رواية همسة وجع الفصل الثامن 8 بقلم اسماء العذب

 

رواية همسة وجع الفصل الثامن بقلم اسماء العذب

8

#همسه _وجع

# رمضان_مبارك

صلوا علي رسول الله 

___________________________________________________ 

هشام رجع للبيت وهو في حاله تانيه وكل خوفه الاشياء من الفكره اللي عصام قالها لكن مش عارف ليه احساس انه بيعمل حاجه غلط ملازمه عقله 

لكن يعمل ايه هو لازم يعمل كده 

ويلحق اللي يقدر يلحقه هشام فاق من أفكاره اول ما دخل البيت وهو بيدور بعيونه 

في المكان علي اي اثر لايمي أو الاولاد لكن المكان هادي وما فيش أي صوت ولا حركه وكأن البيت فاضي 

اتحرك ناحيه اوضته هو وإيمي لكن لاقاها فاضيه لما شاف كده عرف فورا

انها في اوضه الطفل يعني هتكون فين علشان كده اتحرك للاوضه واول ما دخلها وقف مصد/وم من اللي شايفه بجد إيمي نايمه علي السرير 

في النص بين وعد ووليد وهي حضناهم ونايمين هم التلاته زي الملائكة تمام راح براحه

 وصحي إيمي وهي قامت براحه علشان متصحيهمش بعدها ضمتهم علي بعض وغطتهم كويس

وطفت النور وخرجت هي وجوزها وراحوا اوضتهم واول ما دخلوا هشام بقي يغير

 هدومه علشان كان عاوز ينام ويرتاح خصوصا ان

فرصه تحقيقه مع الاولاد طارت لانهم ناموا فا لازم ينام علشان يحاول بكره 

=مين الأطفال دول يا هشام 

سألته إيمي بعد ما لاحظت انه في وادي تاني وهي كانت بتنفذ كلامه انها هتعرف كل حاجه لما جه ودلوقتي لازم تعرف

بص عليها وهو بتأفف بزهق وقال 

_دول عيال مريضه عندي عملت حادثه النهارده 

=وانت من إمتي بتجيب عيال المرضي بتوعك البيت ايه ملهومش اهل يعني ولا ايه ؟؟

_اه يا ايمي ملهمش اهل غير مامتهم والاتنين صعبوا عليا اسيبهم خصوصا ان قوانين المستشفى بتمنع بيات اهل المريض في المستشفى فأكيد مكنتش هسيبهم يناموا في الشارع ولا انتي رأيك ايه 

=رأيي انك علي حق لكن طريقتك كانت غريبه إنك تجيبهم كده من غير ما تقولي هم مين وبعدها تخرج طوالي وتسيبني افكر لحد ما دماغي تنفجر 

هشام ببرود وهو بينام علي السرير وبيتغطي

 

_لا الف سلامه علي دماغك ..تصبحي علي خير 

إيمي بزعل ووجع من تجاهله 

=وانت من اهل الخير 

بعدها خرجت بره في الصاله وقعدت لوحدها في الضلمه وهي غصب عنها الذكريات الوحشه كلها اتجمعت في عقلها في اللحظه.دي

وبقي دماغها يعرضها ليها زي الفيلم وهي كل اللي عليها انها تعيط بوجع لكن وجعها كان أكبر من العياط يخففه علشان كده اتحركت ناحيه المطبخ وبقت تدور في الادراج لحد ما طلعت إبره خياطه 

رفعتها قدام عيونها وصت علي السن وبسرعه غريبه وحركه غير متوقعه 

دبت السن في ركبتها لحد ما جابت د/م ..وهي داست علي شفايفها علشان صوتها ما يطلعش ولما حست انها خلاص ارتاحت من الوجع شويه راحت رجعت الابره مكانها وراحت اوضتها ونامت وهي بتحاول تنسي اي حاجه حصلت 

