روايه غيرة حب الفصل الثامن والخمسون بقلم احمد صابر
محمد: يبقى اي
انا: معيطش ع اي حاجة
محمد: اه
انا: ومحطش صباعي ف بوقي
محمد بضحك: لا
انا: معملش حركات الأطفال كلها
محمد: شطوره... يبقى خلاص اتفقنا
انا: اتفقنا
محمد: حاسس ان عايز اخدك ف حضني واقسم بالله انتي اي البرائة دي
انا: انا مش بريئة
محمد: متهمة
انا: اه احبسني بقى
محمد: بس كدا هكلبشك الأول
انا: عارف انت الايس
محمد: ايس الي ف بالي ولا انتي قصدك اي بظبط
انا: هو الي ف بالك
محمد: هارك اسود عرفتي الايس منين
انا: انجي الي قالتلي
محمد: انجي مين دي اوعي تمشي معها تاني ودي تعرف الايس منين دي
انا: في اي دا عادي
محمد: لا مش عادي البت دي لو شفتك تمشي معها هخلي وشك خريطة
انا: في اي هو انا بقلك شربتو انا بسألك عليه بس لو عوزت اجربو هبقي اجربو انا وانجي
محمد: عشان اخدك أمن دولة وش واعلقك هناك
انا: متقدرش
محمد: دي حقيقة
انا: طب هو الايس دا زي البانجو كدا
محمد: مش لازم تعرفي عشان انتي هربانة منك
انا: لا ياجدع مش لدرجادي انت عبيط انا اخري بانجو حشيش كدا
محمد: وحيات امك
انا: تؤ عيييب
معاز: هنعمل دماغ سوا
انا: بس كدا
محمد: ملكيش دعوه ب الواد دا
معاز: واقسم بالله انتي خساره ف الواد دا سيبك منو ونتجوز انا ونتي
انا: هتجيلي مصاصا
معاز: يااا هجبلك ماركت مصاصات
انا: وانا موافقة
محمد: طب يلا بقى اخفي من وشي عشان مزعلكش مني
معاز: غيرااان لييييه
محمد: معاز والله مابهزر اخفي من وشي دلوقتي
معاز: هيا هتقلب بجد ولا اي... ايوا يا ماما جاي اهو
لقيتو بصلي
انا: حاضر يا ماما جاية
وطلعت اجري ع الاوضة وقفلت الباب
انا: انا كانت ع الله حكايتي انهارده
قعدت ف الاوضة ولقيت ملك جت قعدت معيا وفجأة الجرس رن وهو راح فتح
هالة: ازيكو
انا لملك: هيا
ملك بضحك: اه
فتحت الباب وفضلت وقفة اشوف اي إلى هيحصل لقيتو زي كل مره طنشها وعدا من قدام الاوضة رحت بصالو بقرف قعد يهوش قدامي ب ايديه اكنو هيضربني بس انا مرمشتش
محمد: لا جامده
انا: بس يالا أركن ع جمب... البومة دي جايا هنا ليه
محمد: وانا اعرف منين
انا: احسن برضوا روح شوف انت رايح فين
محمد: ياستي انا داخل
دخل وهيا كانت قعده مع معاز
انا: وانت اي حكايتك
معاز: اي
انا: معندكش اوضة
معاز: اه عندي ليه
انا: اتكل ع الله يلا ادخل اوضتك
معاز: طيب
هو دخل وانا قعدت قدامها
هالة: في اي
انا: لا ولا حاجة خالص... انتى بتعملى اي هنا
هالة: انا هبات هنا انهارده
انا: امممممم... ليه بقى
هالة: عادي مفيش سبب
انا: اممممم
سبتها ودخلت جوا لقيتو بيقرأ كتاب
انا: دي هتبات
محمد: وانا مالي
انا: انت مالك ازاي... واقسم بالله البت دي لو عملت تصرف ميعجبنيش هزعلها مني جامد
محمد: سيبك منها اعتبريها مش موجوده وخلاص
انا: انا مش مرتحالها
محمد: ليه
انا: معرفش
محمد: طب هيا عملت حاجة
انا: لا بس انا مش مرتحالها
محمد: عملت تصرف دايقك يعني
انا: تؤ
محمد: طب اومال اي
انا: معرفش
محمد: تعالي
قعدت قدامو لقيتو نام ع رجلي ومسك الكتاب وقرأ فيه شوية وراح حطو ع وشو ف شيلتو لقيتو مغمض عينو
انا: حظاااابط
محمد: الله ياخد حظابط من وشك ياشيخة عيزه اي
انا: متنامش
محمد: منامش ليه عليا زنب بقديه
انا: معرفش متنامش وخلاص
محمد: تعالي نامي واقعدي ساكتة
انا: مانا مش جايلي نوم
محمد: انا بقى جايلي نوم
انا: اتخمد مش عيزه من وشك حاجة
محمد: طب اهو قومت وبعدين
انا: خليك صاحي بقى متنامش
محمد: ايوا ليه
انا: معرفش قوم اعملي اكل
محمد: انتي عيزاني اصحى وخلاص
انا: اه
محمد: حاضر
مسك ايدي وطلعنا وهيا كانت قعده برا طلعتلها لساني... دخلنا احنا الاثنين المطبخ
انا: انا شبعت
محمد: مالك
انا: اه والله شبعت الجوع مشي
محمد: لا رجعي تاني بعد ازن حضرتك ارجع
انا: ههههه... والله مش جعانة
محمد: اومال مطلعة عيني ليه
انا: انت بتزعقلي بتعلي صوووووتك علييييااااااا
محمد: مين الي بيعلي صوتو دلوقتي بصوتك المسرسع دا
انا: دانا صوتي جميل انت عارف حاجة اسكت
محمد: ياشيخة اتنيلي دانتي بتلمي الدبان
انا: ع فكره صوتي حلو بس انا الي مش بحب اغني بصوت حلو
محمد: طب متغني
انا: لا
محمد بضحك: عرفتي ان صوتك بيلم الدبان
وكان طالع من المطبخ
انا: حبيتو بيني وبين نفسي ومقلتلوش ع الي ف نفسي معرفش اي بيحصلي لما بشوف عنيه... مبقتش عرفة اقلو اي... معرفش ليه خبيت عليه بضعف اوي وانا جمبو وبسلم عليه.... الكلام لو كان يعبر ع الحنان كنت قلت اني بحبك من زمان كل يوم الشوق بيكبر عليا بااااان
كان باصصلي بصدمة وكان الكل اتلمو ف اتكسفت
معاز: ماهو اكيد الي سمعنا دا مش صوت فانيليا
مازن: لا ياشيخ انت كدا بتغلط فيها اكيد مش صوتها
معاز: بس والله في شبه كبير من صوتها... صح
انا: اه ياخفيف منك ليه
مازن: صوتك قولي والله
معاز: البت دي اكتشااااف اسمع مني
ببصلوا لقيتو لسا باصصلي بصدمة ضحكت وبصيت ف الارض
مازن بضحك: الحق اخوك
معاز بضحك: يعيني دا اتصدم.... من حقكك بصراحة
ضربو بدراعو ف بطنو
محمد: اي الصوووت دا
انا: اي مش دا الي كنت بتتريق عليه
محمد: مش دا مش دا والله مش دا دا التاني الي بيلم علينا امة لا الاه الا الله
الكل/ ههههه
انا: ظريييييف
هالة: ع فكره عادي طب مانا صوتي حلو
محمد: اسكتي يا هالة الله يرضى عليكي
هالة: لا ياحبيبي والله صوتي حلو
انا: حبيب مين ياما حاسبي ع كلامك يابا عشان مقطعلكيش لسانك
هالة: هو انا كلمتك انتي انا بكلم محمد
انا وبتريق عليها: محمد الي انتي بتكلميه دا يبقى خطيبي
هالة: لسا مبقاش خطيبك
انا: بس هيبقي... انتي بقى اي إلى مدايقك
هالة: لا يعني هدايق ليه مش مدايقة
انا: طيب
مسكت ايدو وسحبتو ورايا
انا: اترزع هنا اهو
محمد: اول مره تقولي خطيبي
انا: اممم
محمد: وانا فرحت
انا: وانا اعملك اي
