رواية طفلة من رحم الشيطانه الفصل الخامس بقلم احمد محمود محمد
part 5
طفله من رحم الشيطانه " سليله الشيطان "
لـ احمد محمود محمد
وبيخلص وحيد تفكير بعد ما بيمسع ان امه بتعيط بس بصوت منخفض شويه.. بيقوم من جمب بنته وبيروح لأمه
وبيخش عليها اوضتها بيكلمها مبتردش.. بتكون الدموع نازله من عيونها ومفيش اى ردة فعل ومساهمه كده وباصه لقدام كانها شايفه حاجه مخوفاها
بيسألها فيه ايه: مش بترد.. لسه الدموع نازله من عيونها بيسمع وحيد صوت قمر بنته بتعيط
بيجرى عليها بسرعه وقبل مايخرج من الاوضه بيسمع صوت صراخ شديد من امه
بتدخل اخته شيماء بسرعه عشان تشوف امها وصوت عياط قمر بيزيد اكتر واكتر وصوت صراخ الام كمان
والغريبه انها بتكون لسه باصه قدامها ومساهمه ومش بتتحࢪگ بيجرى وحيد يشيل بنته وبيسكتها
وبيدخل الاوضه وهوه شايل بنته عشان يطمن على امه اللى لما بتشوف قمر بتفضل تصرخ اكتر وبتحط ايديها على عيونها مش عاوزه تشوف الطفله
وبتكون شايفه ان قمر بتبص ليها بنظرات رعب بس الاب مش شايف كده بيحاول يهدى امه
وبيحط قمر على السرير اللى نايمه عليه امه عند رجليها كده عشان يطمن على امه
بس فجأه امه بتفضل تتشنج اكتر وبتضرب قمر برجلها وبتعيط الطفله.. بيشيلها وحيد وبيبص لأمه بغضب على اللى عملته ده وبياخد بنته وبيخرج وبيسيب امه وهيا بتعيط
بتهدى الام وبتخرج شيماء ورا اخوها عشان عارفه ان امها غلطانه..
يا وحيد.. انتا بتعمل ايه؟
- بلم هدومى
ليه؟
مفارق البيت كله خلى الست امك تشبع بيه
عيب عليك تقول كده
-وهيا لما تضرب بنت مكملتش كام شهر بالشڪل ده وممكن تموتها ده مش عيب ولا حرام.
امك تعبانه يا وحيد
- امك مش تعبانه امك بتكره سحر الله يرحمها وبتكره قمر كمان.. وكانت طول عمرها تقولى نفسى اشوف عيالك ولما العيال جات امك كرهتهم
متقولش كده يا وحيد وعشان خاطرى متسبش البيت
- المره دى البنت كويسه المره الجايه امك هتخلص عليها. وانا عارف كده
امك مش مجرمه يا وحيد
- بأماره ايه مش هيا اللى كانت عاوزانى اقـ ـتل بنتى بأيدى فاكره ولا نسيتى
فاكره بس دى كانت وزه شيطان وخلصت
- تقدرى تضمنيلى ان امك مش هتعمل حاجه فى بنتى؟
بتسكت شيماء... .
كُنت متأكد انك هتسكتى.. انا همشى سلام عليكم خلى بالك منها ومن ابوكى
طاب وانتا رايح فين؟
- انا هسكن ف شقتنا القديمه مقفوله بقالها فتره وبالمره هكون قريب منكم عشان لو احتجتوا حاجه
بيلبس شنطته وبيشيل بنته وقال سلام عليكم وخرج..
ولما وصل لتحت سمع صوت صراخ شيماء اخته.. رجع بسرعه لقى امه مغمى عليها ومش بتتحرك
بسرعه بيطلب ليها الاسعاف.. وبتيجى وتاخدها للمستشفى
وبعد فحوصات والدكتور عمل المطلوب قال ان الوالده مُصابه بنهيار عصبى حاد..
ونصحهم انهم ياخدوها فى اى مكان تغير جو. كل اللى حاصل ده مبيكونش ليه اى تفسير من ناحيه وحيد
بيقرر انهم يأجروا اى شقه ويعيش فيها هوه وامه وبنته واخته وأولادها التلاته
وفعلا وحيد بيلاقى شقه كويسه وجميله وفى مكان حلو وأجرها لحد ما والدته تخف.