___________________________________________________ 

مازن كان راجع من بره في قبل الفجر بشويه وكأن ماشي بيعرج وماسك ايده الشمال بأيده اليمين ووشه فيع كدمه كبيرة جنب عينه 

_الحمد لله كله نايم وما حدش هيحقق معايا 

قالةكده لما دخل البيت ولاقي النور مطفي وما فيش أي حركه ساعتها عرف ان اعمل نام 

لكن اول ما دخل الاوضة اتفاجأ أن المرتبه مش علي السرير ساب كل اللي في ايده وجري بخوف علي السرير وبقي

بدور زي المجنون علي الصندوق يدور عليه لكن اتجنن لما ما لاقاهوش مكانه

بقي يدور بسرعه وخوف في الكومودينو والدولاب والمكتب وكل مكان علي الصندوق لكن مش موجود 

_راح فين ..راح فين 

بقي يسأل نفسه وهو بيدور حوالين نفسه وهو قرب يتجنن

=بتدور علي ده 

التفت مازن علي الصوت واللي كان جاي من ورا الباب أتقدم ببطء ناحيه الباب لحد ما زاح الضلفه وكانت المفاجأه ان اللي كان ورا الباب اخوه عمر واقف وهو شايل الصندوق وبيبص عليه بنظرات غريبه مازن اول مره يشوفها 

_عمر هات الصندوق 

=مش قبل ما تقول الصندوق ده فيه ايه وليه مخبيه كده عن الكل وليه اتجننت لما ما لاقتهوش مكانه 

مازن حس بشويه امان أن عمر مش عارف ابه اللي جوه الصندوق علشان كده قرر انه يكذب بمكن يطلع من الورطه دي وقال 

_دي ..دي دي اه دي جرابات موبايلات انا كت مشتريها وهبيعها في الاجازه بدل ما اقعد استني المصروف من بابا وماما 

=امممم ..قولتلي جرابات موبايل؟؟ ..يعني مش فلوس ؟؟

مازن عيونه برقت وخاف لما شاف عمر قدر انه يفتح الصندوق وبقي كل اللي في باله أن سره اتكشف وأكيد عمر هيقول لمامته وبباه فحاول يستعطفه 

_يا عمر صدقني الموضوع مش زي ماهو باين انا جايب الفلوس دي بتعبي وشقايا 

عمر جه ناحيته زي الصاروخ وهو بيرمي الصندوق في الا ض ويمسك دراعات مازن ويهزه جامد 

=وياتري تعبك ده كان من ايه من المخد/رات والا السلا/ح ولا ايه يا دكتور قولي من ايه 

مازن اول ما عمر مسكه من ايديه اتألم جامد من الإصابات اللي فيه 

وما قدرش يمسك نفسه وصرخ من الو جع وهو بببعد ايد عمر عنه ويمسك مكان مسكته وملامح وشه موجوعه ومتعبه جدا 

عمر اول ما شاف كده راح وولع النور بتاع الاوضه لانهم كانوا معتمدين

علي النور اللي جاي من الطرقه واوا ما النور ولع شاف الكدمه اللي علي وش اخوه وشافه كمان وهو بيمسك أجزاء مختلفه من جسمه وهو بتأوه بعد ما الو جع اشتد عليه 

عمر قرب عليه وهو قلقان وموضوع من اللي شافه وهو بيقول 

=مازن مالك ؟؟ فيك ايه وايه اللي في وشك ده انت كويس؟ ؟

بس مازن مقدرش يرد عليه وهو لسه بتأوه وبيحاول يستند علي اي حاجه وعمو لما لاحظ كده قرب علي بسرعه وعنده وهو بيقعد علي المرتبه في الارض وهو بيحاول يحتوي موقفه لكن مش عارف ازاي 

=مازن انت مش كويس قولي فيك ايه علشان اقدر اساعدك قولي ايه اللي حصل؟؟ وايه اللي عمل فيك كده؟؟

