رواية همسة وجع كامله جميع الفصول بقلم اسماء العذب
=وحشتني
رد عليها ببرود
_ وانتي كمان
الكلام ده كان في واحدة من الشقق ما بين راجل وبنت فا البنت اتكلمت بفرحه كبيره
=علي فكره احنا لازم نقدم معاد فرحنا شويه شهر ونص كتير اوي انا نفسي نتجمع في بيت واحد بكره
رد عليها بغضب
_نعععم هو ايه اللي نقدم معاد الفرح ومين اللي قال إن هيكون فيه فرح اصلا
ابتسامتها انمحت وكلمته وهي مستغربه كلامه وطريقته
=قصدك ايه يا هشام ومالك اتعصبت كده ليه
رد عليها بنفاذ صبر وعصبيه
_يعني انا مستحيل ارتبط بواحدة عملت معاها علاقه قبل كده اللي عاوزه خدته بمزاجك وما غصبتكيش علي اي حاجه
انصدمت من كلامه ولسانها عجز عن الكلام وهي بتبصله وكأنها اول مره تشوفه معقول ده هشام حبيب حياتي اللي اول دقه القلب دقها كانت ليه اول مشاعر حسيتها كانت ناحيته ده انا كنت بدعي ربنا بعد كل صلاه أن هو يكون من نصيبي ولما ده حصل يتخلي عني بالطريقه دي ولا كأني مراته ومكتوب كتابنا وفرحنا بعد أقل من شهر ونص كل ده علشان طلب مني أن هو يمارس حقه الشرعي قبل فرحنا وانا من عشقي ليه وافقت ما انا كده كده مراته وما بنعملش حاجه حرام لا اكيد انا بحلم حلم من الأحلام الوحشه اللي علطول اشوفها اكيد دلوقتي ها اصحي من النوم واقول الحمد لله ده طلع كابوس
فاقت من أفكارها لما طرقع صوابعه قدام عنيها وقالها لما انتبهت ليه
_انا هعدي علي ابوكي بكره بالليل واقوله أن كل شيء قسمه ونصيب واخد حاجتي وكل حي يروح لحاله وانا اشوف نصيبي مع واحده تانيه وانتي اكيد هتلاقي اللي يحبك ويقدرك يا همسة
قاطعته همسة وهي بتصرخ وتبكي وتضربه صدره بأيديها
=بااااس بااااس باااس بقي اسكت انت بتقول ايه حرام عليك انت ليه محسسني انك كنت ماشي معايا انا مراتك مراتك يا هشام مش واحده شاقطها من كباريه كل ده علشان استأمنتك علي نفسي وسلمتهالك عارف ليه عملت كده علشان كنت واثقه فيك ثقه عميا ولاننا ما كناش هنعمل حاجه حرام لاني مرااااتك تقوم اول ما تاخد غرضك ترميني ولاكاني كلبه ولا قطه من الشارع اتسليت بيها شويه بعدها زهقت ورمتها تاني
قاطعها هو المره دي وهو بيزعق فيها برضوا
_اسمعيني كويس يا همسة انا ما اجبرتكيش علي حاجه انا طلبت منك طلب وانتي وافقتي ولبيتي طلبي وانا بعد اللي حصل قعدت اقلبها في دماغي لقيت إن واحده سلمت نفسها لخطيبها قبل الجواز حتي لو كانوا كاتبين الكتاب ما يتأمنلهاش ما ممكن في المستقبل تسلم نفسها لواحد تاني ولا يمكن تكوني عملتها فعلا و....
هشام سكت لما لاقي قلم قوي جدا نزل علي وشه من همسه
لدرجه ان خده اللي خد القلم احمر جدا
وهمسه ما سكتتش علي كده دي مسكته من ياقه قميصه وبقت تتكلم بحسره وقهر علي اللي كانت بتحبه واللي هو فاكره عنها وخياله المريض رسمه عليها ودموعها وكأنها شلالات
=ياخي حرام عليك اللي بتقوله ده انت حتي واعي انت بتقول ايه انت بتكلم مين كده
اصلا انا همسة عارف مين همسة اللي انت بتحاول تطعن في شرفها اقولك انا انا اللي لحد اخر لحظه قبل كتب كتابنا ما لمستش ايدي مع أن كنت كل ما اشوفك كنت نفسي احضنك انا اللي حاولت تكلمني من كذا رقم وانت مغير صوتك واسمك وانا اعرفك واقولك اني واحده بخاف ربنا وعقابه حتي لمجرد مكالمه تليفون انا اللي من ساعه ما لبست الحجاب في الابتدائي ومفيش راجل لمح مني شعرايه ولا حتتتتي انت مع انك كنت حب عمري من الإعدادي عيني ما شفتش راجل غيرك قلبي ما حنششش لراجل غيرك انت الوحيد اللي استأمنته علي نفسي وسلمتك اغلي حاجه عندي بس بالحلال فاهم يعني ايه بالحلاااااال
اتكلم هشام ببرود وهو بيبعد ايدها من علي ياقه قميصه
_انا مش همد ايدي عليكي علشان القلم ده علشان ما تعودتش اضرب ستات
ضحكت همسة ضحكت وجع وقالت وهي بتسخر منه
=ما اتعودتش تضرب ستات لكن اتعودت تغدر بيهم وتستندل معاهم بعد ما تاخد غرضك منهم لكن اقول ايه غير حسبي الله ونعم الوكيل في الظالم والمفتري لكن الظاهر إن كان في عرق وسا*خه مخفي وشفته متأخر
حذرها هشام بكلامه ونظراته اللي مش مبشره وقال
_حاسبي علي كلامك يا همسة واعرفي انتي بتكلمي مين انا لو ساكت علي اللي بتعمليه فا ساكت علشان العيش والملح والعشرة اللي كانت بينا في يوم من الايام
=بس أنت ما صنتش العيش والملح ولا قدرت العشرة وطلعت مش قد وعدك يا هشام
سكتت شويه وهي بتبص عليه بلوم وحسره وهي بتمسح دموعها اللي مش راضيه توقف بعدها اخدت نفس وبصت عليه واتكلمت
=أخرت الكلام علشان انا مش قادره استحمل اللي بيحصل ده ايه قرارك الاخير بخصوص علاقتنا
وقف هشام واداها ضهره وبقي يبص من الشباك واتكلم بكل هدوء أو برود
_قراري الاخير أن احنا لازم ننفصل عن بعض انا بعد اللي حصل ما بينا وانا مش هقدر أاتمنك علي بيتي وياريت كل واحد يروح لحاله بالهدؤ ومن غير شوشرة وهري كتير
=حتي لو قلتلك اني حامل
للحظه هشام ما صدقش اللي سمعه ووقف في حاله من الصدمه والزهول من اللي سمعه بعدين التفت لها وملامح وشه مرعبه بعدها زعق في همسه بصوت مرعب وقالها
_ازاااااي؟؟ انتييي بتقولي ايييييه انا ما لمستكش غير مره واحدة ولا انتي كنتي مقضياها من ورااااايا وجايه تلبسيني بلوتك لاااا يا حلوه انا مش مختوم علي قفاها علشان أحاسب علي مشاريب غيري وغيري نفسه مش عارف هو عمل ايه ا....
