 |
رواية ساطرق بابك الفصل الخامس 5 بقلم سماح دسوقيدخلت الغرفة وطلعت بشنطة ضهر سوداء وفتحتها نور: بي ديل نحن كلنا في زهول شنطة ملانة قروش دولار😱😱😱😱😱😱 ابوي:نور يا بت القروش دي كلها جبتيها من وين نور:دي نصيبي في ورثة ابوي..ما تخاف يا عمو انا اخدتو بطريقة قانونية ابوي بقى يعاين لي ونحن نعاين لي بعض نشوى: حتى لو دا حقك بطريقة قانونية انا ما بقدر اشيل منو ولا جنيه ولا دولار واحد نور وقفت على حايلها وجات قعدت في الكرسي الجنبي نور:اوعي تحسبيها كدا يا نشوى حقي ياهو حقك انا ما اكذب عليك اول ما جيت هنا حسيت بجوء الاسرة الاب والاخ والاخت.. نور:انا عمري ١٩ سنة وما عندي اخوان وكلللل قرايبي ممكن يكونو طماعنين في ورثتي دي وانا عايزة قروشي تشتغل واستفيد منها وتكون في يد امينة ابوي: يا نور يا بتي دي مسؤلية!! انتي فاهمة نور:ايوة وعارفه وانا عشان كدا اديتكم معاي المسولية دي لانو ما ح اعرف اوزع القروش وبتمنى انكم تساعدوني ابوي سكت مسافة وانا وحوته منتظرين ردو ومتحمسين ليهو اذا لا فهو لا واذا تمام فخلاص ابوي:تمام يا بتي ونحن ح نديرها ليك بما يرضي الله ونتقسم الارباح نحن بالمجهود وانتي براس المال حوته:ايوة بضبط كدا اعتبرينا موظفين عندك قعدنا نحسب المشاريع الممكن نعملها وبالورقة والقلم.. وبعد عدة محاولات وصلنا لفكرة لكافي صغير. نأجر المبنى ونعمل كافي نشوى:(مع نفسي )الحمدلله ربنا عوضني .. في اليوم التاني اتفقنا مع حوته نطلع نشوف موقع انا وحوته ونور نور لبست تنك باللون الوردي رهييييبة مع جنز ازرق غامض وعملت مكياج حلو شديد لدرجة انا ما عرفتها نشوى:نوررر!! نور:ايوة يا نشوى في حاجة نشوى:طالعة مززززة ما عرفتك نور:انتي الاحلى..ممكن نطلع لانو حوته منتظر برا بالعربية ومن قبيل سامعه صوتو بنادي ..طلعنا وجينا نركب وحوته ما شاء الله عليهو عينو من على نور ما نزلها وانا من جواي بقول ليهو ليك حق🤣 .. وصلنا للموقع وكان بياخد نص ساعه من بيتنا ولقينا الموقع حلو شديد للكافي ..المحل شبه اثري من برا وتصميمو زي تصاميم الانجليز ..اما من جوا حاجة تانية خالص عصري شديد والألوان بتاعتو رهيبة من بهيات واضاءة وديكور صاحب المحل بيوصف لينا انو المحل تصميمو جديد ومن شركة عالمية..وانو مشروعنا بالتأكيد ح ينجح حتى المكن بتاع القهوة والتلاجات والكراسي قاعده يعنى نحن علينا العدة والمكونات بس. . حوته:تمام كدا..كدا نحن اتفقنا شوف وقتك المناسب ونسجل العقد مع ال محامي صاحب المحل:جداااااااااا ما عندك اي مشكله كلنا طالعين ومبسوطين وحوته مشا على العربيه دورها ..بتاع المحل وقف نور وبدا يتكلم معها ..محمد اخوي لقنا ما جينا جا.راجع حوته:في حاجة يا نور؟ نور:لا ماف حاجة نور:طيب مع السلامه(مع صاحب المحل) محمد اخوي حسيتو اضايق وما كان علي الا اسال نور ونحن في العربية سالت نور لشنو الراجل دا وقفها نور بتهمس لي نور:الولد دا قال عايز رقمي يا نشوو وانو نتواصل مع بعض..