رواية المطلقه والبواب الفصل السادس بقلم هدؤ رجل
الجزء السادس
احداث نار 🔥🔥🔥
بعد ما وصلتنى الرساله المرعبه
اللى بتقول ان القتيله اللى ف المنزل المجاور اتقتلت غلط
وانا المقصوده وكمان الرساله بتقول ان عبير اتقتلت ومرحتش البلد زى ما عمتها قالت
والرساله مكتوب فيها تحذير خلى بالك من هشام وصقر
واخر الرساله تحذير اخر
اهربى باسرع وقت
بعد ما قريت الرساله حسيت بالخوف
وقعدت ع الكرسى اللى جمب الباب لاحظت ان ف خيال
رايح جى قدم باب الشقه جريت ع المطبخ لا اراديا وجبت سكينه وفتحت الباب بسرعه لاقيت ست مخبيه وشها
بنقاب ابيض ولابسه ابيض ف ابيض شافتنى طلعت تجرى على فوق وانا شفتها واتسمرت ف مكانى معرفتش اعمل ايه غير انى ناديت على صقر
لغايه مارد عليا وطلع حكيت اللى حصل
رد عليا وقال انتى دخلتى جوه بعد ما طلعت
رديت عليه وقلت لاء
رد وقال يبقى اكيد هتكون فوق انا قفلت البوابه وطلعت وحضرتك واقفه متحركتيش هنلاقيها
خليكى هنا وانا هطلع
قولتله انا جايه معاك مانا لازم اعرف هى مين وبتعمل كده ليه
طلعت معاه ودورنا كويس وفتحنا الشقق الفاضيه حتى السطح فتشنا كويس وملقناش حاجه
لاقيت صقر بيقول يا مدام هو حضرتك شفتى الست دى فعلا قولتله امال طالع اهزر معاك
قال لا سمح الله اللى اقصده شفتيها طالعه على فوق
وبنظره خبث قال ف مكان مدورناش فيه
قولتله تقصد شقه هشام
وعنيه كلها غل وبيحاول باى طريقه يشككنى فيه
رد وقال اصل مش معقول مسمعش الدوشه والصوت العالى ده كله يطلع يسال ويقول قيه ايه
مش غريبه دى يامدام
قولتله يلا ننزل نشوف وخبطنا كتير ورنينا الجرس اكتر
ومفيش حد بيستجيب
نظر صقر بسخريه يمكن نايم يامدام
بصيت بكل تحدى وقولتله خليك هنا وجايه
نزلت جبت نسخه المفتاح اللى معايا
ما انا كان معايا مفتاح عشان اطلع انضف واعمل اكل لهشام ومااخدهوش منى تانى
طلعت وفتحت بس مفيش حد
دورنا ف كل حته تحت السراير جوه الدوالايب مفيش اى حد
وبعد مانزلنا صقر قالى متقلقيش يا مدام انا هقفل البوابه دايما وهشدد الحراسه ومفيش نمله هتعدى
اطمنى ومتخافيش
هديت شويه ويدوب سمعت صوت خطواته نازله ع السلم
ولسه هدخل الشقه لاقيت ورقه مرميه فتحتها لاقيت مكتوب عليها
اهربى بسرعه انا خايفه عليكى
امضاء جارتك اميره
الخوف اتملكنى اكتر واترعبت اكتر واكتر
فضلت افكر الورقه دى مكنتش موجوده قبل مطلع
يعنى حد جه من تحت ورماها من ورا الباب
وفضلت افكر ف الست صاحبه الزى الابيض
ياترى تكون مين دى؟
وبتراقبنى ازاى كده ؟
وبتحذرنى من ايه ؟
وليه خافت اما شافتنى ؟
ومين اميره دى انا معرفش حد ؟
وفضلت افكر وافكر لغايه متعبت
وقمت اعمل قهوه تساعدنى ع التركيز
وقولت اشغل فيروز
اصل اما بسمع فيروز بتخلينى افصل عن الدنيا بحالها
وحاولت اهدا وطلعت فرحه وقولت احضرها للغدا
ووانشغلت وفجأه جرس الباب رن
واتوترت اكتر من الاول ومسكت السكينه وروحت نحيه الباب مقرره اعرف مين اللى عامل فيا كده ودخل الخوف والرعب جوايا حتى لو هقتله
وفعلا روحت نحيه الباب وبصيت من العين السحريه
لاقيت اخويا احمد ومراته
وسالت مين ع الباب عشان اتاكد
ورد عليا اخويا هو فعلا وفتحت الباب وانا كان دمى نشف من الرعب
واول ما شفته اترميت ف حضنه وقالى مالك وشك مخطوف ولونه اصفر وايدك تلج
قولتله ف حجات غريبه بتحصل
اتفضلو الاول وبعدين نتكلم
ودخلو ورحبت بيهم و
حكيت لاخويا كل حاجه ماعادا طبعا علاقتى بهشام
حكيتله ع الست والرسايل
لاقيته بيقولى كل ده حصل ومعرفتنيش ازاى
