رواية غيرة حب الفصل الثالث والخمسون بقلم احمد صابر
قرب وفك الكلبشات وهو باصصلي بيضحك زقيتو بعد مافك ايدي وفكيت الحبل الي ع رجلي ومسكت الحبل ولفيتو عليه وربطو لقيتو شد الحبل مره واحدا راح مفكوك طلعت اجري وانا بضحك
انا بضحك: اي اهدا وصلي ع النبي
محمد: هعلقك
انا بضحك: خلاص ونبي
محمد: ممكن نخرج نتمشى شوية
والدي: طبعاً... خدو الولاد معاكم
محمد: اممم... باباكي مش ناوي يعديها ع خير
انا: اهدا بقى أحمد ربنا انو وافق.... انت يالا
معاز: ايي
انا: انت مش المفرود اخويا ولا هو كلام
معاز: اه طبعاً
انا: طب قوم
معاز: اقوم اروح فين
انا: هتيجو معنا
طلعنا انا وملك وحنين ومحمد ومعاز
معاز: هعمل معاك جميل وهنطير احنا
محمد: طير مستني اي
معاز: ياسيدي حتى قول شكرا
محمد: هطير ولا اطيرك انا
معاز: لا وع اي اطير انا يالا يابت منك ليها قدامي
مشيو واحنا كملنا طريقنا
انا: مسافر انهارده صح
محمد: اممم
انا: اممم
محمد بضحك: واخرتها
انا: اخرتها امممم
محمد: مستني اليوم الي تبقى فيه حلالي بس واخدك ونبعد عن كل حاجة ف مكان ميبقاش فيه الا انا ونتي وبس
صرخت فجأة
انا: احيه قلبي كان هيقف
محمد: بتصوتي ليه بقى
انا: القطة خضتني
محمد: دي يدوب عدت من جنبك
انا: بس خضتني اعمل اي يعني
محمد: وانتي اي حاجة تخضك تصوتي وتسمعي الناس صوتك
انا: تؤ غصب عني هفضل كل شوية اقلك غصب عني اقلك انا مروحة
محمد: امشي هنا اهووو
بصيتلوا بقرف وكملنا طريقنا
محمد: هتفضلي ضربة بوز كدا
انا: وانت مالك امشي وانت ساكت
محمد: واحنا طلعين عشان نسكت
انا: اعمل اي طيب
محمد: متعمليش حاجة
انا: طب خلاص متزعلش
محمد: مش زعلان
انا: لا زعلان بص مش راضي تبصلي ازاي
محمد: مانا اول ماببصلك بنسى انا كنت زعلان من اي وبنسي نفسي قدام شفايفك الي شبه الكرز دول
حطيت ايدي ع وشي وبصيت ف الجه الأخرى
محمد: هههه
شال ايدي من ع وشي وباس راسي
محمد: في اي وشك بقى فراولة كدا من بوسة
انا: بص ايدي دافيه
محمد: الحمدلله... شفتي العلاج كويس ازاي لازم تخديه ف مواعيدو عشان خطري انا
انا: حاضر
محمد: بحبك لما بتقولي حاضر
انا: قال الأرنب لأمو اسمحيلي روح العب ماما قالتلو لا يا ماما يمكن يجي الثعلب... يلا نروح قبل ماييجي الثعلب
محمد: اي إلى هيجيب الثعلب هنا ونبي
انا: يبقى الأرنب
محمد: انتي عيزه تروحي وخلاص
انا: تؤ تؤ
محمد: تؤ تؤ اي
انا: مش عيزه اروح
محمد: اومال عيزه اي
انا: عيزه افضل معاك قصدي يعني عيزه افضل اتمشى عشان بزهق من قعده البيت وكدا
محمد: اممم
انا: امممم
بص ف ساعته
محمد: طب يلا نروح
انا: هتمشي دلوقتي
محمد: اه
انا: لا طب يعني خلينا نتمشى شويه
محمد: شوية وبعد كدا نروح
كملنا طريقنا وكنت مسكة ايدو جامد ومش عيزه اسيبها ف معتقداتي لو سبتها هيمشي ويسيبني
محمد: يلا
انا: لسا بدري
محمد: والله انا لو عليا مش عايز ابعد لحظة بس والله مش ب إيدي
انا: هتيجي امتى