مازن قاله بصوت واطي وضعيف وهو بيحاول يبقي صاحي 

_والله يا عمر الفلوس دي من تعبي وما عملتش حاجه غلط ..إوعي تقول لماما وبابا عليها وث..ثق ..فيا 

بعدها إغمي عليه وعمر صرخ بصوت عالي مفزوع 

=مااااااازن ..مااااازن مالك 

وصوته للأسف صحي كل اللي في البيت ومره واحده لاقوة امهم واقفه علي الباب وهي بتسأل بخوف من الصوت

هو فيه ايه 

لمن لما شافت النظر بتاع عمر ومازن وهم قاعدين في الارض ومازن مغمي عليه صرخت هي كمان بأعلي صوتها بتبكي وتجري علي عيالها 

___________________________________________________ 

أخيرا جه الصبح اول ما هشام صحي اتأكد من الساعه لانه لازم يقضي اطول موقت مع وعد ووليد قبل ما يروحوا المستشفى ويحصل التصادم مع همسه ولنا لاقي تنه باقي حوالي اكتر من تلات ساعات علي شغله اتطمن ..بص جنبه لاقي إيمي بتحاول تصحي لان صوت المنبه بتاعه عملها إزعاج ..واول ما شافت هشام قام من علي السرير اتعدلت وهي بتبص عليه بإستغراب وسألته قبل ما يدخل الحمام

 

صاحي بدري ليه يا هشام لسه بدري علي معاد الشغل 

رد عليها هشام من غير ما يبص عليها وهو بيحاول يديها اي سبب مقنع 

هيكون ليه يعني انتي ناسيه ألعيال اللي نايمه دي دول ضيوف افرض صحيوا أو كانوا عاوزين حاجه كده ولا كده ودول أطفال مش هيعرفوا يتصرفوا اكيد علشان كده 

باين عليهم يهموك اوي

 

هشام التفت بعد كلمتها ومش عارف ليه حاسس انها بتلمح لحاجه لكنه جاوبها بثبات وهو بيقول 

ايوه طبعا يهموني دول قالولي انهم ملهمش حد غير امهم وامهم دلوقتي ربنا يقومها بالسلامه علشان خاطر المساكين دول كنتي عزاني اعمل ايه اسيبهم في المستشفى وهم هيموتو من الخوف علي مامتهم وولا حد واخد منهم ولا موكلهم ولا حتي بيحاول يطمنكم ويجبر بخاطرهم علشان حالتهم النفسيه 

إيمي ضحكت ضحكه مزيج من السخريه والوجع بعد كلامه ده وقالت 

لا طبعا انت دكتور في الاهتمام بغيرك وجبر الخواطر بس ياريت قبل ما تنتبه للغريب انتبه للي معاك 

قالت كده وقامت دخلت الحمام وهشام بقي واقف يفكر في كلامها ايني مش من النوع اللي بيحب اللف والدوران في الكلام لكن دلوقتي حاسس انها بتحاول ....حتي انه مش عارف هي بتحاول تعمل ايه المهم انه نفض الموضوع من دماغه وقال انه مش مهم وبعدها استني دقيقه تانيه لحد ما إيمي طلعت ودخل هو الحمام وخي غيرت هدوم النوم لواحده تانيه بيتي واستنته لما طلع وراحوا ناحيه الاوضه اللي فيها كانت الاوضه هاديه جدا وده معناه انهم لسه نايمين 

اول ما هشام دخل لاقاهم فعلا نايمين وكن حلاوتهم وبرائتهم يجننوا حتي في النوم

بص وراه علي إيمي وطلب منها تروح تحضر الفطار لحد ما يصحيهم هزت راسها وهو راح ناحيه السرير وبقي واقف من الناحيه اللي فيها وليد ..بقي يبص علبه ويتأمل في ملامحه وجاله احساس كبير في اللحظه دي أن وليد زيه وشبهه يا تري فعلا ممكن يكون ابنه 