محمد: لا متعمليش حاجة
انا: اممم
محمد: واخرتها
انا: اقعد ساكت
محمد: غنيلي وانا اسكت
انا: لا
محمد: بقى كدا
انا: مش غني انا هيا كانت مره وحدا وخلاص
شدني من ايدي
محمد: طب تعرفي ان صوتك حلو
انا: عرفة
محمد: اي الثقة دي
انا: دي مش ثقة دا غرور بعيد عنك
محمد: هههه
انا: باي هروح
محمد: ليه
انا: هو اي الي ليه عندي درس الساعة 8 الصبح ف طبيعي اروح انام... وانت موراكش حاجة تعملها مش عيزه أشوف وشك ف البيت دا انهارده لحد ما البومة دي تمشي
محمد: اروح فين يعني
انا: روح بات ف فندق اعمل اي حاجة
محمد: يا حبيبتي انا عندي بيت اي إلى يبيتني ف فندق
انا: معرفش
محمد: اوعدك انك اول ماتروحي انا هنام والله مش هطلع
انا: احلف
محمد: والله العظيم ماهطلع هنام اهو... اقلك باتي هنا انهارده وخلاص
انا: لا مش هينفع...يلا تصبح ع خير روح اتخمد
محمد: هتخمد حاضر هفضل متخمد لحد ماتيجي من عينيا
انا بصوت واطي : بالله عليك ماتدخل عينك ف الموضوع الواحد بيبصلها اصلا بيحس ان هيغمي عليه
محمد: بتقولي اي
انا: ها لا متخدش ف بالك... يلا تصبح ع خير
محمد: وانتي من اهلي
عملتلو باي وانا ماشيا طلعت وقفلت الباب نزلت وروحت لبست البيجامة لونها اصفر وعليها سبونج بوب وفردت شعري عشان بيدايقني وهو مربوط ونمت
*تاني يوم*
صحيت اخدت دوش واديت فرضي ولبست بلوزه لونها ابيض وبنطلون اسود وايد ليج واسع وطرحة لونها اسود واخت كتبي وشنطتي ونزلت
انا: يلا
بسملة: تعالي نتصور
انا: بس يابت اقعدي ساكتة
بسملة: صوره وحده بس عشان تبقى زكري ع الاقل
انا: ليه هتموتي
بسملة: بس يابت يا بارده
انا: بسيت
دخلنا حضرنا الدرس وطلعت وكنت جايا من اول الشارع لقيتو متجه لبيتي وهيا وقفة عند العربية
انا: اممممم
محمد: كنت جايلك
انا: اممم كنت جايلي ليه
محمد: عشان تيجي معايا نوصل هالة
انا: نوصل هالة!! امممم وبعدين
محمد: اركبي
انا: لا روح انت مش لازم اجي
محمد: لا معلش تعالي
هالة: خلاص سيبيها براحتها لو مش عيزه تيجي
انا: لا هاجي
حطيت الشنطة بعصبية وركبت
محمد: القمر زعلان ليه
انا: مش زعلانة
محمد: ضاربة بوز كدا ومش زعلانة
بصيت من الشباك وانا فعلاً مش عرفة اي إلى مزعلني او مدايقة ليه
كانت قعدة بتغني
انا: تعرفي تسكتي
هالة وبصوت عالي عشان تستفزني: دانت أغلى الناس عليا روحيييي فييييييييك
انا: هجيبك من شعرك والله
هالة بضحك: خلاص... محمد ونبي شغل اغنيه
محمد: مصدع مش هينفع
اخدت الهاند فري واديتهالها
انا: في اختراع اسمو Airpods سمعتي عنو قبل كدا
اخدتها ولبستها
انا: جلطة
بص ف الجه الأخرى وضحك... اخت فونو وكنت عيزه افتح انستجرام
انا: فين الانستجرام
محمد: انا مسحتو من ساعتها
انا: احسن برضوا... يعني كدا مبقاش ليه وجود
محمد: اه
انا: احسن متعملوش تاني بقى
محمد: ليه
انا: هو كدا متسألش ليه لما اقول كلمة تتسمع
محمد: حاضر
انا: احم اي الأحترام دا بتحرجني ب احترامك دا والله
نظر ف الجه الأخرى وضحك
انا: اضحكلي هنا بحب اشوف ضحكتك
محمد: اي
برقت بعد ما استوعبت انا قلت اي وخبطت ع وشي
محمد: متخبطيش ع وشك تاني
انا: ماشي اقصد حاضر
محمد: شطوره
بصينالها لقيتها حطه Airpods ومندمجة
وقف ب العربية وهيا نزلت مسكتني من خدودي ودخلت
انا: اي البت الهبلة دي
محمد: هههه
ساق العربية وروحنا
انا: يلا باي
محمد: راحة فين هنقعد مع بعض شوية
انا: معلش مره تانيه عشان عندي مذاكره عشان عليا درس دراسات يدوبك الحق
محمد: ماشي...باي
انا: باي متزعلش بقى اول ماهاجي هخليك انت بنفسك تطردني هزهقك ف عيشتك
محمد: لا ماهي المشكلة اننا مبزهقش الحاجة الوحيده الي بتزهقني لما بكون قاعد وانتي مش معايا
انا: وحيات ابوك مانقصة لغبطة متقول انت عايز تقول اي مباشر اي لزمتها الفوازير دي
محمد: فوازير اي هو احنا ف رمضان.. روحي يا إيمان ذاكري
انا: يلا باي يا حظابط
كان ساند ع العربية ووقف مستنيني ادخل فتحت الباب وكنت داخلة رحت قفله وراحة عندو
انا: مانت لو فضلت واقف وباصصلي كدا هحلف مانا مذاكره ومش طالعة بيتنا اصلا
محمد بضحك: ليه
انا: مش لازم يلا بااي
محمد: باي
دخلت وعملت نسكافيه و وقعدت اذاكر شوية
وبعد ساعتين المنبه رن وقمت لبست واخت كتبي ومشيت
انا: لو مكنتوش جيتو كنت همشي
بسملة: ندله
انا: اول مره تعرفي
الكل/ بارده
جبنا شوية حجات من السوبر ماركت ورحنا الدرس... بعد ماخلصت كنت ف طريقي للبيت لقيتو نازل بيفتح باب العربية وبيبص بالصدفة لقاني
محمد: اي إلى انتي لبساه دا
انا: اي
محمد: انا مش ميت مره اقلك اللبس القصير دا ميتلبسش
انا: فين دا الي قصير بص لحد فين طويل اهو
محمد: مسمعش نفسك عشان متغباش عليكي قدام الناس خشي غيري الي انتي لبساه دا ولو عنت اشوفك لبسا حاجة زي دي واقسم بالله لدفنك مكانك انتي سمعه
انا: انت بتعلي صوتك ليه دلوقتي
محمد: انا لحد دلوقتي هادي وبحاول اتحكم ف عصبيتي بس مش هقدر اكتر من كدا ادخلي عشان ممدش ايدي عليكي يلاااا
اتفزعت من صوتو وكنت كتمة دموعي ب العافيه دخلت وانا حالفة مكلمو تاني
زهقت وقمت اذاكر لقيتو رن مردتش ارد عليه ورن لتاني مره برضوا مردتش ارد ف تالت مره زهقت ورديت
محمد: مش برن عليكي مبترديش ليه
انا: مش احنا متخانقين
محمد: اه
انا: بتتصل عليا ليه
محمد: ملكيش دعوه بسمع الكولتون
انا: بس انا مش حطة كولتون
محمد: بسمع الكولتون الي انتي مش حطاه
انا: هعمل الفون سايلنت عشان تسمعو براحتك سلام
محمد: استنى طيب
انا: اممم
محمد: اسف
انا: ودي اعمل بيها اي
محمد: طب عيزاني اعمل اي طيب
انا: ولا حاجة مترنش عليا لحد ماتعرف تصالحني ازاي
محمد: طب بحبك طيب
انا: شكراً ربنا يخليك حاجة تاني يلا سلام
وقفلت الفون ف وشو
انا بضحك: احسن
