رواية قسوة فرحتى الفصل الثامن بقلم صفاء محمد
فرح: جونول مش هتسبب اي مشكله ملهاش علاقه بحد ومتعرفش اي حاجه غير اللي انا قولتلها عليه مش اكتر من كده اسمعني بقا لو عايزيني اشتغل معاكو ف انا لازم اقول اي حاجه للناس اللي حواليا
طاهر: انتي هتعملي اللي عليكي بس وانا هعمل اللي عليا
فرح باستغراب: مش فاهمه
طاهر: في حدود مكنش لازم نخطيها بس انا خطتها انا هروح وأشوف المفروض اعمل ايه
فرح بخوف: عايز تروح وتتكلم معاه دلوقتي
طاهر بابتسامه بارده: عشان اعرف لو ليا خاطر عند ابويا
فرح بخوف: طيب ولو رفض
طاهر: لو قال لا وقتها هيكون رفضني انا وعلي غالب هو اللي هيقرر بنفسه
فرح بخوف: انت كده ممكن تبقا في خطر مفيش اي حل تاني
طاهر بيقرب منها: ليه..... يعني انتي بطلتي تشوفيني وحش
فرح بتتوتر ومش بترد عليه
طاهر بيبعد عنها: كريم هيبقا كويس وسابها ومشي
في اوضه كريم
جونول: باين عليك انك بقيت كويس
كريم: هنروح البيت امتي
فرح: بكره الصبح
جونول: تعالي البيت بس وشوف هعملك ايه
فرح: بس مينفعش تخرج هتقعد فتره في البيت
كريم: يعني انا مش هقدر العب بالكوره
جونول باستغراب: كوره ايه دي
كريم: الكوره اللي ادهالي عمو طاهر
فرح: جونول يلا روحي البيت عشان اهلك ميقلقوش عليكي
جونول: متقلقيش.... اي رايك نخرج نشرب قهوه بره
فرح: تمام
جونول: مش هنتاخر وبيخرجو من الاوضه
جونول: فرح هو الراجل ده هيفضل واقف هنا طول الوقت
فرح بتوتر: ايوه عشان لو احتاجنا حاجه يروح يجيبها
جونول: هما مين الناس دول متفكريش ان بحقق معاكي بس بصي علي شكلو غريب اوي وبعدين المفروض يمشي م هو ساعدك وخلاص
فرح بتوتر: معقول نقول لحد عايز يساعدنا مش عايزين مساعدتك روحي انتي مش اطمنتي عليه هو بقا كويس يلا روحي
جونول باصرار: لا انا هفضل هنا
فرح بتوتر: جونول روحي امك هتخاف عليكي وانا مش عايزها تسمعني كلام ملوش لازمه
جونول: انا هكلم بابا وهو هيفهمني
وبطلع الفون من جيبها... الو بابا كريم في المستشفى وانا هقعد معاه انهارده
فرح بتفتكر الرساله اللي بعتتها لي امين
جونول: فرح بابا بيقولك محتاجين حاجه
فرح بصدمه بتهز راسها ب لا
جونول: لا يابابا شكرا
فرح بخوف: ابوكي فين
جونول: بابا انت فين
امين: رايح البيت
جونول: ماشي يا بابا بلغ ماما ان هفضل هنا وبتقفل المكالمه.... رايح البيت
فرح بتوتر: يلا نروح البيت
جونول: ليه
فرح بتوتر: عايزه شويه حاجات من البيت
جونول: كريم هيخرج بكره ملوش لازوم
فرح بتوتر: اصل دي حاجات مهمه عمر هيوصلنا وهنيجي علي طول يلا
جونول: طيب ماشي
امين بيدخل البيت وبيحط المفاتيح علي الترابيزه بس عينو بيجي علي التليفون الارضي وبيلاقي حد باعت رساله ولسه هيفتحها
بيريهان: جاي بدري ليه يا أمين بيه
امين باستغراب: خير في ايه انتي في البيت ليه حصل حاجه في الكوافير
بيريهان: انت كنت في الملعب كل الوقت ده
امين: ايوه انا هناك من الساعه10 تقريبا بتسالي ليه
بيريهان: مين اللي بيروح هناك
امين: انتي عارفهم الناس اللي بتيجي تلعب في ايه
بيريهان: امين متخلنيش اسالك سؤال مش هقدر تجاوب عليه..... زهقت من كتر الكذب عايز تعرف في ايه حبيبتك القديمه كانت هنا في الشارع
امين باستغراب: حبيبتي القديمه مين
بيريهان: الحقيره فيرا كانت لابسه و متشيكه وبتتمشي قدام البيت
امين بصدمه: فيرا
بيريهان: كويس اوي انك لسه فاكرها
امين: بقالي 25 سنه مشوفتهاش هتبقا اي العلاقه اللي بيني وبينها دلوقتي
