رواية همسة وجع الفصل الثاني عشر 12 بقلم اسماء العذب

 

رواية همسة وجع الفصل الثاني عشر بقلم اسماء العذب

لايك الاول يا شطار 

12

#همسه_وجع

#رمضان_مبارك

صلوا علي الحبيب المصطفى

 

___________________________________________________ 

هشام كان بيمر علي المرضي لحد ما لاقي صوت عالي وهرج مره واحده في المستشفى وكأنه في تفتيش من وزارة الصحة ولاقي ممرض بيجري عليه وهو مش قادر ياخد نفسه من الجري 

الممرض:د دكتور هشام في ..في ناس عاوزين حضرتك ضروري 

هشام: ناس مين يا محمد 

الممرض: تعال بس يا دكتور بسرعه دول ناس باين عليهم مهمين اوي اوي 

هشام مشي وراه وهو مستغرب مين الناس دول لحد ما وصل لمكتب المدير وشاف هناك الممرضين والدكاترة كلهم بيحاولوا يعرفوا مين اللي جوه مع

المدير ده ولفت نظره حراسه كبيره واقفه علي الباب والكل بص عليه لما قرب وكأنه متهم هيمثل قدام النيابه 

خبط علي الباب واول ما دخل شاف واحد لابس لبس خليجي واول ما شافه قام وراح ناحيته بسرعه وهو بيتكلم بلهفة 

:انت الدكتور المسؤول عن حاله همسه 

هشام: ايوه انا مين حضرتك 

الخليجي :انا مشعل القصيبي ....زوج همسه...

هشام:...........سكت وما عرفش يقول ايه أو يرد علي مشعل 

المدير :دكتور هشام استاذ مشعل بيكلملك..انت كويس 

هشام فاق علي صوت المدير والتفت لمشعل ومد ايده يسلك عليه 

هشام: اهلا استاذ مشعل معلش اصلي مخدتش بالي لما كلمتني كنت بفكر في حاجه 

مشعل: ولا يهمك دكتور .. اتفضل إذا سمحت احشيني حاله همسه بالتفصيل ووين العيال ؟؟؟

المدير :اتفضل يا دكتور هشام طمن استاذ مشعل علي حاله المريضه اللي تخصه وقولت علي معاملتنا مع المرضي واهتمامنا البالغ وعنايتنا الفائقه بحالتهم ..اتفضل 

هشام قعد علي الكرسي اللي قصاد مشعل وهو بيحاول يكتم مشاعره اللي حس بيها لما شاف مشعل 

شاب في أول التلاتينات اسمر لابس بدله اكيد تمنها معدي مرتب هشام لسنه كامله ده غير الحرس المبالغ فيه اللي جاي معاه والأهم من ده كله أن همسه بقت ليه وبتاعته ومخلص منها أطفال اي حد يتمناهم 

عند الفكره دي وحس أن قلبه وجعه من فكره أن همسه خلاص بقت لغيره مش ليه 

اكيد مبسوط وفرحان بيها وهيطير من السعادة لأنها ليه مش زيه هو اللي كانت ليه لكنه رماها شر رميه 

ودلوقتي ايه اللي حصل؟ ؟ اتشهر ؟؟؟ بقي غني ؟؟؟ناسب أصحاب الذوات؟ ؟؟ ايوه فعلا هو ده اللي حصل... لكن ده كله مش مخليه مبسوط...ده كله بقس مخليه تعيس وبائس ...هو الغلطان هو سبب تعاسه نفسه هو سبب ده كله 

:دكتور هشام أستاذ مشعل بيكلمك في حاجه 

هشام فاق علي صوت المدير وهو بيكلمه ومستغرب من سرحانه الغريب لكن هشام لحق نفسه وقال 

هشام: معلش اصل انا بفكر اوصل لأستاذ مشعل حاله همسه ازاي 

مشعل بسرعه ونرفزه: مدام همسه ..وايش فيها همسه مو قلت بالمكالمة انها اتجاوزت مرحله الخطر ايش جد بحالتها 

هشام: بصراحه انا لسه مكتشف ده امبارح ..اصل هم..قصدي مدام همسه ااااا

هشام مكنش عارف يقوله ايه ..لكن مشعل بان عليه القلق والتوتر واتكلم بنفاذ صبر 

مشعل: ايش فيها همسه اتكلم طوالي ما تقطع في الحتشي ايش صاير مع زوجتي 

هشام ضغط علي نفسه واتحمل كلام مشعل وأنه خايف عليها بالطريقه دي وأنه بيغير عليها ومش مخلي حد يناديها بأسمها حتي فقال 