قعد يرن ومردتش لقيت الجرس بيرن نزلت افتح لقيت بلونات كتير نصهم لونهم احمر ومكتوب عليها sorry و الباقيين لونهم ابيض ومكتوب عليها love you اختهم وقفلت الباب
انا: هيييي
دخلت جوا وبعد دقائق لقيت الجرس بيرن
انا: يخرااابي هفضل طالعة نازلة
نزلت وفتحت الباب لقيتو ماسك مصاصا كتيييير وعلبة دونتس اخدتهم وقفلت الباب ف وشو قعدت ع الانتريه وانا بضحك ولقيت الجرس بيرن
انا: ههههه احم
فتحت الباب وانا مكشره لقيتو ماسك دبدوب كبير وعلبة شوكلاتة وورد
انا: هيييي
محمد: طب اي طيب تعبت والله
انا: معرفش انت الي غلطت ف تستحمل ناتج غلطك
حضنت الدبدوب واخدتو واخدت العلبة منو ب عصبية وقفلت الباب
محمد: انا يتعمل فيا كدا انا يتقفل ف وشي الباب 3 مرات ماااشي لو مش بحبك مكنتش عملت كل دا ع فكره بس ماشي مش عيزه تكلميني يعني براحتك مفيش مشكلة احاول تاني عادي
ضحكت بصوت واطي
محمد: اضحكي اضحكي من حقك تضحكي ظابط طول بعرض يتعمل فيه كل دا دي تدخل التاريخ والله
فتحت الباب
انا: ليه يعني
محمد: عشان بحبك
انا: شكراً
محمد: لا والله بقلك بحبك تقليلي شكراً
انا: اومال اقول اي يعني
محمد: كلمة كدا من أربع حروف لو اتقالت القيامة مش هتقوم والله
انا: شكراً
محمد: اي دي
انا: ماهي من أربع حروف اهي
محمد: لا التانيه بقى
انا: شبشب من أربع حروف برضوا لو متلمتش هديك بيه
محمد: تدي مين بيه
انا: انا
محمد: اه بحسب
انا: لا متحسبش
محمد: طب اي
انا: اي
محمد: مفيش اي حاجة كدا
انا: اي حاجة زي ايي
شاورلي ع خدو
انا: نتلم هااا انا لسا مسمحتكش
محمد: انا اسف ع الحاجة إلى معملتهاش دي وحسبي الله ونعم الوكيل ف كل ظالم ومفتري
انا: انا ظالمة ومفترية دور الضحية بقى وكدا مش انت الي مزعلني
محمد: ومش انتي برضوا الي كنتي لبسا اللبس القصير دا وزعقتلك بسببو
بصيت الجه الأخرى وسكت
محمد: سكتي طبعاً لان معيا حق
انا: لا انا سكت بس عشان عندي صداع ومش قدره اتكلم انما انا مش غلطانة ف حاجة البلوزه مكنتش قصيره لدرجة دي هيا ولا قصيره اوي ولا طويلة اوي
محمد: انا مش عايزك تلبسي بناطيل اصلا بس مش عايز اجبرك ع حاجة وسايبك براحتك انما تسوقي فيها وتلبسي لبس قصير دا الي مش هسمح بيه... المهم مش هنفتح ف مواضيع الحوار خلص واتقفل وقلنا ميتلبسش تاني يعني ميتلبسش تاني
هزيت راسي ب ماشي وانا مكشره ومش راضية ابصلو
محمد: ايوا انتي زعلانة ليه دلوقتي
انا: مش زعلانة
محمد: بس انا زعلان
انا: يا سلام ليه
محمد: عشان مبتسمعيش الكلام
انا: انا بسمع الكلام بس انت الي بتتعصب بسرعة
محمد: مانتي تصرفاتك الي بتعصبني يا إيمان
انا: عملت اي يعصب انا
محمد: لا يا بابا انتي معملتيش حاجة خالص انا الي عملت انا اسف
انا: ع اي
محمد: معرفش والله
انا: ماشي
محمد: كدا اتصالحنا خلاص
انا: اممم
محمد: طب عندك حل من الاثنين ياتديني بوسة لا اخد حضن
انا: ولا دا ولا دا قلة أدب ومسخره
وقفلت الباب وقف باصص شوية ومسك شعرو ولفت وحط ايدو ف جيبو ومشي وطلع بيتو
انا: زوتها؟ لا عادي
دخلت رتبت الحجات الي هو جابها كنت فرحانة ب الدبدوب اوي... فتحت واتس شوية وحصل حاجة ف روحت اسألو عن كم حاجة
رنيت الجرس وملك فتحتلي
انا: فين حظابط
ملك: جوا تعالي
دخلت وكنت راحة ع الاوضة
معاز: ازيك يا باربي
انا: احسن منك
معاز: طب قولي الحمدلله
انا: ظريف... هات كدا
اخدت كباية العصير من ايدو ودلقتها ع وشو
معاز : ايمااااااان
طلعت اجري ع اوضة محمد وكنت مستخبيه فيه
انا: الحقني يا حظابط الحقني عايز يضربني
محمد: يضربك!!
معاز: بص عملت اي
محمد: عملتي اي
انا: معملتش حاجة
محمد: ماهي بتقول معملتش حاجة اهي
معاز: واقسم بالله انتو الاثنين بارديييييين
شد ازازه البرفان وكان عايز يحدفو بيها
انا: ايييييييي رايح فين هتحدف دا ب ازازه البرفان خساره فيه والله
محمد: عندك حق
معاز : متكلمنيش
وسابني وطلع
انا بضحك: طب استنى طيب هقلك... معلش
ببصلو لقيتو رافعلي حاجبو
انا: في اي
محمد: ماتروحي تراضيه احسن
انا: مانا براضيه اهو
محمد: بقلك اي انا مش عايز هبل اظبطي بدل ماديكي قلمين اظبطك
انا: انت عارف واقسم بالله انا غلطانة ان جيت لواحد زيك.... يا ماااازن
محمد: هتغابي عليكي والله
ببص وراه لقيت الكلبشات قربت عليه وانا بصة ف عينو
انا: هتتغبي عليا انا
محمد: ها اي اه
قربت اكتر ومسكت ايديه وشديت الكلبشات براحة
انا: اهون عليك
هز راسو ب لا وهو باصص ف عيني
حطيت الكلبشات ف ايدو وانا مستغربة ازاي محسش دا كان ولا الي غايب عن الوعي بعدت عنو وقعدت اضحك
انا بضحك: هموت مش قدره
كان باصصلي بستغرب مسكت ايديه ورفعتها قدامو راح ببصلها وغمض عينو ونظر ف الجه الأخرى بعصبية
قرب من الكمومد عشان بجيب المفتاح جريت اختو وطلعت اجري
محمد: هاتي
انا بضحك: تؤ تؤ
محمد: إيمان هاتي المفتاح
انا بضحك: لااااا
قرب وحاوطني ب ايديه
انا: انت بتعمل اي اوعي
محمد: اوعي ازاي مش هعرف أشيلها ايدي متكلبشة زي مانتي شايفة
انا وبحاول اشيل ايدو: شيلها كدا اهو
محمد: تؤ تؤ
انا: طب ابعد انا هنزل كدا من هنا
قدمني اكتر عليه
محمد: لا
انا ودموعي نزلت: محمد مبهزرش واقسم بالله ابعد
محمد: طب خلاص طيب
شال ايدو وانا قعدت ع الكرسي وبعيط
محمد: يابنتي في اي شيلتها اهو بتعيطي تاني برضوا
انا: انت الي بارد قلتلك كذا مره مش بقدر اتنفس وقلبي بيفضل يدق بسرعة ومش بعرف اتحكم فيه
محمد: تقومي تعيطي
انا: اعمل اي يعني
محمد: فكيني الأول طيب
بصيت ل ايدو وبصيتلو
انا بضحك: لا
محمد: يا مستفزه
سيبتو وطلعت اجري ع برا وانا بسرخ
مازن : فيييي ايييي... أي دا
وقعد يضحك
محمد: بتضحك ع اي مش فاهم... هاتي المفتاح اخلصي
انا: لااا لا لا
محمد: مبهزرش والله هاتي المفتاح
انا: مبهزرش والله هاتي المفتاح
محمد: إيماااان
انا: إيماااان
مسك شعرو ب عصبية