محمد: مش محددين
انا: ازاي مش محددين
محمد: وقت ماالمهمة تخلص وزي ماتيجي بقى
انا:خلي بالك من نفسك
محمد: حاضر وانتي خدي دواكي ف معادو عشان منزعلش منك
انا: حاضر
رجعنا ع البيت وقف وانا رحت عند الباب وكنت داخله لفت وبصيتلو وحطيت ايدي ع وشي وعيطت
محمد: خلاص بقى... كل حاجة هتبقى تمام انشاء الله
انا: انشاء الله
محمد: يلا ادخلي الجو برد
انا: هتمشي دلوقتي
محمد: اه هطلع اجهز حاجتي وهمشي
انا: ماشي
محمد: يلا باي
انا: باي
طلع وانا كذالك طلعت اوضتي وبعد دقائق لقيتو نزل وكان بيركب العربية
انا: حظابط
لفت وبصلي
محمد: نعم يابنت قلبي
انا: هتوحشني ع فكره
محمد: انتي ناوية تجلطيني يابنتي
انا بضحك: انا عملت حاجة دلوقتي
محمد: مبيحلاش ليكي الكلام دا الي وانا ماشي مانا ف وشك طول اليوم
انا: مانت ف وشي طويل اليوم هتوحشني ازاي انت دلوقتي عشان ماشي ف هتوحشني
محمد: وانتي كمان هتوحشني اوي يابنت قلبي... باي يا اميرتي
انا: باي
ركب العربية وانا فضلت وقفة وسرحانة وغصب عني دموعي نزلت فكرت ف الكام يوم الي هيغيبهم هبقي عملة ازاي ويا عالم هيرجع
قعدت وانا ضمة رجلي ع السرير ف الظلام وبعيط بدون صوت وكل Flash backs حصلت معنا كانت بتتعاد قدامي وكان بيوحشني اكتر حاولت انام لاكن معرفتش فضلت لحد الفجر صليت وقعدت ف البلكونة وببص ع البلكونة بتعتو ف ضحكت وفضلت كدا لحد ماطلعت الشمس لبست واخت كتبي وصحابي جم ومشينا
ولد صغير: ياقمر
انا: بس يابابا اتكلم كلام ع قدك يا حبيبي
صحابي/ههههه
وكملنا طريقنا لدرس خلصت وروحت ع البيت وببص ع البلكونة ولسا هرن عليه افتكرت انو مش هنا كنت هدخل لقيت مازن نازل
انا: انت يالا يادكتور انت
مازن: يالا!!! اي يا دكتوره العائلة المستقبلية
انا: حلوه عجبتني
مازن: يلا اي خدمة عشان تعرفي ان انا أحسن منك
انا: انا محدش احسن من يالا انت
مازن: لو تبطلي تقليلي يالا بس الدنيا هتمشي مش هتقف والله
انا: لا هتقعد
مازن: اختي دواكي يا هبلة
انا: هزعلك والله
مازن: متغيريش الموضوع اختي دواكي
انا: ماهو بصراحة طعمو وحش اوي يا محمد
مازن بضحك: بس انا مازن مش محمد
انا اي دا انا قلت محمد
مازن: اه
انا: مش فكره
مازن: المهم خدي دواكي بدل ماقول لخالتي وهيا هتظبطك
انا: خلاص ياعم غور انا غلطانة ان وقفت عيل زيك وربنا
مازن: يخربيت لسانك بدو القطع يلا باي
انا: باي ياخويا
ركب العربية ومشي وانا دخلت جوا
انا: فين بابا
والدتي: مشي الصبح بدري
انا: منغير مشوفو
والدتي: كنتي نايمة ومحبش يصحيكي
انا: اممم
والدتي: امسكي دواكي
انا: ها هبقي اخدو بعدين
والدتي: امسكي دواااكي
انا: حاضر الله بوراحة
كتمت نفسي واختو مره وحدا وشي احمر وكنت هرجع اكلت موزه تغير الطعم
لقيت الجرس بيرن رحت فتحت كانت خلاتي وملك وحنين ومعاز دخلو وقفلت لقيت الجرس بيرن تاني
انا: اوووف اي دا مانا كنت لسا هناااك
رحت فتحت الباب تاني
انا: خالووو...