قاطعته همسه وهي بتصرخ فيه وتضربه في اي مكان تطوله ايديها وكانت بتبكي بهستيريا وهي مش مصدقه اللي هي بتسمعه ده
=انت بتقوووووول اااااايه يااخي ارحمنننننني بقي انت كنت مخبي القذا*رة والوسا*خه دي كلها فين انت بتتهمني في شر في و بتقولي أن اللي بطني ده من غيرك خاف ربنا يا شيخ خاف ربنا بقي واعرف انت بتقول ايه انا كنت ماشيه مع رجاله وبخونك كمان معاهم لاااا انت واحد محتاج تتعالج في مصحه يمكن تفوق شويه من اللي انت فيه
_انتي دلوقتي عماله تديني في محاضرات في الأخلاق و والتربيه ولا كأني بتكلم مع رابعه العدويه وعوزاني اكتب عيل مش من لحمي علي اسمي لا يا حلوه روحي شوفي مين ابو اللي في بطنك ده وخليه يكتبه علي اسمه انا ما بشلش شيلة حد وبكره هعدي علي ابوكي واخلص معاه كل حاجه سلام يا ....سلام يا قطه
هشام قال كده وخرج من الشقه اللي كام المفروض انهم يتجوزوا فيها وكانت همسه معاها نسخه من المفتاح علشان يتقابلوا
بعد ما هشام خرج همسه رجليها ما كنتش شيلاها فقعدت في الارض وهي لسه مش مستوعبه اللي حصل ودموعها بتنزل لوحدها من اللي شافته وسمعته
حب حياتها اتخلي عنها ومش بس كده حامل منه ومش راضي يعترف بأبنه اللي في بطنها كانت بتكلم نفسها بصوت باكي وهي مش عارفه حتي بتقول ايه
للدرجه دي كان واطي وانا ما كنتش واخده بالي انا صحيح سلمته نفسي لكن لاني مراته يعني مش هنعمل حاجه حرام ولأن ما كنتش اقدر أرفض له طلب زي ده لانه حقه بما اني بقيت علي اسمه لكن هو استغل أن احنا لسه في نظر الناس مخطوبين وخلع بعد ما دبسني
طب انا هعمل ايه دلوقتي ولا هقول لمين يساعدني
بعدها انهارت أرضا وهي بتصرخ بقهر ملأ قلبها
= حسبي الله ونعم الوكيل حسبي الله ونعم الوكيل حسبي الله ونعم الوكيل منك لله يا هشام منك لله يااااارب هاتلي حقي منه ياااااااارب
استوووووووووووب.......
( همسه المتوكل بنت متدينه عندها ٢١ سنه كليه طب بنت طيبه جدا وعلى نياتها جمالها هادي وجذاب دايما ملتزمه باللباس الشرعي والخمار بتتجنب اي كلام او احتكاك مع أي شئ مذكر غير اللي يحلولها طبعا )
( هشام الزايد ٢٦ سنه دكتور جراحة متخرج جديد شاب حليوه بالمعنى الحرفي اتعرف علي بنات كتير لكن لما حب يرتبط ارتبط ببنت منطقته همسه اللي كان سمعتها زي الجنيه الدهب يعني هتصونه وما تعرفتش علي حد قبل منه بالبلدي تكون خام )
ايه رأيكم في الفصل الأول ياريت ألاقي تفاعل وتشجيع منكم علشان اكمل وادعموني بلايك وكومنت ومتابعه علشان الجديد ينزل عندكم
واكتبوا في التعليقات ايه الاسم المناسب للروايه علشان لحد دلوقتي مش لاقيه اسم
تابعوني بقي علشان نعرف همسه هتعمل ايه ؟؟؟
وهشام برضه هيعمل ايه؟؟؟
وايه رد فعل اهاليهم؟؟؟؟
أستودعكم الله
اسماء العذب( كروان )
بدل ماتدور وتبحث علي الروايات خليها علي تليفونك وحمل تطبيقنا