قال انو انا عجبتو وعايز يتعرف علي. . نشوى: طيب تمام ليه موطية صوتك اذا عايزة تتعرفي عليهو مافيها شي حوته:تتعرف على منو نور بدت تتمتم نشوى:على صاحب المحل عايز يتعرف عليها اذا هي ما عندها مانع حوته:ويتعرف ليها لشنو العقد وحنوقع عليهو نحن وهو حدو معانا الاجار وبس حوته:دا واحد (تييييييت) قال كلمة شورعية حوته زعل من حركة الزول دا شديد وزهج شديد وبقى سايق العربية بسرعة خيالية وصاري وشو وبيتكلم معهو ما بيرد اول مرة محمد يتحمق بطريقة دي اول مره اشوفو زعلان كدا ..في المساء لقيت رسالة من سهى سهى كاتبة لي (يعنى خلاص يا نشووو علاقتنا مع بعض انتهت؟؟ومازن واحمد وسمر تاني ما ح انتلم سوا زي زمان؟؟) انا رديت عليها (سوسو انا وكلتك انتي للقصة دي حليها لانو هي كانت بسببي فما ح تتحلى بي) سهى (اوك بحلها وانا قدرها حبيببتي ).. قفلت منها و في وقت لاحق قعدنا انا ونور نجهز طرق ل يوم الافتتاح نشوى:انا بقترح نعمل مشاريب مجانية ونجيب فرقة كوميديه نور:انا معاك في فكرة مشاريب مجانية لكن الفرقة افضل تكون غنائية نشوى:شايفة كدا؟؟ نور:ايوة ح نجيب فنان الاسمو(...) ومعه الفنانة(...) رايك شنو نشوى:فكرة حلوة الفنانين ديل بذات جمهورهم كتير نشوى:يبقى فاضل نعين منشى محتوى على صفحة الكافي العملنها وهو ينشر انه في افتتاح نور:اهااااا ح ننجح يا نشوى 😍 نشوى:الحمد لله الذي بنعمته تتم الصالحات ❤️ عوضي من شغلي جي بسببك يا نونو قمت وحضنتها احلى نور واحلى بت اتعرفت عليها ادتني امل بطيبة قلبها ..في وقت لاحق سهى اتصلت على سهى:يا شراده ما بتسالي من الناس ومن ديك وعيك نشوى:مشغولة شددديد ي سهى وكلمتك بالمشروع الح اجهز ليهو في الواتس سهى:ايوة عارفه بس الواتس دا شنو ي بت رسايل وبدون تعابير ولا صوت انا عايزة اقعد معاك ونشرب قهوة وناكل تسالي ونحكي لبعض وش لي وش نشوى:طيب رايك شنو تجي بكرة الافتتاح الساعة ٥ ونقعد سوا في الكافي الجديد بتاعنا سهى:فكررررة حلووووة واحمد ح يجي الافتتاح نشوى:نسيت والله ما عزمتو واحمد اذا ما قلت ليهو تعال ما بجي براهو سهى:طيب اعزميهو سهى انا كمان بكرة عاملة ليك مفاجأة نشوى:خير ان شاء الله سهى:لا خير بكرة بتعرفيها عارفة الشمار ح يحرقك بس لي بكرة وتعرفي نشوى:لا ولا مهتمية ولا شي اصلا يوم بكرة قريب (من جواي بقول والله بس ناقصني مفاجأة سهى:طيب يلا سلام سلمي على احمد برضو مطول مننا نشوى:جدآ يلا باي ..قفلت من سهى وبتصل على احمد واحمد ما برد دي المكالمة الخامسة من الصباح وما يرد ختيت التلفون ومشيت عملت تظبيطات في شكلي ليوم بكرة بجد حماااااااااااس بكرة ح احقق مشروع حياتي وح ابقى مديرة بدل طول الوقت متمرطة من شغل لتاني .... وانا بفكر كدا وبسشور شعري اتصل احمد نشوى :الووو حبيبي احمد:نشوى كيفك نشوى:حمدلله حبيبي وانت احمد كان صوتو مخنوق وحسيت بكدا احمد:الحمدلله نشوى:احمد مالك ان شاء الله خير صوتك ما مطمني في مشكله ولا حاجة احمد:لا ماف شي بس مضغوط في الشغل وصداع شديد ماسكني احمد:ح اكلمك وامشي انوم طوالي نشوى:طيب حبيبي سلامتك انت من الصداع..