اي الشياكة دي انت رايح تتجوز ولا اي اخس عليك يا خالو مكنش العشم
خالي: هو انا كنت معشمك ب الجواز يابنت الهبلة
انا: خاااااين متكلمنيييش ازاي تكسر قلبي كدا هاا
خالي: مانتي كسرتي قلبي اعمل اي بقى قلت اشوف عروسة غيرك
انا: انا كسرت قلبك
خالي: اه لما اتخطبتي لظابط الأجنبي دا
انا: كنت عايزني اعمل اي يا خالو ونبي اديك قلت اجنبي وانا بحب الأجانب... متسيحلناش بقى
خالي بضحك: ماشي
انا: ماتجيب السويتيشرت دا
خالي: عيزه تقلبيني ف هدومي امشي من غير هدوم يعني
انا: وانا مالي انا عليا قلتلك السويتيشرت دا يلزمني
خالي بضحك: بنتك بتقلبني ف الهدوم ع فكره من ساعة مانقلتو وانا عنت برجع الاقي هدومي دا معناه انك انتي الي كنتي مقلباني فيهم
انا: اي يا خويا رمي البلا الي ع الصبح دا دا هو تيشرت وأربع سويتشرات بس هو دا الي اختو اه وجاكتين بس كدا خت اي من عندك ونبي بلبس هدوم خطيبي يا حبيبي
معاز بضحك: اوبا عدنا بنقول خطيبي اهو
انا: بس يالا واقعد ساكت
خالي: دا كلوا ومختيش اومال لو ختي كنت احتمال اروح ملاقيش الدولاب نفسو
الكل/ هههه
انا/ تؤ تؤ انا غلبانة
الكل/ اوي
انا: اممم
مني: إيمان محمد مقلقيش هيرجع امتى
انا: لا قالي انهم مش محددين
مني: ربنا يرجعك بالسلامة ياحبيبي يارب
الكل/ امين
حنين: خلاص ياولاه متقلبوش ع إيمان المواجع
انا: حنين والله انا مناقصة استظراف خالص
حنين: خلاص سكت اهو
معاز: تعالي يا فانيليا نخرج نتمشى يالا يا ولاه
ملك: ايوا يلا
حنين: يلا
طلعنا كلنا نتمشى
انا: عيزه مصاصا
معاز: مصاصا!!!
انا: ايوا
معاز: دي أقصى طموحك.. مصاصا!!
انا: ياعم انا بحلها انت مالك
معاز: حبك بورص ياشيخة... طب اجبلك شوكلاتة طيب
انا: مصاصااااا
معاز: خلااااص يخربيت صوتك... وانتو
ملك/ حنين/ زيها
معاز: دي آخرة الي يطالع مع شوية عيال
انا: اتفو عليك
معاز: ياشيخة اتنيلي
راح جبلنا مصاصا ومرشملوا ع شكل مصاصا ملفوفة
لفينا شوية وبعد كدا وروحنا عند خالتي
انا: واد بارد
مازن بضحك: نفسي افهم مش طيقاني ليه
انا: هو كدا
مازن: اقعديلك ف حتة الله يكرمك
دخلت اوضتو وقلبت ف الدولاب كلو وطلعت بالبالطو بتاعو الي بيلبسو الدكاتره
انا: مازن معلش هتعبك فين السمعات
مازن: لا تعب ولا حاجة... ياااااارب اخويا مستحملك ازاي انا مش فاهم
انا: واد اوفر اوي
مازن: هاتي يابت وروحي العبي بعيد
انا: العب بعيد !! انت عديم التربية هقلك اي... انا دكتوره يا بيئة
مازن: بيئة!! يابت هاتي
انا: هروح اكشف عليهم الأول
مازن: ياشيخة اكشفي ع نفسك الأول... هاتي ربنا يهديكي
انا: يا دكتور المريض الي جوا مات خش ادفنو
مازن: ادفنو ليه انا مالي اهلو يدفنو
انا: اومال دكتور ازاي انت
مازن: انا دكتور مش بكفن ميتين وربنا
انا: سيره زفت ع دماغك
مازن: وبعدين مريض اي يخربيتك موعديه
انا: خفة
مازن: هاتي بقى
انا: خد ياعم انت هتزلنا هخلي حظابط يجيبلي واحد
مازن: اه خليه يجيبلك واحد وسيبي مازن ف حالو الله يرضى عليكي
انا: لما يجي
مازن: هيجي انشاء الله...
