رواية ماخلف الباب كامله جميع الفصول بقلم احمد الطباخ
#الجزء الأول
مراتي ماتت في رمضان وكل رمضان يوم ١١ تظهر ليا ومش بس كده دي بتظهر ومعاها تحذير ومش فاهم منه أي حاجة..
"ان تكلمت معك وانا ميتة فإعلم انك مختار لأمرٍ ما"
انا مش عارف ابتدي منين ولا اقول ايه بس صدقوني ده حصل وبيحصل والموضوع مش هيسكت علي هنا غير لما اعمل وصيتها اللي عرفتها وهي ميتة عن طريق مكان وشخص مكنتش متخيل اني هروحله في يوم من الايام.
انا محمد او تقدر تقولي يا شيخ محمد لأني شبخ جامع وعارف ربنا كويس واللي شدني في مراتي انها متدينة جدا وفي نفس الوقت كانت تصرفاتها غريبة.. اكتر من مرة الاقيها بتكلم وهي نايمة وبتقول كلام غريب بس انا حاسس اني اعرف الكلام ده حاسس اني سمعته قبل كده بس في ساعتها معرفتش الكلام غير بعد يومين من موتها..
قبل ما تموت وصتني علي عيالنا مع العلم اننا معندناش عيال انا قلت ساعتها يمكن بتخ…*رف ولا حاجة لكن قالتها اكتر من مرة وكانت بتقول نفس الكلام الغريب اللي كنت بسمعه منها وبعديها بيوم توفت..
رحت عشان ادفنها واقعد معاها اتكلم معاها لوحدي وقعدت بعد ما الناس مشيت وقامت بالواجب قعدت اتكلم معاها وكنت حاسس فعلا انها معايا ما متتش فضلت ساعات كتير اتكلم معاها لغاية ما حسيت بنسمة هوا ساقع ومعاه ريحة حلوة أول مرة اشمها وبعد لحظات لقيت الليل داخل عليا… جيت عشان احضر نفسي وامشي سمعت صوت مراتي في وداني بتقولي استني في ساعتها بصيت على مقبرتها وضحكت ومشيت وقلت في بالي حتى وانتِ ميتة بتكلميني…
فضلت ماشي كتير وحسيت ان المقبرة طويلة علي غير المعتاد لحد ما دنيا كلها بقيت ضلمة ومبقتش شايف حاجة…
طلعت تلفوني ونورت الكشاف وبدأت امشي مع نور الكشاف لحد ما وصلت لحيطة سد.. انا مش عارف الحيطة دي جات منين و ازاي بس بصيت ورايا لقيت نفسي قدام مقبرة مراتي.. طب ازاي انا مشيت من عندها.. ساعتها مكنش في حل غير اني اقول الاذكار وامشي من المقابر بسرعة عشان بدأت احس ان في حاجة غلط في المكان وفعلا قلت الاذكار وفضلت ماشي لحد ما رجلي خبطت في حاجة…
بصيت تحتي على الحاجة دي لقيتها ساعة بس شكلها ساعة من الغالية وقديمة كمان… جيت ابص في ضهرها لقيت مكتوب عليها اسم غريب.. بقرا الإسم لقيته "بنت هرميز" استغربت ايه الاسم الغريب ده بس فضلت ماشي واخدت الساعة معايا وخرجت من المقابر اخيرا..
ركبت عربيتى وكنت في طريقي للبيت وانا ماشي وببص علي الساعة لقيتها بتنور وفجأة ظهر قدامي شخص خبطه بالعربية… نزلت عشان اشوف مين ده ولقيت لقيت….
يتبع.....
الكاتب ✍️
#أحمدالطباخ
#نبض_الخوف_تحت_الأرض
بدل ماتدور وتبحث علي الروايات خليها علي تليفونك وحمل تطبيقنا
