روايه الحب بالقلب الفصل الثاني2 بقلم خديجه السيد

حسن وهو ينظر بصدمه الي ملابسه التى مليئه بقطرات الملوخيه ثم ينظر الي ورد قائلا بصراخ في وجهها بعنف : انتي هبله يا بت انتي ولا ايه

اغمضت عينيها بخوف و احست انها تريد ان تختفي من امامه من هذا الموقف التي تتعرض اليه مره ثانيه : آآآ

حسن بنظرات ناريه و يتذكر وجهها : مش البت اللي خبطتت فيه الصبح برضه؛ بتعملي ايه هنا ؛ ( وينظر إلي ملابسه)و ايه اللي عملتيه فيا ده ؛ هو انتي علي طول كده ماشيه زي الهبله 

ورد إبتلعت ريقها بصعوبه من اهانته

حسن بحده : ايه اطرشتي

لياتي خالد علي الاصوات : في ايه 

حسن بغضب : تعالي شوف الاشكال اللي ابوكي بيجيبها البيت 

خالد بحذر : حسن ؛ عيب كده

حسن : عيب ايه مش شايف عملت ايه دلقت طبق الملوخيه علي هدومي ؛ ده انا لسه لبسها  اخرج ازاي انا دلوقتى بسببها 

خالد بغيظ: خلاص هي اكيد مش قصدها 

حسن بصوت عالي : مش تبص قدمها و هي ماشيه يعني ؛ ( بسخرية ) بدل السرحان اللي هي في ده 

ورد تنزل دموعها بصمت ،خالد بضيق : بس بقي ( وينظر إلي ورد بأسف ) معلش يا ورد امسحيها  فيا أنا اتفضلي يلا جوه 

لتذهب ورد سريعا للداخل و هي تمسح دموعها 

حسن بسخرية واستهزاء : اسمها ورد و ده نسيوا يسوقها دي ولا ايه بشكلها ده

ليسمع خالد صوت قهقهت إبنه علي مزحه اخيه : احمد عيب كده ؛ يالا ادخل جوه

احمد : حاضر يا بابا.. ويركض للداخل 

خالد التفت الي حسن : وانت مش تحترم نفسك شويه عيب كده 

حسن عقد حاجبيه قائلا : في ايه انت عمال تتدافع عنها ليه تكونش المحامي بتاعها ؛ (بغمزه ) وبعدين مش خايف لا هبه تسمعك و تطين عشتك ليكمل (بوقاحه) ولا هتخاف من ايه صحيح هي دى هبه تغير منها

خالد يضرب كف علي كف قائلا : استغفر الله العظيم يارب يابني اسكت الناس جوه لحد يسمعك ؛ (بجديه) وبعدين بدافع عنها علشان هما ناس كويس و محترمين و ضيوف عندنا يبقي تحترم نفسك شويه 

حسن بغضب : وانا كنت جيت جنبها ما هي اللي علي طول ماشيه تايهه 

خالد بنفاذ صبر : تاني 

حسن : بلا تاني بلا تالت انا هروح اغير هدومي و انزل اشبع انت بقي بضيوف ابوك ؛ سلام 

***

رحاب وهي تجلس أعلي الفراش : اه الحمدلله انهم مشيوا ؛ انا مش عارفه اللي عجبك في صحبك ده ؛ ولا البت بنته ده يا ساتر عليها 

كمال ينظر لها : مالها بنته ؛ ده انا نفسي و الله ابنك يطلبها للجواز يبقي عمل حاجه صح في حياته

رحاب تنتفض من مكانها كانها اصابتها حيه 

وتقول : نـــعم 

كمال بدهشة : في ايه مالك عامله زي اللي قرصها تعبان .. أنا كنت قولت ايه

رحاب : ده ياريت يقرصني تعبان ولا اسمع 

الكلام ده ؛ مين يا اخويا اللي ابني يتجوزها

كمال : ليه كل ده علشان قولت نفسي ابنك يتجوزها ؛ ليه مالها ؛ ده مفيش احسن من تربيتها 

