رواية عشيرة دهار الفصل السادس بقلم ياسر عوده
الاول اذكر الله وصل على الحبيب المصطفى وادعوا لاخوانكم بفلسطين والسودان وكل بلاد المسلمين واحسن من اعمالك فنحن فى شهر شعبان شهر عرض الاعمال على الله سبحانه وتعالى .
ام زينب : هما السبب ، بنتى زينب خطبوها لواحد انا مش طيقاه من عيله ابوها ، وهى تستاهل واحد احسن منه الف مره ، ابوها بيخيب املها ، اعمل ايه يعنى ، كان لازم اطفشه وكان هيطفش خلاص ، لولا ظهورك انت معرفش جتلنا منين مش عارف .
سلام : الكلام اللى بتقوليه مش عذر ، مفيش وحده تعمل عمل لبنتها .
ام زينب : انا عملته لخطبها .
سلام : انا مش عارف انتى بتفكرى ازاى .
فى الوقت ده جت زينب بالمايه ، وسكت سلام وخد المايه قراء عليها قرءان ، اما الحج اسماعيل فجه بعد ما خلص اتصال ب خطيب بنته .
بعد وقت قليل دخل صابر خطيب زينب ، واول لما دخل لاحظ سلام انه مش بيبص نحيه خطبته خالص .
سلام : انت ليه مش بتبص لخطبتك يا صابر ؟
صابر : لا مفيش .
سلام : صارحنى واوعدك كل حاجه هتتحل ان شاء الله .
صابر : انا اول لما بدخل البيت هنا يمسكنى صداع ، وعارف ان زينب حلوه بس انا شايفها وحشه اوى .
سلام طلب من صابر يشرب من كوبايه المايه اللى قراء عليها ، وبعدين بباقى المايه مسح بيها على راس صابر ووشه وسعتها صابر قاله ان الصداع راح منه ، وكمان شاف زينب بشكل مختلف .
سلام كلم مليكه بصوت واطى محدش سمعه وسألها فين العمل اللى دفناه ام زينه ، وانه شاكك يكون عند بوابه البيت .
فعلا مليكه بعد ما سألت قرين ام زينب عن المكان اللى دفنت فيه العمل اكدت سلام على مكانه وكان جنب باب البيت من بره .
قام سلام وطلب من الحج اسماعيل يحفر قدام البيت ولقى كيس جواه جثه قطه مدبوحه ومعمول عليها العمل وكانت ريحتها وحشه جدا ، وكان ده من اغرب الاعمال اللى بتتعمل على جثث الحيوانات .
كان ده من اغرب الاعمال اللى ممكن تتعمل وفكه مش سهل نهائى .
الحج اسماعيل : نحرق الجثه دى يا شيخ سلام ؟
سلام : لو حرقنها هنفك العمل بس من وصايا الدين منحرقش الجثث ، هتولى جردل مايه وملح ، وقراء عليه قرءان وصبه على الجثه وهو بيقول بسم الله الرحمن الرحيم وَٱلَّذِينَ لَا يَدۡعُونَ مَعَ ٱللَّهِ إِلَٰهًا ءَاخَرَ وَلَا يَقۡتُلُونَ ٱلنَّفۡسَ ٱلَّتِي حَرَّمَ ٱللَّهُ إِلَّا بِٱلۡحَقِّ وَلَا يَزۡنُونَۚ وَمَن يَفۡعَلۡ ذَٰلِكَ يَلۡقَ أَثَامٗا (68) يُضَٰعَفۡ لَهُ ٱلۡعَذَابُ يَوۡمَ ٱلۡقِيَٰمَةِ وَيَخۡلُدۡ فِيهِۦ مُهَانًا (69) إِلَّا مَن تَابَ وَءَامَنَ وَعَمِلَ عَمَلٗا صَٰلِحٗا فَأُوْلَٰٓئِكَ يُبَدِّلُ ٱللَّهُ سَيِّـَٔاتِهِمۡ حَسَنَٰتٖۗ وَكَانَ ٱللَّهُ غَفُورٗا رَّحِيمٗا (70) وَمَن تَابَ وَعَمِلَ صَٰلِحٗا فَإِنَّهُۥ يَتُوبُ إِلَى ٱللَّهِ مَتَابٗا (71) وَٱلَّذِينَ لَا يَشۡهَدُونَ ٱلزُّورَ وَإِذَا مَرُّواْ بِٱللَّغۡوِ مَرُّواْ كِرَامٗا (72) وَٱلَّذِينَ إِذَا ذُكِّرُواْ بِـَٔايَٰتِ رَبِّهِمۡ لَمۡ يَخِرُّواْ عَلَيۡهَا صُمّٗا وَعُمۡيَانٗا (73) وَٱلَّذِينَ يَقُولُونَ رَبَّنَا هَبۡ لَنَا مِنۡ أَزۡوَٰجِنَا وَذُرِّيَّٰتِنَا قُرَّةَ أَعۡيُنٖ وَٱجۡعَلۡنَا لِلۡمُتَّقِينَ إِمَامًا (74) أُوْلَٰٓئِكَ يُجۡزَوۡنَ ٱلۡغُرۡفَةَ بِمَا صَبَرُواْ وَيُلَقَّوۡنَ فِيهَا تَحِيَّةٗ وَسَلَٰمًا (75) خَٰلِدِينَ فِيهَاۚ حَسُنَتۡ مُسۡتَقَرّٗا وَمُقَامٗا (76) قُلۡ مَا يَعۡبَؤُاْ بِكُمۡ رَبِّي لَوۡلَا دُعَآؤُكُمۡۖ فَقَدۡ كَذَّبۡتُمۡ فَسَوۡفَ يَكُونُ لِزَامَۢا (77)
وبعدين طلب من الجح اسماعيل ياخد جثه القطه يدفنها باى مكان بعيد او يرميه فى النيل .