كل ده لازم انه يعرفه النهارده.. لازم

بقي يطبطب علي دراع وليد براحه علشان يصحي من غير ما يخضه لحد ما وليد فتح عينيه براحه واول ما صحي بص في خدها كده من سكات وكأنه للحظه نسي مين هو لحد ما ملامح وشه ارتاحت شويه لما افتكر هو مين وايه اللي حصل 

صباح الخير يا عمو 

صباح النور يا حبيبي يلا صحصح كده علشان تفطر إيمي راحت تحضر احلي فطار علشان خاطر عيونك انت ووعد العسوله ..وسع كده شويه علشان اصحيها 

ولا تصحيها انت 

لا صحيها انت يا عمو عادي 

بعدها وليد نزل من السرير وراح الحمام بعد ما هشام طلب منه وهشام قعد جنب وعد ومن غير ما يحس نزل اخدها وهو بيبوسه وما يعرفش ليه في اللحظه.دي اتمني ان الاتنين يكونو ولاده بجد ..وبقي يمسح علي خدها ويطبطب عليه بالراحة لحد ما صحيت هي كمان واول ما شافته اتخضت ورجعت لورا وهي بتسأل بخوف 

انت مين ؟؟

حاول يطمنوا يأيديه وهو بيقولها 

اهدي يا وعد انا دكتور هشام اللي جيتوا معايا بيتي امبارح علشان مامتكم عملت حادثه 

اه صح ..انا اسفه جدا يا عمو مكنتش اقصد والله بس انا اتفاجأت 

لا ولا يهمك يا حبيبتي يلا فوقي كده علشان تفطري وليد صحي ودخل الحمام يلا انتي كمان علشان تدخلي انتي كمان 

هزت راسها وراحت معاه للحمام وهي بتفرك عينيها علشان تفوق من النوم لحد ما دخلت وخرجت وهشام اخدهم علي السفره كانت إيمي بتبص الاطباق واول ما شافتهم قالتهم بصوت عالي وسعيد 

صباح الخير يا حبايبي نمتوا كويس 

هزوا رأسهم ليها وهم بيبتسموا

طيب يلا انا عملت احلي فطار ليكم اقعدوا علشان تاكلوا بألف هنا 

الاتنين قعدوا وهشام كمان قعد وايمي كملت حط الاطباق ولما خلصت راحت قعد جنب وعد وبقت تحطلها اكل كتير في طبقها وطبق وليد وكانت بتأكلهم بنفسها وهي مبسوطه من وجودهم 

واول ما ابتدوا اكل هشام سأل وليد بطريقه حاول تكون عاديه

 

إلا قولي يا ليدو 

نعم يا عمو 

هو انتوا كنتوا مسافرين فين 

كنا مسافرين الإمارات يا عمو 

هشام بإستغراب 

الإمارات؟ ؟ يااااه وكنتوا مسافرين من إمتي علي كده 

احنا اتولدنا هناك يا عمو بس ماما كانت بتقول ان دي مش بلدنا وكانت علي طول تقول أننا هنرجع بلدنا مصر قريب واول ما رجعنا عملنا حادثه 

قال اخر جمله بزعل وإيمي طبطبت عليه وهي كمان مش عارفه ليه زعلت عليه من كلامه وهشام كمل 

طيب انتوا كنتوا قاعدين فين قصدي في مصر فين بيتكم 

احنا كنا قاعدين في فندق 

ليه طيب ما تروحو عند أي حد من قرايبكم 

بس احنا ما عندناش قرايب 

مامتك اللي قالت كده ؟؟؟

لا ماما ما قلتش بس انا عمري ما شفت اي حد من قريبنا بيزورنا أو حتي يكلمنا في الموبايل 

اممم طيب وبباكم فين اكيد يعني لازم نقله علي اللي حصل ولا ايه 

ماما بتقول ان بابا مسافر وهيرجع بعد فتره 

مسافر فين 

كان وليد لسه هيرد لحد ما إيمي قالت 

ما كفايه اسأله يا هشام خلي العيال تاكل وبعدين انت مش رابح دلوقتي لمامتهم خلاص ابقي اسألها كل اللي انت عاوزه ودلوقتي سيبهم ياكلوا براحتهم 

هشام سكت وما عرفش يرد غير أنه هز راسه وهو بيقول في دماغه 

فعلا كلها كام ساعه واروح ليها واعرف كل حاجه 

.....