ادعيلو
انا: ليه هو انا مستنياك تقلي مانا بدعيلو ياخويا
مازن بضحك: خلاص مكنتش كلمة انا اسف غلط
انا: ايوا كدا... امسك ام البالطو الي مغطيني دا
حنين: متديهولي لفة
مازن: لفة... متبقيش عبيطة ونبي
حنين: عبيطة!!! بتكلم بجد والله هاتو اخد بيه لفة
مازن: ياريت نعقل بدل ماديكي ع قفاكي
انا: الحقي عايز يضربك انا لو منك مسكتش
حنين: برأيك اعمل اي
انا: انزلي عليه ب العصاية الي هناك دي
مازن: وطي صوتك عشان مش سامع
انا: ههههه... فكرني ب وحده صحبتي اسمها حنين مش انتي وحده صحبتي بتقول للمستر سكتهم عشان مش عملين دوشة وانا نزلت ضحك ههههه
مازن بضحك: مش صحبتك لازم تطلع هبلة
انا: احترم نفسك ياض
مازن: مربين عبده موتة ف البيت
انا: حد معاه مطوه اغز الواد دا
حنين: انا معيا
مازن: خدي هنا استنى... وانتي جيبتيها منين بتثبتي ناس من ورايا
حنين: اه لسا مثبته واحد امبارح ومقلباه ف كل فلوسو.. انت عبيط يا مازن وبعدين مطوه اي إلى معايا انا بهزر
مازن: اه طيب
انا: عيال تافه
مازن: احنا برضوا
عيطت فجأة
مازن: اي دا في اي
حنين: مالك يا إيمان
معاز: في اي بتعيطي ليه
ملك: في اي يا ولاه... بتعيطي ليه
انا بعياط: محمد عيزه محمد
معاز: والله كلنا عيزينو يا إيمان
انا بعياط: طب خلو يرجع
مازن: ونرجعو ازاي
انا: معرفش اتصرفو
مازن: طب نتصرف ازاي ونبي
انا: معرفش
مازن: يعني احنا الي عرفين... انشاء الله يرجع بالسلامة
الكل/ يارب
حنين حضنتني وانا زيدت ف العياط
حنين: خلاص بقى هيرجع انشاء الله
رحت غسلت وشي ورحت قعدت وفضلت سرحانة معرفش ازاي كنت شيفاه قدامي كأنو حقيقة عدا اسبوع فضلت مليش نفس للأكل ولو كلت باكل حجات بسيطة مفيش حاجة جديده بروح دروسي عادي بابا رجع من السفر وهو لسا مرجعش ودا كان موترني اكتر
والدتي: امسكي
انا: ام الدوا دا مش هخلص انا خفيت خلاص
والدتي: انا مش قدره اتكلم كتير خدي دواكي
اختو وزي كل مره حسيت ان هرجع ف اكلت موزه
انا: ماما عيزه اشوف محمد يا ماما
والدتي: هيرجع باالسلامة انشاء الله
حضنتها وقعدت اعيط
انا: هو ممكن يسيبني
والدتي: متقليش كدا تاني ادعيلوا بس وهو بإذن الله هيرجع بالسلامة
انا: ايوا هيرجع انشاء الله انا عرفة هو مش هيسيبني هو قالي كدا
قعدت تطبطب عليا وتمسد ع شعري لحد مانمت
صحيت ع المغرب أديت فرضي ودخلت
انا: ماما اعمليلي مكرونة
والدتي: كنت عارفة انك تافه ف عملتهالك هناك اهي
رحت اكلت منها معلقتين ورحت اكلت برتقالة ورجعت اكلت معلقتين واكلت من البرتقالة
والدتي: هو اي الهبل دا مكرونة مع برتقال
انا: عادي بتحصل
والدتي: هيا الي بتحصل ولما بطنك توجعك
انا: عادي بتحصل
والدتي طب اطلعي من المطبخ ب البرود الي فيكي دا مشفش وشك
اكلت معلقة مكرونة ومن البرتقال راحت قلعة الشبشب وحدفاني
انا: مجتش فيا
والدتي: والله
وحدفتني ب الفرده التانيه
انا: دي جت