قعدت اجري حواليه عشان اغيظو غمض عينو وحط ايدو ع وشو
محمد: ايمااااان
اتخضيت من صوتو رحت ضرباه ع ايدو
انا: مهزأ خضيتني
محمد: افك ايدي بس وانا هفرمطلك وشك
انا: احيييه
محمد: انتي لسا شفتي حاجة دانا هوريكي ايام طين
انا: طين مره وحدا
محمد: تخيلي
انا: طب بص هنتفق اتفاق هفكك بس متكلمنيش
محمد: فكيني ونشوف الموضوع دا بعدين
انا: ياما لا
وطلعت اجري ع الاوضة معيا المفتاح
محمد وهربيقرب: فكيني احسنلك
انا: والله هفكك بس خايفة
محمد: ولما انتي خايفة بتعملي كدا ليه من الاول
انا: كنت بهزر
محمد: هو انا بيتهزر معايا
انا: لا انت كئيب
محمد: طيب اومال بتهزري معايا ليه
وحاوطني ب ايديه
انا: تاني
محمد: مفيش حل الا كدا
حاولت اشيل ايدو بكل قوتي لاكن مش عرفة
كنت برجع لورا رجلي خبطت ف السرير ورجلي كانت متلجة حرفيا لما اتخبطت ووقعنا ع السرير
محمد: يلا بقى شوفي هتقومي ازاي
انا: اوعيييي عيزه اقووم
محمد: مانا مش عاااارف انا مش عارف واقسم بالله
انا: يا محمد اتصرف قبل ماحد يدخل هعيط اقسم بالله
محمد: طب انا اعمل اي مفيش ف ايدي حاجة اعملها زيي زيك مش عارف اقوم اهو انتي الي مكلبشاني شفتي آخره تصرفاتك الطفوليه
انا: قلتلك كنت بهزر
محمد: تقومي مكلبشاني
انا: مانت كنت بتكلبشني
محمد: انا اكلبشك انتي متكلبشنيش
انا: ليه انشاء الله
محمد: مش عارف يمكن عشان انتي غبية
انا: ويمكن عشان انت بارد
محمد: ع الاقل مش غبي
انا: انا مش غبية
محمد: لا غبية
انا: انا مش غبيييييه
محمد: لا غبية يا غبية يا غبية
انا: متستفزنيش
محمد: هتعملي اي يعني
انا: هعيط
محمد: دا الي انتي شاطره فيه ع الطالعة والنازله تعيطي
انا: بسسسس احنا سيبنا الموضوع الأساسي وبنتخانق
محمد: تعرفي تشيدي ايدي
انا: ازاي
محمد: هشدها براحة وانتي انزلي
انا: ماشي
رفع ايدو وانا بحاول ارجع ايدي لورا عشان افكها
انا وع وشك البكاء: مش عرفة
محمد: طب اهدي مش ناقص عياط ونبي عرفة لو عيطي هخبطك ف راسك
انا: اهو مش بعيط
بصينا حوالينا وبنحاول نلاقي حل فجأه بصينا لبعض ف نفس الوقت
محمد: عيونك حلوه اوي
كنت برمش بسرعة وبصيت للجه الأخرى
محمد: بصي هو للأسف مفيش حل تاني
لفني و رفع ايدو لفوق
محمد: يلا
طلعت من ايديو ووقفت وفكيتو
كنت بلم شعري
لقيتو بيبصلي نظره انتقام طلعت اجري وحطيت الزعبوط ع شعري
انا: اعقل يسطا
محمد: انتي خليتي فيا عقل دانا هفرمطك
انا: يا مامااا
طلعت اجري شدني من هدومي
انا: اهدا يسطاا شعري هيبان
قدم الزعبوط ودوء الحبل وربطو
انا: هتخنقني هموت
محمد: لا يا شيخة ع اساس ان انا مش عارف رابطها فين اهبل انا صح
انا: لا يا حظابط مين الي قال كدا انا الي هبلة طبعاً
محمد: مانا عارف
انا: اوعي بقى عشان عيزاك ف موضوع مهم والله
محمد: ارغي
انا: دلوقتي صحبتي جالها مسدج من نفس البنت وهيا اتكت عليه كدا هيا اتهكرت
محمد: لينك
انا: بتقول لا أرقام
محمد: من الشركة اكيد
انا: انا قلت كدا وربنا
محمد: لا طلعتي بتفهمي
انا: عرفة
محمد: مغروره
انا: مغرور
مازن: واقسم بالله مافيه اتفه منكم انتو الاثنين
محمد: عرفة دا لو مش اخويا الكبير كنت عملت اي
انا: اي
محمد: ولا حاجة
انا: ههههه
معاز: انا رايح فين انا راجع تاااني
انا: انا مش هنساك ولاقلت إنساني
معاز/ انا: ههههه
انا: بس عشان اخوك بيتحول
معاز: الدنيا فيها حكايات ومشاكل
انا: عويل ضعيف تنزل تتاكل
معاز: تعيشها قلب هيقولو راجل كلو يهيب منك يا رجولة
انا: ع الصحاب انا قافل بابي سكنتي شديتها من جرابي كلو هابني وقالو ارهابي حبة عيال ضماير مقتولة
معاز: سفاح جراح يضرب بسلاح لو كنت بروسلي انا السفاح قمور وجميل وشك هيكون صفايه
انا: انا بب مجالي ف العصر الحالي انا خصمي يشوفني بيمسك الي ديتو سكينة صعب انت تصد معايا
مازن: الله يكون ف عونك ياحبيبي
محمد: انتي الي حطتينا ف الموقف دا
انا: انت يالا اي الله يكون ف عونو دي هو انا باكل بني ادمين
مازن: لا لسمح الله مين قال كدا
انا: اه بحسب... اوليو بليو اليجو اليو بيليو بليستو
محمد: ابوس ايدك تخليكي ف منهجك وفكك من تالتة ثانوي
انا: منهجي وزفت متفكرنيش
محمد: خشي ذاكري انتي مش امتحاناتك قربت
انا: لييييه كدا يا حظاااااابط بتفكرني لييييه اتووووترررررت وجووووووعت
محمد بتريقة: معلششششش
انا: اعمل اي دلوقتيييي
محمد: تدخلي تاكليييييييي بدل مانا الي اكلك علقة
انا: لا وع اي انا اصلا جعانة
محمد: كوليني يا إيمان كوليني
انا: تؤ مازن مانعني من الحلويات صح يا مازن
مازن بضحك: حصل
محمد: والله مفيه حد حلو هنا غيرك
معاز: ف دي عندك حق
شدو من شعرو وراه ودخلو الاوضة وقفل عليه
محمد: واقسم بالله انت لو مش اخويا كنت وديتك المشرحة
معاز بضحك: خلاص والله مش هتتكرر تاني صدقني
محمد: والله ابدا لما تتأدب الأول وتعرف تلم لسانك عشان مقطعهوش ليك انا
معاز: وربنا انت عيل بارد
محمد: هجيلك
معاز: لا ونبي خلاص خليك
انا: متطلع الواد في اي
محمد: وانتي مالك انتي زعلانة عليه كدا ليه
انا: انا مش زعلانة انا مبزعلش ع حد اصلا
محمد: روحي كلي وادخلي ذاكري مشوفش وشك بره الاوضة
انا: مهزأ
محمد: هششش
انا: هششش اي هششش انت
محمد: يابت اتلمي
انا: شايفني متبعتره
محمد: وانا الي هلمك
انا: روح شوف انت رايح فين اجري
محمد وهو بيضربني ع راسي: اتلمي بقى
انا: اه انت بتضربني
محمد: اه روحي قولي ل امك بقى
انا: يا ماماااااااا يا خاااااالتي
محمد: خدي بهزر
انا: والله لعلمك الأدب... يا خااااالتي
حط ايدو ع بوقي وشدني
مني: في اي
محمد: لا يا ماما مفيش حاجة
عضيتو من ايدو
انا: لا فيه
مني: سيبها
سابني ورحت وقفت وراها
انا: ينفع يا خالتي ينفع ابنك يضربني ع راسي وانا راسي بتوجعني عملتلو اي انا عملتلو اي دايماً جاي عليا ليه
والدتي: هو الي جاي عليكي!!
انا: اه يا ماما جاي عليا اي
مني وهيا بتمسكو من شعرو: بتضربها ليه هااا
محمد بضحك: والله كنت بهزر معها مضربتش اوي
مني: برضوا متمدش ايديك عليها
محمد: حاضر والله حاضر سيبي شعري بقى
مني: اسيبو؟
انا: اممم خلاص يا منى سيبيه
مني: عشانك انتي بس اهو
محمد: لا كتر خيرك بصراحة
انا: شوف اي خدمة عشان تعرف ان بحبك
محمد بضحك: اي
استوعبت انا قلت اي برقت وخبيت وشي ب ايدي ولفت وكنت داخلة شدني من هدومي
محمد: راحة فين هو بعد إلى قلتيه دا هسيبك دانا بقالي 3 سنين مستني اسمعها
مسكت ف هدومو وخبيت وشي راح ضاممني
محمد: والله عادي مش حرام ولا عيب الحرام انك تحرميني منها كل دا
انا: مش ب الكلام والله في تصرفات بتحصل كفيلة توريك ان بحبك
محمد: واقسم بالله وانا بدمنك بحبك يا إيمان واقسم بالله محبيت ف حياتي غيرك انتي ولا هحب غيرك طول مانا عايش قلبي هينبض ب اسمك انتي وبس
غصب عني عيطت
محمد: بتعيطي ليه
انا بعياط: عشان مش فهمة
محمد بضحك: و اي الجديد يا إيمان مانتي طول عمرك مش فهمة
انا: شكراً
محمد: خلاص متزعليش انا الي مش بفهم انتي ذكيه جدا ع فكره
انا: اه انا ذكية
محمد: عارف
انا: بتتريق
محمد: والله ابدا
انا: انا بكرهك
محمد: وانا كمان بحبك
انا: خلاص بقى خلصنا
محمد: خلصنا اي دانا هنام احلم ب الكلمة
انا: انا الي عيزه انام فعلا يلا باي تصبح ع خير
محمد: بقلك اي
انا: هاا
محمد: ماتجيبي بوسة
وطبعا ساعتها انا كنت عيزه انام ومش مركزه شديتو من التيشيرت وبستو من خدو
انا: هطيييير فوق بقي
محمد: دانا الي هطير واقسم بالله
انا: نطير سواااا فوووق انا سوبر مان لا سوبر ميرو
محمد: الله هلوسة... وبعدين
انا: عيزه ارووووح
محمد: يلا
شالني وانا مسكت فيه وكنت ضمة ايدي من البرد دخلني اوضة ملك وشد البطانيه عليا وقعد جمبي وبيمسد ع راسي وهو باصصلي وباس راسي وقفل النور وطلع
*تاني يوم*
صحيت ع الموعد بتاع الدرس مع ان الفون مكنش معايا والمنبه مرنش فتحت الباب بسرعة
محمد: في اي
انا: الدرس عليا درس
محمد: افطري الاول طيب
انا: مفيش وقت لازم الحق الدرس
محمد: يولع الدرس انتي نمتي منغير متاكلي امبارح انا معرفتش نام وربنا
انا ليه
محمد: لانك نايمة جعانة
انا: مفيش وقت واقسم بالله كان زماني لبست ومشيت دلوقتي عشان خطري انا هاكل اي حاجة وانا نازلة والله
محمد: لو مكلتيش هيبقى فيها زعل
انا: والله هاكل يلا باي متنساش تفطر قبل ماتنزل
محمد: حاضر
شيلت الكوتش وطلعت اجري منغير ملبسو
محمد: يابنتي رجلك
انا: مش مشكلة بقى
طلعت اجري ع البيت لقيت صحابي مستنيني قدام البيت
انا: ثواني واكون جاهزه... تعالو
دخلنا واخدت هدومي بسرعة واخدت دوش وصليت واخت شنطتي ولبست الكوتش بسرعة وكنت طالعة من البيت بس افتكرت ان حلفت اكل ف عملت سندوتش جبنة واكلتو ونزلت وصلنا قدام الدرس ونزلنا ودخلنا الدرس... خلصنا وروحت ع البيت طلعت غيرت هدومي واترميت ع السرير من كتر التعب وكمان معرفتش انام
والدتي: يلا عشان تفطري
انا: حاضر
طلعت وانا طلعت وراها فطرت ودخلت ازاكر
والدتي: تعالي ساعديني
انا: اساعدك ف اي
والدتي: نضفي البيت
انا: وبيتنضف ازاي دا
والدتي: ب المكنسة يا قلب امك هيكون ب اي يعني
انا: المكنسة بتشتغل ازاي
والدتي: قومي وانا اوريكي انا مش عرفة هتتجوزي ازاي انتي الله يكون ف عونو
انا: طب يلا يا ماما مش وقت الكلام دا عشان الحق اذاكر
والدتي: امسكي تحطيها ف الفيشة وتدوسي ع الزوار دا وتعملي كدا
انا: هيا شكلها ليله فل هاتي
قعدت انضف البيت ف نفس المكان متحركتش منو لقيت الجرس بيرن رحت افتح
محمد: صباح الخير
انا: صباح النور
محمد: عملة اي
انا: عملة نفسي نايمة
نظر ف الجه الأخري وضحك
محمد: طب غمضي عينك
انا: لو هتعمل حركاتك دي ف هنزعل
محمد: لا والله غمضي بس وهاتي ايديك
غمضت واديتو ايدي لقيتو بيلبسني خاتم
محمد: فتحي
انا: الله دا حلو اوي
محمد: امسكيي بقى لبسيني الدبلة دي
اختها منو ولبستهالو.. الخاتم بتاعي كان فيه قلب صغير والدبلة بتعتو فيها قلب محفور القلب إلى ف الخاتم بيتركب فيه ف بيإد نور
انا: استنى
طلعت فوق ونزلت
انا: غمض عينك
محمد بضحك: اهو
مسكت ايدو ولبستلو دبلة فيها فراشة محفوره هي زي الي هو جابو بس الفرق دي فراشة ودي قلب
محمد: هاتي البسهالك
لبسلي الخاتم
انا: استنى هصورهم... هات فونك
ادالي الفون صورتهم وبعد ماصورتهم قعدت اتفرج عليهم
انا: يخربيتك امسك نسيتني
مسكت المكنسة وكنت بكنس
محمد: بتعملي اي
انا: انت شايف اي وحياتك
محمد: بتنضفي ودي حاجة مستغربها طبعاً بس الي مستغرب منو اكتر انك بتكنسي والمكنسة مش شغالة
انا: مش شغالة ازاي اسكت انت مش فاهم حاجة
جه واتكة ع الزوار
انا: اي دا تصدق دا كان صوتها لما ماما شغلتها
محمد: اصلا
انا: امم
والدتي: خلصتي ولا ل... محمد انت هنا تعالي
سلم عليها وانا كنت بكمل تنضيف
والدتي: ثانيه بس... انتي بتعملي اي
انا: هكون بعمل اي يا ماما مش انتي قلتلي نضفي
والدتي: وهو التنضيف بيبقى ف مكان واحد
انا: اومال اي
والدتي: هاتي انا غلطانة ان قلتلك تعملي حاجة معدتش هتتكرر تاني
انا: طيب
والدتي: احنا لسا ع البر عايز ترجع ف قرارك حقك بصراحة
محمد: ارجع ف قراري اي بس يا خالتي دانا مصدقت
والدتي: انا عليا قلتلك انت حر بقى عشان ابقي عرفتك عشان مشيلش زنبك
كانت بتتكلم معاه وانا كنت باكل الموز وهو كل شوية يبصلي ويضحك
انا: ممكن افهم انت بتضحك على اي
محمد: ولا حاجة يا قلبي
والدتي: حصلت قدامي
محمد: عادي يا خالتو خطيبتي
والدتي: اذا كان كدا ماشي
محمد: يلا عايزين حاجة
والدتي: في اي انت لسا جاي مش طريقة دي متعصبنيش عليك اقعد هنشرب حاجة سوا
محمد: حاضر
والدتي: إيمان الي هتعملنا العصير
كنت باكل الموز سمعتها بتقول كدا وشرقت اداني كباية الميه شربت
انا: إيمان مين
والدتي: هو في إيمان غيرك
انا: بس انا مش بعرف
والدتي: هتتعلمي
انا: اعمل اي يعني لما اتعلم
والدتي: تتعلمي حاجة تنفعك لما تتجوزي
انا: انت بتشرب عصير
محمد: اه
حدفتو ب المخده
انا: لييييه
محمد: هو اي الي ليه هو انا مش بني آدم هار اسود
والدتي: دانت هتشوف ايام طين ياقلب امك
محمد: الله يبشرك ب الخير يا خالتي
انا: تعالي ساعدني بقى
والدتي: وهو يساعدك ليه
انا: اي مش المفروض نساعد بعض ولا كل حاجة عليا
والدتي: كل حاجة عليكي طبعا مش مراتو
انا: جايب خدامة ولا اي
والدتي: لا مش خدامة بس بيتك ودا جوزك ودي واجباتك كا زوجة
انا: هو انا ليه اتكسفت
محمد: هههه
انا: هعمل تانج أسهل
والدتي: بتشربو
محمد: مش مشكلة بقى
والدتي: ماشي
دخلت عملتو وطلعت
انا: بص انا والله حاولت اعملو حلو بس هو طلع كدا
محمد: لا حلو تسلم ايديك
والدتي: اي الارف دا
محمد: خلاص يا خالتي
والدتي: خلاص اي دا مفيش سكر وملوش طعم
محمد: خلاص يا خالتي ابوس ايديكي
بصيتلها وقعدت اتشنهف وعيطت
محمد بضحك: والله جميل دي بتهزر
انا بعياط: انا مش زعلانة من كدا انا زعلانة عشان تعبت فيه بجد
محمد: والله حلو
انا: بجد
محمد: اه والله
جيت ادوقو عيطت اكتر
محمد: مالك
انا: طعمو وحششش
محمد: هههه... بس عجبني
انا: بجد
محمد: اه والله
والدتي: بيجبر بخاطرك... بدل ماتعيطي اتعلمي
انا: ع فكره انا بعرف اعمل اكل بس مش اكل كبير بعرف اعمل مكرونة بس
محمد: الحمدلله متأكده انك بتعرفي تعمليها الأول
ذيدت ف العياط اكتر
محمد بضحك: خلااااص والله بهزززر
انا: وبعرف اعمل رز
محمد: حلو انا راضي
انا: بس الباقي مش بعرف
محمد: مش مشكلة
انا: مش مشكلة ازاي انا بحب محشي الورق العنب
محمد: ماما هتبقى تعملوا
انا: ليه اومال مراتك ازاي انا
محمد: خلاص انتي هتبقى تعمليه يعني
انا بعياط: مانا مبعرفش
محمد: طب اعمل اي طيب لما يجي وقتها يبقى ربنا يحلها
والدتي: فاشلة
انا بعياط: بتقلي يا فاشلة
محمد: لااا بتقول يا فاشل بس انتي تلاقيكي سمعتيها فاشلة
انا: اممم
والدتي: بتخبي عليها ليه انا قلت فاشلة
انا بعياط: سامع اهووو
محمد: خلاص يا خالتي بقى
والدتي: لما تتعلمي مش هقلك يا فاشلة
انا: هحاول
ماما دخلت عملت عصير غير الي عملتو وطلعت شربو العصير
محمد: يلا عيزه حاجة
انا: عيزه سلامتك
محمد: باي
باس راسي وطلع
والدتي: تعالي بقي اعلمك
انا: طب عندي مذاكره دلوقتي خليها لبعد الامتحانات
بصتلي بصدمة طلعت اوضتي وقعدت اذاكر
بقينا بليل والجرس رن ونزلت افتح
انا: تعالي يا خالتي
دخلت وملك وراها حنين ومعاز ومازن دخلو طلعت راسي من الباب وببص عليه ملقتهوش
محمد: بتدوري عليا
انا: لا
وسيبتو ودخلت
محمد: بقلك اي
انا: هاا
محمد: لما باباكي يرجع انشاء الله هتكلم معاه وأحاول اقنعو اننا نحدد معاد الخطوبة
انا: لا خلينا كدا احسن
محمد: اخلينا كدا ازاي
انا: لو اتخطبنا هنكتب الكتاب وبعدها هتجوز
محمد: دا شيئ طبيعي اي حد كدا
انا: لا
محمد: لا اي
انا: انا مش عيزه اتجوز
محمد: مالك
انا: انا مش عيزه اتجوز دي مسئوليه كبيره وانا مش قدها دانا هتجلط
محمد: ماهو مش هينفع منتجوزش انا كدا الي اتجلط
انا: اتجلط المهم انا متجلطش
محمد: هار اسود...مش مسؤلية ولا حاجة واحنا مع بعض كل حاجة هتبقى كويسة
انا: يا محمد والله انا مش هينفع اتجوز صدقني انا مينفعش اطلع من بيتنا وربنا محمد انا مبعرفش اشغل الغسالة يا محمد
محمد: ولا انااا
انا بعياط: تقدر تقلي اي العصر دا يعني اغسل العصر ولا اي مش فهمة طب لو غسلت الضهر اي إلى هيحصل
محمد بضحك: انتي بتعيطي بجد... يابنتي عادي مع الوقت هتعرفي
انا: لا مش بعرف انضف
محمد: هنجيب House cleaner
انا: وتخوني معها بعد كدا
محمد: ياسلام ع الهبل اخونك مع House cleaner إيمان مش ناقص هبل ونبي
انا بعياط: انا مش بعرف اطبق الهدووووم
محمد: مش ضروري هنعلقهم
انا: ولا بعرف طبخ
محمد: هنطلب من بره
انا: انا بزهق من أكل المطاعم واحنا هنفضل طول عمرنا ناكل من برا لحد مايجيلنا تسمم
محمد: هطبخ انا
انا بعياط: مينفعش انت هتبقى جاي تعبان
محمد: بتسبقي الأحداث ليه
انا: دا الي هيحصل كل الرجالة كدا انا ونت لما بنتخانق بطردك من عندنا صح
محمد: حصل
انا: طب احنا لما نتجوز واتخانقنا هعمل اي
محمد: هتطرديتي من عندكو... هبقي اعملك اوضة ب اسمك والمفتاح هيبقى معاكي انتي
انا بعياط: مش هعرف اهرب منك أو امشي من البيت
محمد: تهربي اي هو انا حابسك
انا: مش عرفة
محمد بضحك: طب بتعيطي ليه دلوقتي
انا: ولما نيجي نتخانق هتتعصب عليا
محمد: اي اي كل دا بطلي تتفرجي ع المسلسلات التركي لحست دماغك
انا: محمد انا لو دخل صورصار البيت قسماً بالله انا ممكن اموت
محمد: متقلقيش انا هبقي اقتلهولك
انا: والله دي كلها مسؤليات انا مش قدهاا انضف واغسل وامسح واطبخ وعيال وهم انا بكره العيال وانت عارف مش بطيق شكلهم معرفش ليه
محمد: طب دي حلها اي دي
انا: معرفش تخيل انت لو ف مره صحيت ع صوت أطفال انا ممكن اولع ف نفسي اقسم بالله مابهزر
محمد: خلاص متقلقيش يا إيمان انا اصلا مبخلفش
انا: طب لو طلعت بتكذب وخلفت
محمد: هبقي اخد حبوب منح الحمل
نزلنا ضحك احنا الاثنين
انا بضحك: والله مابهزر
محمد بضحك: طب اقلك اي طيب
انا: انا مش عيزه اتجوز
محمد: مش هينفعععع مش هينفع
انا: انا عمري ماعملت حاجة ف البيت
محمد: خالص
انا: معرفش بقى صبون سايب ولا سايل دا ولا بيقلو ازاي الحجات دي انا واقسم بالله ماعرفها
محمد: هار اسود... طب الهدوم
انا: مالها
محمد: بتعرفي تكويها
انا: لا والله عمري معملتها ماما هيا الي بتعمل كل حاجة ربنا يديها الصحة
محمد: طب يعني انا وانتي هنتجوز اجيب مامتي ومامتك يقعدو معنا ينضفولنا كل أسبوع طيب ولا اي
انا: لا مش عيزه اتجوز اصلا
محمد: اصلا
انا تخيل انت لو اتجوزنا انا ممكن اعمل فيك اي
لقيتو برق بصدمة
محمد: هتسميني ولا اي
انا: لا لسا بدري ع الكلام دا انا مش بعرف انضف البيت ولا امسح ولا اعمل اي حاجة من دي والله في حجات كتير مش بعرف اعملها تقدر تقولي اي ورق اللوري دا دي شتيمة يعني ولا اي
محمد: ههههه
انا: ولا التوابل كلها عمتاً انا معرفش فيها غير الملح وسعات بتوه بينو وبين السكر
محمد: هتتعلمي انا معاكي
انا بعياط: خايفة
محمد: خايفة من اي انا بقلك هنتجوز مش رايحين ليبيا
انا بعياط: لاا
محمد وهو بيبوس ايدي: طب معلش حقك عليا اعمل اي تاني مانا هعملك كل حاجة اهو
انا: لا مش هتعمل حاجة ولما يجي وقت الجد هتتخانق وتبقى بومة زي كل الرجالة المتجوزين
محمد: هههه... ياحبيبتي اي اتنين طبيعيين بيتخانقو محنا بنتخانق من دلوقتي اهو
انا: لا مش بنتخانق انا بزعقلك وانت بتزعقلي لاكن لما نتجوز هتقولي انتي بتزعقلي انا جوزك وتعلي صوتك عليا كدا والمفروض مني أن انا افضل ساكتة
كنت كل ماتكلم الاقيه بيضحك معرفش ليه بقول نكت انا
انا: حتى لو جيت زعقتلك حرام عليا ازاي تزعقي لجوزك مينفعش
محمد: خلاص والله انا لما اكون مدايق هسيبلك البيت وانزل عشان مزعقش
انا: وتسبيني قعده لوحدي ف البيت
محمد: طب اعمل اي طيب
انا: انا بنام ف يوم الاجازه من الدروس الساعة 12 وبصحي براحتي ياعم انا حره ودا اكيد الي هيحصل بعد اربع سنين لما اخلص دروس لاكن تخيل هنبقي بنشتغل والمفروض اخلي بالي من البيت وعمل الي كل البنات بيعملو دا التنضيف والمسح وكل دا عليا لوحديييي
محمد: يارب معنتش قادر استحمل والله ضغطي بيوطي الحقني ب ميه بسكر
انا: مش بعرف اعملهاااا
محمد: نعم مبتعرفيش تعملي الميه بسكر يا روحي
انا: اه بتطلع ملهاش طعم معرفش ليه مع ان بحط سكر كتير بخلص الكيس ونصو بيقع ع الارض
حط ايدو ع وشو وبصلي وسكت
انا: ايي
محمد: لا كملي سامعك
انا: انا مش هتجوز خلاص خلص الموضوع
لقيتو طلع السدس وحطو قدامي
محمد: اه وبعدين
انا: في اي ياباشا
محمد: انتي خفتي ولا اي لا دانا بطلعو عشان حطو ف جمبي عشان اعرف استمعلك ها ومش بتعرفي تعملي اي كمان
انا وبصة للمسدس : مانا قلتلك
محمد: وانا برضوا قلتلك ان انا هعمل كل حاجة ومع مرور الوقت هتتعلمي مهو لو كل البنات بتفكر زيك كدا محدش هيتجوز وانا برضاكي او غصب عنك هتجوزك
انا: هتجبرني
محمد: مش بجبرك انا مش هينفع اعيش منغيرك
انا: وانا عيزه افضل جمب ماما وبابا
محمد: وقت ماتحبي تيجي انا هجيبك اي إلى هيخليني امنعك تشوفيهم
انا: لا انا عيزه افضل عيشة معاهم
محمد: طب وانا
انا: انت اي
محمد: فكرتي ف نفسك وف راحتك ومفكرتيش فيها انا هبقي عامل ازاي منغيرك
انا: ليه ماحنا جمب بعض اهو
محمد: اي يعني جمب بعض ولا حاجة انا عايزك تكوني مراتي وام عيالي وشايلة اسمي
انا بضحك: مانا شيلة اسمك عادي بعد اسمي محمد ع طول
محمد: مبهزرش يا إيمان
انا: انا خايفة
محمد: خايفة من اي وانا جمبك
انا: انا نسيت كنت خايفة من اي بس انا خايفة
محمد: إيمان انتي بتتلككي صح
انا: والله لا انا خايفة
محمد: خايفة من اي ايه الي يخوف احنا مش رايحين نحارب دا جواز يا بابا عادي خطوبة تلبيس دبل وبعدها كتب كتاب وبعد كتب الكتاب جواز وبعد الجواز يبقى عندنا بيبي صغير كدا
انا بعياط: انت بتخوفيني اكترررررر انا مش عيزه زفت
محمد بضحك: ماهو مش هينفع منخلفش
انا: انا مش عيزه اتجوز
محمد: خلاص يا إيمان انا هروح اشوفلي عروسة
انا: روح
محمد: لا يا شيخة
انا: اه
محمد: ماهو مش هينفع وحده تقعد جمبي يوم فرحي غيرك
انا: ليه اي إلى مش هينفعو هينفع
محمد انت موافقة ان انا امسك ايد وحده غيرك
انا نعم يا روح امك وانت تمسك ايدها ليه اصلا
محمد: يا حول الله مش مراتي
انا: فين مراتك دي انت لحقت اتجوزت
محمد: مش انتي الي بتقولي شوفلك عروسة
انا: عروسة بلاستيك
محمد: ههههه... انا مش فاهم انتي خايفة من اي خيفة مني انا
انا: مش عرفة
محمد بضحك: يبقى انا الي عارف!!
انا: ههههه لا انا بجد مش عرفة
محمد: بصي هنتكلم جد شوية... انتي مش هتتجوزي من فرعون انا عايز اجي من شغلي اكل بس كدا ولو انتي مش عايزه تعملي انا هبقي اجيب من بره
انا: وتقديها اكل من بره ويجيلك تسمم وتموت بعد الشر يعني ونخلص منك
محمد بضحك: طب اي لازمة بعد الشر طيب... هبقي اطبخ انا
انا: ماينفعش
محمد: ياستي انا رااااضي
انا: راضي مين
خبطت ع وشو وقعد يضحك
انا: مش فهمة انت بتضحك ع اي
محمد بضحك: هو الي انتي بتقوليه دا ميضحكش!! ... المهم اتحل موضوع الاكل اهو
انا: اي الحل ف كدا انت بتبقى جاي من مهمتك بتبقى تعبان ومابتصدق تنام
محمد: حصل
انا: حرام عليا انا اجي اقلك قوم اعمل الاكل اومال انا بعمل اي
بص ف الجه الأخرى وهرش ف شعرو
محمد: هقلك احنا ف اول الجواز هناكل من بره عادي استنى متقطعنيش وانا هعلمك وحتى لو انا معلمتكيش خالتي هتعلمك قدامك مهلة كبيره
انا: ماهو انا مش عيزه اتجوز اصلا بص دي كلها مسؤليات لمجرد التفكير فيها بزهق والله
محمد: وربنا انا الي زهقت
انا: شوفت
محمد: انا معنتش شايف حاجة
انا: ليه عميت
محمد: عميت!! اي لسانك دا
انا: مالو لساني كمان
محمد: لا ملوش
انا: محمد انا مبعرفش انضف السجاد انا عمري ماجربت اعمل اي حاجة من دي وانت عارف
محمد: هنوديه يتغسل ف Carpet Laundry ولا تزعلي نفسك... والله كل حاجة ليها حل انتي الي بتقفليها
انا: مش بقفلها والله... انا خايفة
محمد: خايفة من اييييي انتي خايفة من ايييي اي إلى يخوف ف الموضوع دا جواز مش مرض خطير
انا: ههههه
محمد بضحك: مانا زهقت بصراحة كل مااحلها انتي بتقفليها
انا: والله انا مش بقفلها عارف انت التنضيف والغسيل وكل الي انا قلتو دا انا مكنتش اعرف انو بيتعمل دا ماما هيا الي قالتلي ع كل دا
محمد: اصلا
انا: اه والله
كان بيمسح دموعي ب المنديل وهو بيضحك
انا: بتضحك ع اي
محمد بضحك: فين مش بضحك اهو
انا: اهو بتضحك اهو
محمد: لا بصي اهو
انا: طيب
محمد: ها عقلنا
انا بعياط: لا مش هتجوز
محمد: شيلي فكره انك مش هتتجوزي دي من دماغك ونفكر ف حل سوا
انا: لاااا
محمد: إيمان هتعصب وربنا
انا: اتعصب يا محمد اتعصب ماهو دا الي ناقص
محمد: لا مش هتعصب انا هادي اهو
انا: طب بص اديني وقت ع الاقل لسا بدري
محمد: هو انا كل ماتكلم مع حد يقولي لسا بدري انا هموت وانتو بتقولو لسا بدري انا تعبت والله
انا: بعد الشر متقولش كدا
محمد: يا شيخة اتنيلي بقى
انا: هتنيل حاضر
محمد: هاا عقلنا
انا: لا مش هتجوز
محمد: انا جبت أخرى منك انتي شيلتيني هم الدنيا وانا قاعد اجيلك يمين تجيلي شمال اجيلك شمال تجيلي يمين في اي
انا: شمال اي ويمين اي هو احنا سايقين توكتوك
محمد: لا حمار
انا: توكتوك اسرع
محمد: طب اي الحمدلله عقلنا صح عقلنا
انا: لاااا... انا مبعرفش اكوي هدوم وانت مينفعش تلبس الهدوم منغير متتكوي
محمد: مش مشكلة حياتا مش هتقف هنا هنودي الهدوم للمكواى اتحلت اهي
انا: اه اتحلت
محمد: عرفتي انك انتي الي بتعقديها
انا: مش هتجوز برضوا
لطم ع وشو وقعد يشد ف التيشيرت ب بقو بعصبية
انا: انا هادي خالص مش هتعصب تمام... والله كل حاجة هتبقى تمام صدقيني انتي مش وثقة فيا
انا: واثقة بس خايفة
محمد: تاني هتقولي خايفة طب قوليلي اي إلى مخوفك
انا: كل حاجة
محمد: طب متعيطيش عشان شفايفك وخدودك بتحمر اكتر وانا بضعف وممكن اتهور ومش مسؤل عن أي حاجة هتحصل بصراحة
انا وبمسح دموعي: يعني اي مش فهمة
محمد: يعني متعيطيش
انا: اهو
محمد: شطوره... يلا بقى نطلع
انا: بس هتديني وقت زي ماتفقنا
محمد: أمري لله ماشي
طلعنا وقعدنا معاهم
والدتي: خلصتو Meeting بتاعكو
انا: اممم
والدتي: طيب اقعدو بقى
قعدنا احنا الاثنين
محمد: اي الخاتم دا
انا: دا خاتم لبساه انا ورحمة الخاتم بتعها مكتوب عليه love وبتاعي عليه قلبين كنا متصورين بيه واحنا مسكين ايد بعض... اهو
ووريتو الصور الي كنا مسكين ايد بعض فيها بصلي وبص قدامو وعمل انو مش مهتم
Flash back
رحمة بضحك: قالك متحضنيهاش
انا بضحك: اه
رحمة: طب تصدقي لو شفتو لحضنك قدامو
انا: يلا ع الله حكايتك كنتي طيبة يا عيني
رحمة بضحك: صوري ايدينا واحنا مسكين ايد بعض وابقى وريهالو و قوليلي هيقول اي
انا بضحك: ربنا يستر المشكلة ان بحب استفزو
رحمة: هههه
Baak
انا: مالك
محمد: هيكون مالي يعني انا كويس اهو
انا: طب براحة في اي متعصب ليه كدا
محمد: مش متعصب ولا حاجة اي إلى هيعصبني يعني
انا: مش عرفة
حطيت ايدي ع كتفوا وحضنتو
انا: غيران من رحمة يا محمد انت مريض وربنا
محمد: لو حبك مرض ف انا مش عايز اتعالج منو
انا: مش فهمة
محمد: مش مهم المهم ان انا فاهم
واخد الفون ومسح صوري انا وهيا
انا: يخربيتك اي إلى انت عملتو دا
محمد: اي
انا: مسحتهم ليه يا محمد
محمد: ميبقاش غير صوري انا وانتي وبس
انا: تعرف انك بارد اه وربنا بارد
محمد: عارف
انا: طب بس عشان والله مطيقة نفسي
قعدت ادور ف الفون لحد ماكتشفت ان كنت منزلاهم مرتين
انا: هييييي
محمد: في اي
انا: لا ولا حاجة
قعدو شوية وكانت أجواء حلوه اوي
محمد: يلا تصبحي على خير
مازن: يلا تصبحو ع خير
الكل/ وانت من اهل الخير
محمد: تصبحي ع خير
انا: وانت من اهلو
محمد: تؤ اهلو اي بقى انا خلاص بقيت من أهلك
انا: نينيني ظريف
محمد: والله اديكي ع وشك
انا: روح شوف انت رايح فين اجري
محمد: اجري ليه في حد بيجري ورايا
انا: يالهوي ع البرووود
محمد: عارف
انا: لا انا ادخل انام بدل متجلط يلا روح اجري
محمد: انا بتطرد
انا: حصل
محمد: انا بقول اروح قبل ماطرد
انا: ههههه... يلا احلام سعيده
محمد: اكيد انتي فيها
انا: بطل محن بقى
محمد: انا اول مابشوفك ببقى ممحون مش عارف ليه
انا: انت ممحون اصلا
محمد: ماشي ياستي ممحون ممحون الي يريحك
انا: بالله عليك بلاش تفكر فيا انهارده عيزه انام ونبي
محمد: لا بقي دي حاجة ترجعلي انا حر
انا: هبدأ اهلوس اقسم بالله
محمد: يلا باي يابنت قلبي
انا: باي
طلع وانا قفلت الباب وطلعت فوق اترميت ع السرير
*تاني يوم*
بدل ماتدور وتبحث علي الروايات خليها علي تليفونك وحمل تطبيقنا
