رواية ازمة سكن الفصل السادس بقلم ليل ادم
هشام: انتي اي اللي جابك هنا
هبه: انتا اذاي تخبي عني حاجه ذاي كده هوا أنا مليش لازمه للدرجه دي
هشام: لا طبعاً بس أنا كنت بحاول احل الموضوع علشان كده محبتش اني افضح الدنيا
هبه: ياسلام طب وحضرتك بتحل الموضوع بأنك تكدب عليا
هشام: لا طبعاً أنا كنت هنا امبارح طول الليل مكنتش ف الشغل ذاي ما قولتلك
هبه: أنا عاوزه افهم اي اللي بيحصل في شقتي
هشام: ( حكيت كل حاجه ل هبه ذاي ما سليمان قالي كل حاجه)
هبه: أنا شوفت كل حاجه الشيخ قالك عليها كأني كنت حضره الموضوع
هشام: اذاي
هبه: معاك رقم الشيخ ده
هشام: اه
هبه : أنا عاوزه أقابل الشيخ ده الوقتي حالا
هشام: اشمعنا
هبه: بعد اذنك يا هشام اتصل بيه متضيعش وقت
هشام: ( بيتصل بي الشيخ سليمان)
هشام ؛ ألو ازيك يا شيخ سليمان
سليمان: ازايك يا هشام انتا عامل اي
هشام: الحمد لله تمام
سليمان: أتفضل
هشام: يعني اسف لحضرتك بس ينفع نتقابل الوقتي ضروري
سليمان: خير حصل حاجه
هشام: مراتي جت الشقه هنا بدون علمي وشافت شويه حاجات كانت عوزا تقعد مع حضرتك
سليمان: تعاله على هنا علي طول
هشام: تمام ماشي سلام
هبه: قالك اي
هشام: قالي تعاله الوقتي
هبه: حلو ياله نروح
هشام: ( خدت هبه وروحنا بيت الشيخ سليمان)
الشيخ سليمان: اتفضلوا نورتو
هشام: ده نورك يا شيخنا
هشام: ( لقيت الشيخ سليمان عينه على هبه و ابتسم ابتسامه مش مطمئنة )
سليمان: تعاله اتفضلوا اقعدوا
الشاي يا ام حسام
هشام: معلش تعبتك معايا وعملت قلق على اخر الليل
سليمان: مفيش حاجه انتا ذاي أولادي يا هشام نورت بيتك
هبه: هوا مفيش حل للي بيحصل في الشقه ده
سليمان: طب أنا سبتك دخلتي بيتي وعديت الموضوع وقولت ده آخرها تقدري تقوليلي عوزا منها أي
هشام: ياشيخ سليمان دي هبه مراتي
سليمان: اهدا يا استاذ هشام هوا أنا قولت حاجه
سليمان: قوليلي عوزا منها أي
هبه: عوزا حقي
سليمان: يعني أنا مش فاهم هيا المدام هيا اللي عملت فيكي كده الناس دي ملهاش في الموضوع من الأساس بالعكس الناس دي وقع عليهم ضرر ذايك
هبه : أنا مش هعمل حاجه أنا عاوزه حقي من الساحر مش اكتر أنا عارفة انك قوي وتقدر تاخد حقي بس لوحدك من غيري مش هتقدر عليه لازم اكون معاك
سليمان: لا شكرا لخدماتك أنا مليش حق عند حد أنا كل اللي عوزه الست دي وشقه الراجل ده مش اكتر والوقتي أنا بأمرك أمر تنصرفي من جسد الست دي يا انتي عارفه أنا هعمل اي
هشام: هوا في اي اه اللي بيحصل ده
سليمان: يعني مش عاوزه تطلعي من غير اي ضرر
هبه: هتقدر تعمل اي
سليمان: لا كتير اوي وانتي عارفه
هبه: هقتلها
هشام: ( لقيت هبه بقيت تعمل حاجات غريبه أيديها بقيت تتعوج وجسمها بقا يتلوا وعينيها ابيضت وبقيت تتكلم بصوت مخيف الشيخ سليمان حط في ايده منديل ووضع أيده على راس هبه وبدأ يتلو بعض من آيات القرآن الكريم علي هبه وكانت هبه كأنها بتتعذب بتصوت بس مفيش حاجه تانيه بتحصل منها استمر الموضوع اكتر من ساعه تقريبا لحد ما فقدت الوعي ولما فاقت مكنتش فاكره اي حاجه من كل اللي حصل حتا الحاجات اللي شافتها في الشقه مكنتش فاكرها
سليمان: الموضوع زاد عن حاده ولازم نشوف حل للشقه دي يا هشام المره دي ربنا سترها المره اللي جايه محدش عارف اي اللي ممكن يحصل
هشام: أنا مش عارف اعمل اي
سليمان: مبقاش في حل بديل لازم نحل الموضوع
هشام: هوا ممكن حد منا يموت
سليمان: يا استاذ هشام انتا راجل مؤمن مينفعش تقول كده
هشام: بس أنا بشوف ناس بتتجنن وتنتحر بسببهم
سليمان: هوا يقدر يوصلك ل انك تعمل في نفسك كده بس ميقدرش يعمل فيك كده
هشام: طب الحل اي
سليمان: الحل أن شاء الله أننا نحاول نجيب صاحب البيت تاني ويدخل الشقه بمجرد دخوله الشقه الموضوع هينتهي بس للأسف الشقه هتفضل فيها نفس الأرواح الشريرة دي لمده طويله ومعا الوقت أن شاء الله خير
هبه: هشام أنا عاوزه انام تعبانه اوي
هشام: بعد اذنك يا شيخ سليمان إحنا هنروح وان شاء الله هحاول اوصل لمكان الراجل ده
سليمان: طب عوزك لوحدك
هشام: حاضر ثواني يا هبه
سليمان: لو ظهر اي حاجه على المدام حاول تكون هادي روح اقرب صيدلية هات اي حاجه مهدئ واديها منها واطلبني فورا حتا لو الساعه كام
هشام: هوا ممكن يحصل ليها حاجه
سليمان: للأسف عمار الشقه لما حسوا منكم أن انتوا هتعيشوا في الشقه وهما طالبين المدام ب الإسم لأنهم عارفين أن دي أضعف حاجه فيك التهديد كله هيكون من ناحيه مدام هبه
هشام: يعني هيا مفيش فيها حاجه
سليمان: لحد الوقتي
هشام: ( لسه بيتكلم سمعنا صوت باب الشقه بيترزع وصوت العربية بتعتي كان بيتحرك خرجنا جري لقينا هبه كانت بتجري بالعربيه وفي خيالات كتير جوه العربية كأنها معاها ناس كتير جوه العربية)
الشيخ سليمان: هبه جات ليها اشاره بمكان الساحر
هشام: وهبه مالها
الشيخ سليمان: مهوا دي مش هبه دي البنت اللي ماتت بسبب الساحر 🔥🔕🔕🔥😱😱😱😱😱😱