رحاب : حرام عليك هو انا ابني ناقص 

ايه علشان يتجوزها واحده زي دي ؛ دول بنات الحته كلها هتموت عليه 

كمال بجديه : ناقص تربيه

رحاب بفخر : انا ابني مفيش احسن من تربيته

***

في مكان شبه صحراء ؛ كانت تقف سياره 

بداخلها حسن يضم فتاه اليه و يقبلها بنهم و شهوه ؛ ليفقوا من حاله الرغبه علي صوت هاتفها ... نانسي وهي تبعد عنه : اوعي يا حسن خلينى ارد ليكون ابويا 

حسن لم يرد عليها ويقربها اليه مره ثانيه 

نانسي تحاول التحرير منه وتقول بترجي : يا حسن اوعي 

ليتركها حسن و ينفخ يضيق : ردي 

لترد نانسي .... بعد الانتهاء من المكالمه 

حسن ليقترب منها برغبة : خلصتي تعالي بقي 

نانسي تبتعد باعتراض : لا خلاص كده ؛ ويالا نروح 

حسن : ليه ماهو متطلعش ابوكي ؛ خايف من ايه ؛ وبعدين تعالي هو احنا لسه عملنا حاجه 

نانسي : لا يا حسن اللي في دماغك مش هيحصل من غير جواز 

حسن بابتسامه لوم : طب ما انا هتجوزك يا حبيبتي ؛ وبعدين هو انتي مش بتحبيني ولا ايه 

نانسي بهيام : اخص عليك يا حسن ده بموت فيكي مش بحبك بس 

ليبتسم حسن بغرور ويقربها اليه : طب لما هو كده يبقي تعالي بقي 

نانسي بجديه : برضه لا .. جواز الاول 

حسن بضيق : هو انتي مش واثقه فيا ولا ايه ؛ هو انتي كل ما تشوفي وشي تفتحى الموضوع ده 

نانسي : ما انا مش عارف مستني ايه علشان تفاتح اهلك في موضوع الجواز 

حسن بنفخ : مش هينفع افتح الموضع مع ابويا ؛ من غير لما اخلص الجامعه ؛ ده غير الكام يوم دول كل شويه خناق معايا بسبب كده ؛ اروح انا بقي افتحه في موضوع جوازي 

نانسي بحيره : طب انت مستني ايه صحيح ما تكمل اخر سنه و تخلص 

حسن بغضب مكتوم : ايه انتي كمان هتفتحي الموضوع ده يبقي اروحك احسن ؛ ويشغل سياريه وينطلق 

***

في صباح يوم جديد في منزل ابراهيم....

وقفت " ورد" امام المرآه وهي تعدل من حجابها و ثيابها ولم تنظر او تهتم بوجهها فهي مهما فعلت لم يزيد او ينقص ستظل

قبيحه الوجه دائما تقول هذه الكلمات لنفسها ؛ ثم نظرت برأسها علي النافذه التي بجانبها بشرود ؛ احست بقلبها تتعالي دقاته ؛ وهي تنظر علي النافذه فهنا يسكن فيها" حبيبها " أسيره عينيها ؛ منذ ان وقعت عينيها علي عينيه السمراء وهي اصبحت تعشقه ودائما تتابع تحركاته و حفظت مواعيد واوقات ...فقد تعلقت به ورأت به فارس احلامها...وملامحه الجميله ..التي باتت تعشقها...لكن اصابتها خيبه امل كبير ..

عندما تذكرت عندما يراها او تقع عينيه عليها ؛ يصاب نوبة اشمئزاز ونفور من وجهها القبيحه ؛ و يتجاهلها تماماً .... وضعت يدها اعلي قلبها وهي تستمع نبضات المتسارعة...أغمضت عينيها بالم وتدعي الله ان ينزع هذا " العشق  من قلبها ؛ فهي على علم و ثقه لن يكون لها في يوم، فهو عشقها المستحيل " حسن "

***

فتحت باب الغرفه ورد وهي تدلف للخارج وتبحث بعينيها عن والدها لتسمع صوت في الشرفه، لتبتسم لتعلم انه يسقي الورود التي يعشقها...لتذهب له....

