روايه الست بدوية الفصل الثاني بقلم ياسر عوده
روايه الست بدويه ( الجزء الثانى )
توقفنا فيما سبق حينما كانت تتحدث زينب مع اختها فاطمه عن مصداقيه خالتهم بدويه فى امر الاعمال والسحر .
اذكر الله وصلى على الحبيب
خرجت زوزه من غرفتها للتحدث مع الست بدويه ، وحاولت بطوط منعها ولكن كانت زوزه مصممه على التأكد من الامر ، وكانت الست اصيل جالسه على طبليه الاكل مستنيه زوزه تاتى مع بطوط لتناول الطعام .
زوزه نظرت الى الست بدويه وقالت لها : بقولك ايه يا خالتى ؟
الست بدويه : قولى يا روح خالتك .
زوزه : انتى فعلا ليكى فى الاعمال والسحر وشغل العفاريت والجن والكلام دا ، ولا بتشتغلينا وبتشتغلى الناس كلها ؟
تبسمت الست بدويه وقالت : هو انا قولت انا ليا فى الكلام ده يا زوزه الموزه ؟
زوزه : اومال عرفتى منين ان انا مش هكمل بقيه اليوم فى الشغل ؟
الست بدويه : قلب الام يا بت .
زوزه : بس انتى مش امى يا خالتى ؟
الست بدويه : تصدقى صحيح معلش اصل نسيت ، يبقى قلب الخاله يا حبيبه خالتها ، ثم ضحكت الست بدويه بصوت عالى .
زوزه : انتى بتحرقى دمى ليه يا خالتى ، متجيبى من الاخر وبطلى لوع ، قولى عرفتى منين انى هسيب الشغل وامشى .
نظرت الست بدويه الى زوزه نظره حاده بها الكثير من الغضب وقالت : اتعدلى يا زوزه ، انتى حببتى اه ، بس مابحبش حد يغلط فيا ، انتى انطردتى من الشغل ، وجيه تطلعى عنينا احنا ، لا كده بدويه تزعل منك ، واللى تزعل منه بدويه ، يبقى عليه العوض فيه .
زوزه : وانتى عرفتى ازاى ان انا انطردت ؟
الست بدويه : منتى لسه قايله يا موكوسه دلوقتى .
زوزه : لا انا قولت سبت الشغل ، مقولتش ان هما طردونى ؟
الست بدويه : يعنى يا اذكى اخواتك فرقت ايه من ان انتى سبتى الشغل ولا طردوكى ، الاتنين اخرتهم ان انتى جيتى بدرى علشان نتغدى سوى يا زوزه الموزه ، اقعدى الباميه هتبرد وهتبقى ماسخه .
كانت الست بدويه تتحدث مع زوزه وهى مبتسمه ابتسامه جميله ، فهى تحبها بشده ، وكانت زوزه كلما ابتسمت لها الست بدويه تشعر بانها تستخف بها ، او تسخر منها ، لذلك انفعلت زوزه بشكل كبير ، فغضبها اعماها عما تفعله ، فقالت زوزه للست بدويه : اسمعى يا بدويه ، انا سكته ومستحمله اللى بتعمليه ، بتجبلنا فلوس منعرفش بتجبيها منين ، مش عرفه بقى شغاله فى انى شغلانه زفت وبتخدى كل الفلوس دى ، بس انا من النهارده مش عيشه معاكى فى المخروب دا ، هاخد اختى ونمشى من هنا ، الناس كلها بتتكلم عنك وكلهم خيفين منك ، واللى بيقول دجاله واللى بيقول نصابه ، واللى بيقول مشغلانا فى الدعاره ، وبصراحه خلاص انا فاض بيا ، وان كان على تربيتك لينا شوفى انتى صرفتى علينا كام وهدفعهولك .
بمجرد ان انهت زوزه كلامها ، تغير الحال نهائى ، كان الذى حدث تصعب على الكليمات وصفه ، ولكن سوف ابزل قصارى جهدى لايصاله لكم ، اول شيء قد حدث بعد ان انهت زوزه كلامها ، اغلقت جميع الابواب والشبابيك الموجوده بالشقه ، طبعا تم اغلاقهم بعنف شديد ، وانطفأ جميع الانوار والاجهزه الكهرباءيه بالشقه ، اصبح المكان به القليل من الضوء لان الوقت كان مازال بالنهار ، كل ذلك كان هناك احتمال مصادفته ولكن ما حدث بعد ذلك كان اسوء ، ارتفعت طبليه الطعام وكان عليه الاكل ، ارتفعت تلك الطبليه قرابه المتران من على الارض ، وبان شعر الست بدويه منكوشا للغايه ، وكانت عليها نظره مرعبه ، وتحدثت الست بدويه بطريقه لم تسمعها بطوط او زوزه من قبل ، كان سوتها غليظ للغايه ، وكان عشر رجال يتحدثون فى وقت واحد بصوت غليظ وقالت : متفتكريش انى سكتالك لانى قليله الحيله ، او مش هعرف اتصرف معاكى ، الكلام اللى سمعته منك دا دلوقتى لو اتكرر تانى ، سعتها هنسى انى بحبك ، وهتصرف معاكى بطريقه هتخليكى تعيشى طول عمرك ندمانه ان انتى اتولدتى ، فهمه ؟
كانت زوزه وبطوط ستومتان من الرعب ، لم تستطيع زوزه التحدث من الخوف الشديد لما تراه ، كانت اول مره ترى الست بدويه بهذا الشكل المرعب ، كانت تشبه الى حد كبير الاشخاص الممسوسين ، ولكن اشارت زوزه برأسها انها موافقه عما تقوله الست بدويه ، وقالت بصوت ضعيف غير مسموع من الخوف : حاضر ، حاضر ، حاضر .
وهنا عادت الامور الى ما كانت عليه ، نزلت طبليه الطعام الى مكانها بكل هدوء ، حتى ان الطعام الموجود عليها لم يصبه شيء او ينكب حتى ، وعادت الانوار والاضاءه لطبيعتها ، وعادت الاجهزه الكهرباءيه للعمل مره اخرى ، وانفتحت جميع الابواب والشبابيك التى انغلقت من قبل ، حتى الست بدويه عادت لشكلها الطبيعى ولصوتها الطبيعى ، وتحدثت وقالت وكان لم يحدث شيء : يلا يا زوزه الموزه ، الاكل هيبرد ، اقعدى يا بطوط .
اسرعت زوزه وبطوط الى الجلوس على الاكل لتناول الطعام ، ولكن مازالوا خائفين ، فجلسوا ولم يتناولوا شيئا ، وهنا تحدثت الست بدويه وقالت وعلى وجهها ابتسامه خبيسه بعض الشيء وقالت : مالكم مابتكلوش ليه ، دا حتى الاكل طعم زى البت بطوط ، كلوا ولا عوزين بدويه المستويه تزعل منكم ؟
فاسرعت بطوط وقالت : لا تزعلى ايه يا خالتى ، هو احنا نقدر نزعلك ، انا هاكل الاكل كله اهوه قدامك ، ثم غمزت بيداها اختها زوزه وقالت لها : ولا ايه يا زوزه ، عندك رأى تانى ؟
فبداءت زوزه فى تناول الطعام بسرعه ولهفه وهى تقول : لا مفيش عندى اى كلام ، اللى تشوفه خالتى هعمله ، لو عوزانى اكل خشب الطبليه نفسه هكله ، هى تأمر بس .
ضحكت الست بدريه بصوت عالى على كلام بطوط وزوزه وقالت : مكان من الاول يا ولاد الموكوسه ، يلا كلوا بالهنا والشفا .
بعد مرور يومان على تلك الحادثه ، جاءت زوزه الى الست بدويه ، وقالت لها : خالتى حببتى هو انتى بتحبينى صح يا خالتى ؟
تبسمت الست بويه وقالت : انا عارفه ان الداخله الناعمه دى وراها طلب ، بس وماله هجاريكى فى الكلام ، طبعا بحبك يا زوزه اوى اوى ، هو انا ليا غيرك انتى وبطوط يا بت ؟
زوزه : طيب ممكن طلب ومترفضيش ؟
الست بدويه : اطلبى عنيا ادهملك عن طيب خاطر .
زوزه : هو ينفع يا خالتى انى اشتغل ؟
الست بدويه : وعوزه تشتغلى ليه ، نقصيك ايه ؟
زوزه : مش حكايه نقصنى ايه ، انا زهقت من قعده البيت ومليت ، عاوزه اتعامل مع ناس واعرف ناس واعيش حياتى ؟
الست بدويه : صدقينى يا زوزه معرفه الناس هتضرك مش هتنفعك .
زوزه : اهو يبقى جربت ، علشان خطرى يا خالتى ، عوزه اشتغل .
الست بدويه : هسيبك تجربى ، بس بشرط اى حاجه تحصل معاكى تعرفهالى ؟
تبسمت زوزه وقالت : هو انتى بيستخبى عنك حاجه يا ست الكل ؟
الست بدويه : يا بنتى الغيب ميعلمهوش غير ربنا ، ومحدش فينا بيعرف كل حاجه .
زوزه : انتى اغرب وحده قبلتها فى حياتى ، طول عمرى بسمع اللى بيشتغل فى الموضوع دا بيبقى ....... وسكتت زوزه .
تبسمت بدويه وقالت : قولى اللى بيشتغل فى الاعمال مابيبقاش مؤمن يعنى ، لا يا زوزه ، انا عمرى ما اذيت حد ، ولا سعدت حد انه ينضر ، بالعكس لو شفت ظلم قدامى بحاول اساعد المظلوم .
زوزه : انا عارفه ان انتى اطيب قلب ، مهو محدش بياخد اتنين يتاما من الشارع ويربيهم ويكون قلبه مش اطيب قلب يا ست بدويه المستويه .
اخذت زوزه والست بدويه يضحكون وطال بينهم الحديث ، وبعد يومان عملت زوزه باحدى مشاغل الخياطه ، وظل الحال على هذا المنوال .
فى احد الايام كانت الست بدويه جالسه مع بطوط ، ودخلت عليهم سيده تبكى بشده ، كان باب الشقه دائما مفتوح ، دخلت السيده وهى تبكى وتصرخ قائله : الحقينى يا ست بدويه ؟
نظرت الست بدويه فوجدتها انتصار ، احدى السيدات التى تسكن بجوارها ، فردت الست بدويه وقالت : فى ايه يا انتصار ، بتعيطى كده ليه ، حد مات ؟
انتصار : الراجل الناقص هيتجوز عليا .
الست بدويه : مين الموكوس جوزك ، بركه يا جامع ، هو دا راجل يتعيط عليه ، كتك وكسه ، دا انتى الكسبانه ، دا المفروض ترقصيله فى فرحه .
انتصار : انتى هتفرسينى يا ست بدويه ، دا بدل ما تلحقينى وتشوفيلى صرفه ؟
الست بدويه : اشفلك صرفه اعملك ايه ، امممممم اقولك عندى حل كويس ؟
انتصار : قولى يا ست الكل ؟
يتبع .......................... تابعنى لاستكمال احداث القصه
