رواية عشيرة دهار الفصل التاسع بقلم ياسر عوده
عشيرة دهــــــــــــــار ( الجزء التاسع )
الاول اذكر الله وصل على الحبيب المصطفى وادعوا لاخوانكم بفلسطين والسودان وكل بلاد المسلمين واحسن من اعمالك فنحن فى شهر شعبان شهر عرض الاعمال على الله سبحانه وتعالى .
كانت من اغرب القصص الحقيقيه اللى ممكن تسمعها ، وكان لازم احطها من ضمن قصص الشيخ سلام .
فى يوم الجمعه ، فى جامع الحسين الدنيا زحمه اوى ، صعب ان انتى تيجى اليوم ده وتدور على حد ، بس عمك حمدى مايعرفش حاجه اسمها صعب ، عنده صبر وطوله بال تخليك تستغرب انه بعد اللى هنعرفه عنه ازاى لسه ساكت ومتماسك .
سلام بعد صلاه الجمعه بيصلى ركعتين السنه ويفضل مكانه علشان الزحمه لغايه لما الناس تخف شويه علشان يخرج يروح ، ومكنش يعرف ان فى واحد واقف بره المسجد عمال يسأل عليه ، تخيل العدد المهول اللى كان بيصلى فى صلاه الجمعه فى مسجد الحسين وعمكم حمدى عمال يوقف الناس يسألها عن الشيخ سلام ، طبعا مش كل الناس تعرفه ناس كتير متعرفش سلام ، وحتى اللى يعرفه اكيد مش هينتبه ليه فى الزحمه ديه ، ممكن نقول ان عمكم حمدى بيدور على ابره فى كوم قش .
بس فى الوقت ده وسلام قاعد سمع صوت بيقوله : فى حد مستنيك بره المسجد يا سيدى ؟
طبعا كان صوت مليكه ، سعتها سلاق ابتسم وقال : كنتى فين يا مليكه كل الفتره اللى فاتت ؟
مليكه : موجوده يا سيدى .
سلام : موجوده فين انا محستش بيكى من ساعه لما كنت بالصعيد لما كنتى خايفه ومش بتتحركى .
مليكه : منا كنت محروجه منك يا سيدى ، حسيت انى عجزه مش قادره اعمل حاجه ، وبصراحه عرفت ليه كل عالم الجن بيعملك الف حساب وعشيرتنا بالخصوص يا سيدى .
سلام : مش اوى كده ، بس انتى مكنتيش خايفه يا مليكه ، كان عندى احساس تانى ، ان اللى موقفك مش خوف .
مليكه سكتت لحظات ، مكنتشمتخيله ان الشيخ سلام يقدر يوصل لجواها بالشكل ده ، صحيح مليكه مكنتش خايف ، حتى لما بينت انها خايفه لما وقفسلام قصاد الست العجوزه والجن اللى كان معاها ، بس ده مكنش صحيح ، ملبكه من نوع الجن القوى جدا ، بس فى قوانين هى ملزمه بيها منها انها متقدرش تقف مع واحد من البشر قدام واحد من عشيرتها ، بس ان سلام يحس بده كانت صدمه لمليكه .
مليكه : انا اضعف مما تتخيل يا سيدى ، انا بس بتشجع لما بكون جواك لانى بتحاما فيك .
ابيتسم سلام وقال : مش مقتنع بس هعديها ، انتى مكنتيش جوه جسمى يا مليكه كنتى بعيد اوى ، بس انا مش هضغط عليكى هسيبك لما تيجى تتكلمى من نفسك ، قوليلى مين اللى مستنينى بره المسجد ؟
مليكه : واحد بيدور عليك اسمه حمدى ومحتاجلك اوى يا سيدى .
قام الشيخ سلام وهو بيقول : استعنت بالذى خلق السموات والارض .
خرج سلام يشوف اللى بيدور عليه ، ومليكه وجهته ليه ووقف قدام حمدى وقاله : انت بتسأل عنى يا والدى ؟
حمدى : انت الشيخ سلام ؟
سلام : ايوه يا والدى .