بعد ما خلصوا اكل إيمي اخدت الاولاد علشان تغيرلهم هدومهم بعد ما غسلتها وكوتها وهشام كمان راح غير ولبس علشان يطلع المستشفى واول ما كان قرب يخلص جاله تلفون من المستشفى ولما شاف مين اكتشف انها الممرضة اللي متابعه حاله همسه لحد ما هو ييجي المستشفى وا ول ما فتح المكالمه وبعد التحيه والذي منه قالت 

الحاله بتاعه حادثه امبارح فاقت يا دكتور ولبس لسه بين مش بكامل وعيها وتحت تأثير البنج وعماله تخترف بالكلام 

طيب انا إيمي نص ساعه واكون هناك خلي بالك علي حالتها 

تحت امرك يا دكتور 

بعدها قفل وطلع لاقي إيمي لبست الاولاد وواقفه معاهم وبتسلم عليهم وتحضنهم وهي متأثره جدا انهم هيمشوا صحيح كان يوم واحد لكن متعرفش ليه اتعلمت بيهم كده بعدها ادتهم لانش بوكس فيه سندوتشات علشان لو جاعوا ..وهشام بيستعجلها لحد ما خدهم ومشي 

___________________________________________________ 

هشام هو في العربيه بيسوق تلفون همسه اللي خده من الممرضة طلع التلفون وكان الرقم دةلي من دوله الإمارات استغرب جدا لكنه فتح ووصله صوت راجل بيتكلم خليجي

بيتكلم بهدوء وراحه في صوته

هلا همسه اشلونك؟ ؟ كيف ما تحشيني ليوم كامل هنت عليك قلتي علي فراقي قدرتي علي فراق حبيبك مشعل 

هشام بعد الكلام ده ما حسش بنفسه غير وهو بيزعق ويقول

 همسه مين يا اخ انا دكتور هشام الزايد مش همسه ..مش تعرف انت بتكلم مين الاول بدل ما انت داخل وواخد راحتك في الملام كده 

كيف يعني مو همسه هادا جوالها ورقمها شو عم يسووا معك ومين انت ؟؟

اسمعني لو سمحت انا دكتور هشام اللي مسؤول عن علاج همسه لانها عملت حادثه امبارح 

ليك يرحم امك شو عم تقول يا رييال إذا بتريد خبرني كل شي تعرفه من اول ما همسه وصلت للمستشفى 

ووين مكانها 

هشام حكاله كل حاجه من اول ما وصلت وأكيد ما قالش انه يعرفها وقاله أن الأطفال معاه زانه اهتم بيهم وأنه في طريقه للمستشفى علشان يتطمنوا علي مامتهن

باتشر انا بكون بمصر وعنكم بالمشفى طمن الاولاد وقلهم أن اني رح كون معهم 

ايوه وحضرتك مين علشان اقلهم

 

انا ابوهم 

هشام من غير ما يحس بعد الكلمه دي وقفل المكالمه في وشه وبسرعه بص علي وليد وسأله

وليد انت تعرف حد اسمه مشعل 

ايوه يا عمو ده يبقي بابا 

هشام بصدمه

باباك....؟؟؟

استوووووووووووب

كل سنه وانتوا طيبين بمناسبه شهر رمضان وكل عام الامه الاسلاميه بخير 

تفاعل عشان تكمل يت جماعه التفاعل في ذمه الله بمعني الكلمه 

قولولي رأيكم في الفصل ولو حد عنده انتقاد لجزأ معين يكتب في التعليقات 

يلا 

أستودعكم الله 

اسماء العذب ( كروان)

الفصل التاسع من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال