رواية طفلة من رحم الشيطانه الفصل الثالث 3 بقلم احمد محمود محمد

طفله من رحم الشيطانه " لـ احمد محمود محمد 

part 3

طفله من رحم الشيطانه " سليله الشيطان"  

( جن عاشق)  

- ماما بصراحه كده انا مش هقدر اكمل معاه 

بترد الام بستغراب: يعنى ايه؟ 

- يعنى حاسه انى مبقتش احبه 

وده من ايه بقا ان شاء الله 

- ماما انا مش بهزر

ولا انا.. فهمينى بقا يعنى ايه مش هتعرفى تكملى 

- كده وخلاص ياماما 

بنت انتى انا مش نقصاكى كلمينى هنا.. ماله عمرو ده كان هيتجنن عليكى وبعدين مش ده حُب السنين ولا انا غلطانه 

مش ده اللى لما جه اتقدملك الفرحه مكنتش سيعاكى.. دانتى من شده حُبك ليه رفضتى الشبكه علشان منتقلش عليه واكتفيتى بخاتم ودبله رغم ان حالته الماديه كويسه 

حتى الفرح رفضتى القاعه.. مكنش ناقص عليكى غير انك تقوليله تعاله خدنى بهدومى وبس 

وانا وابوكى عشان عارفينه كويس انه هيصونك ويراعيكى وانك بتحبيه وافقنا بكل طلباتك حصل ولا انا غلطانه 

- حصل ياماما بس ده كان زمان 

زماااااان؟! انتى عاوزه تجننينى يا بنت انتى زمان ده اللى هوه من شهرين تلاته بس انتى هبله ولا ايه حكايتك 

- ماما انا خلاص اخدت قرار ومش هرجع فيه رجعيله اى حاجه جبهالى 

يبنتى استهدى بالله واعقلى ده كاتب كتابك انتى مجنونه؟ 

_ مانا هطلب منه الطلاق..  

كمان.. الحقناااااى يا حاج الحقنى تعاله شوف بنتك اللى اتجننت 

بيدخل الاب:  

فيه ايه يا حجه مالك..  

" تعاله شوف بنتك وعمايلها 

مالك يا منى فيه ايه؟  

قال ايه الست هانم قررت تسيب عمرو 

نعم؟؟! ده ليه بقا ان شاء الله وبعد كُل اللى عملناه عشانك ده الواد يتمنالك الرضا ترضى 

_ يا بابا انا من يوم اللى حصل وانا مش مرتحاله 

وانتى ايش عرفك اللى حصل اذا كُنتى لسه من شويه كنتى مش فاكره؟ 

- ها... بس افتكرت وقلبى مبقاش مطمن 

بس هوه ملوش ذنب فۍ اللى حصلك 

- ليه بقا او ملهوش ابعت اندهله وبلغه قرارى 

يبنتى اعقلى كده متبقيش مجنونه مش هتلاقى حد يحبك ويصونك فى الدنيا كلها زى عمرو. كفايه انه تربيه ايدينا ونعرفه كويس 

- ارجوك يابابا لو عاوز تفرحنى بجد متقفش قدام قرارى 

بس لما يكون قرارك ضد مصلحتك يبقا لازم اقفلك واعقلك 

- هوه انا عشان مش شايفه مصلحتى مع واحد ابقا مجنونه 

اه مجنونه.. بصى يبنتى انا هنفذلك طلبك 

بس بكره وبعده متلوميش غير نفسك ف خساره عمرو..  

بيتصل الاب بعمرو..  

الو سلام عليكم 

- وعليكم السلام يا عمى اخبارك ايه؟ 

الحمد يبنى بخير. 

- ومنى عامله ايه 

بخير الحمدلله.. كُنت عاوزك تيجى تشرب معايا شاى النهارده فيه موضوع عاوز اكلمك فيه 

- حاضر يا عمى هخلص شغل واجيلك.. بس قلى منى بخير 

- لأ اطمن يبنى بخير والله 

طيب الحمدلله انا هاجى حالا 

- طاب وشغلك يبنى 

مش مشكله انا هخلصه بعدين مع السلامه يا عمى 

بعد شويه باب البيت بيخبط بيكون عمرو.. بتفتح الام وعلى وشها علامات التعجب لما بتشوف عمرو على وشه علامات الارهاق وباين انه تعبان اوى 

اتفضل يا بنى. بيدخل.. عمرو  

ايه اللى عمل فيك كده.. ؟ شكلك مبتنامش كويس 

- بصراحه لأ يا حماتى 

ليه يبنى خير 

- من يوم اللى حصل لمُنى وانا مش بنام كويس وحياتى شبه متبهدله بس ان شاء الله هكون بخير طلاما هيا بخير 

اومال عمى فين؟  

- ثانيه يبنى اخش اندهولك..  

طاب ومنى ممكن تندهى عليها عاوز اشوفها واطمن 

- منى! اه اه يبنى معلش هيا بس نايمه اصحيهالك 

لا لا خلاص سبيها مرتاحه 

بتدخل الام علشان تنده جوزها من جوه..  