بيريهان: انا صدقت كدبك عليا زمان وقفلت بوقي وسكت بس يكون في علمك انا مش هسكت بعد كده
امين بزعيق: يعني مقعول في واحد هيرجع يعيد الغلط اللي عملوا من 25 سنه كانت غلطه وخلصت وقفلنا الصفحه دي خلاص الست متزوجه
بيريهان بعصبيه: م انت كنت متزوج وقتها بس ده مش منعك
امين: انا مش هطلب منك تسمحيني علي حاجه معملتهاش وسبق واعتذرت 100 مره علي اللي حصل زمان لو مش قادره تتقبلي ده دلوقتي ف دي مشكلتك انتي
بيريهان بتبصلو بدموع وبتدخل اوضتها
عند عائله اكينجي علي السفر🤎
فيرا: عامله ايه دلوقتي ياسمين
مياده: كويسه جدا طبعا واتخطت مرحله الخطر قولتلها متكليش من اماكن متعرفهاش بس مش سمعت الكلام
فيرا: اقعدي معانا هنا لو عايزه
ياسمين بابتسامه: شكرا
فيرا: لو الاكل ده هيوجع بطنك في اكل تاني جوه لو عايزه اخليهم يحضرو
ياسمين: لا شكرا مليش نفس اكل
فيرا: تمام.... مياده انتي بتشوفي كهان الفتره دي
مياده: ايوه كنا مع بعض امبارح بالمناسبه هو فين
فيرا: مش عارفه
مياده: كان بيتصرف امبارح بشكل غريب ممكن عشان كتر في الشرب.... واه انا عارفه ان كهان بيكون اوقات زي المجنون بس كان غريب بشكل مختلف افتكرت انو كده بسبب حاله عمي
طاهر: مساء الخير
الكل: مساء النور
فيرا: اهلا وسهلا يا طاهر
مياده: تعالي شوف مين عندنا
طاهر بيبص لياسمين: اه انتي كويسه
ياسمين بتوتر: اه كويسه
طاهر: تمام.... عن اذنكم
وبيدخل مكتب علي غالب
طاهر بعصبيه: اووووو بكر بيه حضرتك هنا
علي غالب: سمعت من بكر انكو وقعتو في كمين
طاهر بعصبيه: قولت لي عمك انك خدت بعضك وعملت اللي في دماغك من غير م تبص وراك
بكر بخوف: مكنتش اعرف انهم عاملين حسابهم
طاهر بغضب: انت بتخاطر بحياه ناس من غير م تعرف ايه اللي هيحصل انت لسه سمكه زينه يبني اخرك تتكلم علي الفاضي
بكر بيبصلو بغضب وحقد
علي غالب بهدوء: كفايه يا طاهر اللي حصل حصل في عندنا خساير
طاهر وبكر بيبصو لبعض بكره وغضب
طاهر وهو بيبص لبكر: في عندنا ناس بتموت بس الحمدلله مفيش خساير
علي غالب: تمام روح انت يا بكر
بكر بيخرج بغضب شديد
علي غالب: طاهر اقعد.... اقعد يا طاهر
طاهر بيقعد
علي غالب: بتقول اللي حصل مجرد ضرب ومعندناش خساير صح انت من أمتي بتعترض على القرارات اللي باخدها وبقولكم نقذوها
طاهر: القرار قرار ابن اخوك
علي غالب بزعيق: القرار قراري انا
طاهر: امرك يا اغا
علي غالب: طيب قولي اتعلمنا ايه مين اللي حصل اني لازم ننتبه اكثر ونخلي بالنا كويس في خاين بينا هو اللي بلغ الطرف التاني اني راجع من الطريق ده واللي بلغهم اني هنعمل العمليه نفس الشخص
طاهر: احنا عارفين مين هو
علي غالب بيهز راسه: في حاجه تاني حابب تقولها
طاهر بيقوم يقف
علي غالب: واضح انك عندك مشكله قول
طاهر بثقه: خلفت امر من اوامرك
علي غالب: ازاي يعني
طاهر: قولتلك هعملها ومعملتهاش
علي غالب: الدكتوره لسه عايشه مقتلتهاش
طاهر: اه انا عايز البنت دي تفضل عايشه
قدام شقه فرح
فرح: جونول
جونول: نعم
فرح: ايه رايك نطلع عند اهلك عشان اقولهم على اللي حصل
جونول بابتسامه: ماشي والمره ناكل
فرح بارتباك: جونول معلش منقولش لاهلك على الناس اللي ساعدوا كريم لانهم مش عايزين حد يعرف
جونول: تمام ماشي مش هقولهم
فرح بتوتر: ولا عن الراجل اللي اتعرفتي عليه
جونول: متخفيش مش هقولهم حاجه
بيطلعوا شقه جونول