وقبل ما يمشى بيوصى سالم على ابوه وهما رايحين فى العربيه بتفضل الام باصه للطفله قمر
اللى بتكون نايمه فى حضن عمتها شيماء. بيلاحظ وحيد نظرات الام لقمر
وبيسألها: فيه حاجه يا اامى ولا ايه؟
الام بتفضل باصه وساكته ومش بترد على وحيد
وبيلاحظ وحيد ان فيه حاجه غريبه ان والدته بتتألم بس مخبيه..
سألها تانى لاكنها مش بترد.. ولسه ملاحظ عليها انها بتتألم وبتكون شيماء لاحظت ده كمان وبتسألها بس برضوا الام لسه مش عاوزه ترد
وبيوصلوا للشقه الجديده بينزل وحيد وبينزل الشنط وبيفتح الشقه فى اول دور
شقه واسعه وجميله وفى مكان جميل ومناسب جدا لوالده وحيد عشان تخرج من الحاله اللى هيا فيها دى
دخلت الام للشقه ووحيد بيحاول يكلمها بس برضوا مش بترد وباصه لقدام على طول
دخلها اوضتها وقال ليها دى اوضتك الجديده يا امى احنا هنقعد هنا فتره نغير جو عشان ربنا يكرمك وتخفى
وفى الصيف نروح اى مصيف انتوا عاوزينه..
لسه الام مساهمه ومش بترد خالص وقربت من السرير ونامت عليه وهيا لسه مبرقه بعيونها وباصه قدامها
وبيعدى اليوم وبيجى الليل وبيدخل وحيد يطمن على امه قبل ما ينام بيلاقيها لسه زى ما هيا على وضعها مبرقه بعيونها وباصه للسقف.. بيحاول يقرأ ليها شويه ادعيه وايات من كتاب لله بس برضوا لسه زى ما هيا
ولما لقى ان مفيش فايده سابها وخرج والساعه2:00 بالليل بيسمع وحيد صوت صرخه مكتومه
بيجرى يطمن على اخته وأولادها وبيلاقى ان كل حاجه تمام بيدخل اوضه امه وبيفتح النور عليها
بيلاقيها لسه زى ما هيا لأ دى زادت وبقها بقا مفتوح اكتر بيحاول يعدلها او يكلمها مش بتتحرك بيشك ان فيه حاجه
بيحاول يسمع نبضات قلبها بيلاقيها ماتت.. وهيا باصه للسقف ومبرقه وبوقها مفتوح
وبيبص للسقف بيلاقى ظل كده لطفله صغيره بيتخض هوه كمان وبينده على اخته شيماء وبيغمى عليه
بمجرد ما تدخل شيماء
تحس ان فيه حد بيشدها من ايديها ومش عاوزها تدخل بتفضل تقاوم وبتصرخ لحد ما بتدخل بتلاقى وحيد واقع على الارض مغمى عليه
وامها ميـ ـته عيونها مفتوحه على الاخر وبوقها كمان كأنها شافت حاجه بشعه جدا
بتفوق شيماء اخوها وحيد واللى بيقولها اللى حصل ولما بتبص على السقف عشان تتأكد من كلامه مش بتلاقى اى ظل فى السقف
وبتقعده على الكرسى لأنه بيكون دايخ وبتكلم سالم اخوها وبتبلغه ان وحيد بعافيه شويه وان والدتك ماتت
بيجرى سالم وبيركب تاكسى وبيروح لأخوه وامه فى الشقه الجديده
ولما بيوصل بيطمن على اخوه وبيسأل ايه اللى حصل بس محدش بيلاقى اى تفسير منطقى لطريقه موت امهم الغريبه دى
بيبلغوا ابوهم بالتليفون وبيرجعوا بأمهم للبيت وبتتغسل بس بتلاحظ شيماء وهيا بتغسلها حاجه غريبه اوى
النجمه الخماسيه موشومه على عُنق الام وبتكون باينه جداجدا يس مبتهتمش اوى وبتتكفن وبعدها بيدفنوها..