فتحت الباب وطلعت ورحت عند خالتي رنيت الجرس ملك فتحتلي
معاز: الهبلة شرفت
قعدت جنبو وضربتو ع قفاه
انا: ملكش دعوه بيا دلوقتي انا مش طيقة حد
مازن: هو انتي بتطيقي نفسك عشان تطيقي حد معروفة
انا: بس يا خفيف
مازن: بسيت
معاز: في اي مالك ضاربة بوز كدا ليه
انا: خالتك ياعم
مازن بضحك : مالها
انا: أشهدك انت يا دكتور
مازن: شهديني مانا بقيت دكتور نفسي اليومين دول
انا: مش هتفرق انت ف كلتا الحالتين تافه
مازن: الواحد يديكي قلمين بلسانك دا
انا: لا انت مفكرني هبلة مش هعرف ادافع عني دانا اوديك البحر وارجعك عطشان
مازن: اي إلى يشربني من ميه البحر اصلا ف طبيعي ارجع عطشان مش ذكاء منك
انا: معرفش بس هما بيقولو كدا
معاز: المهم اي إلى حصل
انا: قلتلها عمليلي مكرونة قالتلي عملاها هناك اهي حلو الكلام؟
معاز: حلو الكلام
انا: رحت اكل حلو الكلام
معاز: حلو الكلام
انا: جبت الشوكة حلو الكلام
معاز: لا اخلصي انا كدا هموت وانتي لسا بتاكلي
انا: هههه... اكلت معلقتين مكرونة شفت البرتقال اكلت منها ورجعت اكلت من المكرونة
مازن: اي العك دا
انا: عك اي يا جاهل اسكت... المهم يا واد يا معاز
معاز: واد!! اه المهم
انا: لقيتها بتقولي اي إلى انتي بتعملي حد بياكل مكرونة مع برتقال... قلتلها عادي بتحصل
مازن: يابرودك ياشيخة
معاز بضحك: عارف بتفكرني ب مين ببرودها دا
مازن بضحك: محمد اخوك مين غيرو هو الي عندو بروده أعصاب كدا بيشل الي قدامو ياجدع
معاز بضحك: اه والله...المهم كملي يا باربي
انا: بتقولي هو اي الي بيحصل بطنك هتوجعك قلتلها عادي بتحصل
معاز/ مازن: يابااااارده
انا: بس ياظريف منك ليه انا غلطانة ان بحكيلكم حاجة
معاز بضحك: خلاص معلش كملي
انا: لقيتها اتعصبت
مازن: حقها
انا: وحدفتني ب الشبشب
مازن: احسن تستاهلي
انا: مجاش فيا
مازن: لا دي خالتو محتاجة ماما تعلمها النشان بقى اومال فين الام المصرية وسلاح الام المصرية وف الآخر مش عرفة تصيبك
انا: ماهي الفرده التانيه صابتني
مازن: ايوا كدا خلتيني اقول ع خالتو طيبة
انا: ونبي انت الي طيب ع رأي وحده صحبتي
مازن: مالك
انا: متخدش ف بالك انت بس
معاز: معلش تنا مفهمتش حاجة
انا: مش لازم عشان انا مفيش دماغ اراجع الي قلتو خليك ف اخر الترم هنراجع كلو
الكل/ههههه
انا: بتعملي اي يابت انتي
ملك: بلعب
انا: لعبة اي
ملك: كلمة السر
انا لا دي لعبة ذكاء مليش فيها
مازن: دي انتي مينفعش تقربي منها اصلا عشان كلمة ذكاء دي كفيلة تكهربك
انا: بطل استظراف انا ذكيه جدا ع فكره
مازن: طبعاً دانتي ف الذكاء مفيش منك اتنين والحمدلله ان مفيش منك اتنين
انا: بقين سخيف اوي
مازن: معلش
انا: معااااااااز
معاز: ايييي
انا بضحك: في اي يالا خضتني
معاز: انتي الي خرمتي ودني ب صوتك دا
انا: دانا صوتي جميل
معاز: بطلي كدب بقى
انا: دانا صحابي بيرنو عليا عشان يسمعو صوتك
معاز: متخلفين زيك
انا: اتلم بدل مالمك