هشام: بصراحه كده لما أولادها راحوا يتطمنوا عليها ما اتعرفتش عليهم 

مشعل وشه اتخطف ووشه اصفر بعد الكلمه دي وسأل بضياع ونبره صوت ضعيفه 

مشعل: ايش تقصد بحشيك 

هشام: اقصد انها حصلها فقدان ذاكره كُلي وعملنا إشاعه لكن لسه النتيجه هتظهر كمان كام ساعه ولحد ما تظهر وممكن ندخلها لجهاز رنين وساعتها هنقدر نحدد نوع فقدان الذاكره اللي عندها 

مشعل وقف بعد الكلام ده وهو حاسس ان رجليه مش قادره تشيله وقرب من هشام وهو بيترجاه بنظراته 

مشعل :يعني في فرصه انها تطيب وترجع متل الاول ؟؟؟

هشام :اكيد طبعا لكن 

 لازم الاول نحدد فقدان الذاكره اللي عندها نوعه ايه لان فقدان الذاكرة ليه انواع مش هنقدر نحدد دلوقتي هي عندها ايه لكن اللي لازم تعرفه انها حاليا عندها 

فقدان ذاكره كُلي يعني مش فاكره حتي هي مين 

هشام ميعرفش ليه حس

 ان مشعل عيونه لمعت بعد آخر كلمه قالها وكأنه بقي مبسوط أن همسه مش فاكره حاجه 

:طيب والعيال وينهم جلبي حيوقف من القلق عليهم 

مشعل اتكلم من هنا والباب خبط من هنا ولما المدير سمح بالدخول دخلت الممرضة 

اللي متابعه حاله همسه ومعاها وعد ووليد 

اول مشعل ما شاف الاتنين جري عليهم بسرعه وحضن الاتنين وشالهم وهو لسه حاضنهم 

مشعل :يا بعد قلبي انتم.. وش صاير معكم ..كيف حالكم ليش ما حاشيتوني من اول ما صار هيك مو انا ابوكم الغالي هنت عليكم ما تحاشوني بعد هالعمله؟ ؟؟

وعد حطت رأسها علي كتفه وهي بتبكي وقالت 

وعد: والله يا بابا ما جاش علي بالنا وما افتكرناش 

كمل وليد كلامها وهو بيقول 

وليد:وكمان تليفون ماما اخدوه مننا ومعرفناش مين اللي خده واللي كان هاممنا ان ماما تقوم بالسلامه 

مشعل حضنها وهوبيطبطب علي راس كل واحد فيهم ويبوس راسهم وهو بيقول 

مشعل :خلاص خلاص يا بعد قلبي كل شي بيصير زين هالحين ..انا جيت وكل شي بيصير زين 

بعدها التفت لهشام وهو بيسأله 

مشعل: حاله همسه تسمح انو تخرج من المستشفى إيمت؟؟

هشام:يعني ممكن كمان كام يوم ليه حضرتك في حاجه

مشعل :اي في انا رح اخد همسه علي دبي لتقدي فتره علاجها وتطيب..زين يا عيال

وعد:ايوه زين جدا يا بابا احنا من اول ما جينا هنا وماما عملت حادثه وبقت مش فكرانا وعماله تسأل احنا مين ..اكيد لما نرجع بيتنا الاولاني هترجع تخف وتفتكرنا زي الاول 

وليد :ايوه يا بابا خلينا نرجع ده حتي زيد وحشني اوي 

وعد: وانا كمان زيد وحشني خالص

مشعل: زين ..زين في أقرب وقت بنروح لعند زيد ونعمل اللي تبوه اهم شي تكونو رضيانين 

الاتنين بصوت واحد:جدا جدا 

وبعدها حضنته جامد وهشام كان متابع كل ده وهو مغلول من مشعل ونظراته كلها حقد وغل 

ومره واحده شاف شيطانه واقف قدامه وبيضحك وهو بيقرب منه 

الشيطان:عاوزهم ما يسافروش 

هشام: ايوه 

الشيطان: هتعمل اللي هقولك عليه 

هشام :هعمل

الشيطان: يبقي اعتبر كل حاجه هتكون زي ما انت عايز 

___________________________________________________ 

ها يا دكتور ايه حالته دلوقتي ..يقدر يمشي إمتي 

اللي سأل السؤال ده كان أبو مازن وهو بيبص لأولاده بصات غريبه لاحظها الكل حتي الدكتور نفسه لاحظاها