ورد بابتسامه عريضه : عمرك ما هتنساهم ابدا في يوم 

ابراهيم ( وهو يمسك زجاجة ماء) : بعد الشر ؛ دول يموتوا فيها علي طول قال انساهم قال 

ورد وهي تقترب : ايوه بس ممكن تنسي في مره غصب عنك 

ابراهيم يترك ما في يداه و يلتفت لها قائلا :

عارفه الورد ده عامل زي ايه ؛ زي علاقه الحب اللي محتاج اهتمام من الطرفين اهو بقي الاهتمام ده مياه الزرع لو نسيتها في يوم تموت ؛ وفي علاقات الحب، قله الاهتمام بتموت الحب ؛ فهمتي 

ورد تبتسم له و تتنهد تنهيده حاره قائله : عارف الحمدلله انك بتقول الكلام ده بعد موت ماما ؛ لا إللي لو كانت سمعتك و انت بتتكلم عن الحب كده ؛ اكيد كانت هتغير منه 

ابراهيم : طب ما هي كانت بتغير منه ؛ ده ياما عملت مشاكل بسبب الموضوع ده وكانت في مره عاوزه ترمي مجمع الزرع بس انا مسكتش اه انا مقدرش اعيش من غيرهم ؛ امال انا سميتك ورد ليه

ورد : ليه 

ابراهيم : علشان اغيظ امك اكتر 

لتضحك ورد بشده 

ابراهيم : امال ؛ قولتلها هتحرمينى من الورد ؛ اديني سميت بنتك ورد (بحزن عليها ) الله يرحمها كانت طيبه طول عمرها 

ورد تقترب منه و تقبل يداه بحنان : الله يرحمها ويخليك ليا ؛ انا رايحه الجامعه عاوز مني حاجه 

ابراهيم يهز راسه قائلا : لا يا حبيبتي ؛ خلي بالك من نفسك

ورد وهي تبعد لتخرج : حاضر 

ابراهيم بسرعة : لا اله الا الله

ورد وهي تخرج : محمد رسول الله ؛ سلام يا ابراهيم بتنهيد و حزن : سلام يا احلي هديه من اغلي الناس عليا 

***

تدلف " رحاب " لداخل عرفه ابنها و تفتح ستار النافذه ،حسن وهو يضع الغطاء علي وجهه: في ايه بس 

رحاب تقترب وتجلس بجانبه : اصحي عاوزه اتكلم معاك اما صدقت ابوك نزل 

حسن وهو تحت الغطاء : طب بعدين عاوز انام 

رحاب بضيق : هو انا بعرف اتلايم عليك ؛ اصحي يالا 

حسن وهو يزيل الغطاء ويقول بتافف : نعم في ايه 

رحاب : هتفضل لحد امتي كده 

حسن بعدم فهم : كده اللي هو ازاي 

رحاب بغيظ : مش عارف ازاي ؛ هتكمل اخر سنه من الجامعه امتي 

حسن بضيق : يوووه هو كل شويه الموضوع ده 

رحاب : اتخرج و احنا نبطل نتكلم في 

حسن بعدم اهتمام : طب خلصتي كلامك ؛ سيبيني انام بقي 

رحاب : استني ياض هو ايه اللي خلصتي كلامك ما ترد عليا ؛ هتروح امتي ولا ناوي تضيع السنه دي كمان 

حسن بنفخ : بصي علشان اخلص من الموضوع ده ريحي نفسك انا مش هكمل 

رحاب بصدمه : ايه ليه كده ؛ ده ابوك لو عرف هيطربق الدنيا 

حسن بلا مبالاة : يعمل اللي يعمله ؛ انا اصلا مكنتش عاوز ادخل كليه طب بس انتي اللي صممتي ؛ علشان ابقي دكتور و تعليمي اعلي من اخويا خالد صح

رحاب : وانت جاااي تقول دلوقتي الكلام ده 

حسن : يا ماما دي وجع دماغ و مذاكره كتير ولازم احضر علي طول و انا مليش في الجو ده

رحاب : يعني ايه مش ناوي تكمل 

حسن : بصي دلوقتي مليش مزاج ؛ ممكن بعدين ؛ سيبيني انام بقي 

رحاب بغيظ : نام يا اخويا .. نام ادي اللي فالح في.... 