معاز: هتلم حاضر
انا: يلا سلام عليكو اشوف العفريت الي ع ماما انصرف ولا لا
معاز: شوف مستفزه بطريقة
مازن: مش تربية اخوك
انا: تربية ظابط يا هايف منك ليه
مازن/ معاز: هايف
معاز: حاسس ان بكلم واحد صحبي ليه كلامك مش زي شكلك كدا
مازن: ماهو ربنا بيدي حاجة وبياخد حاجة مديها ف شكلها وواخد عقلها ومطول ف لسانها
ملك: هما بيعاكسوكي وهما مش وخدين بالهم اصلا
انا: هقلهم اي ماهما عيال مهزأ وعديمة التربية اتفو... اومال عيزيني ابقى زي البنات التانيه هاي وبتاع
معاز بضحك: قولي هاي كدا زي ماهما بيقولها ونبي يا فانيليا
انا وبقلد أصواتهم: هاي
معاز بضحك: طب وربنا عسل
شديت الشاحن وضربتو ع ايدو ورجلو
معاز: لا لا بيلسع وربنا متهزريش
انا: احترم نفسك سكتالك من الصبح
معاز بضحك: خلاص ياباربي
انا: برضوا
وقعد اضربو
انا: مهزأ
رميت الشاحن ف وشو وفتحت الباب ونزلت وروحت بيتنا
انا: مكتوبة ليك اني انا الي تعيشلها مكتوبة ع اسمك حياتي كلها
والدتي: هو مين دا الي مكتوبالو ياختي
انا: ياساتر يارب في اي يا ماما خضتيني
والدتي: انتي بتتخضي دانتي عليكي صوت يقوم الميت من تربتو دا
انا: ههههه
والدتي بضحك: ابتلاكي بهبل هيا دي ضحكة
انا: ههههه
والدتي: الله بت
انا: خلااااص
دخلت عملت كباية نسكافيه ودخلت الاوضة وقعدت اسمع التلفزيون وغصب عني نمت
وبعد وقت مش عرفة قد اي
والدتي: إيمان بت اصحى... يا ايماان
انا: امممم
والدتي: خليكي براحتك بس محمد جه
اتنفضت من ع السرير
انا: فين يا ماما هو فين
والدتي: ف بيتو ياماما تعالي
طلعنا احنا الاثنين
والدي: راحة فين
انا: محمد جه يابابا محمد جه
والدي: اه عارف
انا: هروح اشوفو
والدي: لا
انا: لا!! حضرتك واقسم بالله ماوقت هزار
والدي: انا مش بهزر يا إيمان سمحتلكو انكم تطلعو قبل كدا كتير بس كنت بعدي ب مزاجي
انا بعياط : عشان خطري واقسم بالله 5 دقايق بس عدهم ع ايدك كدا لو اتأخرت ابقى عاقبني عن ال5 دقائق لو اتأخرت والله
والدي: مش عايز اتكلم ف الموضوع كتير
انا: ياماما اتكلمي يا ماما عشان خطري يابابا ونبي هطمن عليه بس وهاجي بسرعة
والدي: قلت لا اتفضلي ع اوضتك
دخلت وانا بعيط واترميت ع السرير وانا مش قدره اتنفس من كتر العياط
انا فنفسي: ليه بيحصل معيا كل دا مش قدرة افهم بابا عايز يوصل لاي ب الي بيعملو دا حرام واقسم بالله الي بيحصل فيا دا انا زهقت
طلعت البلكونة وفضلت واقفة بحيث انو يطلع لان مطلعش ف كنت داخلة
محمد: القمر داخل كدا منغير مشوفو
سمعت صوتو حسيت ان رجعت للحياه من تاني وقعدت اعيط
محمد: في اي بس يا عيوطة
انا: انت كويس
محمد: كويس اهو بطلي عياط
انا بعياط: معلش معرفتش اجي عشان بابا والله
محمد: ماهو برضوا لو مش باباكي انا مكنتش استنيت وجيتلك قبل مادخل بيتي حتي بس المهم اني شوفتك دلوقتي
انابعياط: انا اسفه
محمد: بتتأسفي ليه مش زنبك وكفاية عياط ونبي
انا: مداري ايدك كدا ليه
