رواية همسة وجع الفصل الحادي عشر 11 بقلم اسماء العذب

 

رواية همسة وجع الفصل الحادي عشر بقلم اسماء العذب

11

#همسه_وجع

#رمضان_مبارك

صلوا علي الحبيب المصطفى 

___________________________________________________ 

هشام بصد مه:إنتوا بتعملوا ايه هنا 

عمر بصله ببرود وقرف ورد عليه 

عمر:كنا زهقانين شويه قلنا نيجي نشوفك اصلك وحشتنا 

هشام اتجاهله واتجاهل كلامه ووجه كلامه لابو وأم همسه 

هشام: انتوا بتعملوا ايه هنا يا عمي 

رد عليه ابو همسه وهو بيحاول ما يبصش عليه 

ابو همسه: مازن تعبان شويه وجبناه هنا 

هشام قلق انهم ممكن يطولوا في المستشفى ويشوفوا همسه علشان كده كان لازم يعرف حاله مازن بتسمح له يخرج إمتي علشان ياخد باله فتكلم بقلق مصطنع وهو بيقول 

هشام: مازن ..لا الف سلامه عليه بجد طيب هو ح

الته عامله ازاي 

ام همسهوهي بتحاول أنها تنهي الحوار معاه فقالت

: الحمد لله بقي كويس وحالته اتحسنت عن الاول 

هشام: طيب يا طنط انا هنا الدكتور المسؤول عن قسم الطواريء لو احتجتوا اي حاجه قولولي علي طول 

عمر بصله بقرف وهو بيبص بعيد عن وشه وقال 

عمر: لا كتر خيرك شاكرين افضالك روح شوف وراك ايه يادكتور احسن حد يستعؤك

هشام: ما تكلمني كويس يا عمر هو انا قتلتلك قتيل ولا اكلت ورثك بتكلمني كده 

عمر الكلام ده استفزه جدا وقرب من هشام وهو بيحاول يسيطر علي نفسه وقاله بصوت حاول انه يتحكم فيه علشان هم في مكان عام 

عمر :احسنلك ما تحاولش تجر رجلي للمشاكل ..اصلي بعشقهااااا فأمشي من هنا علشان ما افرجش الناس عليك في مكان شغلك وما تحاولش تعمل نفسك من عيلتي لأنك عمرك ما كنت ولا هتكون فهمت؟ ؟؟ اتكل يلا علي الله 

هشام بعد الكلام ده ما قدرش يزود مع عمر في الكلام لكن كل اللي عمله انه بص لابوه وأمه وقالهم وهو بيشاور علي عمر بصباعه

هشام: خليكم شاهدين علي ابنكم وعلي تصرفاته 

بعدها سابه ومشي وابو عمر بص عليه بلوم وقاله 

:ليه كده يا بني بتجر شكله ما كنت رديت علي قد السؤال وخلاص 

عمر: يابابا ده واحد بجح جاي دلوقتي قال ايه يعمل نفسه مهتم ويتكلم معانا ..ده اللي رمي اختي في محنتها وراح اتجوز واحده تانيه علشان مركزها و....

ابوه قاطعه وهو بيتكلم بأنفعال قليل لما بيظهر 

ابو عمر :انت بتقرر ليه يا عمر ده واحد ما كنش عايز اختك ايه هنجبره؟ ؟ عليها هنرخصها ؟؟ انا بنتي طول عمرها غاليه ..غاليه اوي تتاقل بالحب مش بالفلوس وده ما بيحبش بنتي يبقي ما يستهلهاش وقالها بنفسه انه مش عاوزها عاوزني اقوله ايه لا والنبي يا ابني خليك معاها ؟؟

عمر هو كمان انفعل لكن اتكلم بصوت واطي احتراما لوالده 

عمر :يا بابا كان علي الاقل يقدر الظروف اللي احنا فيها 

ابو عمر :يا ظروف ايه اختك مختفيه بقالها اكتر من خمس سنين كنت عاوزه يستحمل لحد إمتي 