الدكتور:ممكن تاخدوه النهارده انا هكتبله علي خروج لو انتوا عايزين يعني 

ابو مازن: ايوه يا دكتور ياريت تعمل كده 

الدكتور: طيب اول ما يخلص المحلول هكتبله علي خروج ...بعد إذنكم 

بعدها خرج مز الاوضه والتلاته بقو يبدو لبعض عمر ومازن وابوهم وامهم متابعه التلاته وهي عارفه انهم مخبيين عنها اللي حصل مع مازن 

واللي كان السبب في دخوله المستشفى 

ام همسه: اييييه ؟؟؟مش ناويين تقولولي ايه اللي عمل كده فيك كده 

الكل بص عليها وبصوا لبعض كان لسه عمر هيتكلم لكن امه رفعت صباعها السبابه في وشه وهي بتحذره بعنيها 

امه :إوعي ..إوعي تكذب عليا يا عمر قولوا الحقيقه وخلصوني بقييييي 

عمر بص لابوه وابوه هو اللي اتكلم 

ابوه :انتي ليه مش مصدقانا يا وفاء اللي قالوا مازن هو اللي حصل حتي انا اتأكدت من كده بنفسي وعمر كلم علي صاحب مازن واتأكد من كلامه وفعلا طلع كلامه مظبوط

وفاء: برضوا بتكدبوا..ماشييييييي ..ماشي يا سعيد انت وعيالك داري عليهم وما تقوليش بس انا هعرف.. بالذوق بالعافيه هعرف ..بس ما تزعلش بقي لما مصيبه تحصل لواحد من عيالك زي ما حصل قبل كده لبنتك خليك فاكر

بعدها خرجت من الاوضه ورزعت الباب وراها جامد قبل ما تنهار 

سعيد جوزها بص لأولاده خصوصا مازن وهو بيتكلم من تحت ضرسه بغضب مكبوت 

:حسابكم معايا لما نروح ..صبركم عليا بس

مازن :يابابا والله واا.......

ابوه قطع كلامه لما زعق فيه بنفاذ صبر 

:اسكت ..مش عاوز اسمع صوتك لحد ما نروح

عمر :والله يا با...

ابوه زعق فيه هو كمان 

:انت كمان مش عاوز اسمعلك صوت لحد ما نروح 

بعدها حرك الكرسي بتاعه وخرج بره الاوضه وعمر قال بصوت عالي 

عمر :طب انا مالي طيب ..هو غلط اسكت انا ليه 

بعدها بص لمازن ومازن كان هيتكلم بس عمر رفع صباح وهو بيقول 

:اسكت ..انت السبب في ده كله مش عاوز اسمع صوتك 

بعدها خرج من الاوضه هو التالت ومازن بقي لوحده في الاوضه وهو بيفكر يا تري هيحصل ايه لما يروح البيت  

___________________________________________________ 

مشعل كان قاعد مع همسه في الاوضة هو وأولادها وهشام كمان مش راضي يخرج من الاوضه 

دخلت ممرضه وهي بتقول بعمليه 

الممرضة: دكتور هشام اوضه الرنين جاهزه علشان المريضه تتفحص فيها 

هشام هز راسه بأيوه وبعدها جات ممرضه تانيه والاتنين بقوا يذقوا السرير اللي نايمه عليه همسه بفعل الدوا اللي مديهولها هشام 

خرجوا من الاوضه ومشعل ماسك وعد ووليد وماشي بيهم ورا هشام وهمسه 

لحد ما سمعوا مره واحده صرخة هزت المستشفى كلها من صوتها 

مشعل مسك الاولاد كويس وجري علي همسه بسرعه لانه كان من ورا واول ما بقي

 عندها شاف واحده ست حضنتها جامد وراجل قاعد علي كرسي متحرك هو كمان ماسك ايد همسه وهو بيضحك ويبكي في نفس الوقت ..بعدها شاف شاب

 جاي بيجري عليهم وهو بيصرخ بأسم همسه بفرحه 

مشعل :؟؟؟؟؟

استوووووووووووب 

ايه رأيكم في الفصل 

اسفه جدا علي التأخير لكن كأن الخمستاشر بتاع عمي وبعدها كان فيه جماعه قرايبي رايحين العمره ربنا يكتبها لينا جميعا إن شاء الله علشان كده اتأخرت في التنزيل وهحاول اعوضكم بفصل تاني وبس التفاعل يا إخوان 

يلا 

أستودعكم الله 

اسماء العذب( كروان )

الفصل الثالث عشر من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال