رواية طفلة من رحم الشيطانه كامله جميع الفصول بقلم احمد محمود محمد
part (1)
طفله من رحم الشيطانه " سليله الشيطان "
لـ احمد محمود محمد
(البــــــــدايه)
طفله من رحم الشيطانه " لـ احمد محمود محمد
فى ليله مُظلمه وسط الامطار والرعد بتكون فى حاله طوارئ فى المستشفى لست بتولد وهيا لسه فى الشهر الخامس.. وتقريبا مكملتوش
ولاده غريبه وعجيبه ومن النادر جدا جدا انها تحصل وفى حاله ان الست ولدت فا الطفل مش بيعيش لأنه بيكون غير مُكتمل
بيكون واقف والد الطفل على باب اوضه العمليات وسامع صراخ الم مراته وهيا بتولد
والدكاتره كُلهم تقريبا جمب الحاله النادره دى وسط ذهول الجميع بما فيهم دكتور توفيق رئيس قسم الباطنه ومدير المستشفى
بيمسك الاب " وحيد " مصحف وبيقرأ ايات من كتاب لله لعل الله يحدث بعد ذلك امرا " مُعجزه والمولود يعيش "
ولأن وحيد كان بيحب مراته " سحر " فكان نفسه اوى يخلف منها..
وكل ما يقࢪا ايه من ايات لله صراخ الام جوه اوضه العمليات يزيد وكأنها بتتعذب بقرأه القرأن
اكتر من اربع ساعات جوه اوضه العمليات فى محاوله لأنقاذ الطفل او الام لأن نسبه الخطوره على الاتنين كبيره جدا
لحد ما خرج الدكتور وهوه شايل طفله وقال للأب دى بنتك
طاب وسحر؟
بينزل الدكتور توفيق دماغه ويبص للأرض وبيخبط على كتف وحيد وقاله البقاء لله
لحد ما وحيد بيتصل بأمه الست فتحيه وبيطلب منها انها تحضر فى المستشفى بسرعه لأن مراته ماتت
والفرحه باينه على وش والدته الست " فتحيه " وهيا بتكلمه رغم حُزن وحيد على مراته الا إن الام مكنتش قادره تخبى فرحتها فى موت " سحر "
لأنها كانت بتكرهها جدا ومش بتحبها ولا كانت راضيه عن جوازه ابنها من سحر دى
بيبص الاب للطفله اللى شايلها على ايده واللى بتكون ساكته عكس اى بيبى لسه مولود وبتكون كمان عينيها زرقاء جدا وفيه خصله صغير باينه اوى فى شعرها لونها ابيض مولوده بيها
البنت مكنتش طبيعيه ابدا بغض النظر عن سكوتها بس نظراتها مش طبيعيه بوءبوء العين بيروح وبيجى كأنها شايفه حاجه بتتحرك فى السقف
مُكتمله تماما وصحتها كويسه خالص وده اللى كان كُل الدكاتره مستغرباه لأنها فى السونار كانت باينه انها مش مُكتمله
بس هيا مشوهه شويه وشها فيه علامه سوده غريبه ومميزه كمان.. العلامه بتبدأ من منبت الشعر
بتعدى على العين الشمال وبتنزل على نصف شفتها وبتكمل للرقبه
والتشوه اللى فى وشها ماشى مع العلامه بالظبط حاجه كده شبه التجاعيد او الحروق بمجرد ما تبص للطفله دى تقول انها شيطان
لحد دلوقتي والبنت مش بتعيط خالص لا بالعكس دى حاطه صباعها فى بوقها وساكته..
فى واحده من الحالات الولاده اللى وصفها الدكاتره بالمُعجزه الحقيقيه.
بعد ما الست فتحيه بتحضر ومعاها بنتها شيماء " اخت وحيد "
بتكون بتمثل على ابنها انها زعلانه لموت سحر بس الحقيقه غير كده خالص
خير يبنى ايه اللى حصل؟
بيترمى وحيد فى حضن امه وبيعيط على فراق مراته بعد ما بيدى الطفله لأخته شيماء
بتطبطب الام عليه وبتحضنه وبتقوله بركه انك بخير والحمد لله ان ربنا نجاك من الست دى
- لى كده ياامى هيا كانت عملتلك ايه دانتى كُنتى مشغلاها خدامه عندك وبتعامليها اسوء معامله وكانت ساكته ومستحمله
عاوزنى انسا انك كُنت متجوز واحده دجاله
بيرد بغضب - وتابت وقررنا نبدأ حياتنا على نضافه
انتا عارف انى مكنتش بحبها ولا طيقاها
- هوه انتى فاكره انى مكنتش اعرف انتى بتعملى فيها ايه دانتى كُنتى بتتعمدى تشيليها حاجات تقيله علشان تجهضيها صح ولا لأ؟
يعنى انتا زعلان على دى انها غارت فى داهيه وماتت ومش زعلان على بنت خالتك اللى سبتها وكسرت قلبها
- انا مكسرتش قلب حد وبلاش الطريقه دى مش هتاكل معايا انتى مكُنتيش بتحبى سحر علشان اللى كانت بتعمله امها فيكى.. زمان . مش موضوع بنت خالتى
الموضوع انك طول عمرك موهومه بالسحر والشعوذه والكلام الفاضى ده ولما ابويا حصلتله الحادثه ليله فرحى على سحر كرهتيها علشان كنتي فاكره انهة هيا السبب مع ان دى حادثه وده قضاء وقدر ياامى
الام بحُزن : انتا اول مره تكلمنى كده يا وحيد
- تعبت ياامى وانا فى مشكله دلوقتي وانتى اللى فارقلك انها ماتت ومش فارقلك ابنك ولا حفيدتك
بتبص الام لشيماء وبتمد ايديها علشان تشيل البنت وأول ما بتبص فى وشها بسرعه بتقول اعوذ بالله من الشيطان الرجيم وبتقع البنت من ايديها و قبل ما توصل للأرض بتثبت فى الهواء اه.. فى مشهد صعق كُل الموجودين وأولهم وحيد ومكنش عارف يعمل ايه ولا فاهم ايه اللى بيحصل ده
بيمسك البنت وأيديه بتترعش جدا وبيبدأ يشيلها مره تانيه ومن هنا بتصرخ الام شيطاااانه شيطااانه وبتقع على الارض مغمى عليها
بيطلب ليها الطاقم الطبى علشان يسعفوها وفعلا بيدخلوها الانعاش وبيطمن وحيد عليها وبيطلب من شيماء انها تاخد البنت وتروح وهوه هيروح يدفن مراته ويرجع وبعدها
بياخد وحيد بنته وبيروح على بيتهم بعد ما دفن مراته واطمن على امه فى المستشفى وبيكون عايش فيه مع ابوه " الحج فراج " اللى قاعد على كرسى مُتحرك
وأمه.. الست " فتحيه " واخته " شيماء " واللى بتكون اكبر منه ومتجوزه ومخلفه تلاته ولدين وبنت
واخوه " سالم " الصغير متجوز وعايش معاهم فى بيت العيله ومخلف ولد واحد اسمه " محمود " 15 سنه..
قعد على الكرسى وكان على وشه الحُزن بعد ما كُل اللى عرف بوفاة مراته عزوه فيها وأولهم ابوه
وحيد بيسأل شيماء اخبار البنت ايه؟
كويسه يااخويا الحمد لله دى غريبه اوى
- شكلها يعنى
لا لا يا حبيبى دى خلقه ربنا منقدرش نعترض انا قصدى على سلوكها
طفله من رحم الشيطانه " لـ احمد محمود محمد
- سلوك ايه مالها يعنى
يااخويا لا بتعيط ولا بتتحرك كتير زى الاطفال وديما مساهمه كده وباصه للسقف دانا حتى نزلتها على السرير وروحت احضر الاكل وقولت يمكن تعيط مسمعتش صوتها ابدا
- قصدك ايه؟
يمكن عيانه ولا حاجه ابقا روح بيها لدكتور.