احنا لازم نبلغ البوليس قولتله هنقول ايه
قالى الرسايل دىى اول الخيط اللى هيمشى وراه البوليس
وافقته ع فكرته وقمت عشان اجيب الرسايل
بس الغريب انى ملاقتش الرسايل
لاقيته بيقولى دورى براحه وهدى نفسك
انا هتجنن ازاى انا لسه كانت ف ايدى
ودورت ف كل حته لاكن ملقتش حاجه
لاقيت اخويا بيحاول يهدينى
وقالى طب مش ف رساله تانيه
هاتيها ونقراها قولتله حاضر وروحت اجيب الرساله والغريب
انى ملقتهاش هى كمان اتعصبت اكتر وجن جنونى اكتر
ازاى انا حطاها هنا ازاى ملاقيهاش
قالى اهدى يا شرين متاخديش كل حاجه على اعصابك هتلاقيها بس انتى متوتره مش عارفه دورى كويس
ونظرته ليا هو وزوجته بتقول انهم مش مصدقينى
قولتله هنادى على صقر يحكيلك اللى حصل
ناديت على صقر وقولتله اطلع وبالفعل طلع وقولتله احكى
لاستاذ احمد اللى حصل
وقال والله يا استاذ انا كنت قاعد تحت ولاقيت الست شرين بتصرخ وتنادى عليا قفلت البوابه بالقفل وطلعت
واما طلعت لاقيت المدام بتقولى ف ست لابسه ابيض ف ابيض ومغطيه وشها وطلعنا انا والمدام ودورنا ف كل حته وملقناش حد خالص
رد احمد وقاله يمكن نزلت وانتو ماخدتوش بالكم منها
قاله ابدا يا بيه انا بقول لحضرتك قفلت البوابه بالقفل ومفتاح معايا
رد احمد وقاله متشكرين يا صقر وخلى بالك من البوابه ومن مدام شرين لحد منشوف هنعمل ايه
وقبل ما ينزل صقر سالته سؤال
قولى يا صقر
نعم يا مدام
تعرف جارتنا اللى اسمها اميره
اتلخبط ف الكلام واضطرب وتردد قليل
وبعدين رد وقال انا معرفش اسامى الستات هنا
لاكن الست اللى اتقتلت كان اسمها اميره
ولاقيت اخويا بقولى اهدى ياحبيبتى وبيلمس شعرى بحنيه
وقالى انا خايف عليكى وقاعدتك لوحدك هتتعبك وتاثر على نفسيتك
قولتله يعنى ايه تقصد ايه قعدتى لوحدى هتجننى
اقصدك انى اتجننت وبيتهيألى حجات محصلتش
قالى انا مقصدش انا عاوزك تيجى تغيرى جو عندنا شويه وتريحى اعصابك
قولتله ااااااااه هى بقى الحكايه كده
طب ايه رايك بقى انا اعصابى زى الفل
ومش بعيد انت ومراتك اللى تكونو خبيتو الرسايل عشان توهمونى انى مجنونه
رد وقال لا ده انتى اتجنيتى خالص
قولتله جنان بجنان بقى مش هتنزلو من هنا غير اما افتشكم بنفسى
نهرنى احمد وهو بيقول لاء كده كتير وجنان رسمى
عصبنى اكتر انه بياكدلى انى اتجنيت
مسكت السكينه وصرخت وقولتله طلع اللى ف جيوبك
خاف منى وطلع اللى ف جيبه هو ومراته
ومكتفتش بكده قمت فتشتهم بنفسى
ومراته فضلت تعيط من منظرى
لاكن ملقتش معاهم حاجه ومبقتش عارفه اعمل ايه
رميت السكينه بعيد وقعدت ع الكرسى ومبقتش عارفه اقول ايه من شده الخوف والكسوف
لاقيت اخويا بلم ف حجاته هو ومراته وبيستعد للرحيل
لاقيته بيقولى انتى حالتك بقت صعبه جدا
وميتسكتش عليها
مبقتش عارفه اقول ايه ولا اعتذر ازاى
ازاى اعمل كده ف اخويا الطيب هو ومراته
وبعد ما مشيو فضلت اعيط وحسيت انى ضعيفه
واعصابى تعبانه فعلا وازاى ارفع السكينه على اخويا وافتشه تفتيش ذاتى
وفضلت اعيط وشميت ريحه الاكل اللى كان ع النار وهو بيتحرق
وجيت اشيل الحله من ع النار اتحرقت ف ايدى وفتحت الحنفيه عليها لاكن كانت لسه بتوجعنى
لاكن فجأه النور قطع
خوفت اكتر ودمى نشف وقلبى اتجمد من الخوف
وحاولت افتكر مكان الموبيل اللى لسه كان شغال على اغانى فيروز ومدى اضأه خفيفه
ولسه بلف عشان اطلع من المطبخ لاقيت الست
اللى شفتها ع السلم ذات النقاب وهى ماسكه سكينه وبتقرب عليا عاوز تقتلنى وبتستعد للهجوم وانا مش شايفه حاجه غير النور الضعيف اللى طالع من التليفون
بس حدث مالم يتوقع