محمد: لا مداريها اي عادي هداريها ليه
انا: ايدك مالها يا محمد
محمد بضحك: يابنتي مالها انا الي بحب احطها كدا متقلقيش
انا وزيدت في العياط: ايدك متعوره صح وانت مش عايز تقولي عشان مخفش
محمد: عادي يا إيمان مش اول مره انا اتعودت خلاص
ببص تحت البيت لقيت بابا ركب العربية ومشي بصينا لبعض وضحكنا ونزلنا بسرعة فتحت الباب وطلعت وهو وهو كان طلع من البيت جريت عليه وحضنتو وكنت بعيط بهستريه
محمد: يابنتي انتي بتعيطي ليه دلوقتي
انا: غيبت كتير يا محمد غيبت كتير
محمد: انا اسف والله حقك عليا... خلاص بقى كفاية عياط
كنت حضناه ولا الحاجة إلى ضايعة بقالها سنين ولقيتها دلوقتي مكنتش راضية اسيبوه
محمد: طب تعالي الناس بتتفرج علينا
فتح باب الجنينة ودخلنا
انا: مش هتمشي تاني صح
محمد: لا انا جنبك اهو
انا: مانت بتمشي
محمد: لا والله مش همشي انا معاكي اهو
قعدنا وانا لسا حضناه
محمد: بتاخدي دواكي
انا: ايوا والله باخدو
محمد وهو بيضمني اكتر: شطوره
انا: ايدك بتوجعك صح
محمد: تؤ تؤ
انا: كداب اكيد بتوجع
محمد: لا مبتوجعنيش بصي
انا: ابص اي هو الوجع بيتشاف
محمد: اومال اي
انا: بيتحس
محمد: يعني انتي حسيتي انها بتوجعني
انا: اممم
محمد بضحك: بقينا بنحس أخيراً
انا: تصدق انا غلطانة
وكنت ببعد عنو عشان اقوم لاكن ماسكني بتملك ومش عرفة اتحرك
محمد: انتي الي عيزه تسيبيني اهو
انا: مانت الي بتستظرف
محمد: والله ابدا دانا فرحان انك بقيتي بتحسي بيا
انا: ليه هو انا مش بني آدمة وبحس
محمد: تؤ تؤ انتي اميرتي
انا: فكك من الكلام دا متثبتنيش عشان مبتثبتش
محمد: والله مش بثبتك انتي اميرتي وبنتي وكل حاجة ليا
انا: ابو التلزيق الي انت فيه
محمد: لسانك دا مبيتغيرش
انا: تؤ مبيتغيرش هو اللسان بيتغير
محمد: امم بيتغير بيطلع كلام حلو سمعتي عن دي قبل كدا
انا: لا مسمعتش
محمد: عارف والله... وحشتيني اووووي
انا: ماشي
محمد: مش مشكلة مش هدايق نفسي ماشي ماشي
انا: ماما عندكم
محمد: اه
انا: طب اوعي لبابا يجي
محمد: واقسم بالله ابدا انا مصدقت اصلا
انا: يا محمد هيزعقلي
محمد: خلاص يا إيمان اهو
بص قدامو وقعد ساكت
انا: متزعلش
محمد: مش زعلان
وقفت قدامو وميلت براسي وابتسمت بطريقة تضحك لقيتو بيبتسم تدريجيا وضحكنا ف نفس الوقت
صرخت فجأة
محمد: بت ايه الي انتي عملتي دا
انا: انا لما بفرح بصوت
محمد: هتجننيني عليكي كذا مره احزرك من صوتك صح
انا: خلاص
لقيت فونو بيرن
محمد: الو ياخالتي......ماشي
وانتهت المكالمة
محمد: خالتي بتقولك باباكي مش هيجي دلوقتي تعالي... يلا
انا: يلا
روحنا ودخلنا ولسا بنقفل الباب لقينا حد بيرن الجرس
فتحت الباب وهو كان واقف معايا
هالة: ازيكو
انا: كويسين
هالة وهيا مده ايديها: ازيك يا محمد
محمد: الحمدلله
وسابها ودخل قعدت اضحك وارقص قدامها وانا بغني
انا: حبيبي ع نياتو كل البنات اخواتو
هالة: حبيبك!!!