- ان شاء الله.. انا هاخدها انومها معايا فى اوضتى فى سريرها وابقى حضريلى الرضعات والغيرات بتاعتها بالله عليكى
حاضر من عنيا الاتنين وبيطلب من اخوه سالم يروح المستشفى علشان يطمن على امه وهوه هيرتاح والصبح هيكون هيروح المستشفى
بيدخل وحيد اوضه نومه ومعاه بنته الصغيره اللى لسه مقررش يسميها ايه.. بتروح عيونه على شباك اوضه النوم اللى مفتوح وبيطل على الشارع
وبيشوف القمر وسط الغيوم وشكله اللى كان جميل جداً فبياخد قرار انه يسمى بنته " قمـر "
اسم جميل بيحطها فى سريرها وبينام فى سريره الغريبه رغم اننا فى فصل الشتا الا أن الاوضه كانت دافيه جدا جدا
قمر مكنتش بتعيط ابدا ولا كانت بتتحرك كتير وده اللى أثار شكوك الاب حولين بنته وافتكر انها عيانه
بيسمى لله وبيقرأ المعوذتين واذكار المساء قبل النوم فا بيحس بأن الاوضه بقت ادفا رغم بروده الجو فى اليوم ده
وبيروح فى النوم.. فى حين ان الطفله بتكون نايمه فى سريرها ومفتحه عيونها وبتبص للسقف وعيونها بتتحرك كأنها شايفه حاجه فى السقف
يعدى النصف الاول من الليل والنصف التانى وبتبدأ الشمس فى الاشراق مُعلنه عن مولد صُبح جديد من ستر لله وكرمه
والساعه سته الصبح بيصحا وحيد وبيطلب من شيماء تخلى بالها من البنت وهوه هيروح يجيب والدتهم من المستشفى وجاى
بيعدى ساعتين وبيكون وحيد جاب والدته من المستشفى وبيسندها اللى بتكون مهزوزه شويه وبيدخلها اوضتها
للحظه بس بيخرج من الاوضه والكل بيسمع صراخ قوى جدا جاى من اوضه الام
بيجرى عليها وحيد بسرعه جدا بتكون على سريرها مغمى عليها بيطلب اى حاجه تفوقها وبعد ما بتفوق بتمسك البطانيه وبتتغطا بيها وبتكون فى حاله لا تُحسد عليها وبتترعش جامد
وبتقول زرع شيطانى انا شوفتها كانت فى الحمام ظهرتلى فى المرايا.. كانت عاوزه تموتنى
محدش فاهم حاجه ولا عارفين بتتكلم عن ايه
- وحيد' صلى على النبى ياامى شوفتى مين.؟
: بنتك شوفتها والله
- طيب اهدى يا امى بنتى فى سريرها فى سابع نومه حتى صراخك مصحهاش
: لأ انا شوفتها انا متأكده روح الاوضه مش هتلاقيها هناك.
بيمسع وحيد الكلام علشان يهدى امه وبيروح لأوضته بيلاقى بنته نايمه
بيبوسها فا بتصحا بيشيلها وبياخدها لأمه علشان تطمن.. انها كانت فى اوضتها وبمجرد ما الام بتبص للبنت وهيا على كتف ابوها بتفضل تصرخ وتتنفض اكتر وبتقول ابعدوها عنى
دى زرع شيطانى دى من بنات ابليس ابعدوها عنى.. بيمشى وحيد ومعاه بنته وبيطلع على دكتور اطفال علشان يطمن على صحه بنته
وبيتصل بأخوه سالم وبيطلب منه يخلى باله من امه لحد ما يرجع
طفله من رحم الشيطانه " لـ احمد محمود محمد
بيدخل ببنته العياده والممرضه بمجرد ما بتشوف البنت بتتخض وفورأً بتقول اعوذ بالله من الشيطان الرجيم
وبيكون معاها ابنها طفل خمس سنين بتخبيله عنيه
- فيه ايه شوفتى عفريت ولا ايه
العفو انا اسفه بس منظرها خضنى
- طيب عاوزين كشف مستعجل.