المهم بكرة الافتتاح بتاع الكافي ولازم تجي احمد:ان شاء الله اول الحاضرين نشوى: تصبح على خير بحبك شديد احمد سكت وما ردا علي نشوى:احمد سامعني احمد:ايوة معاك وانتي بخير وقفل الخط على كدا حركة احمد دي خلاتني محتارة بس اتلاشيت الشك من انو ممكن يكون تعبان ومصدع وما سمع بحبك دي عادي ...في اليوم التاني..لبست فستان اسود ونور عملت لي احلى ميكب ونور كانت لابسة فستان ابيض وهيلز طالعين بنعقد البنوت على قول ابوي . . حوته وصلنا بعربية نور وطول الطريق ونحن بنصور ومبسوطين شديد باليوم دا وحوته كمان مبسوط بس بيمثل انو جادي حوته:نشوى خلاص روقو وبطلو الحركات دي انتو في عربية وفي الشارع حوته:نور اقفلي القزاز الجنبك دا ما ملاحظة من قبيل الشباب بيشاغلو فيكي نشوى:لا دقيقة ي حوته شباب ووين جينا مارين بيهم ساي والبت ما عندها دخل انت زعلان ليه؟؟ حوته:نشوى عليك الله ما تعصبيني زيادة ونور اقفلي القزاز الجنبك دا ما داير كلام كتير نور ولا كذبت قفلت القزاز وهو كانو حسى بانتصار كدا لانو سمعت كلامو لمن اخد شهيق وزفير ياربي حوته اخوي معجب بنور دي ولا شنو!! كلنا ما ملاحظين لاحاجة الا هو مركز شديد وهو سايق كمان 🤔 !!!!!! ...وصلنا الكافي وجرينا دخلنا نعمل اخر تجيهزات قبل الافتتاح ولقيت العمال جهزو كل شي ما شاء الله احلى تيم مرة علي مجتهدين.. وجات الساعة ٥ واخيرااااااااااااا والساون بدا والحلفة اشتغلت والناس بدت تجمهر وبدينا نوزع المشاريب حوته جاني حوته:دا شنو دا شنو دا شنو نشوى:سجمي مالك حوته:خلاااص اتبرمجتي على شغل السريفز يا بت مكانك ما هنا انتي تقعدي برا وتراقبي ضيوفك وبس نشوى:عادي ي حوته النبي ساعد اصحابو انا منو وبعدين الناس كتار ما شايف حوته:لا هسي انتي اطلعي عشان سهى جات ومعها سمر وواقفين برا وخليي الشغل دا للشباب نشوى:سهى وسمرر انت جادي طيب انا طالعة.. طلعت طوالي ومن كمية الناس بقيت افتش فيهم وما شايفهم..بس فجاة احس بيد زول على كتفي اتلفت لقيتها سهى ومعها سمر واحمد ومازن سهى:اها رايك شنو في المفاجأت دي نشوى:ما قاااادرة اصدق يا سهي احمد ومازن وسمر كلكم مع بعض سمر:تخيلي والف مبروك حبيبتي المشروع وان شاء الله دايما متوفقة وكمان العفو ي نشووو نشوى:تعالي تعالي احضنك اول حضنت سمر وسلمت على احمد ومازن وقعدنا في طربيزة كلنا سوا وما مصدقة حرفيا يعنى بجد رجعنا كلنا سوا تاني! لاحظت انو احمد ساكت من بداية قعدتنا ومازن وسمر هم مستلمين القعدة سمر:انا كلها كم ساعة واكون في مكاان تاني وبلد تاني وناس تانيين بجد ح اشتاق ليكم نشوى:شنو انتي مسافرة ي سمر احمد خطف الكلام من خشم سمر وقال وهو زعلان احمد:مسافرة وما راجعة