انا: اوبس هو انتي متعرفيش مش انا ومحمد اتخطبنا
هالة: كدابة امتى دا
انا: قرأنا فاتحة ولسا الخطوبة قريب انشاء الله هبقي اعزمك يا روحي متقلقيش
انا: عيلة مهزأ ورخيصة... انت يالاااااا
محمد: يخربيت صوتك اي يابنتي انتي بندهي ع عيل تايه
انا: بطل استظراف... عارف لو شفتك بره هعمل فيك اي هولع فيييييك لحد ماتمشي وجه النسناس دي ملمحكش
لقيتو شدني عليه
محمد: بتغيري
انا بستهزأ: اي انا اغير ههه لا طبعاً
محمد: لا ياشيخة اومال دا اسمو اي
انا: والله دا الي عندي متخرجش الا لنا انا اسمحلك
محمد: حبساني يعني
انا: زي ماتفهمها بقى
محمد: بس انا لو قعدت ف هقعد ب مزاجي ع فكره
انا: ميخصنيش المهم انك متخرجش
وسيبتو وكنت طالعة لقيتو شدني ايدينا اتكهربت
انا: اي سلك الكهربا دا
محمد: مش عارف
انا: هههه
محمد بضحك: اله
انا: ههههه
محمد بضحك: اله في اي يابت
انا بضحك: لا ولا حاجة... أي دا
حطيت ايدي ع راسو
انا: برضوا
محمد بضحك: انا مالي دلوقتي الرصاصة هيا السبب
انا: اقول لخالتي طيب
محمد: لا هتقلق وتقعد تعيط منغير سبب
انا: طب خليك هنا انا بقيت خبره ف الحجات دي
رحت طلعت مكعبات التلج من التلاجة حطيتهم ف علبة وطلعت قطعة قماش واختها
انا: الله عليكي يابت يا إيمان ذكية والله انا خساره ف العيلة دي
لسا بتحرك اتخبط ف السفره التلج وقع عليا وقعدت اطنطط من رجلي لقيتهم كلهم اتلمو
محمد بضحك : اي إلى حصل
انا: بتضحك ع اي انت انا تلجت
محمد: طب هاتي ايدك
انا: اوعي انت ب ايدك دي... هات ايدك يا معاز
معاز مدلي ايدو لقيتو بصلو راح منزل ايدو وراجع ورا ومسك ايدي وشدني عليه
كلهم قعدو يضحكو ع منظري
انا بضحك: خلاص يا خفة منك ليه
مازن بضحك: انتي اي إلى دخلك المطبخ اصلا انتي مينفعش تدخلي اي مطبخ عمتاً
شديت الطاسة وكنت هخبطو بيها
مازن: هش هتفتحي دماغي
انا: يلا ف داهية
طلعو هما الاثنين وهما فطسانين ضحك
انا: التلج ع الله حكايتو
كان ماسكني ب ايد وحدا وانا وقفة ع رجلو
انا: استنى ايدي سقعة
قعدت احط ايدي ع وشو لقيت ايدي انا الي بتسخن وعنيه بتحمر
انا: ولا محمد
محمد: نعم
انا: انت كويس
محمد: ايوا كويس اهو
انا: كويس ازاي طب اقعد... يا مازن ماااازن
قعد وحط ليدو ع راسو
مازن: في اي يا مصيبة انتي... في اي يابني مالك
انا: اتصرف يا مازن اتصرف
مازن: محمد مالك انت كويس
انا: انت بتسألو
محمد: ياعم كويس
مازن: كويس ازاي .. قوم تعالا
قام ودخل الاوضة معاز نزل يشتري تلج وجه ومازن ادالو مسكن
انا: هات انا هعملو الكمادات
مازن: ماشي بس خلي بالك
انا: ماشي
كنت بحطلو الكمادات
انا فنفسي: يالهوي مستحمل ازاي التلج دا انا بردت
محمد: عايز اقلك ان مش حاسس بيه اصلا
انا: ازاي
محمد: التلج دانا مش حاسس بيه
انا: هو انت بردان ولا سخن انا مش فهمة
محمد: ولا انا
انا: انت اتعديت مني ولا اي
محمد: تقريباً
انا: مش تقريباً دا اكيد... واتخمد بقى... هيييييي
محمد: في اي ياهبلة
*يتبع*
بدل ماتدور وتبحث علي الروايات خليها علي تليفونك وحمل تطبيقنا