بيقطع الكشف وبيدخل للدكتور فى الاول الدكتور بيتخض من شكل البنت بس بعد كده مبيتكلمش
بيسأله وحيد عن علاج اللى فى وشها ده فرد الدكتور وقال مينفعش دلوقتي نتأكد من حاجه الا لما تتم سنه
- انا جاييلك علشان البنت مش بتعيط خالص
طيب وايه المشكله
- يا دكتور دى طفله ووالدتها متوفيه يعنى مفترض تعيط ع الاقل لما تكون جعانه انما هيا مش بتعيط خالص.. ممكن تكون خرساء؟
حتى لو خرساء ده ميمنعش انها تعيط بس ع العموم هيا صحتها كويسه خالص مفيش اى سبب يمنعها من العياط ممكن تكون طبيعتها كده
بيخلص وحيد من عند الدكتور وبيخرج وبيسمع صوت الممرضه بتتكلم مع ابنها الصغير اللى بيكون عاوز يدخل عند الدكتور وهيا بتخوفه وبتقوله فيه بنت شبه الرجل ابو عين واحده لو دخلت هتموتك
بيخرج وحيد وبيسمع الممرضه بيقرب منها وبيقولها
" متترقيش على غيرك عشان متحصليش اللى قبلك "
بيكون مسلوب الاراده ومش عارف هوه عمل كده ازاى وبنتفاجئ بالبنت وهيا بتبص للممرضه وعيونها بتثبت عليها
وفجأه الممرضه بتحط ايدها على قلبها ولسه هتشاور بصباعها على الطفله قمر فتقع على الارض وتموت فى الحال
ومحدش من الموجودين بيكون فاهم حاجه ولا عارف ايه حصلها دى كانت واقفه كويسه خالص والكل حتى الدكتور قال انها سكته قلبيه
بيروح وحيد لبيتهم بيدخل بيلاقى لمه ومشايخ قاعده بتقرأ بيقرب من سالم وبيسأله فيه ايه
سالم- امك بدأت تتشنج اوى وتعبت جدا وطلبت مشايخ فى البيت علشان يحصنوه..
بيدخل وحيد وبيقعد والمشايخ بتقرأ ايات من كتاب لله
لحد ما بیلاحظ واحد من الشيوخ الاب وهوه قاعد وبنته على كتفه
بعد ما بيخلصوا قرأءه بيحس الشيخ ده ان الجو بقا حر بيقرب من وحيد
السلام عليكم يبنى
- وعليكم السلام ورحمة الله وبركاته
الجميل ده ولد ولا بنت
- بنت يا مولانا واسمها قمر
اللهم صلِّ على النبى
- تسمحلى اشيلها شويه
طبعا يا مولانا اتفضل.. بيشيلها الشيخ وبيحس بسخونه اكتر فى الجو بيقول بسم لله الرحمن الرحيم
فجأه البنت وشها كله بيبقا اسود وعيونها حمراء وبتنزل دموع دم بسرعه بيقول الشيخ اعوذ بكلمات لله التامات من شر ما خلق
اعوذ بكلمات لله التامات من شر ماخلق وذرء وبرء اعوذ بالله وكلماته التامات من كل شيطان وهامات وكل عين لامات
فجأه بتزيد درجه حراره البيت وبيبدأ يتهز بقوه وسط صراخ الام والاخت والموجودين فى البيت الا وحيد اللى بيكون لسه مش فاهم حاجه
وبمجرد ما بياخدها من الشيخ كُل شيئ بيرجع طبيعى جدا جدا ولأ كأن فيه حاجه حصلت
الشيخ بيبص لوحيد وبيقوله دى ذرع شيطانى اخلص منها ارجوك يبنى
طفله من رحم الشيطانه " لـ احمد محمود محمد
- انتا مجنون ولا ايه ياعم انتا دى بنتى
دى مش بنتك اخلص منها بسرعه
- يعم روح شوف نفسك رايح فين بلا جنان وشغل تخلف
يبنى انا مبهزرش البنت دى لو فضلت عايشه هتخلص على اى حد يقف قصادها
فى لحظه بيكون واقف الشيخ وبتشتغل المروحه لوحدها من غير ما حد يشغلها ولا حد واخد باله منها..
وبتسرع جدا جدا وبتنزل فجأه على الشيخ دى بتقـ ـطع رقبته وبتطيرها قدام الكل
فى مشهد مريب وسط زهول كُل اللى موجودين وصراخ الام اللى لما شافت ده قالت اقتـ ـلها يبنى دى زرع شيطانى
يتبع
متابعتكم تشرفنى
#رعب_احمد_محمود
#سليله_الشيطان