عمر: لو بيحبها كان يستند العمر كله 

ابو عمر:اديك قولت لو بيحبها لكنه عمره ما حبها علشان كده سابها وإلا ايه اللي هيحبره انه يستند مع واحده ما بيحبهاش 

عمر: اووووووماااااال خطبها ليه من الاوووول ؟؟؟

ابوه اتنفس بحيره وهو بيبصله وقاله 

:علمي علمك يا ابني لكن طلب مني وانا والدك يا ريت تتلاشي هشام طول ما احنا قاعدين هنا ولو وجهلك كلام رد علي قد السؤال 

عمر هز راسه بأحترام لابوه وهو بيفكر في كلامه لكن لفت نظره الممرضه طالعه من اوضه مازن وبعد شويه رجعت بالدكتور ولما عمر وقفه قالهم 

:المريض فاق ولازم له معاينه علشان اتأكد أن كله تمام وما فيش أي مضاعفات 

ام عمر: طب ينفع ندخله معاك يا دكتور 

الدكتور:لما اخلص معاينه تقدروا تطمنوا عليه 

بعدها دخل وعدت حوالي تلت ساعه وخرج تاني فوقفت في وشه ام همسه وهي بتقول بلهفة وقلق 

ام همسه :ها يا دكتور طمنا ابني عامل ايه 

الدكتور بعمليه الحمد لله حالته تمام وكويس إن حضراتكم لحقتوه بسرعه 

الكل حمد ربنا بصوت وابو همسه قال 

:طيب نقدر ندخله دلوقتي 

الدكتور :ايوه طبعا هو بقي كويس ولو عاوزين تخرجوه ممكن يخرج علي اخر اليوم ...بعد اذنكم 

بعدها مشي والكل دخل لمازن بلهفه 

في اللحظه دي هشام كان بيراقبهم من بعيد علشان يعرف كل حاجه علشان كده مشي ورا الدكتور اللي عالج مازن واخده علي جنب واستفسر منه عن حالته واطمن لما عرف انه يقدر يخرج النهارده لانهم اكيد مش هيسيبوه هنا لانهم بيتشأموا من المستشفيات مم ساعه حادثه ابو همسه لكنه قرر انه يسبهم ويروح يتطمن علي عيال

 همسه خصوصا انه مش فاكر هو سابهم قد ايه في الاوضة معاها ولما افتكر كده عيونه وسعت

 وبقي يجري علشان يوصل للاوضه دلدول مهما كانو أطفال لوحدهم مع مريضه لكن اول ما وصل اتفاجأ أن وليد قاعد علي الكرسي 

اللي جنب مامته وبيقري سوره المُلك بصوت عذب وجميل جدا لدرجه أن جسمه قشعر من خشوعه في التلاوه ووعد مش موجوده 

بقي يتلفت في كل الاوضه لكنه شافها داخله الاوضه مع الممرضة اللي متابعه حاله همسه

 لابسه حجاب والبالطو الطبي والممرضه شايله سجاده صلاه وبتبتسم عليهم 

استنوا لحد ما وليد خلاص تلاوه وبعدها وعد التفت لهشام وهي مبتسمه 

وعد :بص ياعمو احنا دلوقتي هتصلي انا ووليد بعدها هندي ربنا أن ماما تقوم بالسلامه 

بعدها الاتنين كانوا هيصلوا ووليد هو الإمام لكن هشام وقفهم 

هشام: استنوا انا هثلي معاكم 

الاتنين هزوا رأسهم وهو

 مبتسمين بفرح وهشام دخل الحمام اللي جوا الاوضة وبعد حوالي دقيقه خرج وهو متوضي وامم هو الصلاه بيهم ووقت سجوده كان في وساوس كتير في دماغه انه بيعمل حاجه غلط انه ازاي هيصلي ويدعي

 لواحده مينفعش انهم يتقابلوا تاني ولة بالغلط بسبب عمايله معاها وجانب تاني بيقوله

 انه علي الطريق الصح وصوت بيقوله انه بقاله سنين ما قربش من سجاده الصلاة والنهارده بيصلي ويدعي ربنا كمان 