وتخرج وتتركه ليسمع صوت رنات هاتفه

حسن يزيل الغطاء و يمسك الهاتف 

-الو 

امجد : ايه مش جاي النهارده تلعب ولا ايه 

حسن يعقد حاجيبه : ده من امتي ده 

امجد بلوم : من دلوقتي ؛ يالا انزل انا تحت بيتك 

حسن بتعجب : كمان ماشي استني هلبس بسرع وانزل 

***

لينزل حسن يراه امجد امامه ليذهب اليه

حسن باستغراب : يعني انت امبارح تتقمص ودلوقتي جاي ؛ هو في ايه 

امجد ببراءة زائف : مفيش حاجه ياسيدي عادي يعني دي في النهايه لعبه هنخسر بعض علشانها ولا ايه 

حسن : قول الكلام ده ليك مش ليا ؛ انت والزفت التاني 

امجد : ما انا جاي علشان كده ؛ معلش متزعلش بقي

حسن بتنهيد : ماشي 

امجد : طب يالا 

حسن : يالا 

يلتفت حسن حتي يرحل لكنه كاد ان يصطدم باحد ليلحق نفسه قبل الاصطدام و يرفع عينيه ليرى ورد 

حسن بغيظ : و بعدين انتي تاني ؛ اوعي تخبطي فيا تاني 

لتبتعد ورد و تهرول مسرعه من امامه 

حسن ينظر عليها و ينفخ 

امجد بدهشة : في ايه 

حسن بضيق : ماهي دى اللي خبط فيها ؛ وكل يوم علي كده ؛ ده انا لحد دلوقتي تالت مره اخبط فيها 

امجد يضحك: طب معلش ؛ بس معاك حق 

دى وحشه خالص 

حسن باشمئزاز : مش بقولك الله يكون في عون اللي هيجوزها ؛ هيصطبح كل يوم علي وشها ؛ لا و إسمها ورد كمان 

امجد : ههههه كمان 

***

في منزل هشام 

يوصل حسن و امجد و يبدأ لعب القمار كالعاده لكن لم يكن يعرف حسن انه فخ له.. ليبتسم حسن بثقه قائلا : هه برضه كسبت 

امجد وهو يضع يداه علي الفلوس 

حسن يرفع حاجيبه قائلا : في ايه 

امجد يجز علي اسنانه : لا يا راجل كسبت 

حسن : ما قدامك الورق اهو شوف 

امجد بغضب : انت برضه مصمم ؛ ما تتكلم يا هشام 

هشام : حسن بطل استعباط ؛ احنا ناقصنا 

ورق الكوتشينه ؛ يبقي جبت باقي الورق منين 

ليفهم حسن : ااه هي بقت كده ؛ ( ببرود )

طب ايه يعني ماانت كمان ساعات بتخم 

امجد بصوت غاضبا حسن : بطلي طريقتك دي احسن ليك هات الفلوس اللي نصبت علينا فيها 

حسن باستفزاز : ولو قولت لا 

امجد بحده : حسن ؛ هات الفلوس و اخلص

عاد حسن كلامه بجديه : وانا بقول مفيش فلوس ؛ واعلي مفخلكم اركبوا أنت وهو

امجد ليقوم و يمسكه من ملابس : لا عندي كتير هات الفلوس 

ليقوم حسن بخبط أمجد براسه في انفه لينزل شلال من الدماء 

امجد بالم : اااه 

هشام بذهول : ليه كده يا حسن 

امجد وهو يقترب منه : ياابني ...

حسن بلهجه أمر : اوعي تغلط ؛ وابقي العب علي قدك يا شاطر ؛ سلام 

ليذهب ويتركهم .. هشام لينظر الي امجد : وبعدين مش هنعرف ناخد الفلوس منه ولا ايه 

امجد بغضب كبير : ده علي جثتي والله ما هسيبه غير ما اخد حقي منه 

هشام : طب هنعمل ايه وبلاش عنف مش هناخد منه حاجه بالطريقه دي

امجد وهو يمسك انفه: معاك حق ( ويتذكر شئ) بس عرفت هنعمل ايه 

هشام : ايه 

امجد بغموض : ورد 

هشام باستغراب : نعم مين دي

امجد : البت اللي خبط فيها و كأن جاي متعصب بسببها 

هشام بعدم فهم : ايوه و دي ايه علاقتها باننا نرجع الفلوس منه ؛ ونقولها يعني علشان تساعدنا 

امجد : انت اهبل اكيد لا 

هشام بحيره : ما انا مش فاهم حاجه

امجد : البت دي بيتعصب كل ما يشوفها 

هشام : ايوه احنا هنستفاد ايه من كده 

امجد بخبث : ركز معايا وانا هقول

ازاي

.....يتبع 

رايكم