رواية ازمة سكن الفصل الخامس بقلم ليل ادم
هشام: ( روحت البيت بعد م وصلت يوسف وسليمان لحد البيت عندهم رجعت ع البيت عندي وكنت مكرر اني مش هجيب سيره ل هبه علشان ميكونش في قلق لاني مقدرش اني اسيب الشقه دي خالص أنا سايب فيها كل فلوسي )
هبه : حمدالله على السلامه عامل اي
هشام:: الحمد لله تمام
هبه: مالك وكنت فين النهارده طول اليوم مش بترد عليا ليه
هشام: كنت في الشقه مع نوح والرجاله وكنت مشغول جدا
هبه : اي ده لا المفتاح هنا ممكن يضيع خلي في درج الكومودينو
هشام: ماشي بس خلي بالك ل يضيع لحسن مفيش غير واحد معايا وواحد مع نوح
هبه : الله امتا بقا تخلص مشتاقه للشقه دي اوي كأني أول مرة اشوف شقه هههههههههههه
هشام: ربنا يسهل يارب أنا هنام علشان تعبان وصحيني بكره بدري شويه علشان عندي عطله في الشغل كتير اوي
هبه: حاضر ربنا معاك يا حبيبي
في صباح اليوم الجديد 🔥🔥
هشام: صباح الخير
هبه: اي ده مش هتفطر
هشام: معلش عندي شغل كتير جدا
هبه: طب خد سندوتشات طيب يا هشام استنا
هشام: معلش معلش سلام
هبه: سلام
هبه: ( خلصت كل حاجه وجهزت الغدا وبصراحه الفضول خدني عايزه اعرف نوح بيعمل اي والشقه بقا شكلها اي مع أن مبقاش ليهم يومين يعني محدش لحق يعمل حاجه بس مش عارفه مالي لو أتصلت علي هشام هيقول خليكي علشان هشام غيور جدا مش بيحب اني اتعامل مع أي راجل غريب قومت لبست وخدت المفتاح وخدت العربية وطلعت علي الشقه ولما وصلت قابلت حارس العمارة)
البواب: حضرتك رايحه فين
هبه: أنا ساكنه هنا جديد
البواب: حضرتك سكنه فين
هبه: في الدور السادس
البواب: اه انتي حرم الاستاذ هشام
هبه: اه أنا
البواب: طب هوا حضرتك جايه هنا ليه الوقتي
هبه: جايه ليه !!!!!!!!!!!
البواب: مش قصدي والله بس مفيش حد فوق
هبه: لأ بقا اذاي في ناس شغاله فوق انتا بس تلاقيك مخدتش بالك
البواب: يامدام الله يرضا عليكي بلاش تطلعي علشان أنا مش هينفع اسيب حضرتك تطلعي لوحدك
هبه: هوا حضرتك مجنون أنا طالعه شقتي
البواب : يا مدام من غير غلط والله مفيش حد فوق
هبه: حتا لو مفيش أنا طالعه اشوف شقتي هتمنعني
البواب: لأ مقدرش يا مدام اتفضلي
هبه: شكرا
البواب: ممكن بعد اذنك رقم استاذ هشام علشان لو في حاجه جديده او حصل مشكله اقدر اتواصل بيه
هبه: لما انزل طيب
البواب: يا مدام بالله عليكي متصعبيش الموضوع أكتر من كده
هبه: ياعم انتا غريب جداً علي فكره
البواب: اتفضلي يا مدام أنا طالع معاكي
هبه: لا شكرا خليك انتا هنا
البواب: يبقا مفيش طلوع فوق يا مدام
هبه: انتا حيوان ولا اي أنا هعرفك شغلك كويس لما هشام يجي
البواب: مفيش مانع بس برضوا مفيش طلوع إلا لما اطلع معاكي أو استاذ هشام يطلع مع حضرتك
هبه: ( لو قال ل هشام وعرف ممكن يزعل مني اني حتا مقولتش حاجه ولا استأذنت منه مفيش حل غير اني اطلع معاه رغم اني خايفه من أسراره أنه يطلع معايا )
هبه: اتفضل اطلع معايا
البواب: اتفضلي
هبه: خد المفتاح افتح لحسن مش عاوز يفتح خالص