عمرو جه بره يا حج هتقوله ايه؟ 

- والله انا مش عارف اقوله ايه شايفه عمايل بنتك؟ 

والله يا حج انا مستغربه اكتر منك بقا حته الجوهره ده يتساب كده حتى من غير سبب اومال لو كان ضـ ـربها مثلا ولا عمل فيها حاجه كان حصل ايه 

ده الواد مسبناش لحظه وكل المصاريف عليه وكان بيتمنا انه ميكنش مقصر معانا 

- ادى الله وادى حكمته يا حجه تعالى نخرجله..  

السلام عليكم 

- وعليكم السلام ورحمة الله وبركاته يا عمى ازيك عامل ايه بيوطى على ايد عمه يبوسها 

بسرعه بيسحبها عمه : استغفر الله ياابنى 

الحمد لله يبنى.. طمنى عليك. ..  

- الحمد لله على كل حال 

اومال مال وشك انتا تعبان ولا حاجه؟ 

- لا يا عمى شويه ارهاق بس من ضغط الشغل وكده 

طاب يبنى مش تخلى بالك من صحتك 

- عندك حق والله يا عمى.. المهم خير حضرتك طلبتنى مخصوص اتمنا من الله يكون خير 

ان شاء الله خير يبنى... بيسكت شويه وبعدها بيقول والله يبنى انا مش عارف ابدء معاك ازاى ولا عارف اقول ايه 

- اتكلم يا عمى خير فيه حاجه؟ محتاجين اى حاجه؟ 

لا يبنى مش كده.. انا طلبتك عشان عاوزك فى موضوع بخصوصك. انتا ومنى 

-موضوع ايه؟ 

بصراحه يبنى منى مش عاوزه تكمل معاك!  

ايييه حضرتك بتقول ايه يا عمى !!؟  

وفجأه بتخرج منى من اوضتها.. بيقول اللى سمعته يا استاذ عمرو انا بصراحه كده مش عاوزه اكمل معاك 

- منى انتى بتقولى ايه؟؟ هوه حصل منى اى حاجه زعلتك؟؟ 

سيبك بس من الكلام ده انتا اصلا متعرفش تزعلنى انا من يوم الفرح وانا مش مرتاحالك خالص ولا طيقاك اصلا وحاسه انك سبب كل اللى حصلى 

- انا يا منى.. ؟ انتى اكيد اعصابك تعبانه طاب تقدرى تسألى والدتك كده انا كُنت عامل ازاى عشانك.. حتى الليل مكنتش بناموا 

مقصرتش فى حاجه وبتمنالك الرضا ترضى وفى الاخر تقولى عليا انى سبب اللى حصلك 

- اه انتا السبب ولو سمحت ارمى عليا اليمين دلوقتي 

ما تتكلمى يا حماتى قولى ليا وليها انا قصرت فى ايه يمكن اكون ناسى 

بترد حماته وبتقول- الشهاده لله يبنى عمرك ما قصرت 

اتكلم انتا يا حمايا.. قول اى حاجه..؟ 

الاب بحزن هيا خلتى عارف اتكلم دى طلعتنى عيل قصادك 

عمرو بصوت مليان جفاء: متقولش كده يا عمى.. انا اللى اسف لو كنت اعرف انى هتكره وهتهان بالشكل ده مكُنتش فكرت اخطبها اصلا.. 

انتى طالق يا منى.. ومن النهارده كل اللى بينا انتها.. الا حاجه واحده بس.. الاتنين اللى قاعدين دول اللى ربونى وانا صغير وعارفينى كويس هما الحاجه الوحيده اللى ممكن تخلينى اجى البيت ده بعد كده 

وبيكون ماسك دماغه وواقف مش على بعضه كأنه جاله هبوط او حاجه شبه كده 

وقبل ما يمشى بص عليها وقال.. مكنش حد مصدق خالص كميه الحب اللى فى قلبى ليكى دلوقتي معدش فيه ف قلبى اى ذره حُب ليكى..  

وخرج وخبط الباب وراااه. بيقف الاب وبيبص لبنته اللى عكس الكل بيكون باين على وشها علامات الفرح وبيبصلها والدموع فى عيونه وبيضربها بالقلم.. 

وبينزل بسرعه ورا عمرو اللى الظاهر تعب من شده الخبر لأنه كان واقف مهزوز مش على بعضه.. 

وبينزل وراه الشارع وبيفضل ينده عليه وعمرو بيكون بيعدى الشارع وماسك راسه وحاسس بدوخه جامده نتيجه لانه حس بهبوط حاد " بسبب انفصاله عن منى 

ومبيكونش بيبص على حماه. خالص ولا مركز اصلا . وفجأه بتيجى عربيه بتخبط عمرو اللى بيقع على الارض فى ساعتها

يتبع 

#رعب_احمد_محمود

#سليله_الشيطان

لسه مكملين في حكايه الطفله قمر وان شاء الله القادم اجمل وارعب بكثير

 متابعتكم تشرفني