قريب وما كلمتنا الا امس نشوى:دقيقة يعني انتو عارفين استغربت انهم كلهم عارفين وحسب الفهمتو من سهى انها جمعتهم ورجعت العلاقتنا وسمر وافقت تتعذر لانها مسافرة هي واسرتها وما راجعين قريب انا دخلت في ذهول ومحتارة ليه احمد زعلان وكمان بس سارح فيها وما بفتح خشمو الا يسال سمر دا حتى متجاوز اني قاعده معهم سمر:طيب يلا يا جماعة انا والله ما بحب الوداع عشان كدا م ح اودعكم بس خلو بالكم من نفسكم وانسو كل ايامنا السيئه مع بعض اتذكرو لي السمح سهى مسكتها وقعدت تبكي وانا كمان حضنتها وودعتها مازن:تمام ارح اوصلك يا سمر احمد:ممكن اوصلها انا بعربيتك يا مازن!! مازن: لا خير ماف مشكلة كدي تعال دايرك اوريك بس في حاجة في العربية مازن ساق احمد بعيد مننا وبدا يتكلم معهو وبعدين نادى سمر وسمر مشت وودعتنا خلاص يا حليلك يا سمر المتنمرة ح اشتاق ليها البت القصيرة الحلبية دي بس نفسي اعرف ليه احمد عايز يوصل سمر لييه بس ليه بفكر كدا وجا مازن مازن:احمد مشا هو سمر بس ،بيمشي ويجي راجع ي نشوى مازن:سهى ما نفسك تجيبي لي نسكافيه وغمز ليها بعيونو سهى:اي اي انا برضو عايزة ح اجيب لينا كلنا سهى مشت وفضلنا انا و مازن مازن:نشوى انا عايز افهمك موضوع والمرة دي انا لا شارب شي ولا بتكلم ساي نشوى:قول قول ال موضوع دا بخص سمر واحمد مازن:بضبط كدا مازن:احمد يا نشوى معجب بسمر من زمان من قبل ما انتي تتعرفي علينا بس هو ما كان قادر يوصل ليها الاحساس ده مازن:تقدري تقولي كان خايف من الرفض..وبعدين قرر انو يصارحها بس بطريقة غير مباشرة والهي يجيك انتي ويكلمك وانتي تبلقيها نشوى:طيب اذا كدا ليه خطبني انا وليه مثل علي انو بيحبني مازن: انا ح أوضح ليك اي شي..احمد اليوم داك اتصل على وقال لي انتي اخدتي النص الكلام وفهمتي غلط..وهو بعد ما عرف بمشاعرك اتجاهو انا نصحتو انو ما يصدمك ويقول ليك انا بحب صحبتك مازن:ولو على الخطوبة هو استعجل في القرار دا بس برضو كمل عشان ما يجرح مشاعرك بس حاليا هو ما قادر يواصل اكتر من كدا ودي كل الحكايه... في لحظة حسيت الدنيا لفت بي وبس بقيت اقول جواي..كلو لخير ❤️ مازن:نشوى انتي بت واعية وفاهمة وعارفه انو المشاعر الانسان ما بقدر يتحكم فيها..ما بقدر يتحكم في هو بيحب منو او ما بحب منو نشوى:لايا مازن عادي اصلا من بعد الخطوبة وانا حاسة انو احمد احساسو ما معاي حتى في كلامو وتصرفاتو وإهمالو لي نشوى:انا م ح اعلق الذنب فيهو لا لانو انا كمان مشتركة في الحاجة دي وابتسمت ابتسامة وقلت ليه نشوى:الله يهنيهم. ... مازن طلع كلامو صاح وانا اليومتة ضربتو كف نشوى:مازن انا اسفة شديد مازن: ما سامع مع الفنان الببغني دا شنووو !!! نشوى:اسفة اسفه بقولك مازن:علي صوتك طلع مازن سامع وبستهبل 😂 نشوى:مازن ما تستعطبت مازن:هههههخخ حلوة منك اسفه دي وبدا يحاكي فيني وانا بقول اسفه " نشوى: ياريت لو ما مديت يدي عليك مازن: وينه يدك دي جيبها مسك يدي وقال مازن: مش يدك دي تتلف حرير وهو انا الاقي تضربني بيها مازن قلع الدبلة وقال لي مازن:كدا بقت احلى سهي جات ولقت مازن ماسك يدي سهى:احم شايفة في تطورات حاصلة انا ومازن قعدنا نضحك ضحك بريئ نشوى:لا عادي كنت بعتذر ليو بس 🙂 ..مازن همس بصوت واطي:عاجبك كدا سهى تتريق علينا انا بقيت عاملة كدا 😳 مستغربة في تصرفات مازن الطفولية دي جات رسالة في التلفون وفتحتها لقيتها من مازن طيب هو قاعد جنبي ليه يرسل لي وبعدين كاتب لي ..اخ انا الفستان حياكل منك حتة انا اول مرة اشوف ملاك لابس اسود ياربي الثبات 🖤" كنت ح اتهور واسألو مالو معاي بس احمد جا وقعد معانا احمد:ازيكم يا ناس نشوى: احمد ممكن اكلمك ٥ دقايق تعال معاي اخدنا انا واحمد طربيزة تانية نشوى:احمد على فكره مازن حكى لي اي شي احمد: اصلا انا وصيت انه يكلمك نشوى أنا بعتذرليك لانه!! قاطعتو وعيوني مليانة دموع وصوتي مخنوق نشوى: عارفه انك بتحب سمر وشايف فيها مستقبلك كمان والحاجة دي انا ما بقدر اغيرها..وعلى فكرة انا ما زعلانة كل شي قسمة ونصيب ونحن ما قسمة بعض يا احمد احمد ساكت وما عارف يقول شنو قلعت الدبلة واديتها ليه نشوى:دي دبلتك وكل حاجة جبتها لي في الخطوبة ح ترجع احمد: لا اعتبريها هدية من صديق خلني اقدم ليك شي يغفر لي شوية هزت براسي انه موافقة بس عشان ما احرجو معاي.. كملنا الحفلة وخليت حوته ونور ينتهو من توضيب الكافي وانا رجعني مازن.. مازن اليوم دا كان مبسوط شديد ونظراتو لي غريبة يمكن اعجاب يمكن مخبي شي ما عارفه.. في اليوم التاني.. صحيت بصوت عمتي بتكورك مع نور في الحوش وطلعت اشوف لقيت عمتي وابوي وحوته ونور كلهم واقفين عمتي: الكونتسا صحت من النوم خلآص نشوى:في شنو ي عمتو خير عمتي: خير وهو تاني في خير..شوف عيني صحبتك دي واقفة ببنطلون وتشيربت وبدون طرحة قدام حوته وحوته كمان ما بيخجل ابوي:ايوة هي غلطانة يا احسان لكن ماف داعي لكشف الحال دا حوته: ي عمتو دي زي اختي الصغيره يعنى استغفر الله العظيم بس انتي متخيلة شنو!!! عمتي: ولا اختك ولا بتك البت دي ترجع تمشي اهلها قاعدة هنا في وسط راجلين دي اخر مجايبك ي نشوى ابوي: تعالي ي احسان ادخلي افاهمك كل حاجة جوا دخلنا كلنا ونور بدت تحكي ليها قصتها ونور بدت تبكي وتحلف انها ما عنددها مكان غير هنا نور: وانا اذا رجعت هناك تاني ح ارجع لاراجل دا حتى هو بتفرج علي وانا نايمة يرضيك بس 💔 عمتي: ياختي انتي ماشية بحري حتى هنا الراجل عندو حق بعد لبسك دا ابوي اضايق شديد من اسلوب عمتي ابوي: في الاخر البت دي طفلة ومراهقة .لكن.انا عندي حل لكل المشكلة دي ابوي: محمد انت ولدي ونور بتي ونور ما ح تطلع برا البيت دا.ابدا.محمد نحن ح نمشي لي اهل نور ونعقد ليك عليها يا محمد نحن كلنا في ذهول بس نطو محمد ونور في نفس الوقت وقالوا محمد:موافق نور:موافقة! #يتبع #سماح_دسوقي #ساطرق_بابك الفصل السادس من هنا |
تعليقات