لكن الصوت الاتداني رد.علي الاولاني وقاله وهو بيتريق 

وانت فاكر ان دعائه

 هيتقبل ولا حتي صلاته اللي بيصلي بيصلي علشان يرضي ربنا لكن ده بيصلي علشان احساسه بالذنب يخف ده واحد منافق لكم التاني رد وقاله اول

 طريق الهدايه خطوه والمهم انه يوصل مش مهم راح الطريق للسبب الفلاني المهم انه يوصله

هشام بقي حاسس ان في حمل بينزاح من علي كتفه وهو ساجد وبقي حاسس ان

 جسمه اخف وكأنه كان شايل حاجه تقيله متقله جسمه لكنه دلوقتي بقي اخف واس صوت حواليه اختفي وكأنه بقي في عالم تاني وبقي يدعي ربنا من صميم قلبه أن ربنا يقوم همسه بالسلامه

 

هشام: يااااااارب..يااااااارب..يارب خد بأيدها وقومها بالسلامه واشفيها وقومها من رقدتها بالسلامه علشان خاطرها وخاطر عيالها 

وبقي يدعي ربنا بكل الكلمات والادعيه اللي هو عارفها وبعدها سلم وانهي الصلاه ولما التفت لقي وعد ووليد بيدعوا وهم خاشعين في الدعاء

 لحد ما كل واحد أمن علي دعائه وبصو لهشام وكأن لسه هيتملم لكن سمعوا صوت جاي من سرير همسه التفتوا هناك وشافوها بتحاول تفتح عينيها

 وبسرعه وعد ووليد راحو عندها وهشام بقي واقف مش عارف يعمل ايه

 وكأنه نسي انه دكتور 

لحد ما همسه فتحت عيونها وشافت عيالها واقفين جنبها هم الاتنين وهو بيضحكوا في وشها لكن قبل ما يتكلم حد منهم هي قالت

همسه: انتوا مين 

:؟؟؟؟؟

___________________________________________________ 

اهل مازن دخولوله إلاوضه علشان يتطمنوا عليه كان قاعد علي السرير ويان ضهره علي المخده وراه واول ما دخلت امه جريت عليه وحضنته وهي بتقول بلهفة 

:عامل ايه يا حبيبي في حاجه بتوجعك انت كويس ؟؟

مازن بصوت ضعيف شويه قالها

:انا كويس ياماما الحمد لله وبقيت كويس بعد ما شفت لهفتكم عليا 

بعدها بعدت امه وقرب ابوه هو كمان واطمن عليه وجه دور عمر واللي كان بيبص عليه نظرات مزيج من القلق

والخوف واللوم لكنه ما قدرش غي انه يتطمن عليه ويسأله عن صحته 

لكن الاتنين اتصنموا لما امهم سألت بصوت غضبان 

:ايه اللي عمل فيك كده يا مازن ؟؟؟

الاتنين بصوا لبعض وبلعوا ريقهم ومازن بص لعمر بخوف وهز رأسه يمين وشمال بمعني إوعي تقول حاجه 

:رد علياااا يا ماااازن وقولي اييييه اللي عمل فيك كده 

المره دي اعصابها فلتت

 منها وبقت تزعق لكن جوزها اتكلم وهو بيبص علي الاتنين وكأنه بيحذرهم وكأنه عارف اللي مخبيينه 

:اهدي يا وفاء واطي صوتك احنا مش في البيت ومازن اكيد هيقول ايه اللي عمل فيه كده...رد علي مامتك يا مازن ايه اللي حصل علشان تبقي في الحاله دي..عمر لاقاك مش قادر تقف علي رجليك ووقعت من طولك هو وبيكلمك 

مازن عيونه بقت

 تدور في الاوضه وهو بيحاول يخترع ايه حاجه يقولها وتكون مقنعه فقال اول فكره خطرت علي باله 

