناحيه دي اطمن حوته ح يخليها زي اختو الصغيره 😁 .. قعدت مساهره في وضتي وعندي مكوى كتتتتتتتيرة هدومي وهدوم حوته وابوي البت:ممكن اساعدك؟؟ نشوى:لالا شكرآ متعوده اخلصهم براي نشوى:قلتي لي اسمك منو البت:اسمي نور نشوى:عشان كدا منورة البيت نور: منور باهلو بتكلم معها واحمد اتصل علي مكالمة فيديو انا جريت لي طرحة من الهدوم لبستها العايزة اكويها وفتحت الخط احمد: الووو حوته اديني نشوى نشوى:والله 😏 حوته بلبس طرحة احمد:ههههههههههه شكلك من غير مكياج متغير نشوى:ايوووة لدرجة اشبه حوته اخوي صاح 😏 احمد:ههههههههههه بالعكس شكلك من غير مكياج عسل بس 😍 قعدت اتونس مع احمد وجات اختو لمياء داخلة في المكالمة صوت لمياء:احمد قوم في زول دايرك في الباب احمد:دا منو كمان؟؟ صوا ليماء:قوم شوفو دا منو احمد:نشووو اتكلمي مع لمياء مسافة امشي واجي ما تقفلي نشوى:اوكي اخدت لمياء التلفون وقعدت تتكلم معاي لمياء:ما شاء الله شكلك بدون مكياج عسل بس نشوى:من ذوقك والله يا لمياء اخبارك شنو واخبار اولادك شنو لمياء:اولادي الليله جاببوهم لي الحمدلله وقعدت تحكي لي انها مبسوطه قدر شنو وانو بعاد اولادها كان موثر عليها اتونسنا انا ولمياء كتير لمياء:وحتى ولدي البكر مسمياه احمد على احمد لانة بشبهو شديد وكل الناس كانت فاكرهو ولدو نشوى:حتى انا شفت صورو معهو كنت قايله ولدو هههه لمياء:لالا والله زي ولدو بيحبو شديد عقبال ما تتهني باولادكم انتي واحمد نشوى:اللهم امين يارب احمد جا واخد التلفون احمد:خلاص ي لمياء اذا عايزها اعزميها يوم للغداء معاكم لمياء:جدددددا تنورنا حاسة انو لمياء بدت تتغير معاي🤍 تمينا كلامنا انا واحمد وكان عايز يبعدني عن الحصل خلال اليوم دا كلو وكل ما اجيب سيرة يغير الموضوع قفلت منو وعاينت لي نور لقيتها كوت كل الهدوم. ورقدت نامت انا: يححليها والله عسسل😍 قمت وصليت العشاء وقريت سورة يايسن بنية ربنا يصلح امري. .. بعد يومين. .. حصلت مشكله كبيره في الشغل وانا عشان مسؤولة عن كل المعلومات البتخص المنظمة الخيرة اتهموني معاهم المدير:نشوى انتي عارفة انو دا اهمال منك نشوى: لكن يا استاذ انا ايامي معكم تلاتة ايام في الاسبوع والخطأ دا حصل في الايام الانا ما شغالة فيها. المدير: هل في حاجة قدامي بتثبت لي كلامك دا.. المدير:الحصل دا حصل من قبل اسبوع وحتى لو انتي ما عندك دخل فيهو..برضو في اهمال حادث منك لانك ما نتبهتي للخطأ الحصل!! نشوى:وطيب حاليآ يعنى دا اتهام موجه لي بشكل صريح. المدير:كل العايز اقولو انك بعد كدا تطلعي على الحسابات وتاخدي حق الشهر دا وشكرآ جدآ على سعيك معانا انا..طلعت بباقي كرامتي واتجهت على الحسابات واخدت مرتب اخر شهر وطلعت من هناك مرفودة ومودعه كل الذكريات وانا راكبة في المواصلات. ..وخاتة راسي في الشباك..اتذكرت اية بتقول((وتوكل على الله )) فكرت كدا مع نفسي واتوكلت على ربنا ووصلت للقرار في ستين كل الشغل وتعبو اكيد ربنا ح يعوضني دخلت البيت وكانت الساعة ١٠ صباحا لقيت ابوي ومحمد ونور قاعدين يشربو في الشاي مستغربين من جيتي قعدت معهم وجرت نور جابت لي كباية وكبت لي معاهم. اول مرة زول يهتم بي في بيتنا من فترة🥺 قعدت اشرب في الشاي بدون نفس محاولة مني انو الحزن ما يتقلب علي واظهر مظهر الضعيفة حكيت ليهم المشكله الحصلت ولقيت اراى ما كنت متخيلة ح الاقها ابوي: والله يا نشوى يا بتي ما عارف اقولك شنو لكن كلو لخير محمد: يعنى ما كفاك شغلين وتعب ويجو يظلموك كدا نور:طيب انتي ي نشوى ممكن تعملي مشروع براك ترتاحي من الشغل مع الناس نشوى:ههههههاا انا في بالي مشروع يكسب دهب لكن من وين راس المال نور:من جوا انا وحوته مع بعض:من جوا كيف نور:اااا دقيقة وجاية دخلت الغرفة وطلعت بشنطة ضهر سوداء وفتحتها نور: بي ديل نحن كلنا في زهول شنطة ملانة قروش دولار😱😱😱😱😱😱 #يتبع #رواية #ساطرق_بابك #سماح_دسوقي الفصل الخامس من هنا |
تعليقات