حمدى مصدقش ان اللى بيدور عليه واقف قدامه ، بس كان لازم يسأله : انت عرفت ازاى انى بدور عليك .
سلام : حد قالى يا والدى ، قولى اقدر اخدمك بايه ؟
حمدى : ينفع نتكلم جوه فى المسجد .
الشيخ سلام : طبعا تعالى معايا .
دخل سلام وحمدى فى المسجد وقعدوا وابتدى حمدى يتكلم .
حمدى : عارف ان شكلى يبان كبير بس ده من الهم يا شيخ سلام ، انا لسه مكملتش خمسه واربعين سنه بس شكلى يدى اكبر من كده عارف .
حكيتى غريبه اوى هحكهالك ، انا اتجوزت وكان عندى حوالى خمسه وعشرين سنه ، يعنى انا اتجوزت من عشرين سنه ، انا من الصعيد وهناكلينا عادات وتقاليد صعبه شويه ، انا لما اتجوزت حصلى حاجه غريبه ، زى ما تقول حصلى ربط ، انا مكنتش اعرف انه حسر اتعملى ، كنت بحسب ربنا خلقنى كده ، ومقدرتش اتكلم واشكى لحد ، خفت من العار ، ومراتى بنت اصل سترت على مهى بت خالى ، سترت عليا ومتكلمتش مع حد ولا حتى اشتكت ومحدش عرف ده طول السنين دى كلها .
الشيخ سلام : لا حول ولا قوه الا بالله ، فعلا بنات الاصول عمله نادره اوى صعب تلقيها دلوقتى .
حمدى : انا مراتى تبقى الاصول نفسها ، جملها على راسى ليوم الدين يا شيخ سلام .
الشيخ سلام : وامتى عرفت ان اللى عندك ده عمل ؟
حمدى : فى يوم كنت بالغيط قاعد اتسامر مع ابن عمى ، وبالتهريج قال : انه من زمن بعيد عملى ربط عند واحد بتاع اعمال علشان كان مضايق انى اتجوزت اللى كان نفسه يتجوزها ، وكان بيضحك لانه فاكر ان العمل اللى عمله منفعش لان محدش كان يعرف ان انا فعلا من اول جوازى وانا عندى مشكله .
بس يا شيخ انا سمعت الكلام ده محستش بنفسى غير انى جايب السلاح وضربت ابن عمى بالنار ومات ، وعلشان العيله عرفت السبب ، محدش بلغ الحكومه ودفناه من غير ما حد يعرف .
انا اتسرعت لما قتلته قبل ما اعرف عملى الربط ازاى ، ومعرفتش ازاى افكه .
الشيخ سلام : لا حول ولا قوه الا بالله ، انت قتلت نفس يا عم حمدى .
حمدى : دى نفس فاسده يا شيخ ، وانا مش ندمان انى قتلته ، وكان نفسى اقتله الف مره على كل مره عذبنى فيها وكسر عينى قدام نفسى وقدام مراتى ، انا جيلك يا شيخ سلام تشفلى حل ، روحت لشيوخ كتير بس محدش حللى الموضوع .
الشيخ سلام : سيبها على الله ، بكره نتقابل هنا فى صلاه العصر ان شاء الله يا عم حمدى .
حمدى : واللى هتطلبه هجبهوك مهما كان غالى يا شيخ سلام .
الشيخ سلام : انا بعمل كده لوجه الله ، سبها على الله يا عم حمدى ، بكره نتقابل ان شاء الله .
باليل فى وقت متأخر كان سلام قام كالعاده لصلاه قيام الليل ، وقبل ما يصلى قعد وسأل مليكه عن العمل اللى معمول ل حمدى ، بس اجابتها : الموضوع مش سهل يا سيدى ، انا اتأكدت من قرين حمدى بصدق كلامه ، بس صعب نوصل للعمل لان اللى عمله مات ومنعرفش الساحر اللى سعده فى العمل .