البواب: يامدام بالله عليكي تعالي ننزل وبلاش ندخل أحسن
هبه: هههههههههههه ياعم انتا هتعيط ولا اي أنا هفتح
البواب: بسم الله الرحمن الرحيم
هبه: امسك بس بعد أذنك الحاجة بتعتي لحد ما اشوف الشقه وأخرج تاني
البواب: هاتي بس رجلي على رجلك
هبه: لأ مينفعش كده كتير تدخل معايا لوحدي ليه
البواب: ( بتكلم مع مدام هبه ومره واحده سمعنا صوت حاجه بتتهبد جوه الشقه وصوت صريخ جامد جدا مدام هبه دخله تشوف في اي مسكت أيديها وقولتلها بلاش تدخلي اكتر من كده ياله بينا ننزل بسرعه )
هبه: هوا في اي اوعا سيب ايدي انتا مجنون
البواب: ( مدام هبه خافت مني وزقتني بره الشقه وقفلت الباب عليها اعتقاد منها اني عايز منها حاجه)
البواب: يا مدام افتحي خطر اللي بتعمليه ده اطلعي بسرعه
هبه: انتا مجنون سيب الحاجه بتعتي بره البيت وانزل انت ملكش دعوه بيا
البواب: أنا هفتح الشنطه بتعتك طالما حضرتك اللي عايزه كده
هبه: مجنون ده ولا اي هوا في اي بجد ( سمعت صوته بيتكلم في التليفون بتاعي وبيقول ألو الحق يا استاذ هشام مراتك في الشقه لوحدها وقفلت علي نفسها الباب أنا الشك دخل قلبي قولت هو هشام هيتجوز عليا هنا ولا هوا مخبي اي أنا لازم ادخل اشوف في اي لقيت البواب شغل الميكرفون بتاع الفون وسمعت صوت هشام وهوا بيقولي اطلعي من عندك بسرعه يا هبه وصوته كان مرعوب بطريقة غريبه فتحت باب الشقه خدت الفون من البواب لقيت البواب دخل جري مجرد م دخل باب الشقه اتهبد كأن حد رزعه )
البواب : ارتحتي كده ادي الدنيا خربت اهي
هبه: هوا في اي
البواب: في أن حضرتك متعرفيش أن الشقه دي مسكونه في أن حضرتك مش عارفه انتي عملتي فيا اي علشان طلعت سر الشقه دي في أننا ولا انتي ولا أنا خارجين من هنا
هبه: بمجرد ما عرفت الموضوع جسمي كله بقا متخشب حاسه فعلاً أن الشقه فيها حاجه انوار الشقه كلها اتقفلت وبقينا سمعين اصوات غريبه ومن أكبر الاصوات دي صوت بنت بتطلب الرحمه وبترجوا أنها تتساب من حد ماسكها وأصوات كلها شر ومره واحده لقيت النار ماسكه في الشقه رغم أن الشقه علي البلاط مفيش فيها فرش وكل ده بيحصل والبواب عمال يحاول يفتح الباب بأي طريقه مش عارف وقفه مصدومه اي اللي بيحصل في شقتي ده شوفت قطه وسط النار لونها اسود اوي وكمان شوفت حجات كتير وسط النار شوفت صاحب الشقه كان وقف علي باب غرفه ومعاه بنت عمال يضرب فيها ويعتدي عليها شوفت البنت دخلت الحمام وهوا كان عمال يقول كلام غريب جدا وبيخبط على باب الحمام كان لابس بدله شكلها اغرب مما يتوقعه العقل عمري ما شوفت حد بالمنظر ده شوفت النار تحت رجل صاحب الشقة والبنت خرجت من الحمام كانت طايره في الهواء وكأنها كانت بتتعذب كل ده بيحصل وأنا وقفه كأني حضرت الموضوع لحد ما لقيت صاحب الشقة عمال يقرب مني اوي يقرب مني ويشاور لحد عليا يقول هيا دي بس مش بيتكلم وابل ما يوصل لحد عندي لقيت باب الشقه بيتكسر وهشام شدني بره الشقه ووقعنا على الأرض قدام باب الشقه 🔥🔥🔥🔥🔥🔥🔥🔥🔥🔥