جونول: خشي اقعدي انا اروح اشوفهم فين بابا بتعمل ايه
امين: بحضر الاكل مش جعانه
جونول باستغراب: بتحضر الاكل
امين: امممم اتخنقت شويه انا وامك وعشان كده انا وانتي هنعمل الاكل لنفسنا
جونول: هي ماما فين
امين: في الاوضه قافله على نفسها
فرح بتروح عشان تاخد التسجيل بتاع الرساله
بيريهان بتخرج من الاوضه: انت بتعملي ايه هنا
فرح بخضه: ااااا انا جيت هنا مع جونول
بيريهان بصوت عالي: ايه اللي حطيتي في جيبك وريني
بتمسكها من هدومها
فرح بتوتر: مخدتش حاجه اوعي
بيريهان: باين على وشك المقرف ده انك بتخططي لحاجه هاتي اللي خدتي سرقتي ايه طلعي يلا
فرح: اوعي انا مش حراميه
بيربهان: انا متاكده انك سرقتي حاجه هاتيها
امين بزعيق: بيريهاااااااان
جونول: في ايه يا ماما
بيريهان بعصبيه: انتو اللي في ايه مالكم فهموني البت دي بتعمل ايه هنا في وسط الصاله
جونول: انا اللي اصريت عليها عشان تيجي متعصبه ليه
بيريهان: سرقه حاجه انا شوفتها وحطيتها في جيبها هاتيها
امين: فرح جارتنا من حوالي 6 سنين ايه الغلط اللي عملتو عشان تتهميها بحاجه زي كده متطلعيش عصبيتك مني عليها حرام عليكي
بيريهان بغضب: امممم اوعى من وشي وبتدخل الاوضه
جونول: فرح انا اسفه على اللي حصل متمشيش ارجوكي
فرح بتوتر: انا شكلي عملتلكم مشكله معلش عن اذنكم
امين: يا بنتي هي متعصبه
فرح: الاحسن اني امشي انا اسفه وبتفتح الباب عشان تمشي بتلاقي محمد في وشها
محمد: اهلا انتي هنا
فرح بتوتر: كنت ماشيه
محمد: ادخلي جوه عايزين نتكلم
جونول: لو سمحتي ادخلي يا فرح
في مكتب علي غالب🩵
طاهر: ربتني من وانا صغير واعتبرت بيتك بيتي ومحسيتش نفسي غريب عملت اللي انت عايزو من غير م افكر حتى
علي غالب: اه قصدك تقول انك بتفكر دلوقتي
طاهر: اغا لو قتلنا البت ابنها مش هيعيش
علي غالب بيقوم يقف: شبهت الولد فيك لما كنت صغير خوفت عليه لانه هيكبر من غير ام مش كده واضح انك دلوقتي بقيت بتاخد القرارات بقلبك انت قولت انك اعتبرت نفسك من عيلتي كهان هو ابني الوحيد في الوضع ده مش المفروض يكون اخوك فين حب العيله لو البنت اتكلمت وقتها ايه اللي هيحصل في ابني ايه اللي هيحصل في اخوك يا طاهر
طاهر: انا اخدت احتياطتي والبنت مش هتتكلم
علي غالب: احتياط ايه مش فاهم
طاهر بيطلع تليفونو وبيجيب الفيديو بتاع فرح وهي بتنقذ رجالتو
طاهر: احنا سجلنا ده هي حاليا متهمه بالمساعده عارفه لو اتكلمت هتسيب ابنها وتدخل السجن اغا مش سالتني لو شبهت الولد بحالي تو الطفوله اللي انا فاكرها خلتني اتعاطف مع الولد اول لما جبتني هنا قولتلي هتعمل اللي بقولك عليه طول العمر وانا عملت كده عملت زي م مكتوب ليا بالحرف وقولتلي كمان لو انا مخلص معاك هيجي يوم وانا اطلب منك وانت تنفذ
علي غالب: وهو ده اليوم يا طاهر
طاهر بثقه: ايوه هو
علي غالب بيقعد على الكرسي: لما اخد قرار هبلغك
طاهر بيخرج من المكتب
فيرا: طاهر تعالى اقعد خلينا نتكلم انا وانت شويه متخفش مفيش حد كلهم خرجوا مش هيرجعوا دلوقتي
طاهر بيقعد على الكنبه
فيرا: في مشاكل كثير في البيت وعلي متوتر جدا ايه الحكايه
طاهر بيضحك ومش بيرد
فيرا: اكيد مش هتقولي.... ماشي متتكلمش شغل علي اصلا كله ميهمنيش اللي يهمني ابني وبس طاهر قولي كهان ايه علاقته بالحكايه
طاهر:..............
ويتبع............. تفتكروا طاهر هيقول لفيرا الحقيقه ولا لا ويا ترى علي غالب هيقرر ايه وايه علاقه فيرا ب امين🤔