الشيخ سلام : مين من قبالئل الجن ليهم فى اعمال الربط يا مليكه ؟
مليكه :كل عشيره فيها جن متخصص فى الربط يا سيدى ، وانا لو كان ينفع اسأل حد من عشرتى كنت سألت بس انت عارف انى هربانه منهم .
سلام : طيب سبينى مع نفسى .
ابتدى سلام الصلاه وبعد كده قعد يذكر اسم من اسماء الله الحسنى وفضل يردد يالطيف يالطيف وهو مغمض عينه ، يمكن استمر على الوضع ده نصف ساعه او حتى ساعه لغايه لما غفل شويه وشاف قدامه نجمه ، وشاف شخص بيول ل حمدى : يا ابن عمى انا عملتلك الربط على النجمه ديه ، وشاور على نجمه فى السما .
فاق سلام فى اللحظه دى ، وقام بسرعه وجاب ازازه مايه صغيره وقراء عليها بسم الله الرحمن الرحيم ( وَٱلنَّجۡمِ إِذَا هَوَىٰ (1) مَا ضَلَّ صَاحِبُكُمۡ وَمَا غَوَىٰ (2) وَمَا يَنطِقُ عَنِ ٱلۡهَوَىٰٓ (3) إِنۡ هُوَ إِلَّا وَحۡيٞ يُوحَىٰ (4) عَلَّمَهُۥ شَدِيدُ ٱلۡقُوَىٰ (5) ذُو مِرَّةٖ فَٱسۡتَوَىٰ (6) وَهُوَ بِٱلۡأُفُقِ ٱلۡأَعۡلَىٰ (7) ثُمَّ دَنَا فَتَدَلَّىٰ ( 8 ) فَكَانَ قَابَ قَوۡسَيۡنِ أَوۡ أَدۡنَىٰ (9) فَأَوۡحَىٰٓ إِلَىٰ عَبۡدِهِۦ مَآ أَوۡحَىٰ (10) مَا كَذَبَ ٱلۡفُؤَادُ مَا رَأَىٰٓ (11) أَفَتُمَٰرُونَهُۥ عَلَىٰ مَا يَرَىٰ (12) وَلَقَدۡ رَءَاهُ نَزۡلَةً أُخۡرَىٰ (13) عِندَ سِدۡرَةِ ٱلۡمُنتَهَىٰ (14) عِندَهَا جَنَّةُ ٱلۡمَأۡوَىٰٓ (15) إِذۡ يَغۡشَى ٱلسِّدۡرَةَ مَا يَغۡشَىٰ (16) مَا زَاغَ ٱلۡبَصَرُ وَمَا طَغَىٰ (17) لَقَدۡ رَأَىٰ مِنۡ ءَايَٰتِ رَبِّهِ ٱلۡكُبۡرَىٰٓ (18) أَفَرَءَيۡتُمُ ٱللَّٰتَ وَٱلۡعُزَّىٰ (19) وَمَنَوٰةَ ٱلثَّالِثَةَ ٱلۡأُخۡرَىٰٓ (20) أَلَكُمُ ٱلذَّكَرُ وَلَهُ ٱلۡأُنثَىٰ (21) تِلۡكَ إِذٗا قِسۡمَةٞ ضِيزَىٰٓ (22) إِنۡ هِيَ إِلَّآ أَسۡمَآءٞ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِن يَتَّبِعُونَ إِلَّا ٱلظَّنَّ وَمَا تَهۡوَى ٱلۡأَنفُسُۖ وَلَقَدۡ جَآءَهُم مِّن رَّبِّهِمُ ٱلۡهُدَىٰٓ (23) أَمۡ لِلۡإِنسَٰنِ مَا تَمَنَّىٰ (24) فَلِلَّهِ ٱلۡأٓخِرَةُ وَٱلۡأُولَىٰ ) .
ولما خلص الشيخ سلام قراءه القرءان قفل الازازه وقال : خير ان شاء الله خير .
لا تنسى ذكر الله .
اترككم فى رعايه الله .
Yasser Oda