وفى اثناء العزاء.. بتفضل الطفله قمر تعيط بتشيلها شيماء وبتلاحظ انها ماسكه سلسله متعرفش جابتها منين مرسوم عليها النجمه الخماسيه
بتسأل وحيد عن السلسله.. وبيقول معرفش جابتها ازاى دى كانت بتاعت امها وضاعت من سنين قبل ماامها تموت
- السلسله دى غريبه اوى يا وحيد
يعنى ايه؟
- هتصدقنى لو قولت ليك ان النجمه دى كانت موشومه على عُنق امك قبل ما ندفنها
انتى بتقولى ايه؟
- زى ما سمعت كده
طاب وده معناه ايه؟
- معرفش نخلص العزا ونروح نسأل عند اى حد
وبعد ما بيخلص العزاء وبتنام قمر بياخد وحيد السلسله الغريبه دى اللى هوه ميعرفش جابتها منين اصلا وبيروح مع شيماء لواحد " الشيخ عباده "
الراجل ده فقيه والناس كلها بتحبه وبيساعد الكل ممكن يعرف ايه هيا النجمه دى ولما سألوه
رد وقال: النجمه دى يا وحيد هيا رمز للشيـ ـطان
- يعنى ايه
يعنى صاحبه النجمه دى لو عايشه هتعيش فى عذاب وجحيم ولو ماتت يبقا اترحمت
- اترحمت من ايه انا مش فاهم حاجه
النجمه دى رمز للشيـ ـطان وهيا مفتاح بوابته اللى هيخرج منها عشان ينتـ ـقم منك ومن نسل البشر كلهم
ينتـ ـقم منى انا ليه؟!
مين صاحبه النجمه دى؟
سحر مراتى الله يرحمها بس معرفش النجمه وصلت لأيد بنتى ازاى؟
- يبقا بنتك هيا سليله الدم وهيا السبب فى اللى حصل وهيحصل ومحدش هيقدر يوقفها ومش هتخلى حد موجود
بيضحك وحيد بستهزاء: يعنى الكل هيموت
اه.. الا انت .. انتا الوحيد اللى مش هتموت
وحيد- طاب وانتا يا صاحب الكرامه هـ ـتموت
المكتوب مفيش منه هروب يبنى
ابنك يا كداب يا نصاب وبيبص وحيد لشيماء وبيقولها : يلا بينا يبنتى ده شكله كبر وخرف
انا مش بخرف يا وحيد انا بحذرك
- من ايه يا مجـ ـنون انتا
من سليله الدم ... بيسكت شويه وبيقول. غلطه
- غلطه ايه يعم انتا
غلطه... غلطتها واحده زمان.. هيفضل النسل كُله يدفع تمنها.. هيا مش عاوزاك انتا هيا عاوزاكم كُلكم الا انتَ
ارجع بالزمن لورا فى المقابر لما خلفتوا العهد وحبستوه فاكر
وبيفضل الشيخ يردد
محدش هيفضل كُله هيموت كُله هيموت
وحيد بغضب: يلا يا شيماء مش ناقصه قرف انا غلطان انى سمعت كلامك اصلا
استنا بس يا وحيد
- عاوزه تستنى انتى براحتك انما انا همشى هيا ناقصه جنان
وقبل ما يخرجوا بينده عليهم الشيخ عباده وبيقولهم:
" سليله الدم لازم تموت " وافتكر
" محدش هيفضل كُله هيموت...... كُله هيموت "
الكلمه دى رعبت وحيد اكتر من كل كلام الشيخ عباده بس وحيد. مش عارف ايه اللى بيحصل من حوليه
وبيروح بيته عادى وبيفضل يبص لبنته وهيا نايمه بتكون قمر فعلا وجميله خالص وكل ما يفتكر كلام الشيخ يضحك اكتر واكتر
بقا معقوله الطفله دى تعمل كده
وبنروح للشيخ عباده اللى بيكون اصلا عايش لوحده وماسك كتاب قديم وبيقرأ فيه عشان يتأكد من كل اللى قاله لوحيد
وبيحس بحد معاه ف البيت بيبدأ يخاف وفجأه بيظهرله حد
بيفضل ينادى على كل اللى حوليه محدش بيرد علشان ينجدوه وبيفضل يقول لأ
انا عملت اللى يحمينى مش هتقدرى عليا.. انتى ملعونه مش هتقدرى عليا
انتى وريثه الشيطان. مش هخاف منك ولا هتقدرى تعملى فيا حاجه..
وبيفضل يزعق على اى حد ينجده بس محدش بيسمعه وبيصحا سُكان البلد على حريقه جامده جدا وبتكون نشبت النار فى بيت الشيخ عباده لحد ما بقى كوم تراب
ومحدش عارف ايه اللى حصل بالظبط. ولما بيسمع وحيد باللى حصل بيقوم يجرى بسرعه على بيت الشيخ
وبيلاقى الناس كلها بتطفى فيه والبيت بقا تراب تقريبا من شده النار
بس هوه الوحيد اللى بيكون شايف ظل طفله طايره فى السماء فوق النار علطول
يتبع
#رعب_احمد_محمود
#سليله_الشيطان
لو عجبتك الروايه ياريت تشرفنى بمتابعه ولو التفاعل كويس هنزل جزئين بكره ان شاء الله