انفك العمل اللى كان معمول وخطيب زينب راحت منه الاعراض اللى كانت بتحصله ومشى الشيخ سلام بعد ما قال قدام الجميع لو حد حاول يعمل عمل تانى لصابر وزينب سعتها سلام هيعرف ويفضحه ورفض يقول مين الشخص ده .
رجع سلام لبيت الحج على بس اول لما قرب من البيت سمع صوت صراخ ، طبعا سلام اتخض ، خصوصا ان الصوت ده كان صوت سهير مراته .
دخل سلام بسرعه البيت وكانت سهير بتجرى وبتحاول تخرج منه بس سلام مسكها ولما انتبهت ليه استخبت وراه وهو بيسألها : حصل ايه يا سهير مالك ؟
سهير وهى خايفه شورت على وحده من الوقفين ، ولما بصلها سلام لقاها نفس البنت اللى حلمت بيها سهير امبارح واللى كانت وقفه على باب الاوضه بتعتهم امبارح .
بس سلام استغرب ازاى تظهر قدام الناس كده ، فى الاول سلام اتلغبط لغايه لما فكر ان اللى شيفها دى غير اللى ظهرت امبارح ،مهى فعلا كانت نظرتها طبيعيه ومغطيه شعرها .
سلام بص للحج على وقاله : مين دى يا حج ؟
وشاور على البنت سعتها الحج قال : دى بنتى اميمه ، الدكتوره اميمه اللى حكتلك عليها .
سلام قال ل سهير : خلاص اهدى مش دى اللى شفتيها امبارح .
اميمه : انا مش فاهمه حاجه ، هى اول لما شفتنى زى ما يكون شافت عفريت .
سلام : هى هتهدى وانا هحكلكم .
خد سلام مراته سهير ودخلها الاوضه وبعد ما هديت خرج وقعد مع الحج على واولاده .
قعد الشيخ سلام مع اميمه واحمد اخوها اللى كان دكتور هو كمان زى ما قولنا وعلى عرف سلام عليه ومع الحج على ومراته ، واحمد كان رافض فكره الشيوخ اللى ابوه بيجبهم وحل الموضوع عنه ان اخته ماتتجوزش ابن عمه وخلاص .
بعدما حكى سلام اللى حصل ليله امبارح طبعا بدون ذكر اى شيء عن مليكه سعتها احمد قال :والمفروض اننا نصدق الكلام اللى انت بتقوله ده ، ولا انت بتقول كده علشان تحلل المشوار ويمكن علشان لما تطلب فلوس تاخد بزياده .
انفعل الحج على وزعق لابنه وقاله : احترم نفسك الشيخ ضفنا فى بتنا وانت بتقل ادبك .
سلام : بص يا دكتور احمد ، انا مش دجال ولا بتاع اعمال ، انا واحد بحاول اجتهد وانفع الناس باللى بيفتح بيه ربنا عليا ، اما بخصوص اللى جاى علشانه فده يرجع لاختك الدكتوره اميمه .
بص الشيخ سلام ل اميمه وقالها : قوليلى يا دكتوره هتتجوزى ابن عمك ؟
اميمه : لاء مش عوزاه ، ولو هيغصبونى عليه هموت نفسى .
بس سلام للحج على وقاله : المفروض الفرح امتى يا حج ؟
الحج على : بعد خمس ايام يا شيخ .
سلام : بص على التربيزه اللى قدامه لقى ازازه مايه صغيره ، مسكها وقربها منه وقراء عليها ايات كتير مختلفه من القرءان الكريم ، وبعد كده مد الازازه لاميمه وقالها :خدى يا دكتوره اشربى .
اميمه زى ما تكون قلقت ، فصب سلام لنفسه شويه مايه فى كوبايه وشرب منها ، وبعدين خدكوبايه تانيه وصب منها شويه ومد ايده ل اميمه وقالها متخفيش انا بس قريت قرءان عاوز اتأكد من حاجه .
مدت اميمه اديها وخدت الكوبايه وشربت منها وبعديها سألها سلام : هتتجوزى ابن عمك يا دكتوره ؟
اتحرجت اميمه وبصت فى الارض وقالت ابن عمى انا اوله بيه وهو اوله بيا .
احمد استغرب من اللى حصل بالسرعه دى وقال ل سلام : انت سحرتها ولا عملت ايه ؟
الشيخ سلام : من شويه كنت بتقول ان مفيش سحر والحجات دى ، ازاى اسحرهات .
الحج على : يعنى بنتى خفت كده يا شيخ ؟
سلام : مظنش يا حج ، بنتك معمولها عمل سفلى متجدد .
الحج على : وايه الحل يا شيخ .
فى اللحظه دى دخل شويه هوا من باب البيت ومن الشباك وسعتها سلام حس برعشهجواه ومكنش عارف سببها .
بص سلام ل اميمه وسألها : هتتجوزى ابن عمك يا دكتوره ؟
اميمه بسرعه : لاء واللى هيغصبنى عليه هموت نفسى .
كل اللى موجود اتصدم من اميمه اللى غيرت رأيها بسرعه ، وسلام قال : خلاص انا كده اتأكدت .
الحج على : من ايه يا شيخ ؟
سلام : سبنى الليله دى يا حج وبكره ان شاء الله محلوله .
لا تنسى ذكر الله وكثره الصلاه على الحبيب يوم الجمعه وتكرم على وادعيلى ولاولادى لعلها ساعه استجابه .
اترككم فى رعايه الله .
Yasser Oda