مازن :ولا حاجه يا بابا انا كنت ماشي في الشارع وفي عربيه خبطتني لكن جت سليمه

ابوه :وايه اللي جابك في الوقت ده مش قلت انك هتبات عند علي صاحبك علشان اهله

 مسافرين وما بيحبش يقعد لوحد ايه اللي جابك مع الفجر وخلي العربيه تخبطك 

مازن اتلجلج في الكلام وبقي متوتر لكنه قال

:اصل ..اصل اهله رجعوا من السفر بدري مش عارف ليه وانا ما كنش ينفع اقعد هناك

 وعلي معاه اختين بنات في البيت عشان كده مشيت عشان ياخدوا راحتهم وكده 

ابوه :اممم لل فيك الخير يا حبيبي بقولك يا وفاء روحي يا حبيبتي معلش ناديلي الدكتور عاوز اسأله علي حاجه

وفاء: حاااااضر يا سعيد بس برضوا انا ما اقتنعتش بالكلام ده ولا صدقته وعارفه انك بتطرقني عشان تقرر 

ابنك براحتك من

 غير ما اعرف بس انا لو ما عرفتش ابني ايه اللي خرشمه كده مش هيحصل طيب 

بعدها خرجت من الاوضه والتالته بصو لبعض وضحكوا 

عمر :ماما دي ميخفاش عنها حاجه وتفهمها وهي طايره 

ايه اللي عمل فيك كده يامازن ؟؟؟؟ 

بباه سأل وكأن صوته أمر مش حمل الرفض 

___________________________________________________ 

عدي يوم كامل هشام موجود في المستشفى وما روحش بعد اللي حصل 

كان قاعد في مكتبه علي الكرسي ووعد ووليد نايمين علي الكنبه بعد ما قلبها سرير ونومه

 عليها ودماغه ما بطلتش تفكير

عينه جات علي الساعه اللي علي الحيطه كانت الساعه داخله علي تمانيه وده وقت مروره علي

 المرضي عشان كده لبس البالطو وخرج بره الاوصه وطلب من الممرضة انها تاخد بالها من الأطفال وتديه خبر اول ما يصحوا 

وبقي يمر علي المرضي

 لحد ما لاقي صوت عالي وهرج مره واحده في المستشفى وكأنه في تفتيش من وزارة الصحة ولاقي ممرض بيجري عليه وهو مش قادر ياخد نفسه من الجري 

المم:د دكتور هشام في ..في ناس عاوزين حضرتك ضروري 

هشام: ناس مين يا محمد 

الممرض: تعال بس يا دكتور بسرعه دول ناس باين عليهم مهمين اوي اوي 

هشام مشي وراه وهو مستغرب مين الناس دول لحد ما وصل لمكتب المدير وشاف هناك الممرضين والدكاترة كلهم بيحاولوا يعرفوا مين اللي جوه مع

 المدير ده ولفت نظره حراسه كبيره واقفه علي الباب والكل بص عليه لما قرب وكأنه متهم هيمثل قدام النيابه 

خبط علي الباب واول ما دخل شاف واحد لابس لبس خليجي واول ما شافه قام وراح ناحيته بسرعه وهو بيتكلم بلهفة 

:انت الدكتور المسؤول عن حاله همسه 

هشام: ايوه انا مين حضرتك 

الخليجي :انا مشعل القصيبي ....زوج همسه...

هشام:.... .. .......

....

        استوووووووووووب 

ايه رأيكم في الفصل ؟؟

اكتبوا رأيكم في التعليقات 

ياتري مازن هيقول ايه لعمر وابوه ؟؟ 

وياتري ابوه وهمر هيقولو ايه لامه ؟؟

هل عيله همسه هيعرفوا انها موجوده في المستشفى معاهم ؟؟

هشام ومشعل اتقابلوا ياتري هيكون لقاهم ازاي ؟؟

طب وليد ووعد عملوا ايه لما همسه ما اتعرفتش عليهم ؟؟

لو قدرت هنزل فصل كمان شويه بس الاقي تفاعل 

يلا

أستودعكم الله 

اسماء العذب( كروان )

الفصل الثانى عشر من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال